Sri Gayatri Stavaraja

asya śrīgāyatrīstavarājastotramantrasya viśvāmitra ṛṣiḥ, sakalajananī catuṣpadā śrīgāyatrī paramātmā devatā, sarvotkṛṣṭaṃ paraṃ dhāma prathamapādo bījaṃ, dvitīyaḥ śaktiḥ, tṛtīyaḥ kīlakaṃ, daśapraṇavasamyuktā savyāhṛtikā turīyapādo vyāpakaṃ, mama dharmārthakāmamokṣārthe jape viniyogaḥ । nyāsaṃ kṛtvā dhyāyet । atha dhyānam । gāyatrīṃ vedadhātrīṃ śatamakhaphaladāṃ vedaśāstraikavedyāṃ cicchaktiṃ brahmavidyāṃ paramaśivapadāṃ śrīpadaṃ vai karoti । sarvotkṛṣṭaṃ padaṃ tatsavituranupadānte vareṇyaṃ śaraṇyaṃ bhargo devasya dhīmahyabhidadhati dhiyo yo naḥ pracodayāt ॥ 1 ॥ ityaurvatejaḥ । sāmrājyabījaṃ praṇavaṃ tripādaṃ savyāpasavyaṃ prajapetsahasrakam । sampūrṇakāmaṃ praṇavaṃ vibhūtiṃ tathā bhavedvākyavicitravāṇī ॥ 2 ॥ śubhaṃ śivaṃ śobhanamastu mahyaṃ saubhāgyabhogotsavamastu nityam । prakāśavidyātrayaśāstrasarvaṃ bhajenmahāmantraphalaṃ priye vai ॥ 3 ॥ brahmāstraṃ brahmadaṇḍaṃ śirasi śikhimahadbrahmaśīrṣaṃ namo'ntaṃ sūktaṃ pārāyaṇoktaṃ praṇavamatha mahāvākyasiddhāntamūlam । turyaṃ trīṇi dvitīyaṃ prathamamanumahāvedavedāntasūktaṃ nityaṃ smṛtyānusāraṃ niyamitacaritaṃ mūlamantraṃ namo'ntam ॥ 4 ॥ astraṃ śastrahataṃ tvaghorasahitaṃ daṇḍena vājīhataṃ cādityādihataṃ śiro'ntasahitaṃ pāpakṣayārthaṃ param । turyāntyādivilomamantrapaṭhanaṃ bījaṃ śikhāntordhvakaṃ nityaṃ kālaniyamyavipraviduṣāṃ kiṃ duṣkṛtaṃ bhūsurān ॥ 5 ॥ nityaṃ muktipradaṃ niyamya pavanaṃ nirghoṣaśaktitrayaṃ samyagjñānagurūpadeśavidhivaddevīṃ śikhāṃ tāmapi । ṣaṣṭyaikottarasaṅkhyayānugatasauṣumnādimārgatrayīṃ dhyāyennityasamastavedajananīṃ devīṃ trisandhyāmayīm ॥ 6 ॥ gāyatrīṃ sakalāgamārthaviduṣāṃ saurasya bījeśvarīṃ sarvāmnāyasamastamantrajananīṃ sarvajñadhāmeśvarīm । brahmāditrayasampuṭārthakaraṇīṃ saṃsārapārāyaṇīṃ sandhyāṃ sarvasamānatantra parayā brahmānusandhāyinīm ॥ 7 ॥ ekadvitricatuḥsamānagaṇanāvarṇāṣṭakaṃ pādayoḥ pādādau praṇavādimantrapaṭhane mantratrayī sampuṭām । sandhyāyāṃ dvipadaṃ paṭhetparataraṃ sāyaṃ turīyaṃ yutaṃ nityānityamanantakoṭiphaladaṃ prāptaṃ namaskurmahe ॥ 8 ॥ ojo'sīti saho'syaho balamasi bhrājo'si tejasvinī varcasvī savitāgnisomamamṛtaṃ rūpaṃ paraṃ dhīmahi । devānāṃ dvijavaryatāṃ munigaṇe muktyarthināṃ śāntinā- -momityekamṛcaṃ paṭhanti yamino yaṃ yaṃ smaretprāpnuyāt ॥ 9 ॥ omityekamajasvarūpamamalaṃ tatsaptadhā bhājitaṃ tāraṃ tantrasamanvitaṃ paratare pādatrayaṃ garbhitam । āpo jyoti raso'mṛtaṃ janamahaḥ satyaṃ tapaḥ svarbhuva- -rbhūyo bhūya namāmi bhūrbhuvaḥsvarometairmahāmantrakam ॥ 10 ॥ ādau bindumanusmaran paratare bālā trivarṇoccaran vyāhṛtyādisabinduyuktatripadātāratrayaṃ turyakam । ārohādavarohataḥ kramagatā śrīkuṇḍalītthaṃ sthitā devī mānasapaṅkaje trinayanā pañcānanā pātu mām ॥ 11 ॥ sarve sarvavaśe samastasamaye satyātmike sāttvike sāvitrīsavitātmike śaśiyute sāṅkhyāyanī gotraje । sandhyātrīṇyupakalpya saṅgrahavidhiḥ sandhyābhidhānāmake gāyatrīpraṇavādimantraguruṇā samprāpya tasmai namaḥ ॥ 12 ॥ kṣemaṃ divyamanorathāḥ paratare cetaḥ samādhīyitāṃ jñānaṃ nityavareṇyametadamalaṃ devasya bhargo dhiyan । mokṣaśrīrvijayārthino'tha savituḥ śreṣṭhaṃ vidhistatpadaṃ prajñā medha pracodayātpratidinaṃ yo naḥ padaṃ pātu mām ॥ 13 ॥ satyaṃ tatsaviturvareṇyaviralaṃ viśvādimāyātmakaṃ sarvādyaṃ pratipādapādaramayā tāraṃ tathā manmatham । turyānyatritayaṃ dvitīyamaparaṃ samyogasavyāhṛtiṃ sarvāmnāyamanonmanīṃ manasijāṃ dhyāyāmi devīṃ parām ॥ 14 ॥ ādau gāyatrimantraṃ gurukṛtaniyamaṃ dharmakarmānukūlaṃ sarvādyaṃ sārabhūtaṃ sakalamanumayaṃ devatānāmagamyam । devānāṃ pūrvadevaṃ dvijakulamunibhiḥ siddhavidyādharādyaiḥ ko vā vaktuṃ samarthastava manumahimābījarājādimūlam ॥ 15 ॥ gāyatrīṃ tripadāṃ tribījasahitāṃ trivyāhṛtiṃ tripadāṃ tribrahmā triguṇāṃ trikālaniyamāṃ vedatrayīṃ tāṃ parām । sāṅkhyāditrayarūpiṇīṃ trinayanāṃ mātṛtrayīṃ tatparāṃ trailokya tridaśatrikoṭisahitāṃ sandhyāṃ trayīṃ tāṃ numaḥ ॥ 16 ॥ omityetattrimātrā tribhuvanakaraṇaṃ trisvaraṃ vahnirūpaṃ trīṇi trīṇi tripādaṃ triguṇaguṇamayaṃ traipurāntaṃ trisūktam । tattvānāṃ pūrvaśaktiṃ dvitayagurupadaṃ pīṭhayantrātmakaṃ taṃ tasmādetattripādaṃ tripadamanusaraṃ trāhi māṃ bho namaste ॥ 17 ॥ svasti śraddhā'timedhā madhumatimadhuraḥ saṃśayaḥ prajñakānti- -rvidyābuddhirbalaṃ śrīratuladhanapatiḥ saumyavākyānuvṛttiḥ । medhā prajñā pratiṣṭhā mṛdupatimadhurāpūrṇavidyā prapūrṇaṃ prāptaṃ pratyūṣacintyaṃ praṇavaparavaśātprāṇināṃ nityakarma ॥ 18 ॥ pañcāśadvarṇamadhye praṇavaparayute mantramādyaṃ namontaṃ sarvaṃ savyāpasavyaṃ śataguṇamabhito varṇamaṣṭottaraṃ te । evaṃ nityaṃ prajaptaṃ tribhuvanasahitaṃ turyamantraṃ tripādaṃ jñānaṃ vijñānagamyaṃ gaganasusadṛśaṃ dhyāyate yaḥ sa muktaḥ ॥ 19 ॥ ādikṣāntasabinduyuktasahitaṃ meruṃ kṣakārātmakaṃ vyastāvyastasamastavargasahitaṃ pūrṇaṃ śatāṣṭottaram । gāyatrīṃ japatāṃ trikālasahitāṃ nityaṃ sanaimittikaṃ evaṃ jāpyaphalaṃ śivena kathitaṃ sadbhogamokṣapradam ॥ 20 ॥ saptavyāhṛtisaptatāravikṛtiḥ satyaṃ vareṇyaṃ dhṛtiḥ sarvaṃ tatsavituśca dhīmahi mahābhargasya devaṃ bhaje । dhāmno dhāma samādhidhāraṇamahān dhīmatpadaṃ dhyāyate oṃ tatsarvamanuprapūrṇadaśakaṃ pādatrayaṃ kevalam ॥ 21 ॥ vijñānaṃ vilasadvivekavacasaḥ prajñānusandhāriṇīṃ śraddhāmedhyayaśaḥ śiraḥ sumanasaḥ svasti śriyaṃ tvāṃ sadā । āyuṣyaṃ dhanadhānyalakṣmimatulaṃ devīṃ kaṭākṣaṃ paraṃ tatkāle sakalārthasādhanamahānmuktirmahatvaṃ padam ॥ 22 ॥ pṛthvī gandho'rcanāyāṃ nabhasi kusumatā vāyudhūpaprakarṣo vahnirdīpaprakāśo jalamamṛtamayaṃ nityasaṅkalpapūjā । etatsarvaṃ nivedyaṃ sukhavasati hṛdi sarvadā dampatīnāṃ tvaṃ sarvajña śivaṃ kuruṣva mamatā nāhaṃ tvayā jñeyasi ॥ 23 ॥ saumyaṃ saubhāgyahetuṃ sakalasukhakaraṃ sarvasaukhyaṃ samastaṃ satyaṃ sadbhoganityaṃ sukhajanasuhṛdaṃ sundaraṃ śrīsamastam । saumaṅgalyaṃ samagraṃ sakalaśubhakaraṃ svastivācaṃ samastaṃ sarvādyaṃ sadvivekaṃ tripadapadayugaṃ prāptumadhyāsamastam ॥ 24 ॥ gāyatrīpadapañcapañcapraṇavadvandvaṃ tridhā sampuṭaṃ sṛṣṭyādikramamantrajāpyadaśakaṃ devīpadaṃ kṣuttrayam । mantrādisthitikeṣu sampuṭamidaṃ śrīmātṛkāveṣṭitaṃ varṇāntyādivilomamantrajapanaṃ saṃhārasammohanam ॥ 25 ॥ bhūrādyaṃ bhūrbhuvasvastripadapadayutaṃ tryakṣamādyantayojyaṃ sṛṣṭisthityantakāryaṃ kramaśikhisakalaṃ sarvamantraṃ praśastam । sarvāṅgaṃ mātṛkāṇāṃ manumayavapuṣaṃ mantrayogaṃ prayuktaṃ saṃhāraṃ kṣādivarṇaṃ vasuśatagaṇanaṃ mantrarājaṃ namāmi ॥ 26 ॥ viśvāmitramudāhṛtaṃ hitakaraṃ sarvārthasiddhipradaṃ stotrāṇāṃ paramaṃ prabhātasamaye pārāyaṇaṃ nityaśaḥ । vedānāṃ vidhivādamantrasakalaṃ siddhipradaṃ sampadāṃ samprāpnoti paratra sarvasukhadaṃ cāyuṣyamārogyatām ॥ 27 ॥ iti śrī gāyatrī stavarājaḥ ।

Recite with devotion and pure heart

Regular practice brings spiritual benefits

More stotras of Gayatri: