हैंహైHaindavamஹிહિં
📍
Font Size:
ತ್ರೈಲೋಕ್ಯ ವಿಜಯಂ ನೃಸಿಂಹ ಕವಚಂ
ನಾರದ ಉವಾಚ ।
ಇಂದ್ರಾದಿದೇವವೃಂದೇಶ ಈಡ್ಯೇಶ್ವರ ಜಗತ್ಪತೇ ।
ಮಹಾವಿಷ್ಣೋರ್ನೃಸಿಂಹಸ್ಯ ಕವಚಂ ಬ್ರೂಹಿ ಮೇ ಪ್ರಭೋ ।
ಯಸ್ಯ ಪ್ರಪಠನಾದ್ವಿದ್ವಾಂಸ್ತ್ರೈಲೋಕ್ಯವಿಜಯೀ ಭವೇತ್ ॥ 1 ॥
ಬ್ರಹ್ಮೋವಾಚ ।
ಶೃಣು ನಾರದ ವಕ್ಷ್ಯಾಮಿ ಪುತ್ರಶ್ರೇಷ್ಠ ತಪೋಧನ ।
ಕವಚಂ ನರಸಿಂಹಸ್ಯ ತ್ರೈಲೋಕ್ಯವಿಜಯೀ ಭವೇತ್ ॥ 2 ॥
ಸ್ರಷ್ಟಾಽಹಂ ಜಗತಾಂ ವತ್ಸ ಪಠನಾದ್ಧಾರಣಾದ್ಯತಃ ।
ಲಕ್ಷ್ಮೀರ್ಜಗತ್ತ್ರಯಂ ಪಾತಿ ಸಂಹರ್ತಾ ಚ ಮಹೇಶ್ವರಃ ॥ 3 ॥
ಪಠನಾದ್ಧಾರಣಾದ್ದೇವಾ ಬಹವಶ್ಚ ದಿಗೀಶ್ವರಾಃ ।
ಬ್ರಹ್ಮಮಂತ್ರಮಯಂ ವಕ್ಷ್ಯೇ ಭ್ರಾಂತ್ಯಾದಿವಿನಿವಾರಕಂ ॥ 4 ॥
ಯಸ್ಯ ಪ್ರಸಾದಾದ್ದುರ್ವಾಸಾಸ್ತ್ರೈಲೋಕ್ಯವಿಜಯೀ ಭವೇತ್ ।
ಪಠನಾದ್ಧಾರಣಾದ್ಯಸ್ಯ ಶಾಸ್ತಾ ಚ ಕ್ರೋಧಭೈರವಃ ॥ 5 ॥
ತ್ರೈಲೋಕ್ಯವಿಜಯಸ್ಯಾಸ್ಯ ಕವಚಸ್ಯ ಪ್ರಜಾಪತಿಃ ।
ಋಷಿಶ್ಛಂದಸ್ತು ಗಾಯತ್ರೀ ನೃಸಿಂಹೋ ದೇವತಾ ವಿಭುಃ ॥ 6 ॥
ಚತುರ್ವರ್ಗೇ ಚ ಶಾಂತೌ ಚ ವಿನಿಯೋಗಃ ಪ್ರಕೀರ್ತಿತಃ ।
ಕ್ಷ್ರೌಂ ಬೀಜಂ ಮೇ ಶಿರಃ ಪಾತು ಚಂದ್ರವರ್ಣೋ ಮಹಾಮನುಃ ॥ 7 ॥
ಓಂ ಉಗ್ರಂ ವೀರಂ ಮಹಾವಿಷ್ಣುಂ ಜ್ವಲಂತಂ ಸರ್ವತೋಮುಖಂ ।
ನೃಸಿಂಹಂ ಭೀಷಣಂ ಭದ್ರಂ ಮೃತ್ಯುಮೃತ್ಯುಂ ನಮಾಮ್ಯಹಂ ॥ 8 ॥
ದ್ವಾತ್ರಿಂಶದಕ್ಷರೋ ಮಂತ್ರೋ ಮಂತ್ರರಾಜಃ ಸುರದ್ರುಮಃ ।
ಕಂಠಂ ಪಾತು ಧ್ರುವಂ ಕ್ಷ್ರೌಂ ಹೃದ್ಭಗವತೇ ಚಕ್ಷುಷೀ ಮಮ ॥ 9 ॥
ನರಸಿಂಹಾಯ ಚ ಜ್ವಾಲಾಮಾಲಿನೇ ಪಾತು ಕರ್ಣಕಂ ।
ದೀಪ್ತದಂಷ್ಟ್ರಾಯ ಚ ತಥಾ ಅಗ್ನಿನೇತ್ರಾಯ ನಾಸಿಕಾಂ ॥ 10 ॥
ಸರ್ವರಕ್ಷೋಘ್ನಾಯ ತಥಾ ಸರ್ವಭೂತಹಿತಾಯ ಚ ।
ಸರ್ವಜ್ವರವಿನಾಶಾಯ ದಹ ದಹ ಪದದ್ವಯಂ ॥ 11 ॥
ರಕ್ಷ ರಕ್ಷ ವರ್ಮಮಂತ್ರಃ ಸ್ವಾಹಾ ಪಾತು ಮುಖಂ ಮಮ ।
ತಾರಾದಿರಾಮಚಂದ್ರಾಯ ನಮಃ ಪಾತು ಹೃದಂ ಮಮ ॥ 12 ॥
ಕ್ಲೀಂ ಪಾಯಾತ್ ಪಾರ್ಶ್ವಯುಗ್ಮಂ ಚ ತಾರೋ ನಮಃ ಪದಂ ತತಃ ।
ನಾರಾಯಣಾಯ ನಾಭಿಂ ಚ ಆಂ ಹ್ರೀಂ ಕ್ರೋಂ ಕ್ಷ್ರೌಂ ಚ ಹುಂ ಫಟ್ ॥ 13 ॥
ಷಡಕ್ಷರಃ ಕಟಿಂ ಪಾತು ಓಂ ನಮೋ ಭಗವತೇ ಪದಂ ।
ವಾಸುದೇವಾಯ ಚ ಪೃಷ್ಠಂ ಕ್ಲೀಂ ಕೃಷ್ಣಾಯ ಉರುದ್ವಯಂ ॥ 14 ॥
ಕ್ಲೀಂ ಕೃಷ್ಣಾಯ ಸದಾ ಪಾತು ಜಾನುನೀ ಚ ಮನೂತ್ತಮಃ ।
ಕ್ಲೀಂ ಗ್ಲೌಂ ಕ್ಲೀಂ ಶ್ಯಾಮಲಾಂಗಾಯ ನಮಃ ಪಾಯಾತ್ ಪದದ್ವಯಂ ॥ 15 ॥
ಕ್ಷ್ರೌಂ ನೃಸಿಂಹಾಯ ಕ್ಷ್ರೌಂ ಹ್ರೀಂ ಚ ಸರ್ವಾಂಗಂ ಮೇ ಸದಾಽವತು ।
ಇತಿ ತೇ ಕಥಿತಂ ವತ್ಸ ಸರ್ವಮಂತ್ರೌಘವಿಗ್ರಹಂ ॥ 16 ॥
ತವ ಸ್ನೇಹಾನ್ಮಯಾ ಖ್ಯಾತಂ ಪ್ರವಕ್ತವ್ಯಂ ನ ಕಸ್ಯಚಿತ್ ।
ಗುರುಪೂಜಾಂ ವಿಧಾಯಾಥ ಗೃಹ್ಣೀಯಾತ್ ಕವಚಂ ತತಃ ॥ 17 ॥
ಸರ್ವಪುಣ್ಯಯುತೋ ಭೂತ್ವಾ ಸರ್ವಸಿದ್ಧಿಯುತೋ ಭವೇತ್ ।
ಶತಮಷ್ಟೋತ್ತರಂ ಚಾಸ್ಯ ಪುರಶ್ಚರ್ಯಾವಿಧಿಃ ಸ್ಮೃತಃ ॥ 18 ॥
ಹವನಾದೀನ್ ದಶಾಂಶೇನ ಕೃತ್ವಾ ಸತ್ಸಾಧಕೋತ್ತಮಃ ।
ತತಸ್ತು ಸಿದ್ಧಕವಚೋ ರೂಪೇಣ ಮದನೋಪಮಃ ॥ 19 ॥
ಸ್ಪರ್ಧಾಮುದ್ಧೂಯ ಭವನೇ ಲಕ್ಷ್ಮೀರ್ವಾಣೀ ವಸೇನ್ಮುಖೇ ।
ಪುಷ್ಪಾಂಜಲ್ಯಷ್ಟಕಂ ದತ್ತ್ವಾ ಮೂಲೇನೈವ ಪಠೇತ್ ಸಕೃತ್ ॥ 20 ॥
ಅಪಿ ವರ್ಷಸಹಸ್ರಾಣಾಂ ಪೂಜಾನಾಂ ಫಲಮಾಪ್ನುಯಾತ್ ।
ಭೂರ್ಜೇ ವಿಲಿಖ್ಯ ಗುಟಿಕಾಂ ಸ್ವರ್ಣಸ್ಥಾಂ ಧಾರಯೇದ್ಯದಿ ॥ 21 ॥
ಕಂಠೇ ವಾ ದಕ್ಷಿಣೇ ಬಾಹೌ ನರಸಿಂಹೋ ಭವೇತ್ ಸ್ವಯಂ ।
ಯೋಷಿದ್ವಾಮಭುಜೇ ಚೈವ ಪುರುಷೋ ದಕ್ಷಿಣೇ ಕರೇ ॥ 22 ॥
ಬಿಭೃಯಾತ್ ಕವಚಂ ಪುಣ್ಯಂ ಸರ್ವಸಿದ್ಧಿಯುತೋ ಭವೇತ್ ।
ಕಾಕವಂಧ್ಯಾ ಚ ಯಾ ನಾರೀ ಮೃತವತ್ಸಾ ಚ ಯಾ ಭವೇತ್ ॥ 23 ॥
ಜನ್ಮವಂಧ್ಯಾ ನಷ್ಟಪುತ್ರಾ ಬಹುಪುತ್ರವತೀ ಭವೇತ್ ।
ಕವಚಸ್ಯ ಪ್ರಸಾದೇನ ಜೀವನ್ಮುಕ್ತೋ ಭವೇನ್ನರಃ ॥ 24 ॥
ತ್ರೈಲೋಕ್ಯಂ ಕ್ಷೋಭಯತ್ಯೇವಂ ತ್ರೈಲೋಕ್ಯವಿಜಯೀ ಭವೇತ್ ।
ಭೂತಪ್ರೇತಪಿಶಾಚಾಶ್ಚ ರಾಕ್ಷಸಾ ದಾನವಾಶ್ಚ ಯೇ ॥ 25 ॥
ತಂ ದೃಷ್ಟ್ವಾ ಪ್ರಪಲಾಯಂತೇ ದೇಶಾದ್ದೇಶಾಂತರಂ ಧ್ರುವಂ ।
ಯಸ್ಮಿನ್ ಗೃಹೇ ಚ ಕವಚಂ ಗ್ರಾಮೇ ವಾ ಯದಿ ತಿಷ್ಠತಿ ।
ತದ್ದೇಶಂ ತು ಪರಿತ್ಯಜ್ಯ ಪ್ರಯಾಂತಿ ಹ್ಯಾತಿದೂರತಃ ॥ 26 ॥
ಇತಿ ಶ್ರೀ ತ್ರೈಲೋಕ್ಯ ವಿಜಯಂ ನೃಸಿಂಹ ಕವಚಂ।
Recite with devotion and pure heart
Regular practice brings spiritual benefits