Sri Gayatri Lahari

amandānandenāmaravaragṛhe vāsaniratāṃ naraṃ gāyantaṃ yā bhuvi bhavabhayāttrāyata iha । sureśaiḥ sampūjyāṃ munigaṇanutāṃ tāṃ sukhakarīṃ namāmo gāyatrīṃ nikhilamanujāghaughaśamanīm ॥ 1 ॥ avāmā samyuktaṃ sakalamanujairjāpyamabhitī hyapāyātpāyādbhūratha bhuvi bhuvaḥ svaḥ padamiti । padaṃ tanme pādāvavatu savituścaiva jaghane vareṇyaṃ śroṇiṃ me satatamavatānnābhimapi ca ॥ 2 ॥ padaṃ bhargo devasya mama hṛdayaṃ dhīmahi tathā galaṃ pāyānnityaṃ dhiya iha padaṃ caiva rasanām । tathā netre yo'vyādalakamavatānnaḥ padamiti śirodeśaṃ pāyānmama tu paritaścāntimapadam ॥ 3 ॥ aye divye devi tridaśanivahairvanditapade na śekustvāṃ stotuṃ bhagavati mahānto'pi munayaḥ । kathaṅkāraṃ tarhistutitatiriyaṃ me śubhatarā tathā pūrṇā bhūyāt truṭipariyutā bhāvarahitā ॥ 4 ॥ bhajantaṃ nirvyājaṃ tava sukhadamantraṃ vijayinaṃ janaṃ yāvajjīvaṃ japati janani tvaṃ sukhayasi । na vā kāmaṃ kācit kaluṣakaṇikā'pi spṛśati taṃ saṃsāraṃ saṃsāraṃ sarati sahasā tasya satatam ॥ 5 ॥ dadhānāṃ hyādhānaṃ sitakuvalayāsphālanarucāṃ svayaṃ vibhrājantīṃ tribhuvanajanāhlādanakarīm । alaṃ cālaṃ cālaṃ mama cakitacittaṃ sucapalaṃ calaccandrāsye tvadvadanarucamācāmaya ciram ॥ 6 ॥ lalāme bhāle te bahutara viśāle'ti vimale kalā cañcaccāndrī ruciratilakāvendukalayā । nitāntaṃ gomāyā niviḍa tamaso nāśa vyasanā tamo me gāḍhaṃ hi hṛdayasadanasthaṃ glapayatu ॥ 7 ॥ aye mātaḥ kiṃ te caraṇa śaraṇaṃ saṃśrayavatāṃ janānāmantastho vṛjina hutabhuk prajvalati yaḥ । tadasyāśu samyak praśamanahitāyaiva vidhṛtaṃ kare pātraṃ puṇyaṃ salilabharitaṃ kāṣṭharacitam ॥ 8 ॥ athāhosvinmātaḥ saridadhipateḥ sāramakhilaṃ sudhārūpaṃ kūpaṃ laghutaramanūpaṃ kalayati । svabhaktebhyo nityaṃ vitarasi janoddhāriṇi śubhe vihīne dīne'smin mayyapi sakaruṇāṃ kuru kṛpām ॥ 9 ॥ sadaiva tvatpāṇau vidhṛtamaravindaṃ dyutikaraṃ tvidaṃ darśaṃ darśaṃ raviśaśisamaṃ netrayugalam । vicintya svāṃ vṛttiṃ bhramaviṣamajāle'sti patitaṃ idaṃ manye no cet kathamiti bhavedardhavikacam ॥ 10 ॥ svayaṃ mātaḥ kiṃ vā tvamasi jalajānāmapi khani- -ryataste sarvāṅgaṃ kamalamayamevāsti kimu no । tathā bhītyā tasmāccharaṇamupayātaḥ kamalarāṭ prayuñjāno'śrāntaṃ bhavati tadihaivāsanavidhau ॥ 11 ॥ divaukobhirvandye vikasita sarojākṣi sukhade kṛpādṛṣṭervṛṣṭiḥ sunipatati yasyopari tava । tadīyāṃ vāñchāṃ hi drutamanu vidadhāsi saphalāṃ atomantostantūn mama sapadi chitvā'mba sukhaya ॥ 12 ॥ kare'kṣāṇāṃ mālā pravilasati yā te'tivimale kimarthaṃ sā kān vā gaṇayasi janān bhakti niratān । japantī kaṃ mantraṃ praśamayasi duḥkhaṃ janijuṣā maye kā vā vāñchā bhavati tava tvatra suvarade ॥ 13 ॥ na manye dhanye'haṃ tvavitathamidaṃ lokagaditaṃ mamātroktirmatvā kamalapati phullaṃ tava karam । vijṛmbhā samyukta dyutimidamabhi kokanadami- -tyaraṃ jānāneyaṃ madhukaratati saṃvilasati ॥ 14 ॥ mahāmohāmbhodhau mama nipatitā jīvanatari- -rnirālambā dolā calati duravasthāmadhigatā । jalāvarta vyālo grasitumabhito vāñchati ca tāṃ karālambaṃ datvā bhagavati drutaṃ tāraya śive ॥ 15 ॥ dadhānāsitvaṃ yat svavapuṣi payodhāra yugala- -miti śrutvā lokairmama manasi cintā samabhavat । kathaṃ syāt sā tasmādalaka latikā mastaka bhuvi śirodyau hṛdyeyaṃ jaladapaṭalī khelati kila ॥ 16 ॥ tathā tatraivopasthitamapi niśīthinyadhipateḥ prapaśyāmi śyāme saha sahacaraistāraka gaṇaiḥ । ahorātra krīḍā paravaśamitāste'pi cakitā- -ściraṃ cikrīḍante tadapi mahadāścaryacaritam ॥ 17 ॥ yadāhustaṃ muktā paṭala jaṭitaṃ ratnamukuṭaṃ na dhatte teṣāṃ sā vacanaracanā sādhupadavīm । niśaiṣā keśāstu nahi vigata veśā dhruvamiti prasannā'dhyāsannā vidhupariṣadeṣā vilasati ॥ 18 ॥ tribīje he devi tripraṇavasahite tryakṣarayute trimātrā rājante bhuvanavibhave hyomitipade । trikālaṃ saṃsevye triguṇavati ca trisvaramayi trilokeśaiḥ pūjye tribhuvanabhayāttrāhi satatam ॥ 19 ॥ na candro naiveme nabhasi vitatā tārakagaṇāḥ tviṣāṃ rāśī ramyā tava caraṇayorambunicaye । patitvā kallolaiḥ saha paricayādvistṛtimitā prabhā saivā'nantā gaganamukure dīvyati sadā ॥ 20 ॥ tvameva brahmāṇī tvamasi kamalā tvaṃ nagasutā trisandhyaṃ sevante caraṇayugalaṃ ye tava janāḥ । jagajjāle teṣāṃ nipatita janānāmiha śubhe samuddhārārthaṃ kiṃ matimati matiste na bhavati ॥ 21 ॥ anekaiḥ pāpaughairlulita vapuṣaṃ śoka sahitaṃ luṭhantaṃ dīnaṃ māṃ vimala padayo reṇuṣu tava । galadbāṣpaṃ śaśvad janani sahasāśvāsanavaco bruvāṇottiṣṭha tvaṃ amṛtakaṇikāṃ pāsyasi kadā ॥ 22 ॥ na vā mādṛk pāpī na hi tava samā pāpaharaṇī na durbuddhirmādṛk na ca tava samā dhī vitariṇī । na mādṛg garviṣṭho na hi tava samā garvaharaṇī hṛdi smṛtvā hyevaṃ mayi kuru yathecchā tava yathā ॥ 23 ॥ darīdharti svānte'kṣara vara caturviṃśatimitaṃ tvadantarmantraṃ yattvayi nihita ceto hi manujaḥ । samantādbhāsvantaṃ bhavati bhuvi sañjīvanavanaṃ bhavāmbhodheḥ pāraṃ vrajati sa nitarāṃ sukhayutaḥ ॥ 24 ॥ bhagavati laharīyaṃ rudradeva praṇītā tava caraṇasaroje sthāpyate bhaktibhāvaiḥ । kumatitimirapaṅkasyāṅkamagnaṃ saśaṅkaṃ ayi khalu kuru datvā vītaśaṅkaṃ svamaṅkam ॥ 25 ॥ iti śrī rudradeva viracita śrī gāyatrī laharī ॥

Recite with devotion and pure heart

Regular practice brings spiritual benefits

More stotras of Gayatri: