हैंహైHaindavamஹிહિં
📍
Font Size:
ஶ்ரீ கா³யத்ரீ பஞ்ஜர ஸ்தோத்ரம்
ப⁴க³வந்தம்ʼ தே³வதே³வம்ʼ ப்³ரஹ்மாணம்ʼ பரமேஷ்டி²னம் ।
விதா⁴தாரம்ʼ விஶ்வஸ்ருʼஜம்ʼ பத்³மயோனிம்ʼ ப்ரஜாபதிம் ॥ 1 ॥
ஶுத்³த⁴ஸ்ப²டிகஸங்காஶம்ʼ மஹேந்த்³ரஶிக²ரோபமம் ।
ப³த்³த⁴பிங்க³ஜடாஜூடம்ʼ தடி³த்கனககுண்ட³லம் ॥ 2 ॥
ஶரச்சந்த்³ராப⁴வத³னம்ʼ ஸ்பு²ரதி³ந்தீ³வரேக்ஷணம் ।
ஹிரண்மயம்ʼ விஶ்வரூபமுபவீதாஜினாவ்ருʼதம் ॥ 3 ॥
மௌக்திகாபா⁴க்ஷவலயஸ்தந்த்ரீலயஸமன்வித꞉ ।
கர்பூரோத்³தூ⁴லிததனும்ʼ ஸ்ரஷ்டாரம்ʼ நேத்ரகோ³சரம் ॥ 4 ॥
வினயேனோபஸங்க³ம்ய ஶிரஸா ப்ரணிபத்ய ச ।
நாரத³꞉ பரிபப்ரச்ச² தே³வர்ஷிக³ணமத்⁴யக³꞉ ॥ 5 ॥
நாரத³ உவாச ।
ப⁴க³வன் தே³வதே³வேஶ ஸர்வஜ்ஞ கருணாநிதே⁴ ।
ஶ்ரோதுமிச்சா²மி தத்தத்வம்ʼ போ⁴க³மோக்ஷைகஸாத⁴னம் ॥ 6 ॥
ஐஶ்வர்யஸ்ய ஸமக்³ரஸ்ய ப²லத³ம்ʼ த்³வந்த்³வவர்ஜிதம் ।
ப்³ரஹ்மஹத்யாதி³பாபக்⁴னம்ʼ பாபாத்³யரிப⁴யாபஹம் ॥ 7 ॥
யதே³கம்ʼ நிஷ்கலம்ʼ ஸூக்ஷ்மம்ʼ நிரஞ்ஜனமநாமயம் ।
யத்தே ப்ரியதமம்ʼ லோகே தன்மே ப்³ரூஹி பிதர்மம ॥ 8 ॥
ப்³ரஹ்மோவாச ।
ஶ்ருʼணு நாரத³ வக்ஷ்யாமி ப்³ரஹ்மமூலம்ʼ ஸனாதனம் ।
ஸ்ருʼஷ்ட்யாதௌ³ மன்முகே² க்ஷிப்தம்ʼ தே³வதே³வேன விஷ்ணுனா ॥ 9 ॥
ப்ரபஞ்சபீ³ஜமித்யாஹுருத்பத்திஸ்தி²திஹேதுகம் ।
புரா மயா து கதி²தம்ʼ கஶ்யபாய ஸுதீ⁴மதே ॥ 10 ॥
ஸாவித்ரீபஞ்ஜரம்ʼ நாம ரஹஸ்யம்ʼ நிக³மத்ரயே ।
ருʼஷ்யாதி³கம்ʼ ச தி³க்³வர்ணம்ʼ ஸாங்கா³வரணகம்ʼ க்ரமாத் ॥ 11 ॥
வாஹனாயுத⁴மந்த்ராஸ்த்ரமூர்தித்⁴யானஸமன்விதம் ।
ஸ்தோத்ரம்ʼ ஶ்ருʼணு ப்ரவக்ஷ்யாமி தவ ஸ்னேஹாச்ச நாரத³ ॥ 12 ॥
ப்³ரஹ்மநிஷ்டா²ய தே³யம்ʼ ஸ்யாத³தே³யம்ʼ யஸ்ய கஸ்யசித் ।
ஆசம்ய நியத꞉ பஶ்சாதா³த்மத்⁴யானபுர꞉ஸரம் ॥ 13 ॥
ஓமித்யாதௌ³ விசிந்த்யாத² வ்யோமஹேமாப்³ஜஸம்ʼஸ்தி²தம் ।
த⁴ர்மகந்த³க³தஜ்ஞாநாதை³ஶ்வர்யாஷ்டத³லான்விதம் ॥ 14 ॥
வைராக்³யகர்ணிகாதீ⁴னாம்ʼ ப்ரணவக்³ரஹமத்⁴யகா³ம் ।
ப்³ரஹ்மவேதி³ஸமாயுக்தாம்ʼ சைதன்யபுரமத்⁴யகா³ம் ॥ 15 ॥
தத்த்வஹம்ʼஸஸமாகீர்ணாம்ʼ ஶப்³த³பீடே² ஸுஸம்ʼஸ்தி²தாம் ।
நாத³பி³ந்து³கலாதீதாம்ʼ கோ³புரைரபி ஸம்ʼவ்ருʼதாம் ॥ 16 ॥
வித்³யா(அ)வித்³யா(அ)ம்ருʼதத்வாதி³ ப்ரகாரைரபிஸம்ʼவ்ருʼதாம் ।
நிக³மார்க³லஸஞ்ச²ன்னாம்ʼ நிர்கு³ணத்³வாரவாடிகாம் ॥ 17 ॥
சதுர்வர்க³ப²லோபேதாம்ʼ மஹாகல்பவனைர்வ்ருʼதாம் ।
ஸாந்த்³ரானந்த³ஸுதா⁴ஸிந்து⁴நிக³மத்³வாரவாடிகாம் ॥ 18 ॥
த்⁴யானதா⁴ரணயோகா³தி³ த்ருʼணகு³ல்மலதாவ்ருʼதாம் ।
ஸத³ஸச்சித்ஸ்வரூபாக்²ய ம்ருʼக³பக்ஷிஸமாகுலாம் ॥ 19 ॥
வித்³யா(அ)வித்³யாவிசாராக்²யலோகாலோகாசலாவ்ருʼதாம் ।
பஞ்சீகரணபஞ்சோத்த²பூ⁴ததத்த்வநிவேதி³தாம் ॥ 20 ॥
அவிகாரஸமாஶ்லிஷ்டநிஜத்⁴யானகு³ணாவ்ருʼதாம் ।
வேதோ³பநிஷத³ர்தா²க்²ய தே³வர்ஷிக³ணஸேவிதாம் ॥ 21 ॥
இதிஹாஸக்³ரஹக³ணை꞉ ஸதா³ரைரபி⁴வந்தி³தாம் ।
கா³தா²ப்ஸரோபி⁴ர்யக்ஷைஶ்ச க³ணகின்னரஸேவிதாம் ॥ 22 ॥
நாரஸிம்ʼஹமுகை²ஶ்சாபி புருஷை꞉ கல்பசாரணை꞉ ।
க்ருʼதகா³னவினோதா³தி³கதா²லாபனதத்பராம் ॥ 23 ॥
ததி³த்யவாங்மனோக³ம்யதேஜோரூபத⁴ராம்ʼ பராம் ।
ஜக³த꞉ ப்ரஸவித்ரீம்ʼ தாம்ʼ ஸவிது꞉ ஸ்ருʼஷ்டிகாரிணீம் ॥ 24 ॥
வரேண்யமித்யன்னமயீம்ʼ புருஷார்த²ப²லப்ரதா³ம் ।
அவித்³யாவர்ணவர்ஜ்யாம்ʼ ச தேஜோவத்³ப⁴ர்க³ஸஞ்ஜ்ஞிகாம் ॥ 25 ॥
தே³வஸ்ய ஸச்சிதா³னந்த³ பரப்³ரஹ்மரஸாத்மிகாம் ।
தீ⁴மஹ்யஹம்ʼ ஸ வை தத்³வத்³ப்³ரஹ்மாத்³வைதஸ்வரூபிணீம் ॥ 26 ॥
தி⁴யோ யோ நஸ்து ஸவிதா ப்ரசோத³யாது³பாஸிதாம் ।
பரோ(அ)ஸௌ ஸவிதா ஸாக்ஷாத்³தே³வோநிர்ஹரணாய ச ॥ 27 ॥
பரோரஜஸ இத்யாதி³ பரப்³ரஹ்மாத்மஸாவதோ³ம் ।
ஆபோ ஜ்யோதிரிதி த்³வாப்⁴யாம்ʼ பாஞ்சபௌ⁴திகஸஞ்ஜ்ஞிகாம் ॥ 28 ॥
ரஸோ(அ)ம்ருʼதம்ʼ ப்³ரஹ்மபதை³ஸ்தாம்ʼ நித்யாம்ʼ தாபினீம்ʼ பராம் ।
பூ⁴ர்பு⁴வ꞉ஸுவரித்யேதைர்நிக³மத்வப்ரகாஶிகாம் ॥ 29 ॥
மஹர்ஜனஸ்தப꞉ஸத்யலோகோபரிஸுஸம்ʼஸ்தி²தாம் ।
தாத்³ருʼக³ஸ்யா விராட்³ரூபம்ʼ ரஹஸ்யம்ʼ ப்ரவதா³ம்யஹம் ॥ 30 ॥
வ்யோமகேஶாகுலாகாஶ த்³யோகிரீடவிராஜிதாம் ।
தடித்³ப்⁴ருகுடினாக்ராந்தவிதி⁴விஷ்ணுஶிவார்சிதாம் ॥ 31 ॥
கு³ருபா⁴ர்க³வகர்ணாந்தாம்ʼ ஸோமஸூர்யாக்³னிலோசனாம் ।
இடா³பிங்க³லஸௌஷும்ண வாமனாஸாபுடான்விதாம் ॥ 32 ॥
ஸந்த்⁴யாத்³விரோஷ்ட²புடிதாம்ʼ லஸத்³வாக்³ப⁴வஜிஹ்விகாம் ।
ஸந்த்⁴யாஸௌ த்³யுமணே꞉ கண்ட²லஸத்³பா³ஹுஸமன்விதாம் ॥ 33 ॥
பர்ஜன்யஹ்ருʼத³யாஸக்தவஸுஸுஸ்தனமண்ட³லாம் ।
ஆகாஶோத³ரவித்ரஸ்தநாப்⁴யவாந்தரதே³ஶிகாம் ॥ 34 ॥
ப்ராஜாபத்யாக்²யஜக⁴நாமிந்த்³ராணீகடிஸஞ்ஜ்ஞிகாம் ।
ஊரூ மலயமேருப்⁴யாம்ʼ ஶோப⁴மானாம்ʼ ஸுரத்³விஷம் ॥ 35 ॥
ஜானுனீ ஜஹ்னுகுஶிகௌ வைஶ்வதே³வலஸத்³பு⁴ஜாம் ।
அயனத்³வயஜங்கா⁴த்³யஸுராத்³யபித்ருʼஸஞ்ஜ்ஞிகாம் ॥ 36 ॥
பதா³ங்க்⁴ரிநக²ரோமாலிபூ⁴தலத்³ருமலாஞ்சி²தாம் ।
க்³ரஹராஶ்யர்க்ஷதே³வர்ஷிமூர்திம்ʼ ச பரஸஞ்ஜ்ஞிகாம் ॥ 37 ॥
திதி²மாஸர்துவர்ஷாக்²யஸுகேதுநிமிஷாத்மிகாம் ।
அஹோராத்ரார்த⁴மாஸாக்²யாமார்யாம்ʼ சந்த்³ரமஸாத்மிகாம் ॥ 38 ॥
மாயாகல்பிதவைசித்ர்யஸந்த்⁴யாச்சா²த³னஸம்ʼவ்ருʼதாம் ।
ஜ்வலத்காலானலப்ரக்²யாம்ʼ தடி³த்கோடிஸமப்ரபா⁴ம் ॥ 39 ॥
கோடிஸூர்யப்ரதீகாஶாம்ʼ சந்த்³ரகோடிஸுஶீதலாம் ।
ஸுதா⁴மண்ட³லமத்⁴யஸ்தா²ம்ʼ ஸாந்த்³ரானந்தா³ம்ருʼதாத்மிகாம் ॥ 40 ॥
வாக³தீதாம்ʼ மனோரம்யாம்ʼ வரதா³ம்ʼ வேத³மாதரம் ।
சராசரமயீம்ʼ நித்யாம்ʼ ப்³ரஹ்மாக்ஷரஸமன்விதாம் ॥ 41 ॥
த்⁴யாத்வா ஸ்வாத்மன்யபே⁴தே³ன ப்³ரஹ்மபஞ்ஜரமாரபே⁴த் ।
பஞ்ஜரஸ்ய ருʼஷிஶ்சாஹம்ʼ ச²ந்தோ³ விக்ருʼதிருச்யதே ॥ 42 ॥
தே³வதா ச பரோ ஹம்ʼஸ꞉ பரப்³ரஹ்மாதி⁴தே³வதா ।
ப்ரணவோ பீ³ஜஶக்தி꞉ ஸ்யாதோ³ம்ʼ கீலகமுதா³ஹ்ருʼதம் ॥ 43 ॥
தத்தத்த்வம்ʼ தீ⁴மஹி க்ஷேத்ரம்ʼ தி⁴யோ(அ)ஸ்த்ரம்ʼ ய꞉ பரம்ʼ பத³ம் ।
மந்த்ரமாபோ ஜ்யோதிரிதி யோநிர்ஹம்ʼஸ꞉ ஸவேத⁴கம் ॥ 44 ॥
விநியோக³ஸ்து ஸித்³த்⁴யர்த²ம்ʼ புருஷார்த²சதுஷ்டயே ।
ததஸ்தைரங்க³ஷட்கம்ʼ ஸ்யாத்தைரேவ வ்யாபகத்ரயம் ॥ 45 ॥
பூர்வோக்ததே³வதாம்ʼ த்⁴யாயேத்ஸாகாரகு³ணஸம்யுதாம் ।
பஞ்சவக்த்ராம்ʼ த³ஶபு⁴ஜாம்ʼ த்ரிபஞ்சநயனைர்யுதாம் ॥ 46 ॥
முக்தாவித்³ருமஸௌவர்ணாமோஷதீ⁴ஶஸமானனாம் ।
வாணீம்ʼ பராம்ʼ ரமாம்ʼ மாயாம்ʼ சாமரைர்த³ர்பணைர்யுதாம் ॥ 47 ॥
ஷட³ங்க³தே³வதாமந்த்ரை ரூபாத்³யவயவாத்மிகாம் ।
ம்ருʼகே³ந்த்³ரவ்ருʼஷபக்ஷீந்த்³ரம்ருʼக³ஹம்ʼஸாஸனஸ்தி²தாம் ॥ 48 ॥
அர்தே⁴ந்து³ப³த்³த⁴முகுடகிரீடமணிகுண்ட³லாம் ।
ரத்னதாடங்கமாங்க³ல்யபரக்³ரைவேயநூபுராம் ॥ 49 ॥
அங்கு³லீயககேயூரகங்கணாத்³யைரலங்க்ருʼதாம் ।
தி³வ்யஸ்ரக்³வஸ்த்ரஸஞ்ச²ன்னரவிமண்ட³லமத்⁴யகா³ம் ॥ 50 ॥
வரா(அ)ப⁴யாப்³ஜயுக³லாம்ʼ ஶங்க²சக்ரக³தா³ங்குஶாம் ।
ஶுப்⁴ரம்ʼ கபாலம்ʼ த³த⁴தீம்ʼ வஹந்தீமக்ஷமாலிகாம் ॥ 51 ॥
கா³யத்ரீம்ʼ வரதா³ம்ʼ தே³வீம்ʼ ஸாவித்ரீம்ʼ வேத³மாதரம் ।
ஆதி³த்யபத²கா³ம்ʼ தே³வீம்ʼ ஸ்மரேத்³ப்³ரஹ்மஸ்வரூபிணீம் ॥ 52 ॥
விசித்ரமந்த்ரஜனனீம்ʼ ஸ்மரேத்³வித்³யாம்ʼ ஸரஸ்வதீம் ।
த்ரிபதா³ ருʼங்மயீ பூர்வா முகீ² ப்³ரஹ்மாஸ்த்ரஸஞ்ஜ்ஞிகா ॥ 53 ॥
சதுர்விம்ʼஶதிதத்த்வாக்²யா பாது ப்ராசீம்ʼ தி³ஶம்ʼ மம ।
சதுஷ்பாதா³ யஜுர்ப்³ரஹ்மத³ண்டா³க்²யா பாது த³க்ஷிணா ॥ 54 ॥
ஷட்த்ரிம்ʼஶத்தத்த்வயுக்தா ஸா பாது மே த³க்ஷிணாம்ʼ தி³ஶம் ।
ப்ரத்யங்முகீ² பஞ்சபதீ³ பஞ்சாஶத்தத்த்வரூபிணீ ॥ 55 ॥
பாது ப்ரதீசீமநிஶம்ʼ ஸாமப்³ரஹ்மஶிரோங்கிதா ।
ஸௌம்யா ப்³ரஹ்மஸ்வரூபாக்²யா ஸாத²ர்வாங்கி³ரஸாத்மிகா ॥ 56 ॥
உதீ³சீம்ʼ ஷட்பதா³ பாது சது꞉ஷஷ்டிகலாத்மிகா ।
பஞ்சாஶத்தத்த்வரசிதா ப⁴வபாதா³ ஶதாக்ஷரீ ॥ 57 ॥
வ்யோமாக்²யா பாது மே சோர்த்⁴வம்ʼ தி³ஶம்ʼ வேதா³ங்க³ஸம்ʼஸ்தி²தா ।
வித்³யுன்னிபா⁴ ப்³ரஹ்மஸஞ்ஜ்ஞா ம்ருʼகா³ரூடா⁴ சதுர்பு⁴ஜா ॥ 58 ॥
சாபேஷுசர்மாஸித⁴ரா பாது மே பாவகீம்ʼ தி³ஶம் ।
ப்³ராஹ்மீ குமாரீ கா³யத்ரீ ரக்தாங்கீ³ ஹம்ʼஸவாஹினீ ॥ 59 ॥
பி³ப்⁴ரத்கமண்ட³ல்வக்ஷஸ்ரக்ஸ்ருவான்மே பாது நைர்ருʼதீம் ।
சதுர்பு⁴ஜா வேத³மாதா ஶுக்லாங்கீ³ வ்ருʼஷவாஹினீ ॥ 60 ॥
வரா(அ)ப⁴யகபாலாக்ஷஸ்ரக்³விணீ பாது மாருதீம் ।
ஶ்யாமா ஸரஸ்வதீ வ்ருʼத்³தா⁴ வைஷ்ணவீ க³ருடா³ஸனா ॥ 61 ॥
ஶங்கா²ராப்³ஜாப⁴யகரா பாது ஶைவீம்ʼ தி³ஶம்ʼ மம ।
சதுர்பு⁴ஜா வேத³மாதா கௌ³ராங்கீ³ ஸிம்ʼஹவாஹனா ॥ 62 ॥
வராப⁴யாப்³ஜயுக³லைர்பு⁴ஜை꞉ பாத்வத⁴ராம்ʼ தி³ஶம் ।
தத்தத்பார்ஶ்வஸ்தி²தா꞉ ஸ்வஸ்வவாஹனாயுத⁴பூ⁴ஷணா꞉ ॥ 63 ॥
ஸ்வஸ்வதி³க்ஷு ஸ்தி²தா꞉ பாந்து க்³ரஹஶக்த்யங்க³தே³வதா꞉ ।
மந்த்ராதி⁴தே³வதாரூபா முத்³ராதி⁴ஷ்டா²னதே³வதா꞉ ॥ 64 ॥
வ்யாபகத்வேன பாத்வஸ்மானாபஹ்ருʼத்தலமஸ்தகீ ।
தத்பத³ம்ʼ மே ஶிர꞉ பாது பா²லம்ʼ மே ஸவிது꞉பத³ம் ॥ 65 ॥
வரேண்யம்ʼ மே த்³ருʼஶௌ பாது ஶ்ருதிம்ʼ ப⁴ர்க³꞉ ஸதா³ மம ।
க்⁴ராணம்ʼ தே³வஸ்ய மே பாது பாது தீ⁴மஹி மே முக²ம் ॥ 66 ॥
ஜிஹ்வாம்ʼ மம தி⁴ய꞉ பாது கண்ட²ம்ʼ மே பாது ய꞉பத³ம் ।
ந꞉ பத³ம்ʼ பாது மே ஸ்கந்தௌ⁴ பு⁴ஜௌ பாது ப்ரசோத³யாத் ॥ 67 ॥
கரௌ மே ச பர꞉ பாது பாதௌ³ மே ரஜஸோ(அ)வது ।
ஸா மே நாபி⁴ம்ʼ ஸதா³ பாது கடிம்ʼ வை பாதுமேவதோ³ம் ॥ 68 ॥
ஓமாப꞉ ஸக்தி²னீ பாது கு³ஹ்யம்ʼ ஜ்யோதி꞉ ஸதா³ மம ।
ஊரூ மம ரஸ꞉ பாது ஜானுனீ அம்ருʼதம்ʼ மம ॥ 69 ॥
ஜங்கே⁴ ப்³ரஹ்மபத³ம்ʼ பாது கு³ல்பௌ² பூ⁴꞉ பாது மே ஸதா³ ।
பாதௌ³ மம பு⁴வ꞉ பாது ஸுவ꞉ பாத்வகி²லம்ʼ வபு꞉ ॥ 70 ॥
ரோமாணி மே மஹ꞉ பாது லோமகம்ʼ பாது மே ஜன꞉ ।
ப்ராணாம்ʼஶ்ச தா⁴துதத்த்வானி ததீ³ஶ꞉ பாது மே தப꞉ ॥ 71 ॥
ஸத்யம்ʼ பாது மமாயூம்ʼஷி ஹம்ʼஸோ வ்ருʼத்³தி⁴ம்ʼ ச பாது மே ।
ஶுசிஷத்பாது மே ஶுக்ரம்ʼ வஸு꞉ பாது ஶ்ரியம்ʼ மம ॥ 72 ॥
மதிம்ʼ பாத்வந்தரிக்ஷஸத்³தோ⁴தா தா³னம்ʼ ச பாது மே ।
வேதி³ஷத்பாது மே வித்³யாமதிதி²꞉ பாது மே க்³ருʼஹம் ॥ 73 ॥
த⁴ர்மம்ʼ து³ரோணஸத்பாது ந்ருʼஷத்பாது வதூ⁴ம்ʼ மம ।
வரஸத்பாது மே மாயா(அ)ம்ருʼதஸத்பாது மே ஸுதான் ॥ 74 ॥
வ்யோமஸத்பாது மே ப³ந்தூ⁴ன் ப்⁴ராத்ரூʼனப்³ஜஶ்ச பாது மே ।
பஶூன்மே பாது கோ³ஜாஶ்ச ருʼதஜா꞉ பாது மே பு⁴வம் ॥ 75 ॥
ஸர்வம்ʼ மே அத்³ரிஜா பாது யானம்ʼ மே பாத்வ்ருʼதம்ʼ ஸதா³ ।
மம ஸர்வம்ʼ ப்³ருʼஹத்பாது விபு⁴ரோம்ʼ பாது ஸர்வதா³ ॥ 76 ॥
அனுக்தமத² யத்ஸ்தா²னம்ʼ ஶரீராந்தர்ப³ஹிஶ்ச யத் ।
தத்ஸர்வம்ʼ பாது மே நித்யம்ʼ ஹம்ʼஸ꞉ ஸோ(அ)ஹமஹர்நிஶம் ॥ 77 ॥
இத³ம்ʼ து கதி²தம்ʼ ஸம்யங்மயா தே ப்³ரஹ்மபஞ்ஜரம் ।
ஸந்த்⁴யயோ꞉ ப்ரத்யஹம்ʼ ப⁴க்த்யா ஜபகாலே விஶேஷத꞉ ॥ 78 ॥
தா⁴ரயேத்³த்³விஜவர்யோ ய꞉ ஶ்ராவயேத்³வா ஸமாஹித꞉ ।
ஸ விஷ்ணு꞉ ஸ ஶிவ꞉ ஸோ(அ)ஹம்ʼ ஸோ(அ)க்ஷர꞉ ஸ விராட் ஸ்வராட் ॥ 79 ॥
ஶதாக்ஷராத்மகம்ʼ தே³வ்யா நாமாஷ்டாவிம்ʼஶதி꞉ ஶதம் ।
ஶ்ருʼணு வக்ஷ்யாமி தத்ஸர்வமதி கு³ஹ்யம்ʼ ஸனாதனம் ॥ 80 ॥
பூ⁴திதா³ பு⁴வனா வாணீ வஸுதா⁴ ஸுமனா மஹீ ।
துர்யா ஶோபா⁴ த்³விஜப்ரீதா காமது⁴க் ப⁴க்தஸித்³தி⁴தா³ ॥ 81 ॥
விஶ்வா ச விஜயா வேத்³யா ஸந்த்⁴யா ப்³ராஹ்மீ ஸரஸ்வதீ ।
ஹரிணீ ஜனனீ நந்தா³ ஸவிஸர்கா³ தபஸ்வினீ ॥ 82 ॥
பயஸ்வினீ ஸதீ த்யாகா³ சைந்த³வீ ஸத்யவீ ரஸா ।
ஶைவீ லாஸ்யப்ரியா துஷ்டா ஜப்யா ஸத்யா ஸதீ த்⁴ருவா ॥ 83 ॥
ப⁴க்தவஶ்யா ச கா³யத்ரீ பீ⁴மா விஷ்ணுப்ரியா ஜயா ।
விஶ்வா துர்யா பரா ரேச்யா நிர்க்⁴ருʼணீ யமினீ ப⁴வா ॥ 84 ॥
கோ³வேத்³யா ச ஜரிஷ்டா² ச ஸ்கந்தி³னீ தீ⁴ர்மதிர்ஹிமா ।
அனந்தா ரவிமத்⁴யஸ்தா² ஸாவித்ரீ ப்³ராஹ்மணீ த்ரயீ ॥ 85 ॥
அபர்ணா சண்டி³கா த்⁴யேயா மனுஶ்ரேஷ்டா² ச ஸாத்விகீ ।
பீ⁴ஷணா யோகி³னீ பக்ஷீ நதீ³ ப்ரஜ்ஞா ச சோதி³னீ ॥ 86 ॥
த⁴னினீ யாமினீ பத்³மா ரோஹிணீ ரமணீ ருʼஷி꞉ ।
ப்³ரஹ்மிஷ்டா² ப⁴க்திக³ம்யா ச காமதா³ ப³லதா³ வஸு꞉ ॥ 87 ॥
ஆத்³யா வர்ணமயீ ஹ்ருʼத்³யா லக்ஷ்மீ꞉ ஶாந்தா ரமா(அ)ச்யுதா ।
ஸேநாமுகீ² ஸாமமயீ ப³ஹுலா தோ³ஷவர்ஜிதா ॥ 88 ॥
ஸர்வகாமது³கா⁴ ஸோமோத்³ப⁴வா(அ)ஹங்காரவர்ஜிதா ।
தத்பரா ஸுக²தா³ ஸித்³தி⁴꞉ வேத்³யா பூஜ்யா ப்ரஸாதி³னீ ॥ 89 ॥
விப்ரப்ரஸாதி³னீ பூஜ்யா விஶ்வவந்த்³யா வினோதி³னீ ।
த்³விபதா³ ச சதுஷ்பாதா³ த்ரிபதா³ சைவ ஷட்பதா³ ॥ 90 ॥
அஷ்டாபதீ³ நவபதீ³ ஸா ஸஹஸ்ராக்ஷராத்மிகா ।
அமோக⁴ப²லதா³(அ)நாதி³꞉ ஸர்வா ஸர்வாங்க³ஸுந்த³ரீ ॥ 91 ॥
ஶர்வாணீ வைஷ்ணவீ சந்த்³ரசூடா³ த்ரிணயனா க்ஷமா ।
விஶ்வமாதா த்ரயீஸாரா த்ரிகாலஜ்ஞானரூபிணீ ॥ 92 ॥
சந்த்³ரமண்ட³லமத்⁴யஸ்தா² ப⁴க்தபாபவிநாஶினீ ।
வரதா³ ச²ந்த³ஸாம்ʼ மாதா ப்³ராஹ்மண்யபத³தா³யினீ ॥ 93 ॥
ய இத³ம்ʼ பரமம்ʼ கு³ஹ்யம்ʼ ஸாவித்ரீமந்த்ரபஞ்ஜரம் ।
நாமாஷ்டவிம்ʼஶதிஶதம்ʼ ஶ்ருʼணுயாச்ச்²ராவயேத்படே²த் ॥ 94 ॥
மர்த்யாநாமம்ருʼதத்த்வாய பீ⁴தாநாமப⁴யாய ச ।
மோக்ஷாய ச முமுக்ஷூணாம்ʼ ஶ்ரீகாமானாம்ʼ ஶ்ரியே ஸதா³ ॥ 95 ॥
விஜயாய யுயுத்ஸூனாம்ʼ வ்யாதி⁴தாநாமரோக³க்ருʼத் ।
வஶ்யாய வஶ்யகாமானாம்ʼ வித்³யாயை வேத³காமினாம் ॥ 96 ॥
த்³ரவிணாய த³ரித்³ராணாம்ʼ பாபினாம்ʼ பாபஶாந்தயே ।
வாதி³னாம்ʼ வாத³விஜயே கவீனாம்ʼ கவிதாப்ரத³ம் ॥ 97 ॥
அன்னாய க்ஷுதி⁴தானாம்ʼ ச ஸ்வர்கா³ய ஸ்வர்க³மிச்ச²தாம் ।
பஶுப்⁴ய꞉ பஶுகாமானாம்ʼ புத்ரேப்⁴ய꞉ புத்ரகாங்க்ஷிணாம் ॥ 98 ॥
க்லேஶினாம்ʼ ஶோகஶாந்த்யர்த²ம்ʼ ந்ருʼணாம்ʼ ஶத்ருப⁴யாய ச ।
ராஜவஶ்யாய த்³ரஷ்டவ்யம்ʼ பஞ்ஜரம்ʼ ந்ருʼபஸேவினாம் ॥ 99 ॥
ப⁴க்த்யர்த²ம்ʼ விஷ்ணுப⁴க்தானாம்ʼ விஷ்ணோ꞉ ஸர்வாந்தராத்மனி ।
நாயகம்ʼ விதி⁴ஸ்ருʼஷ்டானாம்ʼ ஶாந்தயே ப⁴வதி த்⁴ருவம் ॥ 100 ॥
நி꞉ஸ்ப்ருʼஹாணாம்ʼ ந்ருʼணாம்ʼ முக்தி꞉ ஶாஶ்வதீ ப⁴வதீ த்⁴ருவம் ।
ஜப்யம்ʼ த்ரிவர்க³ஸம்யுக்தம்ʼ க்³ருʼஹஸ்தே²ன விஶேஷத꞉ ॥ 101 ॥
முனீனாம்ʼ ஜ்ஞானஸித்³த்⁴யர்த²ம்ʼ யதீனாம்ʼ மோக்ஷஸித்³த⁴யே ।
உத்³யந்தம்ʼ சந்த்³ரகிரணமுபஸ்தா²ய க்ருʼதாஞ்ஜலி꞉ ॥ 102 ॥
கானனே வா ஸ்வப⁴வனே திஷ்ட²ஞ்சு²த்³தோ⁴ ஜபேதி³த³ம் ।
ஸர்வான்காமானவாப்னோதி ததை²வ ஶிவஸந்நிதௌ⁴ ॥ 103 ॥
மம ப்ரீதிகரம்ʼ தி³வ்யம்ʼ விஷ்ணுப⁴க்திவிவர்த⁴னம் ।
ஜ்வரார்தானாம்ʼ குஶாக்³ரேண மார்ஜயேத்குஷ்ட²ரோகி³ணாம் ॥ 104 ॥
ம்ருʼக³மங்க³ம்ʼ யதா²லிங்க³ம்ʼ கவசேன து ஸாத⁴க꞉ ।
மண்ட³லேன விஶுத்³த்⁴யேத ஸர்வரோகை³ர்ன ஸம்ʼஶய꞉ ॥ 105 ॥
ம்ருʼதப்ரஜா ச யா நாரீ ஜன்மவந்த்⁴யா ததை²வ ச ।
கன்யாதி³வந்த்⁴யா யா நாரீ தாஸாமங்க³ம்ʼ ப்ரமார்ஜயேத் ॥ 106 ॥
தாஸ்தா꞉ ஸம்ʼவத்ஸராத³ர்வாக்³த்⁴ரியேயுர்க³ர்ப⁴முத்தமம் ।
பதிவித்³வேஷிணீ யா ஸ்த்ரீ அங்க³ம்ʼ தஸ்யா꞉ ப்ரமார்ஜயேத் ॥ 107 ॥
தமேவ ப⁴ஜதே ஸா ஸ்த்ரீ பதிம்ʼ காமவஶம்ʼ நயேத் ।
அஶ்வத்தே² ராஜவஶ்யார்த²ம்ʼ பி³ல்வமூலே ஸுரூபபா⁴க் ॥ 108 ॥
பாலாஶமூலே வித்³யார்தீ² தேஜஸ்வ்யபி⁴முகோ² ரவே꞉ ।
கன்யார்தீ² சண்டி³காகே³ஹே ஜபேச்ச²த்ருப⁴யாய ச ॥ 109 ॥
ஶ்ரீகாமோ விஷ்ணுகே³ஹே ச உத்³யானே ஸ்த்ரீர்வஶீ ப⁴வேத் ।
ஆரோக்³யார்தே² ஸ்வகே³ஹே ச மோக்ஷார்தீ² ஶைலமஸ்தகே ॥ 110 ॥
ஸர்வகாமோ விஷ்ணுகே³ஹே மோக்ஷார்தீ² யத்ர குத்ரசித் ।
ஜபாரம்பே⁴ து ஹ்ருʼத³யம்ʼ ஜபாந்தே கவசம்ʼ படே²த் ॥ 111 ॥
கிமத்ர ப³ஹுனோக்தேன ஶ்ருʼணு நாரத³ தத்த்வத꞉ ।
யம்ʼ யம்ʼ சிந்தயதே நித்யம்ʼ தம்ʼ தம்ʼ ப்ராப்னோதி நிஶ்சிதம் ॥ 112 ॥
இதி ஶ்ரீமத்³வஸிஷ்ட²ஸம்ʼஹிதாயாம்ʼ ப்³ரஹ்மநாரத³ஸம்ʼவாதே³ ஶ்ரீ கா³யத்ரீ பஞ்ஜர ஸ்தோத்ரம் ।
Recite with devotion and pure heart
Regular practice brings spiritual benefits