oṃ pūrṇa̱mada̱ḥ pūrṇa̱mida̱ṃ pūrṇā̱tpūrṇa̱muda̱cyate । pūrṇa̱sya pūrṇa̱mādā̱ya pūrṇa̱mevāvaśi̱ṣyate ॥ oṃ śāṃti̱ḥ śāṃti̱ḥ śāṃti̍ḥ ॥ oṃ ī̱śā vā̱sya̍mi̱dagṃ sarva̱ṃ-yam̐tkiṃca̱ jaga̍tvā̱ṃ jaga̍t । tena̍ tya̱ktena̍ bhuṃjīthā̱ mā gṛ̍dha̱ḥ kasya̍svi̱ddhanam̎ ॥ 1 ॥ ku̱rvanne̱veha karmā̎ṇi jijīvi̱ṣecca̱tagṃ samā̎ḥ । e̱vaṃ tvayi̱ nānyathe̱to̎'sti̱ na karma̍ lipyate̍ nare̎ ॥ 2 ॥ a̱su̱ryā̱ nāma̱ te lo̱kā a̱ṃdhena̱ tama̱sā''vṛ̍tāḥ । tāgṃste pretyā̱bhiga̍cchaṃti̱ ye ke cā̎tma̱hano̱ janā̎ḥ ॥ 3 ॥ ane̎ja̱deka̱ṃ mana̍so̱ javī̎yo̱ naina̍dde̱vā ā̎pnuva̱npūrva̱mar​ṣa̍t । taddhāva̍to̱'nyānatye̎ti̱ tiṣṭha̱ttasmin̎na̱po mā̎ta̱riśvā̎ dadhāti ॥ 4 ॥ tade̎jati̱ tanneja̍ti̱ taddū̱re tadva̍ṃti̱ke । tada̱ṃtara̍sya̱ sarva̍sya̱ tadu̱ sarva̍syāsya bāhya̱taḥ ॥ 5 ॥ yastu sarvā̎ṇi bhū̱tānyā̱tmanye̱vānu̱paśya̍ti । sa̱rva̱bhū̱teṣu̍ cā̱tmāna̱ṃ tato̱ na vihu̍gupsate ॥ 6 ॥ yasmi̱nsarvā̎ṇi bhū̱tānyā̱tmaivābhū̎dvijāna̱taḥ । tatra̱ ko moha̱ḥ kaḥ śoka̍ḥ eka̱tvama̍nu̱paśya̍taḥ ॥ 7 ॥ sa parya̍gāccu̱krama̍kā̱yama̍praṇa̱ma̍snāvi̱ragṃ śu̱ddhamapā̎paviddham । ka̱virma̍nī̱ṣī pa̍ri̱bhūḥ sva̍ya̱ṃbhū-ryā̎thātathya̱to'rthā̱n vya̍dadhācchāśva̱tībhya̱ḥ samā̎bhyaḥ ॥ 8 ॥ a̱ṃdhaṃ tama̱ḥ pravi̍śaṃti̱ ye'vi̍dyāmu̱pāsa̍te । tato̱ bhūya̍ iva̱ te tamo̱ ya u̍ vi̱dyāyā̎gṃ ra̱tāḥ ॥ 9 ॥ a̱nyade̱vāyuri̱dyayā̱'nyadā̎hu̱ravi̍dyayā । iti̍ śuśuma̱ dhīrā̎ṇā̱ṃ-yem̐ na̱stadvi̍cacakṣi̱re ॥ 10 ॥ vi̱dyāṃ cāvi̍dyāṃ ca̱ yastadvedo̱bhaya̍gṃ sa̱ha । avi̍dyayā mṛ̱tyuṃ tī̱rtvā vi̱dyayā'mṛta̍maśnute ॥ 11 ॥ a̱ṃdhaṃ tama̱ḥ pravi̍śaṃti̱ ye'sam̎bhūtimu̱pāsa̍te । tato̱ bhūya̍ iva̱ te tamo̱ ya u̱ saṃbhū̎tyāgṃ ra̱tāḥ ॥ 12 ॥ a̱nyade̱vāhuḥ sam̎bha̱vāda̱nyadā̎hu̱rasam̎bhavāt । iti̍ śuśruma̱ dhīrā̎ṇā̱ṃ-yem̐ na̱stadvi̍cacakṣi̱re ॥ 13 ॥ saṃbhū̎tiṃ ca viṇā̱śaṃ ca̱ yastadvedo̱bhaya̍gṃ sa̱ha । vi̱nā̱śena̍ mṛ̱tyuṃ tī̱rtvā saṃbhū̎tyā̱'mṛta̍maśnute ॥ 14 ॥ hi̱ra̱ṇmaye̎na̱ pātre̎ṇa sa̱tyasyāpi̍hita̱ṃ mukham̎ । tatvaṃ pū̎ṣa̱nnapāvṛ̍ṇu sa̱tyadha̎rmāya dṛ̱ṣṭaye̎ ॥ 15 ॥ pūṣa̍nnekar​ṣe yama sūrya̱ prājā̎patya̱ vyū̎ha ra̱śmīn samū̎ha̱ tejo̱ yatte̎ rū̱paṃ kalyā̎ṇatama̱ṃ tatte̎ paśyāmi । yo̱'sāva̱sau puru̍ṣa̱ḥ so̱'hama̍smi ॥ 16 ॥ vā̱yurani̍lama̱mṛta̱mathedaṃ bhasmā̎ṃta̱g̱ṃ śarī̍ram । oṃ 3 krato̱ smara̍ kṛ̱tagṃ sma̍ra̱ krato̱ smara̍ kṛ̱tagṃ sma̍ra ॥ 17 ॥ agne̱ naya̍ su̱pathā̎ rā̱ye a̱smān viśvā̍ni deva va̱yanā̍ni vi̱dvān । yu̱yo̱dhya̱smajju̍hurā̱ṇameno̱ bhūyi̍ṣṭāṃ te̱ nama̍uktiṃ-vim̐dhema ॥ 18 ॥ oṃ pūrṇa̱mada̱ḥ pūrṇa̱mida̱ṃ pūrṇā̱tpūrṇa̱muda̱cyate । pūrṇa̱sya pūrṇa̱mādā̱ya pūrṇa̱mevāvaśi̱ṣyate ॥ oṃ śāṃti̱ḥ śāṃti̱ḥ śāṃti̍ḥ ॥