asya śrī lakṣmīnṛsiṃha hṛdaya mahāmantrasya prahlāda ṛṣiḥ, śrīlakṣmīnṛsiṃho devatā, anuṣṭup chandaḥ, mama īpsitārthasiddhyarthe pāṭhe viniyogaḥ ॥ karanyāsaḥ – oṃ śrīlakṣmīnṛsiṃhāya aṅguṣṭhābhyāṃ namaḥ । oṃ vajranakhāya tarjanībhyāṃ namaḥ । oṃ mahārūpāya madhyamābhyāṃ namaḥ । oṃ sarvatomukhāya anāmikābhyāṃ namaḥ । oṃ bhīṣaṇāya kaniṣṭhikābhyāṃ namaḥ । oṃ vīrāya karatala karapṛṣṭhābhyāṃ namaḥ । hṛdayanyāsaḥ – oṃ śrīlakṣmīnṛsiṃhāya hṛdayāya namaḥ । oṃ vajranakhāya śirase svāhā । oṃ mahārūpāya śikhāyai vaṣaṭ । oṃ sarvatomukhāya kavacāya hum । oṃ bhīṣaṇāya netratrayāya vauṣaṭ । oṃ vīrāya astrāya phaṭ ॥ atha dhyānam । satyaṃ jñānendriyasukhaṃ kṣīrāmbhonidhi madhyagaṃ yogārūḍhaṃ prasannāsyaṃ nānābharaṇabhūṣitam । mahācakraṃ mahāviṣṇuṃ trinetraṃ ca pinākinaṃ śvetāhivāsaṃ śvetāṅgaṃ sūryacandrādi pārśvagam । śrīnṛsiṃhaṃ sadā dhyāyet koṭisūryasamaprabham ॥ atha mantraḥ । oṃ namo bhagavate narasiṃhāya devāya namaḥ ॥ atha hṛdaya stotram । śrīnṛsiṃhaḥ parambrahma śrīnṛsiṃhaḥ paraṃ śivaḥ । nṛsiṃhaḥ paramo viṣṇuḥ nṛsiṃhaḥ sarvadevatā ॥ 1 ॥ nṛśabdenocyate jīvaḥ siṃhaśabdena ca svaraḥ । tayoraikyaṃ śrutiproktaṃ yaḥ paśyati sa paśyati ॥ 2 ॥ nṛsiṃhāddevāḥ jāyante lokāḥ sthāvarajaṅgamāḥ । nṛsiṃhenaiva jīvanti nṛsiṃhe praviśanti ca ॥ 3 ॥ nṛsiṃho viśvamutpādya praviśya tadanantaram । rājabhikṣusvarūpeṇa nṛsiṃhasya smaranti ye ॥ 4 ॥ nṛsiṃhāt paramaṃ nāsti nṛsiṃhaṃ kuladaivatam । nṛsiṃhabhaktā ye loke te jñāninaṃ itīritāḥ ॥ 5 ॥ viraktā dayayā yuktāḥ sarvabhūtasamekṣaṇāḥ । nyasta saṃsāra yogena nṛsiṃhaṃ prāpnuvanti te ॥ 6 ॥ māhātmyaṃ yasya sarve'pi vadanti nigamāgamāḥ । nṛsiṃhaḥ sarvajagatāṃ kartā bhoktā na cāparaḥ ॥ 7 ॥ nṛsiṃho jagatāṃ hetuḥ bahiryāyā'valambanaḥ । māyayā veditātmā ca sudarśanasamākṣaraḥ ॥ 8 ॥ vāsudevo mayātīto nārāyaṇasamaprabha । nirmalo nirahaṅkāro nirmālyo yo nirañjanaḥ ॥ 9 ॥ sarveṣāṃ cāpi bhūtānāṃ hṛdayāmbhojavāsakaḥ । atipreṣṭhaḥ sadānando nirvikāro mahāmatiḥ ॥ 10 ॥ carācarasvarūpī ca carācaraniyāmakaḥ । sarveśvaraḥ sarvakartā sarvātmā sarvagocaraḥ ॥ 11 ॥ nṛsiṃha eva yaḥ sākṣāt pratyagātmā na saṃśayaḥ । kecinmūḍhā vadantyevamavatāramanīśvaram ॥ 12 ॥ nṛsiṃha paramātmānaṃ sarvabhūtanivāsinam । tasya darśanamātreṇa sūryasyālokavadbhavet ॥ 13 ॥ sarvaṃ nṛsiṃha eveti saṅgrahātmā sudurlabhaḥ । nārasiṃhaḥ paraṃ daivaṃ nārasiṃho jagadguruḥ ॥ 14 ॥ nṛsiṃheti nṛsiṃheti prabhāte ye paṭhanti ca । teṣāṃ prasanno bhagavān mokṣaṃ samyak prayacchati ॥ 15 ॥ oṅkārebhyaśca pūtātmā oṅkāraika prabodhitaḥ । oṅkāro mantrarājaśca loke mokṣapradāyakaḥ ॥ 16 ॥ nṛsiṃhabhaktā ye loke nirbhayā nirvikārakāḥ । teṣāṃ darśanamātreṇa sarvapāpaiḥ pramucyate ॥ 17 ॥ sakāro jīvavācī syādikāraḥ parameśvaraḥ । hakārākārayoraikyaṃ mahāvākyaṃ tato bhavet ॥ 18 ॥ oṅkārajā pretamuktiḥ kāśyāṃ maraṇaṃ tathā । nṛsiṃha smaraṇādeva muktirbhavati nānyathā ॥ 19 ॥ tasmātsarvaprayatnena mantrarājamiti dhruvam । sarveṣāṃ cāpi vedānāṃ devatānāṃ tathaiva ca ॥ 20 ॥ sarveṣāṃ cāpi śāstrāṇāṃ tātparyaṃ nṛharau harau । śrīrāmatāpanīyasya gopālasyāpi tāpinaḥ ॥ 21 ॥ nṛsiṃhatāpanīyasya kalāṃ nārhati ṣoḍaśīm । śrīmanmantramahārāja nṛsiṃhasya prasādataḥ ॥ 22 ॥ śrīnṛsiṃho namastubhyaṃ śrīnṛsiṃhaḥ prasīda me । nṛsiṃho bhagavānmātā śrīnṛsiṃhaḥ pitā mama ॥ 23 ॥ nṛsiṃho mama putraśca narakāttrāyate yataḥ । sarvadevātmako yaśca nṛsiṃhaḥ parikīrtitaḥ ॥ 24 ॥ aśvamedhasahasrāṇi vājapeya śatāni ca । kāśī rāmeśvarādīni phalānyapi niśamya ca ॥ 25 ॥ yāvatphalaṃ samāpnoti tāvadāpnoti mantrataḥ । ṣaṇṇavatyaśca karaṇī yāvatī tṛptiriṣyate ॥ 26 ॥ pitṝṇāṃ tāvatī prītiḥ mantrarājasya jāyate । aputrasya gatirnāsti iti smṛtyā yadīritam ॥ 27 ॥ tattu lakṣmīnṛsiṃhasya bhaktimātrāvagocaram । sarvāṇi tarkamīmāṃsā śāstrāṇi parihāya vai ॥ 28 ॥ nṛsiṃha smaraṇālloke tārakaṃ bhavatārakam । apāra bhavavārābdhau satataṃ patatāṃ nṛṇām ॥ 29 ॥ nṛsiṃhamantrarājo'yaṃ nāviko bhāṣyate budhaiḥ । yamapāśena baddhānāṃ paṅguṃ vai tiṣṭhatāṃ nṛṇām ॥ 30 ॥ nṛsiṃhamantrarājo'yaṃ ṛṣayaḥ parikīrtitaḥ । bhavasarpeṇa daṃṣṭrāṇāṃ vivekagata cetasām ॥ 31 ॥ nṛsiṃhamantrarājo'yaṃ gāruḍomantra ucyate । ajñānatamasāṃ nṛṇāmandhavadbhrāntacakṣuṣām ॥ 32 ॥ nṛsiṃhamantrarājo'yaṃ prayāsaṃ parikīrtitaḥ । tāpatrayāgni dagdhānāṃ chāyā saṃśrayamicchatām ॥ 33 ॥ nṛsiṃhamantrarājaśca bhaktamānasapañjaram । nṛsiṃho bhāskaro bhūtvā prakāśayati mandiram ॥ 34 ॥ vedāntavanamadhyasthā hariṇī mṛga iṣyate । nṛsiṃha nīlameghasya sandarśana viśeṣataḥ ॥ 35 ॥ mayūrā bhaktimantaśca nṛtyanti prītipūrvakam । anyatra nirgatā vālā mātaraṃ parilokaya ॥ 36 ॥ yathā yathā hi tuṣyante nṛsiṃhasyāvalokanāt । śrīmannṛsiṃhapādābjaṃ natvāraṅgapraveśitā ॥ 37 ॥ madīya buddhivanitā naṭī nṛtyati sundarī । śrīmannṛsiṃhapādābja madhupītvā madonmadaḥ ॥ 38 ॥ madīyā buddhimālokya mūḍhā nindanti mādhavam । śrīmannṛsiṃhapādābjareṇuṃ vidhisubhakṣaṇam ॥ 40 ॥ madīyacittahaṃso'yaṃ manovaśyaṃ na yāti me । śrīnṛsiṃhaḥ pitā mahyaṃ mātā ca narakesarī ॥ 41 ॥ vartate tābhuvau nityaṃ rauvahaṃ pariyāmi vai । satyaṃ satyaṃ punaḥ satyaṃ nṛsiṃhaḥ śaraṇaṃ mama ॥ 42 ॥ ahobhāgyaṃ ahobhāgyaṃ nārasiṃho gatirmama । śrīmannṛsiṃhapādābjadvandvaṃ me hṛdaye sadā ॥ 43 ॥ vartatāṃ vartatāṃ nityaṃ dṛḍhabhaktiṃ prayaccha me । nṛsiṃha tuṣṭo bhakto'yaṃ bhuktiṃ muktiṃ prayacchati ॥ 44 ॥ nṛsiṃhahṛdayaṃ yastu paṭhennityaṃ samāhitaḥ । nṛsiṃhatvaṃ samāpnoti nṛsiṃhaḥ samprasīdati ॥ 45 ॥ trisandhyaṃ yaḥ paṭhennityaṃ mandavāre viṣeśataḥ । rājadvāre sabhāsthāne sarvatra vijayī bhavet ॥ 46 ॥ yaṃ yaṃ cintayate kāmaṃ taṃ taṃ prāpnoti niścitam । iha loke śubhān kāmān paratra ca parāṅgatim ॥ 47 ॥ iti bhaviṣyottarapurāṇe prahlādakathitaṃ śrī lakṣmīnṛsiṃha hṛdaya stotram ।