हैंహైHaindavamஹிહિં
📍
Font Size:
Narahari Ashtakam
yaddhitaṃ tava bhaktānāmasmākaṃ nṛhare hare ।
tadāśu kāryaṃ kāryajña pralayārkāyutaprabha ॥ 1 ॥
raṭatsaṭogra bhrukuṭīkaṭhorakuṭilekṣaṇa ।
nṛpañcāsya jvalajjvālojjvalāsyārīn hare hara ॥ 2 ॥
unnaddhakarṇavinyāsa vivṛtānana bhīṣaṇa ।
gatadūṣaṇa me śatrūn hare narahare hara ॥ 3 ॥
hare śikhiśikhodbhāsvaduraḥ krūranakhotkara ।
arīn saṃhara daṃṣṭrograsphurajjihva nṛsiṃha me ॥ 4 ॥
jaṭharastha jagajjāla karakoṭyudyatāyudha ।
kaṭikalpataṭitkalpavasanārīn hare hara ॥ 5 ॥
rakṣodhyakṣabṛhadvakṣorūkṣakukṣividāraṇa ।
naraharyakṣa me śatrupakṣakakṣaṃ hare daha ॥ 6 ॥
vidhimārutaśarvendrapūrvagīrvāṇapuṅgavaiḥ ।
sadā natāṅghridvandvārīn narasiṃha hare hara ॥ 7 ॥
bhayaṅkarorvalaṅkāra varahuṅkāragarjita ।
hare narahare śatrūn mama saṃhara saṃhara ॥ 8 ॥
vādirājayatiproktaṃ naraharyaṣṭakaṃ navam ।
paṭhannṛsiṃhakṛpayā ripūn saṃharati kṣaṇāt ॥ 9 ॥
iti śrīmadvādirāja pūjyacaraṇa viracitaṃ śrī naraharyaṣṭakam ।
Recite with devotion and pure heart
Regular practice brings spiritual benefits