സ്വസ്തി സൂക്തം

സ്വ॒സ്തി നോ᳚ മിമീതാമ॒ശ്വിനാ॒ ഭഗഃ॑ സ്വ॒സ്തി ദേ॒വ്യദി॑തിരന॒ർവണഃ॑ ।

സ്വ॒സ്തി പൂ॒ഷാ അസു॑രോ ദധാതു നഃ സ്വ॒സ്തി ദ്യാവാ᳚പൃഥി॒വീ സു॑ചേ॒തുനാ᳚ ॥

സ്വ॒സ്തയേ᳚ വാ॒യുമുപ॑ ബ്രവാമഹൈ॒ സോമം᳚ സ്വ॒സ്തി ഭുവ॑നസ്യ॒ യസ്പതിഃ॑ ।

ബൃഹ॒സ്പതിം॒ സർവ॑ഗണം സ്വ॒സ്തയേ᳚ സ്വ॒സ്തയ॑ ആദി॒ത്യാസോ᳚ ഭവന്തു നഃ ॥

വിശ്വേ᳚ ദേ॒വാ നോ᳚ അ॒ദ്യാ സ്വ॒സ്തയേ᳚ വൈശ്വാന॒രോ വസു॑ര॒ഗ്നിഃ സ്വ॒സ്തയേ᳚ ।

ദേ॒വാ അ॑വന്ത്വൃ॒ഭവഃ॑ സ്വ॒സ്തയേ᳚ സ്വ॒സ്തി നോ᳚ രു॒ദ്രഃ പാ॒ത്വംഹ॑സഃ ॥

സ്വ॒സ്തി മി॑ത്രാവരുണാ സ്വ॒സ്തി പ॑ഥ്യേ രേവതി ।

സ്വ॒സ്തി ന॒ ഇന്ദ്ര॑ശ്ചാ॒ഗ്നിശ്ച॑ സ്വ॒സ്തി നോ᳚ അദിതേ കൃധി ॥

സ്വ॒സ്തി പന്ഥാ॒മനു॑ ചരേമ സൂര്യാചന്ദ്ര॒മസാ᳚വിവ ।

പുന॒ർദദ॒താഘ്ന॑താ ജാന॒താ സം ഗ॑മേമഹി ॥

സ്വ॒സ്ത്യയ॑നം॒ താർക്ഷ്യ॒മരി॑ഷ്ടനേമിം മ॒ഹദ്ഭൂ᳚തം വായ॒സം ദേ॒വതാ᳚നാം ।

അ॒സു॒ര॒ഘ്നമിന്ദ്ര॑സഖം സ॒മത്സു॑ ബൃ॒ഹദ്യശോ॑ നാവ॑മി॒വാ രു॑ഹേമ ॥

അം॒ഹോ॒മുച॑മാം॒ഗി॑രസം॒ ഗയം᳚ ച സ്വ॒സ്ത്യാ᳚ത്രേ॒യം മന॑സാ ച॒ താർക്ഷ്യം᳚ ।

പ്രയ॑തപാണിഃ ശ॒രണം പ്രപ॑ദ്യേ സ്വ॒സ്തി സം᳚ബാ॒ധേഷ്വഭ॑യം നോ അസ്തു ॥

സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ ।

സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ സ്വ॒സ്തി നോ॒ ബൃഹ॒സ്പതി॑ർദധാതു ॥

ഓം ശാന്തിഃ॒ ശാന്തിഃ॒ ശാന്തിഃ॑ । ഹരിഃ ഓം ।

Recite with devotion and pure heart

Regular practice brings spiritual benefits