స్వస్తి సూక్తం

స్వ॒స్తి నో᳚ మిమీతామ॒శ్వినా॒ భగః॑ స్వ॒స్తి దే॒వ్యది॑తిరన॒ర్వణః॑ ।

స్వ॒స్తి పూ॒షా అసు॑రో దధాతు నః స్వ॒స్తి ద్యావా᳚పృథి॒వీ సు॑చే॒తునా᳚ ॥

స్వ॒స్తయే᳚ వా॒యుముప॑ బ్రవామహై॒ సోమం᳚ స్వ॒స్తి భువ॑నస్య॒ యస్పతిః॑ ।

బృహ॒స్పతిం॒ సర్వ॑గణం స్వ॒స్తయే᳚ స్వ॒స్తయ॑ ఆది॒త్యాసో᳚ భవంతు నః ॥

విశ్వే᳚ దే॒వా నో᳚ అ॒ద్యా స్వ॒స్తయే᳚ వైశ్వాన॒రో వసు॑ర॒గ్నిః స్వ॒స్తయే᳚ ।

దే॒వా అ॑వంత్వృ॒భవః॑ స్వ॒స్తయే᳚ స్వ॒స్తి నో᳚ రు॒ద్రః పా॒త్వంహ॑సః ॥

స్వ॒స్తి మి॑త్రావరుణా స్వ॒స్తి ప॑థ్యే రేవతి ।

స్వ॒స్తి న॒ ఇంద్ర॑శ్చా॒గ్నిశ్చ॑ స్వ॒స్తి నో᳚ అదితే కృధి ॥

స్వ॒స్తి పంథా॒మను॑ చరేమ సూర్యాచంద్ర॒మసా᳚వివ ।

పున॒ర్దద॒తాఘ్న॑తా జాన॒తా సం గ॑మేమహి ॥

స్వ॒స్త్యయ॑నం॒ తార్క్ష్య॒మరి॑ష్టనేమిం మ॒హద్భూ᳚తం వాయ॒సం దే॒వతా᳚నాం ।

అ॒సు॒ర॒ఘ్నమింద్ర॑సఖం స॒మత్సు॑ బృ॒హద్యశో॑ నావ॑మి॒వా రు॑హేమ ॥

అం॒హో॒ముచ॑మాం॒గి॑రసం॒ గయం᳚ చ స్వ॒స్త్యా᳚త్రే॒యం మన॑సా చ॒ తార్క్ష్యం᳚ ।

ప్రయ॑తపాణిః శ॒రణం ప్రప॑ద్యే స్వ॒స్తి సం᳚బా॒ధేష్వభ॑యం నో అస్తు ॥

స్వ॒స్తి న॒ ఇంద్రో॑ వృ॒ద్ధశ్ర॑వాః స్వ॒స్తి నః॑ పూ॒షా వి॒శ్వవే॑దాః ।

స్వ॒స్తి న॒స్తార్క్ష్యో॒ అరి॑ష్టనేమిః స్వ॒స్తి నో॒ బృహ॒స్పతి॑ర్దధాతు ॥

ఓం శాంతిః॒ శాంతిః॒ శాంతిః॑ । హరిః ఓం ।

Recite with devotion and pure heart

Regular practice brings spiritual benefits