śrīguruḥ sarvakāraṇabhūtā śaktiḥ ॥1॥ kena navaraṃdhrarūpo dehaḥ। navaśaktirūpaṃ śrīcakrama। vārāhī pitṛrūpā। kurukullā balidevatā mātā। puruṣārthāḥ sāgarāḥ। deho navaratnadvīpaḥ। ādhāranavakamudrā: śaktayaḥ। tvagādisaptadhātubhira-nekaiḥ saṃ​yum̐ktāḥ saṃkalpāḥ kalpataravaḥ। teja: kalpakodyānam।rasanayā bhāvyamānā madhurāmlatikta-kaṭukaṣāyalavaṇabhedāḥ ṣaḍrasāḥ ṣaḍṛtavaḥ । kriyāśaktiḥ pīṭham। kuṃḍalinī jñānaśaktirgṛham। icchāśaktirmahātripurasuṃdarī। jñātā hotā jñānamagniḥ jñeyaṃ haviḥ। jñātṛjñānajñeyānāmabhedabhāvanaṃ śrīcakrapūjanam। niyatisahitāḥ śr​ṛṃgārādayo nava rasā aṇimādayaḥ। kāmakrodhalobhamohamada-mātsaryapuṇyapāpamayā brāhmayādyaṣṭaśaktayaḥ । pṛthivyaptejovāyvākāśaśrotratvakcakṣurjihvāghrāṇavā-kpāṇipādapāyūpasthamanovikārāḥ ṣoḍaśa śaktayaḥ । vacanādānagamanavisargānaṃdahānopekṣābuddhayo-'naṃgakusumādiśaktayo'ṣṭau। alaṃbusā kuhūrviśvodarī varuṇā hastijihvā yaśasvatyaśvinī gāṃdhārī pūṣā śaṃkhinī sarasvatīḍā piṃgalā suṣumnā ceti caturdaśa nāḍyaḥ। sarvasaṃkṣobhiṇyādicaturdaśāragā devatāḥ। prāṇāpānavyānodānasamānanāgakūrmakṛkaradevadattadhanaṃjayā iti daśa vāyavaḥ । sarvasiddhi-pradā devyo bahirdaśāragā devatāḥ। etadvāyudaśakasaṃsargopāthibhedena recakapūrakaśoṣakadāhaka-plāvakā amṛtamiti prāṇamukhyatvena paṃcavidho'sti । kṣārako dārakaḥ kṣobhako mohako jṛṃbhaka ityapālanamukhyatvena paṃcavidho'sti । tena manuṣyāṇāṃ mohako dāhako bhakṣyabhojyalehyacoṣyapeyā-tmakaṃ caturvidhamannaṃ pācayati। etā daśa vahnikalāḥ sarvātvādyaṃtardaśāragā devatāḥ। śītoṣṇasukhaduḥkhecchāsattvarajastamoguṇā vaśinyādiśaktayo'ṣṭau। śabdaspar​śarūparasagaṃdhāḥ paṃcatanmātrāḥ paṃca puṣpabāṇā mana ikṣudhanuḥ। vaśyo bāṇo rāgaḥ pāśaḥ। dveṣo'ṃkuśaḥ। avyaktamahattattvamahadahaṃkāra iti kāmeśvarīvajneśvarībhagamālinyo'ṃtastrikoṇāgnagā devatāḥ । paṃcadaśatithirūpeṇa kālasya pariṇāmāvalokanasthitiḥ paṃcadaśa nityā śraddhānurūpādhidevatā। tayoḥ kāmeśvarī sadānaṃdaghanā paripūrṇasvātmaikyarūpā devatā ॥2॥ salilamiti sauhityakāraṇaṃ sattvam । kartavyamakartavyamiti bhāvanāyukta upacāraḥ। asti nāstīti kartavyatā upacāraḥ। bāhyābhyaṃta:karaṇānāṃ rūpagrahaṇayogyatā'stvityāvāhanam। tasya vāhyābhyaṃtaḥkaraṇānāmekarūpaviṣayagrahaṇamāsanam। raktaśuklapadaikīkaraṇaṃ pādyam। ujjvaladā-modānaṃdāsanadānamarghyam। svacchaṃ svata:siddhamityācamanīyam। ciccaṃdramayīti sarvāṃgastravaṇaṃ snānam। cidagnisvarūpaparamānaṃdaśaktisphuraṇaṃ-vam̐stram। pratyekaṃ saptaviṃśatidhā bhinnatvenecchājñāna-kriyātmakabrahmagraṃthimadrasataṃtubrahmanāḍī brahmasūtram। svavyatiriktavastusaṃgarahitasmaraṇaṃ-vim̐bhūṣaṇam। svacchasvaparipūrṇatāsmaraṇaṃ gaṃdhaḥ । samastaviṣayāṇāṃ manasaḥ sthairyeṇānusaṃdhānaṃ kusumam । teṣāmeva sarvadā svīkaraṇaṃ dhūpaḥ । pavanāvacchinnordhvagvalanasaccidulkākāśadeho dīpaḥ । samastayātāyā-tavarjyaṃ naivedyam । avasthātrayāṇāmekīkaraṇaṃ tāṃbūlam। mūlādhārādābrahmaraṃdhraparyaṃtaṃ brahmaraṃdhrādā-mūlādhāraparyaṃtaṃ gatāgatarūpeṇa prādakṣiṇyam। turyāvasthā namaskāraḥ । dehaśūnyapramātṛtānimajjanaṃ baliharaṇam। satyamasti kartavyamakartavyamaudāsīnyanityātmavilāpanaṃ homaḥ। svayaṃ tatpādukā-nimajjanaṃ paripūrṇadhyānam॥3॥ evaṃ muhūrtatrayaṃ bhāvanāparo jīvanmukto bhavati। tasya devatātmaikyasiddhiḥ। ciṃtitakāryāṇya-yatnena siddhayaṃti। sa eva śivayogīti kathyate ॥4॥