हैंహైHaindavamஹிહિં
📍
Font Size:
Shraddha Suktam - Krishna Yajurvedam
śra̱ddhayā̱'gniḥ sami̍dhyate ।
śra̱ddhayā̍ viṃdate ha̱viḥ ।
śra̱ddhāṃ bhaga̍sya mū̱rdhani̍ ।
vaca̱sā''ve̍dayāmasi ।
pri̱yagg śra̍ddhe̱ dada̍taḥ ।
pri̱yagg śra̍ddhe̱ didā̍sataḥ ।
pri̱yaṃ bho̱jeṣu̱ yajva̍su ॥
i̱daṃ ma̍ udi̱taṃ kṛ̍dhi ।
yathā̍ de̱vā asu̍reṣu ।
śra̱ddhāmu̱greṣu̍ cakri̱re ।
e̱vaṃ bho̱jeṣu̱ yajva̍su ।
a̱smāka̍mudi̱taṃ kṛ̍dhi ।
śra̱ddhāṃ de̍vā̱ yaja̍mānāḥ ।
vā̱yugo̍pā̱ upā̍sate ।
śra̱ddhāgṃ hṛ̍da̱yya̍yā''kū̎tyā ।
śra̱ddhayā̍ hūyate ha̱viḥ ।
śra̱ddhāṃ prā̱tarha̍vāmahe ॥
śra̱ddhāṃ ma̱dhyaṃdi̍na̱ṃ pari̍ ।
śra̱ddhāgṃ sūrya̍sya ni̱mṛci̍ ।
śraddhe̱ śraddhā̍paye̱ha mā̎ ।
śra̱ddhā de̱vānadhi̍vaste ।
śra̱ddhā viśva̍mi̱daṃ jaga̍t ।
śra̱ddhāṃ kāma̍sya mā̱taram̎ ।
ha̱viṣā̍ vardhayāmasi ।
Recite with devotion and pure heart
Regular practice brings spiritual benefits