हैंహైHaindavamஹிહિં
📍
Font Size:
ശ്രീ ഗായത്രീ സഹസ്രനാമ സ്തോത്രം
നാരദ ഉവാച –
ഭഗവൻ സർവധർമജ്ഞ സർവശാസ്ത്രവിശാരദ ।
ശ്രുതിസ്മൃതിപുരാണാനാം രഹസ്യം ത്വന്മുഖാച്ഛ്രുതം ॥ 1 ॥
സർവപാപഹരം ദേവ യേന വിദ്യാ പ്രവർതതേ ।
കേന വാ ബ്രഹ്മവിജ്ഞാനം കിം നു വാ മോക്ഷസാധനം ॥ 2 ॥
ബ്രാഹ്മണാനാം ഗതിഃ കേന കേന വാ മൃത്യുനാശനം ।
ഐഹികാമുഷ്മികഫലം കേന വാ പദ്മലോചന ॥ 3 ॥
വക്തുമർഹസ്യശേഷേണ സർവേ നിഖിലമാദിതഃ ।
ശ്രീനാരായണ ഉവാച –
സാധു സാധു മഹാപ്രാജ്ഞ സമ്യക് പൃഷ്ടം ത്വയാഽനഘ ॥ 4 ॥
ശൃണു വക്ഷ്യാമി യത്നേന ഗായത്ര്യഷ്ടസഹസ്രകം ।
നാമ്നാം ശുഭാനാം ദിവ്യാനാം സർവപാപവിനാശനം ॥ 5 ॥
സൃഷ്ട്യാദൗ യദ്ഭഗവതാ പൂർവേ പ്രോക്തം ബ്രവീമി തേ ।
അഷ്ടോത്തരസഹസ്രസ്യ ഋഷിർബ്രഹ്മാ പ്രകീർതിതഃ ॥ 6 ॥
ഛന്ദോഽനുഷ്ടുപ്തഥാ ദേവീ ഗായത്രീം ദേവതാ സ്മൃതാ ।
ഹലോബീജാനി തസ്യൈവ സ്വരാഃ ശക്തയ ഈരിതാഃ ॥ 7 ॥
അംഗന്യാസകരന്യാസാവുച്യേതേ മാതൃകാക്ഷരൈഃ ।
അഥ ധ്യാനം പ്രവക്ഷ്യാമി സാധകാനാം ഹിതായ വൈ ॥ 8 ॥
ധ്യാനം –
രക്തശ്വേതഹിരണ്യനീലധവലൈര്യുക്താം ത്രിനേത്രോജ്ജ്വലാം
രക്താം രക്തനവസ്രജം മണിഗണൈര്യുക്താം കുമാരീമിമാം ।
ഗായത്രീം കമലാസനാം കരതലവ്യാനദ്ധകുണ്ഡാംബുജാം
പദ്മാക്ഷീം ച വരസ്രജം ച ദധതീം ഹംസാധിരൂഢാം ഭജേ ॥ 9 ॥
സ്തോത്രം –
അചിന്ത്യലക്ഷണാവ്യക്താപ്യർഥമാതൃമഹേശ്വരീ ।
അമൃതാർണവമധ്യസ്ഥാപ്യജിതാ ചാപരാജിതാ ॥ 10 ॥
അണിമാദിഗുണാധാരാപ്യർകമണ്ഡലസംസ്ഥിതാ ।
അജരാഽജാഽപരാഽധർമാ അക്ഷസൂത്രധരാഽധരാ ॥ 11 ॥
അകാരാദിക്ഷകാരാന്താപ്യരിഷഡ്വർഗഭേദിനീ ।
അഞ്ജനാദ്രിപ്രതീകാശാപ്യഞ്ജനാദ്രിനിവാസിനീ ॥ 12 ॥
അദിതിശ്ചാജപാവിദ്യാപ്യരവിന്ദനിഭേക്ഷണാ ।
അന്തർബഹിഃസ്ഥിതാവിദ്യാധ്വംസിനീ ചാന്തരാത്മികാ ॥ 13 ॥
അജാ ചാജമുഖാവാസാപ്യരവിന്ദനിഭാനനാ ।
അർധമാത്രാർഥദാനജ്ഞാപ്യരിമണ്ഡലമർദിനീ ॥ 14 ॥
അസുരഘ്നീ ഹ്യമാവാസ്യാപ്യലക്ഷ്മീഘ്ന്യന്ത്യജാർചിതാ ।
ആദിലക്ഷ്മീശ്ചാദിശക്തിരാകൃതിശ്ചായതാനനാ ॥ 15 ॥
ആദിത്യപദവീചാരാപ്യാദിത്യപരിസേവിതാ ।
ആചാര്യാവർതനാചാരാപ്യാദിമൂർതിനിവാസിനീ ॥ 16 ॥
ആഗ്നേയീ ചാമരീ ചാദ്യാ ചാരാധ്യാ ചാസനസ്ഥിതാ ।
ആധാരനിലയാധാരാ ചാകാശാന്തനിവാസിനീ ॥ 17 ॥
ആദ്യാക്ഷരസമായുക്താ ചാന്തരാകാശരൂപിണീ ।
ആദിത്യമണ്ഡലഗതാ ചാന്തരധ്വാന്തനാശിനീ ॥ 18 ॥
ഇന്ദിരാ ചേഷ്ടദാ ചേഷ്ടാ ചേന്ദീവരനിഭേക്ഷണാ ।
ഇരാവതീ ചേന്ദ്രപദാ ചേന്ദ്രാണീ ചേന്ദുരൂപിണീ ॥ 19 ॥
ഇക്ഷുകോദണ്ഡസമ്യുക്താ ചേഷുസന്ധാനകാരിണീ ।
ഇന്ദ്രനീലസമാകാരാ ചേഡാപിംഗലരൂപിണീ ॥ 20 ॥
ഇന്ദ്രാക്ഷീ ചേശ്വരീ ദേവീ ചേഹാത്രയവിവർജിതാ ।
ഉമാ ചോഷാ ഹ്യുഡുനിഭാ ഉർവാരുകഫലാനനാ ॥ 21 ॥
ഉഡുപ്രഭാ ചോഡുമതീ ഹ്യുഡുപാ ഹ്യുഡുമധ്യഗാ ।
ഊർധ്വാ ചാപ്യൂർധ്വകേശീ ചാപ്യൂർധ്വാധോഗതിഭേദിനീ ॥ 22 ॥
ഊർധ്വബാഹുപ്രിയാ ചോർമിമാലാവാഗ്ഗ്രന്ഥദായിനീ ।
ഋതം ചർഷിരൃതുമതീ ഋഷിദേവനമസ്കൃതാ ॥ 23 ॥
ഋഗ്വേദാ ഋണഹർത്രീ ച ഋഷിമണ്ഡലചാരിണീ ।
ഋദ്ധിദാ ഋജുമാർഗസ്ഥാ ഋജുധർമാ ഋതുപ്രദാ ॥ 24 ॥
ഋഗ്വേദനിലയാ ഋജ്വീ ലുപ്തധർമപ്രവർതിനീ ।
ലൂതാരിവരസംഭൂതാ ലൂതാദിവിഷഹാരിണീ ॥ 25 ॥
ഏകാക്ഷരാ ചൈകമാത്രാ ചൈകാ ചൈകൈകനിഷ്ഠിതാ ।
ഐന്ദ്രീ ഹ്യൈരാവതാരൂഢാ ചൈഹികാമുഷ്മികപ്രദാ ॥ 26 ॥
ഓങ്കാര ഹ്യോഷധീ ചോതാ ചോതപ്രോതനിവാസിനീ ।
ഔർവാ ഹ്യൗഷധസമ്പന്നാ ഔപാസനഫലപ്രദാ ॥ 27 ॥
അണ്ഡമധ്യസ്ഥിതാ ദേവീ ചാഃകാരമനുരൂപിണീ ।
കാത്യായനീ കാലരാത്രിഃ കാമാക്ഷീ കാമസുന്ദരീ ॥ 28 ॥
കമലാ കാമിനീ കാന്താ കാമദാ കാലകണ്ഠിനീ ।
കരികുംഭസ്തനഭരാ കരവീരസുവാസിനീ ॥ 29 ॥
കല്യാണീ കുണ്ഡലവതീ കുരുക്ഷേത്രനിവാസിനീ ।
കുരുവിന്ദദലാകാരാ കുണ്ഡലീ കുമുദാലയാ ॥ 30 ॥
കാലജിഹ്വാ കരാലാസ്യാ കാലികാ കാലരൂപിണീ ।
കമനീയഗുണാ കാന്തിഃ കലാധാരാ കുമുദ്വതീ ॥ 31 ॥
കൗശികീ കമലാകാരാ കാമചാരപ്രഭഞ്ജിനീ ।
കൗമാരീ കരുണാപാംഗീ കകുബന്താ കരിപ്രിയാ ॥ 32 ॥
കേസരീ കേശവനുതാ കദംബകുസുമപ്രിയാ ।
കാലിന്ദീ കാലികാ കാഞ്ചീ കലശോദ്ഭവസംസ്തുതാ ॥ 33 ॥
കാമമാതാ ക്രതുമതീ കാമരൂപാ കൃപാവതീ ।
കുമാരീ കുണ്ഡനിലയാ കിരാതീ കീരവാഹനാ ॥ 34 ॥
കൈകേയീ കോകിലാലാപാ കേതകീ കുസുമപ്രിയാ ।
കമണ്ഡലുധരാ കാലീ കർമനിർമൂലകാരിണീ ॥ 35 ॥
കലഹംസഗതിഃ കക്ഷാ കൃതകൗതുകമംഗലാ ।
കസ്തൂരീതിലകാ കമ്രാ കരീന്ദ്രഗമനാ കുഹൂഃ ॥ 36 ॥
കർപൂരലേപനാ കൃഷ്ണാ കപിലാ കുഹരാശ്രയാ ।
കൂടസ്ഥാ കുധരാ കമ്രാ കുക്ഷിസ്ഥാഖിലവിഷ്ടപാ ॥ 37 ॥
ഖഡ്ഗഖേടകരാ ഖർവാ ഖേചരീ ഖഗവാഹനാ ।
ഖട്വാംഗധാരിണീ ഖ്യാതാ ഖഗരാജോപരിസ്ഥിതാ ॥ 38 ॥
ഖലഘ്നീ ഖണ്ഡിതജരാ ഖണ്ഡാഖ്യാനപ്രദായിനീ ।
ഖണ്ഡേന്ദുതിലകാ ഗംഗാ ഗണേശഗുഹപൂജിതാ ॥ 39 ॥
ഗായത്രീ ഗോമതീ ഗീതാ ഗാന്ധാരീ ഗാനലോലുപാ ।
ഗൗതമീ ഗാമിനീ ഗാധാ ഗന്ധർവാപ്സരസേവിതാ ॥ 40 ॥
ഗോവിന്ദചരണാക്രാന്താ ഗുണത്രയവിഭാവിതാ ।
ഗന്ധർവീ ഗഹ്വരീ ഗോത്രാ ഗിരീശാ ഗഹനാ ഗമീ ॥ 41 ॥
ഗുഹാവാസാ ഗുണവതീ ഗുരുപാപപ്രണാശിനീ ।
ഗുർവീ ഗുണവതീ ഗുഹ്യാ ഗോപ്തവ്യാ ഗുണദായിനീ ॥ 42 ॥
ഗിരിജാ ഗുഹ്യമാതംഗീ ഗരുഡധ്വജവല്ലഭാ ।
ഗർവാപഹാരിണീ ഗോദാ ഗോകുലസ്ഥാ ഗദാധരാ ॥ 43 ॥
ഗോകർണനിലയാസക്താ ഗുഹ്യമണ്ഡലവർതിനീ ।
ഘർമദാ ഘനദാ ഘണ്ടാ ഘോരദാനവമർദിനീ ॥ 44 ॥
ഘൃണിമന്ത്രമയീ ഘോഷാ ഘനസമ്പാതദായിനീ ।
ഘണ്ടാരവപ്രിയാ ഘ്രാണാ ഘൃണിസന്തുഷ്ടകാരിണീ ॥ 45 ॥
ഘനാരിമണ്ഡലാ ഘൂർണാ ഘൃതാചീ ഘനവേഗിനീ ।
ജ്ഞാനധാതുമയീ ചർചാ ചർചിതാ ചാരുഹാസിനീ ॥ 46 ॥
ചടുലാ ചണ്ഡികാ ചിത്രാ ചിത്രമാല്യവിഭൂഷിതാ ।
ചതുർഭുജാ ചാരുദന്താ ചാതുരീ ചരിതപ്രദാ ॥ 47 ॥
ചൂലികാ ചിത്രവസ്ത്രാന്താ ചന്ദ്രമഃകർണകുണ്ഡലാ ।
ചന്ദ്രഹാസാ ചാരുദാത്രീ ചകോരീ ചന്ദ്രഹാസിനീ ॥ 48 ॥
ചന്ദ്രികാ ചന്ദ്രധാത്രീ ച ചൗരീ ചൗരാ ച ചണ്ഡികാ ।
ചഞ്ചദ്വാഗ്വാദിനീ ചന്ദ്രചൂഡാ ചോരവിനാശിനീ ॥ 49 ॥
ചാരുചന്ദനലിപ്താംഗീ ചഞ്ചച്ചാമരവീജിതാ ।
ചാരുമധ്യാ ചാരുഗതിശ്ചന്ദിലാ ചന്ദ്രരൂപിണീ ॥ 50 ॥
ചാരുഹോമപ്രിയാ ചാർവാചരിതാ ചക്രബാഹുകാ ।
ചന്ദ്രമണ്ഡലമധ്യസ്ഥാ ചന്ദ്രമണ്ഡലദർപണാ ॥ 51 ॥
ചക്രവാകസ്തനീ ചേഷ്ടാ ചിത്രാ ചാരുവിലാസിനീ ।
ചിത്സ്വരൂപാ ചന്ദ്രവതീ ചന്ദ്രമാശ്ചന്ദനപ്രിയാ ॥ 52 ॥
ചോദയിത്രീ ചിരപ്രജ്ഞാ ചാതകാ ചാരുഹേതുകീ ।
ഛത്രയാതാ ഛത്രധരാ ഛായാ ഛന്ദഃപരിച്ഛദാ ॥ 53 ॥
ഛായാദേവീ ഛിദ്രനഖാ ഛന്നേന്ദ്രിയവിസർപിണീ ।
ഛന്ദോഽനുഷ്ടുപ്പ്രതിഷ്ഠാന്താ ഛിദ്രോപദ്രവഭേദിനീ ॥ 54 ॥
ഛേദാ ഛത്രേശ്വരീ ഛിന്നാ ഛുരികാ ഛേദനപ്രിയാ ।
ജനനീ ജന്മരഹിതാ ജാതവേദാ ജഗന്മയീ ॥ 55 ॥
ജാഹ്നവീ ജടിലാ ജേത്രീ ജരാമരണവർജിതാ ।
ജംബൂദ്വീപവതീ ജ്വാലാ ജയന്തീ ജലശാലിനീ ॥ 56 ॥
ജിതേന്ദ്രിയാ ജിതക്രോധാ ജിതാമിത്രാ ജഗത്പ്രിയാ ।
ജാതരൂപമയീ ജിഹ്വാ ജാനകീ ജഗതീ ജരാ ॥ 57 ॥
ജനിത്രീ ജഹ്നുതനയാ ജഗത്ത്രയഹിതൈഷിണീ ।
ജ്വാലാമുഖീ ജപവതീ ജ്വരഘ്നീ ജിതവിഷ്ടപാ ॥ 58 ॥
ജിതാക്രാന്തമയീ ജ്വാലാ ജാഗ്രതീ ജ്വരദേവതാ ।
ജ്വലന്തീ ജലദാ ജ്യേഷ്ഠാ ജ്യാഘോഷാസ്ഫോടദിങ്മുഖീ ॥ 59 ॥
ജംഭിനീ ജൃംഭണാ ജൃംഭാ ജ്വലന്മാണിക്യകുണ്ഡലാ ।
ഝിഞ്ഝികാ ഝണനിർഘോഷാ ഝഞ്ഝാമാരുതവേഗിനീ ॥ 60 ॥
ഝല്ലരീവാദ്യകുശലാ ഞരൂപാ ഞഭുജാ സ്മൃതാ ।
ടങ്കബാണസമായുക്താ ടങ്കിനീ ടങ്കഭേദിനീ ॥ 61 ॥
ടങ്കീഗണകൃതാഘോഷാ ടങ്കനീയമഹോരസാ ।
ടങ്കാരകാരിണീ ദേവീ ഠഠശബ്ദനിനാദിനീ ॥ 62 ॥
ഡാമരീ ഡാകിനീ ഡിംഭാ ഡുണ്ഡുമാരൈകനിർജിതാ ।
ഡാമരീതന്ത്രമാർഗസ്ഥാ ഡമഡ്ഡമരുനാദിനീ ॥ 63 ॥
ഡിണ്ഡീരവസഹാ ഡിംഭലസത്ക്രീഡാപരായണാ ।
ഢുണ്ഢിവിഘ്നേശജനനീ ഢക്കാഹസ്താ ഢിലിവ്രജാ ॥ 64 ॥
നിത്യജ്ഞാനാ നിരുപമാ നിർഗുണാ നർമദാ നദീ ।
ത്രിഗുണാ ത്രിപദാ തന്ത്രീ തുലസീ തരുണാ തരുഃ ॥ 65 ॥
ത്രിവിക്രമപദാക്രാന്താ തുരീയപദഗാമിനീ ।
തരുണാദിത്യസങ്കാശാ താമസീ തുഹിനാ തുരാ ॥ 66 ॥
ത്രികാലജ്ഞാനസമ്പന്നാ ത്രിവലീ ച ത്രിലോചനാ ।
ത്രിശക്തിസ്ത്രിപുരാ തുംഗാ തുരംഗവദനാ തഥാ ॥ 67 ॥
തിമിംഗിലഗിലാ തീവ്രാ ത്രിസ്രോതാ താമസാദിനീ ।
തന്ത്രമന്ത്രവിശേഷജ്ഞാ തനുമധ്യാ ത്രിവിഷ്ടപാ ॥ 68 ॥
ത്രിസന്ധ്യാ ത്രിസ്തനീ തോഷാസംസ്ഥാ താലപ്രതാപിനീ ।
താടങ്കിനീ തുഷാരാഭാ തുഹിനാചലവാസിനീ ॥ 69 ॥
തന്തുജാലസമായുക്താ താരഹാരാവലിപ്രിയാ ।
തിലഹോമപ്രിയാ തീർഥാ തമാലകുസുമാകൃതിഃ ॥ 70 ॥
താരകാ ത്രിയുതാ തന്വീ ത്രിശങ്കുപരിവാരിതാ ।
തലോദരീ തിലാഭൂഷാ താടങ്കപ്രിയവാഹിനീ ॥ 71 ॥
ത്രിജടാ തിത്തിരീ തൃഷ്ണാ ത്രിവിധാ തരുണാകൃതിഃ ।
തപ്തകാഞ്ചനസങ്കാശാ തപ്തകാഞ്ചനഭൂഷണാ ॥ 72 ॥
ത്രൈയംബകാ ത്രിവർഗാ ച ത്രികാലജ്ഞാനദായിനീ ।
തർപണാ തൃപ്തിദാ തൃപ്താ താമസീ തുംബുരുസ്തുതാ ॥ 73 ॥
താർക്ഷ്യസ്ഥാ ത്രിഗുണാകാരാ ത്രിഭംഗീ തനുവല്ലരിഃ ।
ഥാത്കാരീ ഥാരവാ ഥാന്താ ദോഹിനീ ദീനവത്സലാ ॥ 74 ॥
ദാനവാന്തകരീ ദുർഗാ ദുർഗാസുരനിബർഹിണീ ।
ദേവരീതിർദിവാരാത്രിർദ്രൗപദീ ദുന്ദുഭിസ്വനാ ॥ 75 ॥
ദേവയാനീ ദുരാവാസാ ദാരിദ്ര്യോദ്ഭേദിനീ ദിവാ ।
ദാമോദരപ്രിയാ ദീപ്താ ദിഗ്വാസാ ദിഗ്വിമോഹിനീ ॥ 76 ॥
ദണ്ഡകാരണ്യനിലയാ ദണ്ഡിനീ ദേവപൂജിതാ ।
ദേവവന്ദ്യാ ദിവിഷദാ ദ്വേഷിണീ ദാനവാകൃതിഃ ॥ 77 ॥
ദീനാനാഥസ്തുതാ ദീക്ഷാ ദൈവതാദിസ്വരൂപിണീ ।
ധാത്രീ ധനുർധരാ ധേനുർധാരിണീ ധർമചാരിണീ ॥ 78 ॥
ധരന്ധരാ ധരാധാരാ ധനദാ ധാന്യദോഹിനീ ।
ധർമശീലാ ധനാധ്യക്ഷാ ധനുർവേദവിശാരദാ ॥ 79 ॥
ധൃതിർധന്യാ ധൃതപദാ ധർമരാജപ്രിയാ ധ്രുവാ ।
ധൂമാവതീ ധൂമകേശീ ധർമശാസ്ത്രപ്രകാശിനീ ॥ 80 ॥
നന്ദാ നന്ദപ്രിയാ നിദ്രാ നൃനുതാ നന്ദനാത്മികാ ।
നർമദാ നലിനീ നീലാ നീലകണ്ഠസമാശ്രയാ ॥ 81 ॥
നാരായണപ്രിയാ നിത്യാ നിർമലാ നിർഗുണാ നിധിഃ ।
നിരാധാരാ നിരുപമാ നിത്യശുദ്ധാ നിരഞ്ജനാ ॥ 82 ॥
നാദബിന്ദുകലാതീതാ നാദബിന്ദുകലാത്മികാ ।
നൃസിംഹിനീ നഗധരാ നൃപനാഗവിഭൂഷിതാ ॥ 83 ॥
നരകക്ലേശശമനീ നാരായണപദോദ്ഭവാ ।
നിരവദ്യാ നിരാകാരാ നാരദപ്രിയകാരിണീ ॥ 84 ॥
നാനാജ്യോതിഃസമാഖ്യാതാ നിധിദാ നിർമലാത്മികാ ।
നവസൂത്രധരാ നീതിർനിരുപദ്രവകാരിണീ ॥ 85 ॥
നന്ദജാ നവരത്നാഢ്യാ നൈമിഷാരണ്യവാസിനീ ।
നവനീതപ്രിയാ നാരീ നീലജീമൂതനിസ്വനാ ॥ 86 ॥
നിമേഷിണീ നദീരൂപാ നീലഗ്രീവാ നിശീശ്വരീ ।
നാമാവലിർനിശുംഭഘ്നീ നാഗലോകനിവാസിനീ ॥ 87 ॥
നവജാംബൂനദപ്രഖ്യാ നാഗലോകാധിദേവതാ ।
നൂപുരാക്രാന്തചരണാ നരചിത്തപ്രമോദിനീ ॥ 88 ॥
നിമഗ്നാരക്തനയനാ നിർഘാതസമനിസ്വനാ ।
നന്ദനോദ്യാനനിലയാ നിർവ്യൂഹോപരിചാരിണീ ॥ 89 ॥
പാർവതീ പരമോദാരാ പരബ്രഹ്മാത്മികാ പരാ ।
പഞ്ചകോശവിനിർമുക്താ പഞ്ചപാതകനാശിനീ ॥ 90 ॥
പരചിത്തവിധാനജ്ഞാ പഞ്ചികാ പഞ്ചരൂപിണീ ।
പൂർണിമാ പരമാ പ്രീതിഃ പരതേജഃ പ്രകാശിനീ ॥ 91 ॥
പുരാണീ പൗരുഷീ പുണ്യാ പുണ്ഡരീകനിഭേക്ഷണാ ।
പാതാലതലനിർമഗ്നാ പ്രീതാ പ്രീതിവിവർധിനീ ॥ 92 ॥
പാവനീ പാദസഹിതാ പേശലാ പവനാശിനീ ।
പ്രജാപതിഃ പരിശ്രാന്താ പർവതസ്തനമണ്ഡലാ ॥ 93 ॥
പദ്മപ്രിയാ പദ്മസംസ്ഥാ പദ്മാക്ഷീ പദ്മസംഭവാ ।
പദ്മപത്രാ പദ്മപദാ പദ്മിനീ പ്രിയഭാഷിണീ ॥ 94 ॥
പശുപാശവിനിർമുക്താ പുരന്ധ്രീ പുരവാസിനീ ।
പുഷ്കലാ പുരുഷാ പർവാ പാരിജാതസുമപ്രിയാ ॥ 95 ॥
പതിവ്രതാ പവിത്രാംഗീ പുഷ്പഹാസപരായണാ ।
പ്രജ്ഞാവതീസുതാ പൗത്രീ പുത്രപൂജ്യാ പയസ്വിനീ ॥ 96 ॥
പട്ടിപാശധരാ പങ്ക്തിഃ പിതൃലോകപ്രദായിനീ ।
പുരാണീ പുണ്യശീലാ ച പ്രണതാർതിവിനാശിനീ ॥ 97 ॥
പ്രദ്യുമ്നജനനീ പുഷ്ടാ പിതാമഹപരിഗ്രഹാ ।
പുണ്ഡരീകപുരാവാസാ പുണ്ഡരീകസമാനനാ ॥ 98 ॥
പൃഥുജംഘാ പൃഥുഭുജാ പൃഥുപാദാ പൃഥൂദരീ ।
പ്രവാലശോഭാ പിംഗാക്ഷീ പീതവാസാഃ പ്രചാപലാ ॥ 99 ॥
പ്രസവാ പുഷ്ടിദാ പുണ്യാ പ്രതിഷ്ഠാ പ്രണവാഗതിഃ ।
പഞ്ചവർണാ പഞ്ചവാണീ പഞ്ചികാ പഞ്ജരസ്ഥിതാ ॥ 100 ॥
പരമായാ പരജ്യോതിഃ പരപ്രീതിഃ പരാഗതിഃ ।
പരാകാഷ്ഠാ പരേശാനീ പാവിനീ പാവകദ്യുതിഃ ॥ 101 ॥
പുണ്യഭദ്രാ പരിച്ഛേദ്യാ പുഷ്പഹാസാ പൃഥൂദരീ ।
പീതാംഗീ പീതവസനാ പീതശയ്യാ പിശാചിനീ ॥ 102 ॥
പീതക്രിയാ പിശാചഘ്നീ പാടലാക്ഷീ പടുക്രിയാ ।
പഞ്ചഭക്ഷപ്രിയാചാരാ പൂതനാപ്രാണഘാതിനീ ॥ 103 ॥
പുന്നാഗവനമധ്യസ്ഥാ പുണ്യതീർഥനിഷേവിതാ ।
പഞ്ചാംഗീ ച പരാശക്തിഃ പരമാഹ്ലാദകാരിണീ ॥ 104 ॥
പുഷ്പകാണ്ഡസ്ഥിതാ പൂഷാ പോഷിതാഖിലവിഷ്ടപാ ।
പാനപ്രിയാ പഞ്ചശിഖാ പന്നഗോപരിശായിനീ ॥ 105 ॥
പഞ്ചമാത്രാത്മികാ പൃഥ്വീ പഥികാ പൃഥുദോഹിനീ ।
പുരാണന്യായമീമാംസാ പാടലീ പുഷ്പഗന്ധിനീ ॥ 106 ॥
പുണ്യപ്രജാ പാരദാത്രീ പരമാർഗൈകഗോചരാ ।
പ്രവാലശോഭാ പൂർണാശാ പ്രണവാ പല്ലവോദരീ ॥ 107 ॥
ഫലിനീ ഫലദാ ഫൽഗുഃ ഫൂത്കാരീ ഫലകാകൃതിഃ ।
ഫണീന്ദ്രഭോഗശയനാ ഫണിമണ്ഡലമണ്ഡിതാ ॥ 108 ॥
ബാലബാലാ ബഹുമതാ ബാലാതപനിഭാംശുകാ ।
ബലഭദ്രപ്രിയാ വന്ദ്യാ വഡവാ ബുദ്ധിസംസ്തുതാ ॥ 109 ॥
ബന്ദീദേവീ ബിലവതീ ബഡിശഘ്നീ ബലിപ്രിയാ ।
ബാന്ധവീ ബോധിതാ ബുദ്ധിർബന്ധൂകകുസുമപ്രിയാ ॥ 110 ॥
ബാലഭാനുപ്രഭാകാരാ ബ്രാഹ്മീ ബ്രാഹ്മണദേവതാ ।
ബൃഹസ്പതിസ്തുതാ ബൃന്ദാ ബൃന്ദാവനവിഹാരിണീ ॥ 111 ॥
ബാലാകിനീ ബിലാഹാരാ ബിലവാസാ ബഹൂദകാ ।
ബഹുനേത്രാ ബഹുപദാ ബഹുകർണാവതംസികാ ॥ 112 ॥
ബഹുബാഹുയുതാ ബീജരൂപിണീ ബഹുരൂപിണീ ।
ബിന്ദുനാദകലാതീതാ ബിന്ദുനാദസ്വരൂപിണീ ॥ 113 ॥
ബദ്ധഗോധാംഗുലിത്രാണാ ബദര്യാശ്രമവാസിനീ ।
ബൃന്ദാരകാ ബൃഹത്സ്കന്ധാ ബൃഹതീ ബാണപാതിനീ ॥ 114 ॥
ബൃന്ദാധ്യക്ഷാ ബഹുനുതാ വനിതാ ബഹുവിക്രമാ ।
ബദ്ധപദ്മാസനാസീനാ ബില്വപത്രതലസ്ഥിതാ ॥ 115 ॥
ബോധിദ്രുമനിജാവാസാ ബഡിസ്ഥാ ബിന്ദുദർപണാ ।
ബാലാ ബാണാസനവതീ വഡവാനലവേഗിനീ ॥ 116 ॥
ബ്രഹ്മാണ്ഡബഹിരന്തഃസ്ഥാ ബ്രഹ്മകങ്കണസൂത്രിണീ ।
ഭവാനീ ഭീഷണവതീ ഭാവിനീ ഭയഹാരിണീ ॥ 117 ॥
ഭദ്രകാലീ ഭുജംഗാക്ഷീ ഭാരതീ ഭാരതാശയാ ।
ഭൈരവീ ഭീഷണാകാരാ ഭൂതിദാ ഭൂതിമാലിനീ ॥ 118 ॥
ഭാമിനീ ഭോഗനിരതാ ഭദ്രദാ ഭൂരിവിക്രമാ ।
ഭൂതവാസാ ഭൃഗുലതാ ഭാർഗവീ ഭൂസുരാർചിതാ ॥ 119 ॥
ഭാഗീരഥീ ഭോഗവതീ ഭവനസ്ഥാ ഭിഷഗ്വരാ ।
ഭാമിനീ ഭോഗിനീ ഭാഷാ ഭവാനീ ഭൂരിദക്ഷിണാ ॥ 120 ॥
ഭർഗാത്മികാ ഭീമവതീ ഭവബന്ധവിമോചിനീ ।
ഭജനീയാ ഭൂതധാത്രീരഞ്ജിതാ ഭുവനേശ്വരീ ॥ 121 ॥
ഭുജംഗവലയാ ഭീമാ ഭേരുണ്ഡാ ഭാഗധേയിനീ ।
മാതാ മായാ മധുമതീ മധുജിഹ്വാ മധുപ്രിയാ ॥ 122 ॥
മഹാദേവീ മഹാഭാഗാ മാലിനീ മീനലോചനാ ।
മായാതീതാ മധുമതീ മധുമാംസാ മധുദ്രവാ ॥ 123 ॥
മാനവീ മധുസംഭൂതാ മിഥിലാപുരവാസിനീ ।
മധുകൈടഭസംഹർത്രീ മേദിനീ മേഘമാലിനീ ॥ 124 ॥
മന്ദോദരീ മഹാമായാ മൈഥിലീ മസൃണപ്രിയാ ।
മഹാലക്ഷ്മീർമഹാകാലീ മഹാകന്യാ മഹേശ്വരീ ॥ 125 ॥
മാഹേന്ദ്രീ മേരുതനയാ മന്ദാരകുസുമാർചിതാ ।
മഞ്ജുമഞ്ജീരചരണാ മോക്ഷദാ മഞ്ജുഭാഷിണീ ॥ 126 ॥
മധുരദ്രാവിണീ മുദ്രാ മലയാ മലയാന്വിതാ ।
മേധാ മരകതശ്യാമാ മാഗധീ മേനകാത്മജാ ॥ 127 ॥
മഹാമാരീ മഹാവീരാ മഹാശ്യാമാ മനുസ്തുതാ ।
മാതൃകാ മിഹിരാഭാസാ മുകുന്ദപദവിക്രമാ ॥ 128 ॥
മൂലാധാരസ്ഥിതാ മുഗ്ധാ മണിപൂരകവാസിനീ ।
മൃഗാക്ഷീ മഹിഷാരൂഢാ മഹിഷാസുരമർദിനീ ॥ 129 ॥
യോഗാസനാ യോഗഗമ്യാ യോഗാ യൗവനകാശ്രയാ ।
യൗവനീ യുദ്ധമധ്യസ്ഥാ യമുനാ യുഗധാരിണീ ॥ 130 ॥
യക്ഷിണീ യോഗയുക്താ ച യക്ഷരാജപ്രസൂതിനീ ।
യാത്രാ യാനവിധാനജ്ഞാ യദുവംശസമുദ്ഭവാ ॥ 131 ॥
യകാരാദിഹകാരാന്താ യാജുഷീ യജ്ഞരൂപിണീ ।
യാമിനീ യോഗനിരതാ യാതുധാനഭയങ്കരീ ॥ 132 ॥
രുക്മിണീ രമണീ രാമാ രേവതീ രേണുകാ രതിഃ ।
രൗദ്രീ രൗദ്രപ്രിയാകാരാ രാമമാതാ രതിപ്രിയാ ॥ 133 ॥
രോഹിണീ രാജ്യദാ രേവാ രമാ രാജീവലോചനാ ।
രാകേശീ രൂപസമ്പന്നാ രത്നസിംഹാസനസ്ഥിതാ ॥ 134 ॥
രക്തമാല്യാംബരധരാ രക്തഗന്ധാനുലേപനാ ।
രാജഹംസസമാരൂഢാ രംഭാ രക്തബലിപ്രിയാ ॥ 135 ॥
രമണീയയുഗാധാരാ രാജിതാഖിലഭൂതലാ ।
രുരുചർമപരീധാനാ രഥിനീ രത്നമാലികാ ॥ 136 ॥
രോഗേശീ രോഗശമനീ രാവിണീ രോമഹർഷിണീ ।
രാമചന്ദ്രപദാക്രാന്താ രാവണച്ഛേദകാരിണീ ॥ 137 ॥
രത്നവസ്ത്രപരിച്ഛന്നാ രഥസ്ഥാ രുക്മഭൂഷണാ ।
ലജ്ജാധിദേവതാ ലോലാ ലലിതാ ലിംഗധാരിണീ ॥ 138 ॥
ലക്ഷ്മീർലോലാ ലുപ്തവിഷാ ലോകിനീ ലോകവിശ്രുതാ ।
ലജ്ജാ ലംബോദരീ ദേവീ ലലനാ ലോകധാരിണീ ॥ 139 ॥
വരദാ വന്ദിതാ വിദ്യാ വൈഷ്ണവീ വിമലാകൃതിഃ ।
വാരാഹീ വിരജാ വർഷാ വരലക്ഷ്മീർവിലാസിനീ ॥ 140 ॥
വിനതാ വ്യോമമധ്യസ്ഥാ വാരിജാസനസംസ്ഥിതാ ।
വാരുണീ വേണുസംഭൂതാ വീതിഹോത്രാ വിരൂപിണീ ॥ 141 ॥
വായുമണ്ഡലമധ്യസ്ഥാ വിഷ്ണുരൂപാ വിധിപ്രിയാ ।
വിഷ്ണുപത്നീ വിഷ്ണുമതീ വിശാലാക്ഷീ വസുന്ധരാ ॥ 142 ॥
വാമദേവപ്രിയാ വേലാ വജ്രിണീ വസുദോഹിനീ ।
വേദാക്ഷരപരീതാംഗീ വാജപേയഫലപ്രദാ ॥ 143 ॥
വാസവീ വാമജനനീ വൈകുണ്ഠനിലയാ വരാ ।
വ്യാസപ്രിയാ വർമധരാ വാല്മീകിപരിസേവിതാ ॥ 144 ॥
ശാകംഭരീ ശിവാ ശാന്താ ശാരദാ ശരണാഗതിഃ ।
ശാതോദരീ ശുഭാചാരാ ശുംഭാസുരവിമർദിനീ ॥ 145 ॥
ശോഭാവതീ ശിവാകാരാ ശങ്കരാർധശരീരിണീ ।
ശോണാ ശുഭാശയാ ശുഭ്രാ ശിരഃസന്ധാനകാരിണീ ॥ 146 ॥
ശരാവതീ ശരാനന്ദാ ശരജ്ജ്യോത്സ്നാ ശുഭാനനാ ।
ശരഭാ ശൂലിനീ ശുദ്ധാ ശബരീ ശുകവാഹനാ ॥ 147 ॥
ശ്രീമതീ ശ്രീധരാനന്ദാ ശ്രവണാനന്ദദായിനീ ।
ശർവാണീ ശർവരീവന്ദ്യാ ഷഡ്ഭാഷാ ഷഡൃതുപ്രിയാ ॥ 148 ॥
ഷഡാധാരസ്ഥിതാ ദേവീ ഷണ്മുഖപ്രിയകാരിണീ ।
ഷഡംഗരൂപസുമതിസുരാസുരനമസ്കൃതാ ॥ 149 ॥
സരസ്വതീ സദാധാരാ സർവമംഗലകാരിണീ ।
സാമഗാനപ്രിയാ സൂക്ഷ്മാ സാവിത്രീ സാമസംഭവാ ॥ 150 ॥
സർവാവാസാ സദാനന്ദാ സുസ്തനീ സാഗരാംബരാ ।
സർവൈശ്വര്യപ്രിയാ സിദ്ധിഃ സാധുബന്ധുപരാക്രമാ ॥ 151 ॥
സപ്തർഷിമണ്ഡലഗതാ സോമമണ്ഡലവാസിനീ ।
സർവജ്ഞാ സാന്ദ്രകരുണാ സമാനാധികവർജിതാ ॥ 152 ॥
സർവോത്തുംഗാ സംഗഹീനാ സദ്ഗുണാ സകലേഷ്ടദാ ।
സരഘാ സൂര്യതനയാ സുകേശീ സോമസംഹതിഃ ॥ 153 ॥
ഹിരണ്യവർണാ ഹരിണീ ഹ്രീങ്കാരീ ഹംസവാഹിനീ ।
ക്ഷൗമവസ്ത്രപരീതാംഗീ ക്ഷീരാബ്ധിതനയാ ക്ഷമാ ॥ 154 ॥
ഗായത്രീ ചൈവ സാവിത്രീ പാർവതീ ച സരസ്വതീ ।
വേദഗർഭാ വരാരോഹാ ശ്രീഗായത്രീ പരാംബികാ ॥ 155 ॥
ഇതി സാഹസ്രകം നാമ്നാം ഗായത്ര്യാശ്ചൈവ നാരദ ।
പുണ്യദം സർവപാപഘ്നം മഹാസമ്പത്തിദായകം ॥ 156 ॥
ഏവം നാമാനി ഗായത്ര്യാസ്തോഷോത്പത്തികരാണി ഹി ।
അഷ്ടമ്യാം ച വിശേഷേണ പഠിതവ്യം ദ്വിജൈഃ സഹ ॥ 157 ॥
ജപം കൃത്വാ ഹോമപൂജാധ്യാനം കൃത്വാ വിശേഷതഃ ।
യസ്മൈ കസ്മൈ ന ദാതവ്യം ഗായത്ര്യാസ്തു വിശേഷതഃ ॥ 158 ॥
സുഭക്തായ സുശിഷ്യായ വക്തവ്യം ഭൂസുരായ വൈ ।
ഭ്രഷ്ടേഭ്യഃ സാധകേഭ്യശ്ച ബാന്ധവേഭ്യോ ന ദർശയേത് ॥ 159 ॥
യദ്ഗൃഹേ ലിഖിതം ശാസ്ത്രം ഭയം തസ്യ ന കസ്യചിത് ।
ചഞ്ചലാപി സ്ഥിരാ ഭൂത്വാ കമലാ തത്ര തിഷ്ഠതി ॥ 160 ॥
ഇദം രഹസ്യം പരമം ഗുഹ്യാദ്ഗുഹ്യതരം മഹത് ।
പുണ്യപ്രദം മനുഷ്യാണാം ദരിദ്രാണാം നിധിപ്രദം ॥ 161 ॥
മോക്ഷപ്രദം മുമുക്ഷൂണാം കാമിനാം സർവകാമദം ।
രോഗാദ്വൈ മുച്യതേ രോഗീ ബദ്ധോ മുച്യേത ബന്ധനാത് ॥ 162 ॥
ബ്രഹ്മഹത്യാസുരാപാനസുവർണസ്തേയിനോ നരാഃ ।
ഗുരുതല്പഗതോ വാപി പാതകാന്മുച്യതേ സകൃത് ॥ 163 ॥
അസത്പ്രതിഗ്രഹാച്ചൈവാഽഭക്ഷ്യഭക്ഷാദ്വിശേഷതഃ ।
പാഖണ്ഡാനൃത്യമുഖ്യേഭ്യഃ പഠനാദേവ മുച്യതേ ॥ 164 ॥
ഇദം രഹസ്യമമലം മയോക്തം പദ്മജോദ്ഭവ ।
ബ്രഹ്മസായുജ്യദം നൄണാം സത്യം സത്യം ന സംശയഃ ॥ 165 ॥
॥ ഇതി ശ്രീ ഗായത്രീ സഹസ്രനാമ സ്തോത്രം ॥
Recite with devotion and pure heart
Regular practice brings spiritual benefits