हैंహైHaindavamஹிહિં
📍
Font Size:
శ్రీ గాయత్రీ కవచం
యాజ్ఞవల్క్య ఉవాచ –
స్వామిన్ సర్వజగన్నాథ సంశయోఽస్తి మహాన్మమ ।
చతుఃషష్టికలానాం చ పాతకానాం చ తద్వద ॥ 1 ॥
ముచ్యతే కేన పుణ్యేన బ్రహ్మరూపం కథం భవేత్ ।
దేహశ్చ దేవతారూపో మంత్రరూపో విశేషతః ।
క్రమతః శ్రోతుమిచ్ఛామి కవచం విధిపూర్వకం ॥ 2 ॥
బ్రహ్మోవాచ –
అస్య శ్రీగాయత్రీకవచస్య బ్రహ్మవిష్ణురుద్రా ఋషయః, ఋగ్యజుఃసామాథర్వాణి ఛందాంసి, పరబ్రహ్మస్వరూపిణీ గాయత్రీ దేవతా, భూర్బీజం, భువః శక్తిః, స్వః కీలకం, శ్రీగాయత్రీప్రీత్యర్థే జపే వినియోగః ॥
ఋష్యాదిన్యాసః –
ఓం బ్రహ్మవిష్ణురుద్ర ఋషిభ్యో నమః శిరసి ।
ఋగ్యజుఃసామాథర్వచ్ఛందోభ్యో నమః ముఖే ।
పరబ్రహ్మస్వరూపిణీ గాయత్రీదేవతాయై నమః హృది ।
భూః బీజాయ నమః గుహ్యే ।
భువః శక్తయే నమః పాదయోః ।
స్వః కీలకాయ నమః నాభౌ ।
వినియోగాయ నమః సర్వాంగే ।
కరన్యాసః –
ఓం భూర్భువః స్వః తత్సవితురితి అంగుష్ఠాభ్యాం నమః ।
ఓం భూర్భువః స్వః వరేణ్యమితి తర్జనీభ్యాం నమః ।
ఓం భూర్భువః స్వః భర్గో దేవస్యేతి మధ్యమాభ్యాం నమః ।
ఓం భూర్భువః స్వః ధీమహీతి అనామికాభ్యాం నమః ।
ఓం భూర్భువః స్వః ధియో యో నః ఇతి కనిష్ఠికాభ్యాం నమః ।
ఓం భూర్భువః స్వః ప్రచోదయాదితి కరతల కరపృష్ఠాభ్యాం నమః ॥
అంగన్యాసః –
ఓం భూర్భువః స్వః తత్సవితురితి హృదయాయ నమః ।
ఓం భూర్భువః స్వః వరేణ్యమితి శిరసే స్వాహా ।
ఓం భూర్భువః స్వః భర్గో దేవస్యేతి శిఖాయై వషట్ ।
ఓం భూర్భువః స్వః ధీమహీతి కవచాయ హుం ।
ఓం భూర్భువః స్వః ధియో యో నః ఇతి నేత్రత్రయాయ వౌషట్ ।
ఓం భూర్భువః స్వః ప్రచోదయాదితి అస్త్రాయ ఫట్ ॥
ప్రార్థనా –
వర్ణాస్త్రాం కుండికాహస్తాం శుద్ధనిర్మలజ్యోతిషీం ।
సర్వతత్త్వమయీం వందే గాయత్రీం వేదమాతరం ॥
అథ ధ్యానం –
ముక్తావిద్రుమహేమనీలధవలచ్ఛాయైర్ముఖైస్త్రీక్షణై-
-ర్యుక్తామిందునిబద్ధరత్నముకుటాం తత్త్వార్థవర్ణాత్మికాం ।
గాయత్రీం వరదాభయాంకుశకశాం శూలం కపాలం గుణం
శంఖం చక్రమథారవిందయుగలం హస్తైర్వహంతీం భజే ॥
అథ కవచం –
ఓం గాయత్రీ పూర్వతః పాతు సావిత్రీ పాతు దక్షిణే ।
బ్రహ్మవిద్యా చ మే పశ్చాదుత్తరే మాం సరస్వతీ ॥ 1 ॥
పావకీం మే దిశం రక్షేత్పావకోజ్జ్వలశాలినీ ।
యాతుధానీం దిశం రక్షేద్యాతుధానగణార్దినీ ॥ 2 ॥
పావమానీం దిశం రక్షేత్పవమానవిలాసినీ ।
దిశం రౌద్రీమవతు మే రుద్రాణీ రుద్రరూపిణీ ॥ 3 ॥
ఊర్ధ్వం బ్రహ్మాణీ మే రక్షేదధస్తాద్వైష్ణవీ తథా ।
ఏవం దశ దిశో రక్షేత్ సర్వతో భువనేశ్వరీ ॥ 4 ॥
బ్రహ్మాస్త్రస్మరణాదేవ వాచాం సిద్ధిః ప్రజాయతే ।
బ్రహ్మదండశ్చ మే పాతు సర్వశస్త్రాస్త్రభక్షకః ॥ 5 ॥
బ్రహ్మశీర్షస్తథా పాతు శత్రూణాం వధకారకః ।
సప్త వ్యాహృతయః పాంతు సర్వదా బిందుసమ్యుతః ॥ 6 ॥
వేదమాతా చ మాం పాతు సరహస్యా సదైవతా ।
దేవీసూక్తం సదా పాతు సహస్రాక్షరదేవతా ॥ 7 ॥
చతుఃషష్టికలా విద్యా దివ్యాద్యా పాతు దేవతా ।
బీజశక్తిశ్చ మే పాతు పాతు విక్రమదేవతా ॥ 8 ॥
తత్పదం పాతు మే పాదౌ జంఘే మే సవితుః పదం ।
వరేణ్యం కటిదేశం తు నాభిం భర్గస్తథైవ చ ॥ 9 ॥
దేవస్య మే తు హృదయం ధీమహీతి గలం తథా ।
ధియో మే పాతు జిహ్వాయాం యః పదం పాతు లోచనే ॥ 10 ॥
లలాటే నః పదం పాతు మూర్ధానం మే ప్రచోదయాత్ ।
తద్వర్ణః పాతు మూర్ధానం సకారః పాతు ఫాలకం ॥ 11 ॥
చక్షుషీ మే వికారస్తు శ్రోత్రం రక్షేత్తు కారకః ।
నాసాపుటే వకారో మే రేకారస్తు కపోలయోః ॥ 12 ॥
ణికారస్త్వధరోష్ఠే చ యకారస్తూర్ధ్వ ఓష్ఠకే ।
ఆస్యమధ్యే భకారస్తు ర్గోకారస్తు కపోలయోః ॥ 13 ॥
దేకారః కంఠదేశే చ వకారః స్కంధదేశయోః ।
స్యకారో దక్షిణం హస్తం ధీకారో వామహస్తకం ॥ 14 ॥
మకారో హృదయం రక్షేద్ధికారో జఠరం తథా ।
ధికారో నాభిదేశం తు యోకారస్తు కటిద్వయం ॥ 15 ॥
గుహ్యం రక్షతు యోకార ఊరూ మే నః పదాక్షరం ।
ప్రకారో జానునీ రక్షేచ్చోకారో జంఘదేశయోః ॥ 16 ॥
దకారో గుల్ఫదేశం తు యాత్కారః పాదయుగ్మకం ।
జాతవేదేతి గాయత్రీ త్ర్యంబకేతి దశాక్షరా ॥ 17 ॥
సర్వతః సర్వదా పాతు ఆపోజ్యోతీతి షోడశీ ।
ఇదం తు కవచం దివ్యం బాధాశతవినాశకం ॥ 18 ॥
చతుఃషష్టికలావిద్యాసకలైశ్వర్యసిద్ధిదం ।
జపారంభే చ హృదయం జపాంతే కవచం పఠేత్ ॥ 19 ॥
స్త్రీగోబ్రాహ్మణమిత్రాదిద్రోహాద్యఖిలపాతకైః ।
ముచ్యతే సర్వపాపేభ్యః పరం బ్రహ్మాధిగచ్ఛతి ॥ 20 ॥
పుష్పాంజలిం చ గాయత్ర్యా మూలేనైవ పఠేత్సకృత్ ।
శతసాహస్రవర్షాణాం పూజాయాః ఫలమాప్నుయాత్ ॥ 21 ॥
భూర్జపత్రే లిఖిత్వైతత్ స్వకంఠే ధారయేద్యది ।
శిఖాయాం దక్షిణే బాహౌ కంఠే వా ధారయేద్బుధః ॥ 22 ॥
త్రైలోక్యం క్షోభయేత్సర్వం త్రైలోక్యం దహతి క్షణాత్ ।
పుత్రవాన్ ధనవాన్ శ్రీమాన్ నానావిద్యానిధిర్భవేత్ ॥ 23 ॥
బ్రహ్మాస్త్రాదీని సర్వాణి తదంగస్పర్శనాత్తతః ।
భవంతి తస్య తుల్యాని కిమన్యత్కథయామి తే ॥ 24 ॥
అభిమంత్రితగాయత్రీకవచం మానసం పఠేత్ ।
తజ్జలం పిబతో నిత్యం పురశ్చర్యాఫలం భవేత్ ॥ 25 ॥
లఘుసామాన్యకం మంత్రం మహామంత్రం తథైవ చ ।
యో వేత్తి ధారణాం యుంజన్ జీవన్ముక్తః స ఉచ్యతే ॥ 26 ॥
సప్తవ్యాహృతయో విప్ర సప్తావస్థాః ప్రకీర్తితాః ।
సప్తజీవశతా నిత్యం వ్యాహృతీ అగ్నిరూపిణీ ॥ 27 ॥
ప్రణవే నిత్యయుక్తస్య వ్యాహృతీషు చ సప్తసు ।
సర్వేషామేవ పాపానాం సంకరే సముపస్థితే ॥ 28 ॥
శతం సహస్రమభ్యర్చ్య గాయత్రీ పావనం మహత్ ।
దశశతమష్టోత్తరశతం గాయత్రీ పావనం మహత్ ॥ 29 ॥
భక్తిమాన్యో భవేద్విప్రః సంధ్యాకర్మ సమాచరేత్ ।
కాలే కాలే తు కర్తవ్యం సిద్ధిర్భవతి నాన్యథా ॥ 30 ॥
ప్రణవం పూర్వముద్ధృత్య భూర్భువఃస్వస్తథైవ చ ।
తుర్యం సహైవ గాయత్రీజప ఏవముదాహృతం ॥ 31 ॥
తురీయపాదముత్సృజ్య గాయత్రీం చ జపేద్ద్విజః ।
స మూఢో నరకం యాతి కాలసూత్రమధోగతిః ॥ 32 ॥
మంత్రాదౌ జననం ప్రోక్తం మంత్రాంతే మృతసూతకం ।
ఉభయోర్దోషనిర్ముక్తం గాయత్రీ సఫలా భవేత్ ॥ 33 ॥
మంత్రాదౌ పాశబీజం చ మంత్రాంతే కుశబీజకం ।
మంత్రమధ్యే తు యా మాయా గాయత్రీ సఫలా భవేత్ ॥ 34 ॥
వాచికం త్వేకమేవ స్యాదుపాంశు శతముచ్యతే ।
సహస్రం మానసం ప్రోక్తం త్రివిధం జపలక్షణం ॥ 35 ॥
అక్షమాలాం చ ముద్రాం చ గురోరపి న దర్శయేత్ ।
జపం చాక్షస్వరూపేణానామికామధ్యపర్వణి ॥ 36 ॥
అనామా మధ్యయా హీనా కనిష్ఠాదిక్రమేణ తు ।
తర్జనీమూలపర్యంతం గాయత్రీజపలక్షణం ॥ 37 ॥
పర్వభిస్తు జపేదేవమన్యత్ర నియమః స్మృతః ।
గాయత్ర్యా వేదమూలత్వాద్వేదః పర్వసు గీయతే ॥ 38 ॥
దశభిర్జన్మజనితం శతేనైవ పురా కృతం ।
త్రియుగం తు సహస్రాణి గాయత్రీ హంతి కిల్బిషం ॥ 39 ॥
ప్రాతః కాలేషు కర్తవ్యం సిద్ధిం విప్రో య ఇచ్ఛతి ।
నాదాలయే సమాధిశ్చ సంధ్యాయాం సముపాసతే ॥ 40 ॥
అంగుల్యగ్రేణ యజ్జప్తం యజ్జప్తం మేరులంఘనే ।
అసంఖ్యయా చ యజ్జప్తం తజ్జప్తం నిష్ఫలం భవేత్ ॥ 41 ॥
వినా వస్త్రం ప్రకుర్వీత గాయత్రీ నిష్ఫలా భవేత్ ।
వస్త్రపుచ్ఛం న జానాతి వృథా తస్య పరిశ్రమః ॥ 42 ॥
గాయత్రీం తు పరిత్యజ్య అన్యమంత్రముపాసతే ।
సిద్ధాన్నం చ పరిత్యజ్య భిక్షామటతి దుర్మతిః ॥ 43 ॥
ఋషిశ్ఛందో దేవతాఖ్యా బీజశక్తిశ్చ కీలకం ।
వినియోగం న జానాతి గాయత్రీ నిష్ఫలా భవేత్ ॥ 44 ॥
వర్ణముద్రా ధ్యానపదమావాహనవిసర్జనం ।
దీపం చక్రం న జానాతి గాయత్రీ నిష్ఫలా భవేత్ ॥ 45 ॥
శక్తిన్యాసస్తథా స్థానం మంత్రసంబోధనం పరం ।
త్రివిధం యో న జానాతి గాయత్రీ నిష్ఫలా భవేత్ ॥ 46 ॥
పంచోపచారకాంశ్చైవ హోమద్రవ్యం తథైవ చ ।
పంచాంగం చ వినా నిత్యం గాయత్రీ నిష్ఫలా భవేత్ ॥ 47 ॥
మంత్రసిద్ధిర్భవేజ్జాతు విశ్వామిత్రేణ భాషితం ।
వ్యాసో వాచస్పతిం జీవస్తుతా దేవీ తపః స్మృతౌ ॥ 48 ॥
దేవీ జప్తా సహస్రం సా హ్యుపపాతకనాశినీ ।
లక్షజాప్యే తథా తచ్చ మహాపాతకనాశినీ ॥ 49 ॥
కోటిజాప్యేన రాజేంద్ర యదిచ్ఛతి తదాప్నుయాత్ ।
న దేయం పరశిష్యేభ్యో హ్యభక్తేభ్యో విశేషతః ।
శిష్యేభ్యో భక్తియుక్తేభ్యో హ్యన్యథా మృత్యుమాప్నుయాత్ ॥ 50 ॥
ఇతి శ్రీ గాయత్రీ కవచం ।
Recite with devotion and pure heart
Regular practice brings spiritual benefits