oṃ a̱gnimī̎le pu̱rohi̍taṃ ya̱jñasya̍ de̱vamṛ̱tvijam̎ । hotā̎raṃ ratna̱dhāta̍mam ॥ i̱ṣe tvo̱rjetvā̍ vā̱yava̍stho pā̱yava̍stha de̱vo va̍ssavi̱tā prārpa̍yatu̱ śreṣṭha̍tamāya̱ karma̍ṇa̱ āpyā̍yadhvamaghniyā devabhā̱gamūrja̍svatī̱: paya̍svatīḥ pra̱jāva̍tīranamī̱vā a̍ya̱kṣmāmāva̍ste̱na ī̍śata̱ mā'ghaśag̍ṃ so ru̱drasya̍ he̱tiḥ pari̍vo vṛṇaktu dhru̱vā a̱smingopa̍tau syāma ba̱hvīryaja̍mānasya pa̱śūnpā̍hi ॥ agna̱ āyā̍hi vī̱taye̍ gṛṇā̱no ha̱vyadā̍taye । ni hotā̍ sathsi ba̱ṟhiṣi̍ ॥ śaṃ no̍ de̱vīra̱bhiṣṭa̍ya̱ āpo̍ bhavantu pī̱taye̎ । śaṃ yora̱bhisra̍vantu naḥ ॥