രാധാ കൃപാ കടാക്ഷ സ്തോത്രം

മുനീന്ദ്ര–വൃന്ദ–വന്ദിതേ ത്രിലോക–ശോക–ഹാരിണി പ്രസന്ന-വക്ത്ര-പൺകജേ നികുഞ്ജ-ഭൂ-വിലാസിനി വ്രജേന്ദ്ര–ഭാനു–നന്ദിനി വ്രജേന്ദ്ര–സൂനു–സംഗതേ കദാ കരിഷ്യസീഹ മാം കൃപാകടാക്ഷ–ഭാജനം ॥ 1 ॥ അശോക–വൃക്ഷ–വല്ലരീ വിതാന–മണ്ഡപ–സ്ഥിതേ പ്രവാലബാല–പല്ലവ പ്രഭാരുണാംഘ്രി–കോമലേ । വരാഭയസ്ഫുരത്കരേ പ്രഭൂതസമ്പദാലയേ കദാ കരിഷ്യസീഹ മാം കൃപാകടാക്ഷ–ഭാജനം ॥ 2 ॥ അനംഗ-രൺഗ മംഗല-പ്രസംഗ-ഭംഗുര-ഭ്രുവാം സവിഭ്രമം സസംഭ്രമം ദൃഗന്ത–ബാണപാതനൈഃ । നിരന്തരം വശീകൃതപ്രതീതനന്ദനന്ദനേ കദാ കരിഷ്യസീഹ മാം കൃപാകടാക്ഷ–ഭാജനം ॥ 3 ॥ തഡിത്–സുവർണ–ചമ്പക –പ്രദീപ്ത–ഗൗര–വിഗ്രഹേ മുഖ–പ്രഭാ–പരാസ്ത–കോടി–ശാരദേന്ദുമണ്ഡലേ । വിചിത്ര-ചിത്ര സഞ്ചരച്ചകോര-ശാവ-ലോചനേ കദാ കരിഷ്യസീഹ മാം കൃപാകടാക്ഷ–ഭാജനം ॥ 4 ॥ മദോന്മദാതി–യൗവനേ പ്രമോദ–മാന–മണ്ഡിതേ പ്രിയാനുരാഗ–രഞ്ജിതേ കലാ–വിലാസ – പണ്ഡിതേ । അനന്യധന്യ–കുഞ്ജരാജ്യ–കാമകേലി–കോവിദേ കദാ കരിഷ്യസീഹ മാം കൃപാകടാക്ഷ–ഭാജനം ॥ 5 ॥ അശേഷ–ഹാവഭാവ–ധീരഹീരഹാര–ഭൂഷിതേ പ്രഭൂതശാതകുംഭ–കുംഭകുംഭി–കുംഭസുസ്തനി । പ്രശസ്തമന്ദ–ഹാസ്യചൂർണ പൂർണസൗഖ്യ –സാഗരേ കദാ കരിഷ്യസീഹ മാം കൃപാകടാക്ഷ–ഭാജനം ॥ 6 ॥ മൃണാല-വാല-വല്ലരീ തരംഗ-രംഗ-ദോർലതേ ലതാഗ്ര–ലാസ്യ–ലോല–നീല–ലോചനാവലോകനേ । ലലല്ലുലന്മിലന്മനോജ്ഞ–മുഗ്ധ–മോഹിനാശ്രിതേ കദാ കരിഷ്യസീഹ മാം കൃപാകടാക്ഷ–ഭാജനം ॥ 7 ॥ സുവർണമലികാഞ്ചിത –ത്രിരേഖ–കംബു–കണ്ഠഗേ ത്രിസൂത്ര–മംഗലീ-ഗുണ–ത്രിരത്ന-ദീപ്തി–ദീധിതേ । സലോല–നീലകുന്തല–പ്രസൂന–ഗുച്ഛ–ഗുംഫിതേ കദാ കരിഷ്യസീഹ മാം കൃപാകടാക്ഷ–ഭാജനം ॥ 8 ॥ നിതംബ–ബിംബ–ലംബമാന–പുഷ്പമേഖലാഗുണേ പ്രശസ്തരത്ന-കിങ്കിണീ-കലാപ-മധ്യ മഞ്ജുലേ । കരീന്ദ്ര–ശുണ്ഡദണ്ഡികാ–വരോഹസൗഭഗോരുകേ കദാ കരിഷ്യസീഹ മാം കൃപാകടാക്ഷ–ഭാജനം ॥ 9 ॥ അനേക–മന്ത്രനാദ–മഞ്ജു നൂപുരാരവ–സ്ഖലത് സമാജ–രാജഹംസ–വംശ–നിക്വണാതി–ഗൗരവേ । വിലോലഹേമ–വല്ലരീ–വിഡംബിചാരു–ചങ്ക്രമേ കദാ കരിഷ്യസീഹ മാം കൃപാകടാക്ഷ–ഭാജനം ॥ 10 ॥ അനന്ത–കോടി–വിഷ്ണുലോക–നമ്ര–പദ്മജാർചിതേ ഹിമാദ്രിജാ–പുലോമജാ–വിരിഞ്ചജാ-വരപ്രദേ । അപാര–സിദ്ധി–ഋദ്ധി–ദിഗ്ധ–സത്പദാംഗുലീ-നഖേ കദാ കരിഷ്യസീഹ മാം കൃപാകടാക്ഷ–ഭാജനം ॥ 11 ॥ മഖേശ്വരി ക്രിയേശ്വരി സ്വധേശ്വരി സുരേശ്വരി ത്രിവേദ–ഭാരതീശ്വരി പ്രമാണ–ശാസനേശ്വരി । രമേശ്വരി ക്ഷമേശ്വരി പ്രമോദ–കാനനേശ്വരി വ്രജേശ്വരി വ്രജാധിപേ ശ്രീരാധികേ നമോസ്തുതേ ॥ 12 ॥ ഇതീ മമദ്ഭുതം-സ്തവം നിശമ്യ ഭാനുനന്ദിനീ കരോതു സന്തതം ജനം കൃപാകടാക്ഷ-ഭാജനം । ഭവേത്തദൈവ സഞ്ചിത ത്രിരൂപ–കർമ നാശനം ലഭേത്തദാ വ്രജേന്ദ്ര–സൂനു–മണ്ഡല–പ്രവേശനം ॥ 13 ॥ രാകായാം ച സിതാഷ്ടമ്യാം ദശമ്യാം ച വിശുദ്ധധീഃ । ഏകാദശ്യാം ത്രയോദശ്യാം യഃ പഠേത്സാധകഃ സുധീഃ ॥ 14 ॥ യം യം കാമയതേ കാമം തം തമാപ്നോതി സാധകഃ । രാധാകൃപാകടാക്ഷേണ ഭക്തിഃസ്യാത് പ്രേമലക്ഷണാ ॥ 15 ॥ ഊരുദഘ്നേ നാഭിദഘ്നേ ഹൃദ്ദഘ്നേ കണ്ഠദഘ്നകേ । രാധാകുണ്ഡജലേ സ്ഥിതാ യഃ പഠേത് സാധകഃ ശതം ॥ 16 ॥ തസ്യ സർവാർഥ സിദ്ധിഃ സ്യാദ് വാക്സാമർഥ്യം തഥാ ലഭേത് । ഐശ്വര്യം ച ലഭേത് സാക്ഷാദ്ദൃശാ പശ്യതി രാധികാം ॥ 17 ॥ തേന സ തത്ക്ഷണാദേവ തുഷ്ടാ ദത്തേ മഹാവരം । യേന പശ്യതി നേത്രാഭ്യാം തത് പ്രിയം ശ്യാമസുന്ദരം ॥ 18 ॥ നിത്യലീലാ–പ്രവേശം ച ദദാതി ശ്രീ-വ്രജാധിപഃ । അതഃ പരതരം പ്രാർഥ്യം വൈഷ്ണവസ്യ ന വിദ്യതേ ॥ 19 ॥ ॥ ഇതി ശ്രീ രാധാ കൃപാ കടാക്ഷ സ്തോത്രം സമ്പൂർണം ॥

Recite with devotion and pure heart

Regular practice brings spiritual benefits