Mantra Pushpam

bha̱draṃ karṇe̍bhiḥ śṛṇu̱yāma̍ devāḥ । bha̱draṃ pa̍śyemā̱kṣabhi̱ryaja̍trāḥ । sthi̱rairaṃgai̎stuṣṭu̱vāgṃsa̍sta̱nūbhi̍ḥ । vyaśe̍ma de̱vahi̍ta̱ṃ-yam̐dāyu̍ḥ ॥ sva̱sti na̱ iṃdro̍ vṛ̱ddhaśra̍vāḥ । sva̍sti na̍ḥ pū̱ṣā vi̱śvave̍dāḥ । sva̱̱stina̱stārkṣyo̱ ari̍ṣṭanemiḥ । sva̱sti no̱ bṛha̱spati̍rdadhātu ॥ oṃ śāṃti̱ḥ śāṃti̱ḥ śāṃti̍ḥ ॥ yo̍'pāṃ puṣpa̱ṃ-vem̐da̍ । puṣpa̍vān pra̱jāvā̎n paśu̱mān bha̍vati । ca̱ṃdramā̱ vā a̱pāṃ puṣpam̎ । puṣpa̍vān pra̱jāvā̎n paśu̱mān bha̍vati । ya e̱vaṃ-vem̐da̍ । yo̍'pāmā̱yata̍na̱ṃ-vem̐da̍ । ā̱yata̍navān bhavati ॥ a̱gnirvā a̱pāmā̱yata̍nam । ā̱yata̍navān bhavati । yo̎'gnerā̱yata̍na̱ṃ-vem̐da̍ । ā̱yata̍navān bhavati । āpo̱vā a̱gnerā̱yata̍nam । ā̱yata̍navān bhavati । ya e̱vaṃ-vem̐da̍ । yo̍'pāmā̱yata̍na̱ṃ-vem̐da̍ । ā̱yata̍navān bhavati ॥ vā̱yurvā a̱pāmā̱yata̍nam । ā̱yata̍navān bhavati । yo vā̱yorā̱yata̍na̱ṃ-vem̐da̍ । ā̱yata̍navān bhavati । āpo̱ vai vā̱yorā̱yata̍nam । ā̱yata̍navān bhavati । ya e̱vaṃ-vem̐da̍ । yo̍'pāmā̱yata̍na̱ṃ-vem̐da̍ । ā̱yata̍navān bhavati ॥ a̱sau vai tapa̍nna̱pāmā̱yata̍nam । ā̱yata̍navān bhavati । yo̍'muṣya̱tapa̍ta ā̱yata̍na̱ṃ-vem̐da̍ । ā̱yata̍navān bhavati । āpo̱ vā a̱muṣya̱tapa̍ta ā̱yata̍nam । ā̱yata̍navān bhavati । ya e̱vaṃ-vem̐da̍ । yo̍'pāmā̱yata̍na̱ṃ-vem̐da̍ । ā̱yata̍navān bhavati ॥ ca̱ṃdramā̱ vā a̱pāmā̱yata̍nam । ā̱yata̍navān bhavati । yaśca̱ṃdrama̍sa ā̱yata̍na̱ṃ-vem̐da̍ । ā̱yata̍navān bhavati । āpo̱ vai ca̱ṃdrama̍sa ā̱yata̍nam । ā̱yata̍navān bhavati । ya e̱vaṃ-vem̐da̍ । yo̍'pāmā̱yata̍na̱ṃ-vem̐da̍ । ā̱yata̍navān bhavati ॥ nakṣatra̍trāṇi̱ vā a̱pāmā̱yata̍nam । ā̱yata̍navān bhavati । yo nakṣatra̍trāṇāmā̱yata̍na̱ṃ-vem̐da̍ । ā̱yata̍navān bhavati । āpo̱ vai nakṣa̍trāṇāmā̱yata̍nam । ā̱yata̍navān bhavati । ya e̱vaṃ-vem̐da̍ । yo̍'pāmā̱yata̍na̱ṃ-vem̐da̍ । ā̱yata̍navān bhavati ॥ pa̱rjanyo̱ vā a̱pāmā̱yata̍nam । ā̱yata̍navān bhavati । yaḥ pa̱rjanya̍syā̱yata̍na̱ṃ-vem̐da̍ । ā̱yata̍navān bhavati । āpo̱ vai pa̱rjanya̍syā̱yata̍nam । ā̱yata̍navān bhavati । ya e̱vaṃ-vem̐da̍ । yo̍'pāmā̱yata̍na̱ṃ-vem̐da̍ । ā̱yata̍navān bhavati ॥ sa̱ṃva̱m̐tsa̱ro vā a̱pāmā̱yata̍na̱m । ā̱yata̍navān bhavati । yaḥ sa̍ṃvam̐tsa̱rasyā̱yata̍na̱ṃ-vem̐da̍ । ā̱yata̍navān bhavati । āpo̱ vai sa̍ṃvam̐tsa̱rasyā̱yata̍nam । ā̱yata̍navān bhavati । ya evaṃ-vem̐da̍ । yo̎'phsu nāva̱ṃ prati̍ṣṭhitā̱ṃ-vem̐da̍ । pratye̱va ti̍ṣṭhati ॥ oṃ rā̱jā̱dhi̱rā̱jāya̍ prasahya sā̱hine̎ । namo̍ va̱yaṃ-vai̎m̐śrava̱ṇāya̍ kurmahe । sa me̱ kāmā̱n kāma̱ kāmā̍ya̱ mahyam̎ । kā̱me̱śva̱ro vai̎śrava̱ṇo da̍dātu । ku̱be̱rāya̍ vaiśrava̱ṇāya̍ । ma̱hā̱rājāya̱ nama̍ḥ ॥ o̎ṃ tadbra̱hma । o̎ṃ tadvā̱yuḥ । o̎ṃ tadā̱tmā । o̎ṃ tathsa̱tyam । o̎ṃ tatsarvam̎ । o̎ṃ tatpuro̱rnamaḥ ॥ aṃtaścarati̍ bhūte̱ṣu guhāyāṃ-vi̍m̐śvamū̱rtiṣu । tvaṃ-yam̐jñastvaṃ-vam̐ṣaṭkārastva-miṃdrastvagṃ rudrastvaṃ-vim̐ṣṇustvaṃ brahmatva̍ṃ prajā̱patiḥ । tvaṃ ta̍dāpa̱ āpo̱ jyotī̱raso̱'mṛtaṃ brahma̱ bhūrbhuva̱ssuva̱rom । īśānassarva̍ vidyā̱nāmīśvarassarva̍bhūtā̱nāṃ brahmādhi̍pati̱-rbrahma̱ṇo'dhi̍pati̱-rbrahmā̍ śi̱vo me̍ astu sadāśi̱vom । tadviṣṇo̎ḥ para̱maṃ pa̱dagṃ sadā̍ paśyaṃti sū̱raya̍ḥ । di̱vīva̱ cakṣu̱rāta̍tam । tadviprā̍so vipa̱nyavo̍ jāgṛ̱vāgṃ sassami̍ṃdhate । viṣno̱ryatpa̍ra̱maṃ pa̱dam । ṛtagṃ sa̱tyaṃ pa̍raṃ bra̱hma̱ pu̱ruṣa̍ṃ kṛṣṇa̱piṃga̍lam । ū̱rdhvare̍taṃ-vi̍m̐rūpā̱kṣa̱ṃ-vi̱m̐śvarū̍pāya̱ vai namo̱ nama̍ḥ ॥ oṃ nā̱rā̱ya̱ṇāya̍ vi̱dmahe̍ vāsude̱vāya̍ dhīmahi । tanno̍ viṣṇuḥ praco̱dayā̎t ॥ oṃ śāṃti̱ḥ śāṃti̱ḥ śāṃti̍ḥ ।

Recite with devotion and pure heart

Regular practice brings spiritual benefits

More Vedic chants of Other: