dohā – hrīṃ śrīṃ klīṃ medhā prabhā jīvana jyoti pracaṃḍa । śāṃti kāṃti jāgṛti pragati racanā śakti akhaṃḍa ॥ jagata jananī maṃgala karani gāyatrī sukhadhāma । praṇavo sāvitrī svadhā svāhā pūrana kāma ॥ caupāī – bhūrbhuvaḥ svaḥ oṃ yuta jananī । gāyatrī nita kalimala dahanī ॥ 1 ॥ akṣara caubisa parama punītā । inameṃ baseṃ śāstra śruti gītā ॥ 2 ॥ śāśvata satoguṇī satarūpā । satya sanātana sudhā anūpā ॥ 3 ॥ haṃsārūḍha śvetaṃbara dhārī । svarṇa kāṃti śuci gagana vihārī ॥ 4 ॥ pustaka puṣpa kamaṃḍala mālā । śubhra varṇa tanu nayana viśālā ॥ 5 ॥ dhyāna dharata pulakita hiya hoī । sukha upajata duḥkha durmati khoī ॥ 6 ॥ kāmadhenu tuma sura taru chāyā । nirākāra kī adbhuta māyā ॥ 7 ॥ tumharī śaraṇa gahai jo koī । tarai sakala saṃkaṭa so soī ॥ 8 ॥ sarasvatī lakṣmī tuma kālī । dipai tumharī jyoti nirālī ॥ 9 ॥ tumharī mahimā pāra na pāvai । jo śarada śata mukha guṇa gāvai ॥ 10 ॥ cāra veda kī māta punītā । tuma brahmāṇī gaurī sītā ॥ 11 ॥ mahāmaṃtra jitane jaga māhī । koū gāyatrī sama nāhī ॥ 12 ॥ sumirata hiya meṃ jñāna prakāsai । ālasa pāpa avidyā nāsai ॥ 13 ॥ sṛṣṭi bīja jaga janani bhavānī । kālarātri varadā kalyāṇī ॥ 14 ॥ brahmā viṣṇu rudra sura jete । tuma so pāve suratā te te ॥ 15 ॥ tuma bhaktana kī bhakta tumhāre । jananihi putra prāṇa te pyāre ॥ 16 ॥ mahimā aparaṃpāra tumhārī । jaya jaya jaya tripadā bhayahārī ॥ 17 ॥ pūrita sakala jñāna vijñānā । tuma sama adhika na jagame ānā ॥ 18 ॥ tumahi jāna kachu rahai na śeṣā । tumahi pāya kachu rahai na klesā ॥ 19 ॥ jānata tumahi tumahi huyi jāī । pārasa parasi kudhātu suhāī ॥ 20 ॥ tumharī śakti dapai saba ṭhāī । mātā tuma saba ṭhora samāī ॥ 21 ॥ graha nakṣatra brahmāṃḍa ghanere । saba gativāna tumhāre prere ॥ 22 ॥ sakala sṛṣṭi kī prāṇa vidhātā । pālaka poṣaka nāśaka trātā ॥ 23 ॥ māteśvarī dayā vrata dhārī । tuma sana tare pātakī bhārī ॥ 24 ॥ jāpara kṛpā tumhārī hoī । tāpara kṛpā kare saba koī ॥ 25 ॥ maṃda buddhi te budhi bala pāve । rogī roga rahita huyi jāve ॥ 26 ॥ dārida miṭai kaṭai saba pīrā । nāśai dūḥkha harai bhava bhīrā ॥ 27 ॥ graha kleśa cita ciṃtā bhārī । nāsai gāyatrī bhaya hārī ॥ 28 ॥ saṃtati hīna susaṃtati pāve । sukha saṃpati yuta moda manāve ॥ 29 ॥ bhūta piśāca saba bhaya khāve । yama ke dūta nikaṭa nahi āve ॥ 30 ॥ jo sadhavā sumirai cita lāī । achata suhāga sadā śukhadāī ॥ 31 ॥ ghara vara sukha prada lahai kumārī । vidhavā rahe satya vrata dhārī ॥ 32 ॥ jayati jayati jagadaṃba bhavānī । tuma sama aura dayālu na dānī ॥ 33 ॥ jo sadguru so dīkṣā pāve । so sādhana ko saphala banāve ॥ 34 ॥ sumirana kare suruci baḍabhāgī । lahai manoratha gṛhī virāgī ॥ 35 ॥ aṣṭa siddhi navanidhi kī dātā । saba samartha gāyatrī mātā ॥ 36 ॥ ṛṣi muni yatī tapasvī yogī । ārata arthī ciṃtita bhogī ॥ 37 ॥ jo jo śaraṇa tumhārī āve । so so mana vāṃchita phala pāve ॥ 38 ॥ bala budhi vidyā śīla svabhāū । dhana vaibhava yaśa teja uchāū ॥ 39 ॥ sakala baḍhe upaje sukha nānā । jo yaha pāṭha karai dhari dhyānā ॥ 40 ॥ dohā – yaha cālīsā bhakti yuta pāṭha karai jo koī । tāpara kṛpā prasannatā gāyatrī kī hoya ॥