nāsa̍dāsī̱nno sadā̍sītta̱dānī̱ṃ nāsī̱drajo̱ no vyo̍mā pa̱ro yat । kimāva̍rīva̱ḥ kuha̱ kasya̱ śarma̱nnaṃbha̱ḥ kimā̍sī̱dgaha̍naṃ gabhī̱ram ॥ 1 ॥ na mṛ̱tyurā̍sīda̱mṛta̱ṃ na tar​hi̱ na rātryā̱ ahna̍ āsītprake̱taḥ । ānī̍davā̱taṃ sva̱dhayā̱ tadeka̱ṃ tasmā̍ddhā̱nyanna pa̱raḥ kiṃ ca̱nāsa̍ ॥ 2 ॥ tama̍ āsī̱ttama̍sā gū̱l​hamagre̍​'prake̱taṃ sa̍li̱laṃ sarva̍mā i̱dam । tu̱cchyenā̱bhvapi̍hita̱ṃ-yam̐dāsī̱ttapa̍sa̱stanma̍hi̱nājā̍ya̱taika̍m ॥ 3 ॥ kāma̱stadagre̱ sama̍varta̱tādhi̱ mana̍so̱ reta̍ḥ pratha̱maṃ-yam̐dāsī̍t । sa̱to baṃdhu̱masa̍ti̱ nira̍viṃdan hṛ̱di pra̱tīṣyā̍ ka̱vayo̍ manī̱ṣā ॥ 4 ॥ ti̱ra̱ścīno̱ vita̍to ra̱śmire̍ṣāma̱dhaḥ svi̍dā̱sī 3 du̱pari̍ svidāsī 3 t । re̱to̱dhā ā̍sanmahi̱māna̍ āsaṃtsva̱dhā a̱vastā̱tpraya̍tiḥ pa̱rastā̍t ॥ 5 ॥ ko a̱ddhā ve̍da̱ ka i̱ha pra vo̍ca̱tkuta̱ ājā̍tā̱ kuta̍ i̱yaṃ-vim̐sṛ̍ṣṭiḥ । a̱rvāgde̱vā a̱sya vi̱sarja̍ne̱nāthā̱ ko ve̍da̱ yata̍ āba̱bhūva̍ ॥ 6 ॥ i̱yaṃ-vim̐sṛ̍ṣṭi̱ryata̍ āba̱bhūva̱ yadi̍ vā da̱dhe yadi̍ vā̱ na । yo a̱syādhya̍kṣaḥ para̱me vyo̍ma̱ṃtso a̱ṅga ve̍da̱ yadi̍ vā̱ na veda̍ ॥ 7 ॥