īśvara uvāca । stavarājamahaṃ vande vai rocanyāśśubhapradaṃ । nābhau śubhrāravindaṃ tadupari vilasanmaṇḍalaṃ caṇḍaraśmeḥ saṃsārasyaikasārāṃ tribhuvanajananīṃ dharmakāmārthadātrīṃ । tasminnadhye tribhāge tritayatanudharāṃ chinnamastāṃ praśastāṃ tāṃ vande chinnamastāṃ śamanabhayaharāṃ yoginīṃ yogamudrām ॥ 1 ॥ nābhau śuddhasarojavaktravilasadbandhūkapuṣpāruṇaṃ bhāsvadbhāskaramaṇḍalaṃ tadudare tadyonicakraṃ mahat । tanmadhye viparītamaithunarata pradyumnasatkāminī pṛṣṭhaṃsyāttaruṇārya koṭivilasattejassvarūpāṃ bhaje ॥ 2 ॥ vāme chinnaśirodharāṃ taditare pāṇau mahatkartṛkāṃ pratyālīḍhapadāṃ digantavasanāmunmukta keśavrajāṃ । chinnātmīya śirassamaccala damṛddhārāṃ pibantīṃ parāṃ bālāditya samaprakāśa vilasannetratrayodbhāsinīm ॥ 3 ॥ vāmādanyatra nālaṃ bahugahanagaladraktadhārābhiruccai- rgāyantīmasthibhūṣāṃ karakamalalasatkartṛkāmugrarūpāṃ । raktāmāraktakeśīmavagatavasanāvarṇanīmātmaśaktiṃ pratyālīḍhorupādāmaruṇi tanayanāṃ yoginīṃ yoganidrām ॥ 4 ॥ digvastrāṃ muktakeśīṃ pralayaghanaghaṭā ghorarūpāṃ pracaṇḍāṃ damṣṭrāduḥprekṣyavaktrodaravivaralasallolajihvāgrabhāsāṃ । vidyullolākṣiyugmāṃ hṛdayataṭalasadbhoginīṃ bhīmamūrtiṃ sadyaḥ chinnātmakaṇṭhapragalitarudhirairḍākinī vardhayantīm ॥ 5 ॥ brahmeśānācyutādyaiśśirasi vinihitā mandapādāravindai rājñairyogīndramukhyaiḥ pratipadamaniśaṃ cintitāṃ cintyarūpāṃ । saṃsāre sārabhūtāṃ tribhuvanajananīṃ chinnamastāṃ praśastāṃ iṣṭāṃ tāmiṣṭadātrīṃ kalikaluṣaharāṃ cetasā cintayāmi ॥ 6 ॥ utpatti sthitisaṃhṛtīrghaṭayituṃ dhatte trirūpāṃ tanuṃ traiguṇyājjagatoyadīyavikṛti brahmācyutaśśūlabhṛt । tāmādyāṃ prakṛtiṃ smarāmi manasā sarvārthasaṃsiddhaye yasmātmserapadāravindayugale lābhaṃ bhajante narāḥ ॥ 7 ॥ abhilaṣita parastrī yogapūjāparo'haṃ bahuvidhajana bhāvārambhasambhāvito'haṃ । paśujanavirato'haṃ bhairavī saṃsthito'haṃ gurucaraṇaparo'haṃ bhairavohaṃ śivo'ham ॥ 8 ॥ idaṃ stotraṃ mahāpuṇyaṃ brahmaṇā bhāṣitaṃ purā । sarvasiddhipradaṃ sākṣānmahāpātakanāśanam ॥ 9 ॥ yaḥpaṭhetprātarutthāya devyāssannihitopi vā । tasya siddhirbhaveddevī vāñchitārtha pradāyinī ॥ 10 ॥ dhanaṃ dhānyaṃ sutaṃ jāyāṃ hayaṃ hastinameva ca । vasundharāṃ mahāvidyāmaṣṭasiddhiṃ labheddhṛvam ॥ 11 ॥ vaiyāghrājinarañjitasvajaghane'raṇye pralambodare kharve nirvacanīyaparvasubhage muṇḍāvalīmaṇḍite । kartīṃ kundaruciṃ vicitravanitāṃ jñāne dadhāne pade mātarbhaktajanānukampini mahāmāyestu tubhyaṃ namaḥ ॥ 12 ॥ iti śrī chinnamastā stotram ।