ഹിര॑ണ്യശൃംഗം॒-വഁരു॑ണം॒ പ്രപ॑ദ്യേ തീ॒ർഥം മേ॑ ദേഹി॒ യാചി॑തഃ । യ॒ന്മയാ॑ ഭു॒ക്തമ॒സാധൂ॑നാം പാ॒പേഭ്യ॑ശ്ച പ്ര॒തിഗ്ര॑ഹഃ । യന്മേ॒ മന॑സാ വാ॒ചാ॒ ക॒ർമ॒ണാ വാ ദു॑ഷ്കൃതം॒ കൃതം । തന്ന॒ ഇന്ദ്രോ॒ വരു॑ണോ॒ ബൃഹ॒സ്പതിഃ॑ സവി॒താ ച॑ പുനന്തു॒ പുനഃ॑ പുനഃ । നമോ॒ഽഗ്നയേ᳚ഽപ്സു॒മതേ॒ നമ॒ ഇന്ദ്രാ॑യ॒ നമോ॒ വരു॑ണായ॒ നമോ വാരുണ്യൈ॑ നമോ॒ഽദ്ഭ്യഃ ॥ യദ॒പാം ക്രൂ॒രം-യഁദ॑മേ॒ധ്യം-യഁദ॑ശാം॒തം തദപ॑ഗച്ഛതാത് । അ॒ത്യാ॒ശ॒നാദ॑തീ-പാ॒നാ॒-ദ്യ॒ച്ച ഉ॒ഗ്രാത്പ്ര॑തി॒ഗ്രഹാ᳚ത് । തന്നോ॒ വരു॑ണോ രാ॒ജാ॒ പാ॒ണിനാ᳚ ഹ്യവ॒മർ​ശതു । സോ॑ഽഹമ॑പാ॒പോ വി॒രജോ॒ നിർമു॒ക്തോ മു॑ക്തകി॒ൽബിഷഃ॑ । നാക॑സ്യ പൃ॒ഷ്ഠ-മാരു॑ഹ്യ॒ ഗച്ഛേ॒ദ് ബ്രഹ്മ॑സലോ॒കതാം । യശ്ചാ॒പ്സു വരു॑ണ॒സ്സ പു॒നാത്വ॑ഘമർ​ഷ॒ണഃ । ഇ॒മം മേ॑ ഗംഗേ യമുനേ സരസ്വതി॒ ശുതു॑ദ്രി॒-സ്തോമഗ്ം॑ സചതാ॒ പരു॒ഷ്ണിയാ । അ॒സി॒ക്നി॒യാ മ॑രുദ്വൃധേ വി॒തസ്ത॒യാഽഽർജീ॑കീയേ ശൃണു॒ഹ്യാ സു॒ഷോമ॑യാ । ഋ॒തം ച॑ സ॒ത്യം ചാ॒ഭീ᳚ദ്ധാ॒-ത്തപ॒സോഽധ്യ॑ജായത । തതോ॒ രാത്രി॑രജായത॒ തത॑-സ്സമു॒ദ്രോ അ॑ർണ॒വഃ ॥ സ॒മു॒ദ്രാദ॑ർണ॒വാ ദധി॑ സം​വഁഥ്സ॒രോ അ॑ജായത । അ॒ഹോ॒രാ॒ത്രാണി॑ വി॒ദധ॒ദ്വിശ്വ॑സ്യ മിഷ॒തോ വ॒ശീ । സൂ॒ര്യാ॒ചം॒ദ്ര॒മസൗ॑ ധാ॒താ യ॑ഥാ പൂ॒ർവമ॑കല്പയത് । ദിവം॑ ച പൃഥി॒വീം ചാം॒തരി॑ക്ഷ॒-മഥോ॒ സുവഃ॑ । യത്പൃ॑ഥി॒വ്യാഗ്ം രജഃ॑ സ്വ॒മാന്തരി॑ക്ഷേ വി॒രോദ॑സീ । ഇ॒മാഗ്ഗ്ം സ്തദാ॒പോ വ॑രുണഃ പു॒നാത്വ॑ഘമർ​ഷ॒ണഃ । പു॒നന്തു॒ വസ॑വഃ പു॒നാതു॒ വരു॑ണഃ പു॒നാത്വ॑ഘമർ​ഷ॒ണഃ । ഏ॒ഷ ഭൂ॒തസ്യ॑ മ॒ധ്യേ ഭുവ॑നസ്യ ഗോ॒പ്താ । ഏ॒ഷ പു॒ണ്യകൃ॑താം-ലോഁ॒കാ॒നേ॒ഷ മൃ॒ത്യോർ ഹി॑ര॒ണ്മയം᳚ । ദ്യാവാ॑പൃഥി॒വ്യോർ ഹി॑ര॒ണ്മയ॒ഗ്ം॒ സഗ്ഗ്ം ശ്രി॑ത॒ഗ്ം॒ സുവഃ॑ ॥ സന॒-സ്സുവ॒-സ്സഗ്ംശി॑ശാധി । ആർദ്രം॒ ജ്വല॑തി॒ ജ്യോതി॑ര॒ഹമ॑സ്മി । ജ്യോതി॒ർജ്വല॑തി॒ ബ്രഹ്മാ॒ഹമ॑സ്മി । യോ॑ഽഹമ॑സ്മി॒ ബ്രഹ്മാ॒ഹമ॑സ്മി । അ॒ഹമ॑സ്മി॒ ബ്രഹ്മാ॒ഹമ॑സ്മി । അ॒ഹമേ॒വാഹം മാം ജു॑ഹോമി॒ സ്വാഹാ᳚ । അ॒കാ॒ര്യ॒കാ॒ര്യ॑വകീ॒ർണീസ്തേ॒നോ ഭ്രൂ॑ണ॒ഹാ ഗു॑രുത॒ല്പഗഃ । വരു॑ണോ॒ഽപാമ॑ഘമർ​ഷ॒ണ-സ്തസ്മാ᳚ത് പാ॒പാത് പ്രമു॑ച്യതേ । ര॒ജോഭൂമി॑-സ്ത്വ॒മാഗ്ം രോദ॑യസ്വ॒ പ്രവ॑ദന്തി॒ ധീരാഃ᳚ । ആക്രാം᳚ഥ്​സമു॒ദ്രഃ പ്ര॑ഥ॒മേ വിധ॑ർമഞ്ജ॒നയ॑ൻ പ്ര॒ജാ ഭുവ॑നസ്യ॒ രാജാ᳚ । വൃഷാ॑ പ॒വിത്രേ॒ അധി॒സാനോ॒ അവ്യേ॑ ബൃ॒ഹത്സോമോ॑ വാവൃധേ സുവാ॒ന ഇന്ദുഃ॑ ॥