brahma ha devebhyo vijigye tasya ha brahmaṇo vijaye devā amahīyaṃta ॥ 1॥ ta aikṣaṃtāsmākamevāyaṃ-vim̐jayo'smākamevāyaṃ mahimeti । taddhaiṣāṃ-vim̐jajñau tebhyo ha prādurbabhūva tanna vyajānata kimidaṃ-yam̐kṣamiti ॥ 2॥ te'gnimabruvaṃjātaveda etadvijānīhi kimidaṃ-yam̐kṣamiti tatheti ॥ 3॥ tadabhyadravattamabhyavadatko'sītyagnirvā ahamasmītyabravījjātavedā vā ahamasmīti ॥ 4॥ tasminstvayi kiṃ-vīm̐ryamityapīdagͫ sarvaṃ daheyaṃ-yam̐didaṃ pṛthivyāmiti ॥ 5॥ tasmai tṛṇaṃ nidadhāvetaddaheti । tadupapreyāya sarvajavena tanna śaśāka dagdhuṃ sa tata eva nivavṛte naitadaśakaṃ-vim̐jñātuṃ-yam̐detadyakṣamiti ॥ 6॥ atha vāyumabruvanvāyavetadvijānīhi kimetadyakṣamiti tatheti ॥ 7॥ tadabhyadravattamabhyavadatko'sīti vāyurvā ahamasmītyabravīnmātariśvā vā ahamasmīti ॥ 8॥ tasminstvayi kiṃ-vīm̐ryamityapīdaṃ sarvamādadīya yadidaṃ pṛthivyāmiti ॥ 9॥ tasmai tṛṇaṃ nidadhāvetadādatsveti tadupapreyāya sarvajavena tanna śaśākādātuṃ sa tata eva nivavṛte naitadaśakaṃ-vim̐jñātuṃ-yam̐detadyakṣamiti ॥ 10॥ atheṃdramabruvanmaghavannetadvijānīhi kimetadyakṣamiti tatheti tadabhyadravattasmāttirodadhe ॥ 11॥ sa tasminnevākāśe striyamājagāma bahuśobhamānāmumāṃ haimavatīṃ tāgṃhovāca kimetadyakṣamiti ॥ 12॥ ॥ iti kenopaniṣadi tṛtīyaḥ khaṃḍaḥ ॥