हैंహైHaindavamஹிહિં
📍
Font Size:
രാത്രി സൂക്തം
അസ്യ ശ്രീ രാത്രീതി സൂക്തസ്യ കുശിക ഋഷിഃ രാത്രിർദേവതാ, ഗായത്രീച്ഛന്ദഃ,
ശ്രീജഗദംബാ പ്രീത്യർഥേ സപ്തശതീപാഠാദൗ ജപേ വിനിയോഗഃ ।
രാത്രീ॒ വ്യ॑ഖ്യദായ॒തീ പു॑രു॒ത്രാ ദേ॒വ്യ॒1॑ക്ഷഭിഃ॑ ।
വിശ്വാ॒ അധി॒ ശ്രിയോ॑ഽധിത ॥ 1
ഓർവ॑പ്രാ॒ അമ॑ർത്യാ നി॒വതോ॑ ദേ॒വ്യു॒1॑ദ്വതഃ॑ ।
ജ്യോതി॑ഷാ ബാധതേ॒ തമഃ॑ ॥ 2
നിരു॒ സ്വസാ॑രമസ്കൃതോ॒ഷസം॑ ദേ॒വ്യാ॑യ॒തീ ।
അപേദു॑ ഹാസതേ॒ തമഃ॑ ॥ 3
സാ നോ॑ അ॒ദ്യ യസ്യാ॑ വ॒യം നി തേ॒ യാമ॒ന്നവി॑ക്ഷ്മഹി ।
വൃ॒ക്ഷേ ന വ॑സ॒തിം-വഁയഃ॑ ॥ 4
നി ഗ്രാമാ॑സോ അവിക്ഷത॒ നി പ॒ദ്വന്തോ॒ നി പ॒ക്ഷിണഃ॑ ।
നി ശ്യേ॒നാസ॑ശ്ചിദ॒ർഥിനഃ॑ ॥ 5
യാ॒വയാ॑ വൃ॒ക്യം॒1॑ വൃകം॑-യഁ॒വയ॑ സ്തേ॒നമൂ॑ർമ്യേ ।
അഥാ॑ നഃ സു॒തരാ॑ ഭവ ॥ 6
ഉപ॑ മാ॒ പേപി॑ശ॒ത്തമഃ॑ കൃ॒ഷ്ണം-വ്യഁ॑ക്തമസ്ഥിത ।
ഉഷ॑ ഋ॒ണേവ॑ യാതയ ॥ 7
ഉപ॑ തേ॒ ഗാ ഇ॒വാക॑രം-വൃഁണീ॒ഷ്വ ദു॑ഹിതർദിവഃ ।
രാത്രി॒ സ്തോമം॒ ന ജി॒ഗ്യുഷേ॑ ॥ 8
Recite with devotion and pure heart
Regular practice brings spiritual benefits