॥ atha kenopaniṣat ॥ oṃ sa̱ha nā̍vavatu । sa̱ha nau̍ bhunaktu । sa̱ha vī̱rya̍ṃ karavāvahai । te̱ja̱svinā̱vadhī̍tamastu̱ mā vi̍dviṣā̱vahai̎ । oṃ śāṃti̱ḥ śāṃti̱ḥ śāṃti̍ḥ ॥ oṃ āpyāyaṃtu mamāṃgāni vākprāṇaścakṣuḥ śrotramatho balamiṃdriyāṇi ca sarvāṇi । sarvaṃ brahmaupaniṣadaṃ mā'haṃ brahma nirākuryāṃ mā mā brahma nirākarodanirākaraṇamastvanirākaraṇaṃ me'stu । tadātmani nirate ya upaniṣatsu dharmāste mayi saṃtu te mayi saṃtu । oṃ śāṃti̱ḥ śāṃti̱ḥ śāṃti̍ḥ ॥ keneṣitaṃ patati preṣitaṃ manaḥ kena prāṇaḥ prathamaḥ praiti yuktaḥ । keneṣitāṃ-vām̐camimāṃ-vam̐daṃti cakṣuḥ śrotraṃ ka u devo yunakti ॥ 1 ॥ śrotrasya śrotraṃ manaso mano yad vāco ha vācaṃ sa u prāṇasya prāṇaḥ । cakṣuṣaścakṣuratimucya dhīrāḥ pretyāsmāllokādamṛtā bhavaṃti ॥ 2 ॥ na tatra cakṣurgacchati na vāggacchati no manaḥ । na vidmo na vijānīmo yathaitadanuśiṣyāt ॥ 3 ॥ anyadeva tadviditādatho aviditādadhi । iti śuśruma pūrveṣāṃ-yem̐ nastadvyācacakṣire ॥ 4 ॥ yadvācā'nabhyuditaṃ-yem̐na vāgabhyudyate । tadeva brahma tvaṃ-vim̐ddhi nedaṃ-yam̐didamupāsate ॥ 5 ॥ yanmanasā na manute yenāhurmano matam । tadeva brahma tvaṃ-vim̐ddhi nedaṃ-yam̐didamupāsate ॥ 6 ॥ yaccakṣuṣā na paśyati yena cakṣūṃṣi paśyati । tadeva brahma tvaṃ-vim̐ddhi nedaṃ-yam̐didamupāsate ॥ 7 ॥ yacchrotreṇa na śaṛṇoti yena śrotramidaṃ śrutam । tadeva brahma tvaṃ-vim̐ddhi nedaṃ-yam̐didamupāsate ॥ 8 ॥ yatprāṇena na prāṇiti yena prāṇaḥ praṇīyate । tadeva brahma tvaṃ-vim̐ddhi nedaṃ-yam̐didamupāsate ॥ 9 ॥ ॥ iti kenopaniṣadi prathamaḥ khaṃḍaḥ ॥