हैंహైHaindavamஹிહિં
📍
Font Size:
അന്ന സൂക്തം - ഋഗ്വേദം
പി॒തും നു സ്തോ॑ഷം മ॒ഹോ ധ॒ർമാണം॒ തവി॑ഷീം ।
യസ്യ॑ ത്രി॒തോ വ്യോജ॑സാ വൃ॒ത്രം വിപ॑ർവമ॒ർദയ॑ത് ॥ 1 ॥
സ്വാദോ॑ പിതോ॒ മധോ॑ പിതോ വ॒യം ത്വാ॑ വവൃമഹേ ।
അ॒സ്മാക॑മവി॒താ ഭ॑വ ॥ 2 ॥
ഉപ॑ നഃ പിത॒വാ ച॑ര ശി॒വഃ ശി॒വാഭി॑രൂ॒തിഭി॑: ।
മ॒യോ॒ഭുര॑ദ്വിഷേ॒ണ്യഃ സഖാ॑ സു॒ശേവോ॒ അദ്വ॑യാഃ ॥ 3 ॥
തവ॒ ത്യേ പി॑തോ॒ രസാ॒ രജാം॒സ്യനു॒ വിഷ്ഠി॑താഃ ।
ദി॒വി വാതാ॑ ഇവ ശ്രി॒താഃ ॥ 4 ॥
തവ॒ ത്യേ പി॑തോ॒ ദദ॑ത॒സ്തവ॑ സ്വാദിഷ്ഠ॒ തേ പി॑തോ ।
പ്ര സ്വാ॒ദ്മാനോ॒ രസാ॑നാം തുവി॒ഗ്രീവാ॑ ഇവേരതേ ॥ 5 ॥
ത്വേ പി॑തോ മ॒ഹാനാം॑ ദേ॒വാനാം॒ മനോ॑ ഹി॒തം ।
അകാ॑രി॒ ചാരു॑ കേ॒തുനാ॒ തവാഹി॒മവ॑സാവധീത് ॥ 6 ॥
യദ॒ദോ പി॑തോ॒ അജ॑ഗന്വി॒വസ്വ॒ പർവ॑താനാം ।
അത്രാ॑ ചിന്നോ മധോ പി॒തോഽരം॑ ഭ॒ക്ഷായ॑ ഗമ്യാഃ ॥ 7 ॥
യദ॒പാമോഷ॑ധീനാം പരിം॒ശമാ॑രി॒ശാമ॑ഹേ ।
വാതാ॑പേ॒ പീവ॒ ഇദ്ഭ॑വ ॥ 8 ॥
യത്തേ॑ സോമ॒ ഗവാ॑ശിരോ॒ യവാ॑ശിരോ॒ ഭജാ॑മഹേ ।
വാതാ॑പേ॒ പീവ॒ ഇദ്ഭ॑വ ॥ 9 ॥
ക॒രം॒ഭ ഓ॑ഷധേ ഭവ॒ പീവോ॑ വൃ॒ക്ക ഉ॑ദാര॒ഥിഃ ।
വാതാ॑പേ॒ പീവ॒ ഇദ്ഭ॑വ ॥ 10 ॥
തം ത്വാ॑ വ॒യം പി॑തോ॒ വചോ॑ഭി॒ർഗാവോ॒ ന ഹ॒വ്യാ സു॑ഷൂദിമ ।
ദേ॒വേഭ്യ॑സ്ത്വാ സധ॒മാദ॑മ॒സ്മഭ്യം॑ ത്വാ സധ॒മാദം॑ ॥ 11 ॥
Recite with devotion and pure heart
Regular practice brings spiritual benefits