ഭാഗ്യ സൂക്തം

ഓം പ്രാ॒തര॒ഗ്നിം പ്രാ॒തരിന്ദ്രഗ്ം॑ ഹവാമഹേ പ്രാ॒തർമി॒ത്രാ വരു॑ണാ പ്രാ॒തര॒ശ്വിനാ᳚ ।

പ്രാ॒തർഭഗം॑ പൂ॒ഷണം॒ ബ്രഹ്മ॑ണ॒സ്പതിം॑ പ്രാ॒തഃ സോമ॑മു॒ത രു॒ദ്രഗ്ം ഹു॑വേമ ॥ 1 ॥

പ്രാ॒ത॒ർജിതം॒ ഭ॑ഗമു॒ഗ്രഗ്ം ഹു॑വേമ വ॒യം പു॒ത്രമദി॑തേ॒ര്യോ വി॑ധ॒ർതാ ।

ആ॒ദ്ധ്രശ്ചി॒ദ്യം മന്യ॑മാനസ്തു॒രശ്ചി॒ദ്രാജാ॑ ചി॒ദ്യം ഭഗം॑ ഭ॒ക്ഷീത്യാഹ॑ ॥ 2 ॥

ഭഗ॒ പ്രണേ॑ത॒ർഭഗ॒ സത്യ॑രാധോ॒ ഭഗേ॒മാം ധിയ॒മുദ॑വ॒ദദ॑ന്നഃ ।

ഭഗ॒പ്രണോ॑ ജനയ॒ ഗോഭി॒രശ്വൈ॒ർഭഗ॒പ്രനൃഭി॑ർനൃ॒വന്ത॑സ്സ്യാമ ॥ 3 ॥

ഉ॒തേദാനീം॒ ഭഗ॑വന്തസ്സ്യാമോ॒ത പ്രപി॒ത്വ ഉ॒ത മധ്യേ॒ അഹ്നാം᳚ ।

ഉ॒തോദി॑താ മഘവം॒ഥ്സൂര്യ॑സ്യ വ॒യം ദേ॒വാനാഗ്ം॑ സുമ॒തൗ സ്യാ॑മ ॥ 4 ॥

ഭഗ॑ ഏ॒വ ഭഗ॑വാഗ്ം അസ്തു ദേവാ॒സ്തേന॑ വ॒യം ഭഗ॑വന്തസ്സ്യാമ ।

തം ത്വാ॑ ഭഗ॒ സർവ॒ ഇജ്ജോ॑ഹവീമി॒ സനോ॑ ഭഗ പുര ഏ॒താ ഭ॑വേഹ ॥ 5 ॥

സമ॑ധ്വ॒രായോ॒ഷസോ॑ഽനമന്ത ദധി॒ക്രാവേ॑വ॒ ശുചയേ॑ പ॒ദായ॑ ।

അ॒ർവാ॒ചീ॒നം-വഁ॑സു॒വിദം॒ ഭഗ॑ന്നോ॒ രഥ॑മി॒വാഽശ്വാ॑വാ॒ജിന॒ ആവ॑ഹന്തു ॥ 6 ॥

അശ്വാ॑വതീ॒ർഗോമ॑തീർന ഉ॒ഷാസോ॑ വീ॒രവ॑തീ॒സ്സദ॑മുച്ഛന്തു ഭ॒ദ്രാഃ ।

ഘൃ॒തം ദുഹാ॑നാ വി॒ശ്വതഃ॒ പ്രപീ॑നാ യൂ॒യം പാ॑ത സ്വ॒സ്തിഭി॒സ്സദാ॑ നഃ ॥ 7 ॥

യോ മാ᳚ഽഗ്നേ ഭാ॒ഗിനഗ്ം॑ സം॒തമഥാ॑ഭാ॒ഗം॑ ചികീ॑ഋഷതി ।

അഭാ॒ഗമ॑ഗ്നേ॒ തം കു॑രു॒ മാമ॑ഗ്നേ ഭാ॒ഗിനം॑ കുരു ॥ 8 ॥

ഓം ശാന്തിഃ॒ ശാന്തിഃ॒ ശാന്തിഃ॑ ॥

Recite with devotion and pure heart

Regular practice brings spiritual benefits