हैंహైHaindavamஹிહિં
📍
Font Size:
ஶ்ரீ கா³யத்ரீ ஸ்தோத்ரம் - தே³வீபா⁴க³வதே
நாரத³ உவாச ।
ப⁴க்தானுகம்பின் ஸர்வஜ்ஞ ஹ்ருʼத³யம்ʼ பாபநாஶனம் ।
கா³யத்ர்யா꞉ கதி²தம்ʼ தஸ்மாத்³கா³யத்ர்யா꞉ ஸ்தோத்ரமீரய ॥ 1 ॥
ஶ்ரீநாராயண உவாச ।
ஆதி³ஶக்தே ஜக³ன்மாதர்ப⁴க்தானுக்³ரஹகாரிணி ।
ஸர்வத்ர வ்யாபிகே(அ)னந்தே ஶ்ரீஸந்த்⁴யே தே நாமோ(அ)ஸ்து தே ॥ 2 ॥
த்வமேவ ஸந்த்⁴யா கா³யத்ரீ ஸாவித்ரீ ச ஸரஸ்வதீ ।
ப்³ராஹ்மீ ச வைஷ்ணவீ ரௌத்³ரீ ரக்தா ஶ்வேதா ஸிதேதரா ॥ 3 ॥
ப்ராதர்பா³லா ச மத்⁴யாஹ்னே யௌவனஸ்தா² ப⁴வேத்புன꞉ ।
வ்ருʼத்³தா⁴ ஸாயம்ʼ ப⁴க³வதீ சிந்த்யதே முனிபி⁴꞉ ஸதா³ ॥ 4 ॥
ஹம்ʼஸஸ்தா² க³ருடா³ரூடா⁴ ததா² வ்ருʼஷப⁴வாஹனீ ।
ருʼக்³வேதா³த்⁴யாயினீ பூ⁴மௌ த்³ருʼஶ்யதே யா தபஸ்விபி⁴꞉ ॥ 5 ॥
யஜுர்வேத³ம்ʼ பட²ந்தீ ச அந்தரிக்ஷே விராஜதே ।
ஸா ஸாமகா³பி ஸர்வேஷு ப்⁴ராம்யமாணா ததா² பு⁴வி ॥ 6 ॥
ருத்³ரலோகம்ʼ க³தா த்வம்ʼ ஹி விஷ்ணுலோகநிவாஸினீ ।
த்வமேவ ப்³ரஹ்மணோ லோகே(அ)மர்த்யானுக்³ரஹகாரிணீ ॥ 7 ॥
ஸப்தர்ஷிப்ரீதிஜனனீ மாயா ப³ஹுவரப்ரதா³ ।
ஶிவயோ꞉ கரநேத்ரோத்தா² ஹ்யஶ்ருஸ்வேத³ஸமுத்³ப⁴வா ॥ 8 ॥
ஆனந்த³ஜனனீ து³ர்கா³ த³ஶதா⁴ பரிபட்²யதே ।
வரேண்யா வரதா³ சைவ வரிஷ்டா² வரவர்ணினீ ॥ 9 ॥
க³ரிஷ்டா² ச வரார்ஹா ச வராரோஹா ச ஸப்தமீ ।
நீலக³ங்கா³ ததா² ஸந்த்⁴யா ஸர்வதா³ போ⁴க³மோக்ஷதா³ ॥ 10 ॥
பா⁴கீ³ரதீ² மர்த்யலோகே பாதாலே போ⁴க³வத்யபி ।
த்ரிலோகவாஹினீ தே³வீ ஸ்தா²னத்ரயநிவாஸினீ ॥ 11 ॥
பூ⁴ர்லோகஸ்தா² த்வமேவா(அ)ஸி த⁴ரித்ரீ லோகதா⁴ரிணீ ।
பு⁴வோ லோகே வாயுஶக்தி꞉ ஸ்வர்லோகே தேஜஸாம்ʼ நிதி⁴꞉ ॥ 12 ॥
மஹர்லோகே மஹாஸித்³தி⁴ர்ஜனலோகே ஜனேத்யபி ।
தபஸ்வினீ தபோலோகே ஸத்யலோகே து ஸத்யவாக் ॥ 13 ॥
கமலா விஷ்ணுலோகே ச கா³யத்ரீ ப்³ரஹ்மலோகதா³ ।
ருத்³ரலோகே ஸ்தி²தா கௌ³ரீ ஹரார்தா⁴ங்க³நிவாஸினீ ॥ 14 ॥
அஹமோ மஹதஶ்சைவ ப்ரக்ருʼதிஸ்த்வம்ʼ ஹி கீ³யஸே ।
ஸாம்யவஸ்தா²த்மிகா த்வம்ʼ ஹி ஶப³லப்³ரஹ்மரூபிணீ ॥ 15 ॥
தத꞉ பரா(அ)பராஶக்தி꞉ பரமா த்வம்ʼ ஹி கீ³யஸே ।
இச்சா²ஶக்தி꞉ க்ரியாஶக்திர்ஜ்ஞானஶக்திஸ்த்ரிஶக்திதா³ ॥ 16 ॥
க³ங்கா³ ச யமுனா சைவ விபாஶா ச ஸரஸ்வதீ ।
ஸரயூர்தே³விகா ஸிந்து⁴ர்னர்மதை³ராவதீ ததா² ॥ 17 ॥
கோ³தா³வரீ ஶதத்³ரூஶ்ச காவேரீ தே³வலோககா³ ।
கௌஶிகீ சந்த்³ரபா⁴கா³ ச விதஸ்தா ச ஸரஸ்வதீ ॥ 18 ॥
க³ண்ட³கீ தாபினீ தோயா கோ³மதீ வேத்ரவத்யபி ।
இடா³ ச பிங்க³லா சைவ ஸுஷும்ணா ச த்ருʼதீயகா ॥ 19 ॥
கா³ந்தா⁴ரீ ஹஸ்திஜிஹ்வா ச பூஷாபூஷா ததை²வ ச ।
அலம்பு³ஸா குஹூஶ்சைவ ஶங்கி²னீ ப்ராணவாஹினீ ॥ 20 ॥
நாடீ³ ச த்வம்ʼ ஶரீரஸ்தா² கீ³யஸே ப்ராக்தனைர்பு³தை⁴꞉ ।
ஹ்ருʼத்பத்³மஸ்தா² ப்ராணஶக்தி꞉ கண்ட²ஸ்தா² ஸ்வப்னநாயிகா ॥ 21 ॥
தாலுஸ்தா² த்வம்ʼ ஸதா³தா⁴ரா பி³ந்து³ஸ்தா² பி³ந்து³மாலினீ ।
மூலே து குண்ட³லீஶக்திர்வ்யாபினீ கேஶமூலகா³ ॥ 22 ॥
ஶிகா²மத்⁴யாஸனா த்வம்ʼ ஹி ஶிகா²க்³ரே து மனோன்மனீ ।
கிமன்யத்³ப³ஹுனோக்தேன யத்கிஞ்சிஜ்ஜக³தீத்ரயே ॥ 23 ॥
தத்ஸர்வம்ʼ த்வம்ʼ மஹாதே³வி ஶ்ரியே ஸந்த்⁴யே நமோ(அ)ஸ்து தே ।
இதீத³ம்ʼ கீர்திதம்ʼ ஸ்தோத்ரம்ʼ ஸந்த்⁴யாயாம்ʼ ப³ஹுபுண்யத³ம் ॥ 24 ॥
மஹாபாபப்ரஶமனம்ʼ மஹாஸித்³தி⁴விதா⁴யகம் ।
ய இத³ம்ʼ கீர்தயேத் ஸ்தோத்ரம்ʼ ஸந்த்⁴யாகாலே ஸமாஹித꞉ ॥ 25 ॥
அபுத்ர꞉ ப்ராப்னுயாத் புத்ரம்ʼ த⁴னார்தீ² த⁴னமாப்னுயாத் ।
ஸர்வதீர்த²தபோதா³னயஜ்ஞயோக³ப²லம்ʼ லபே⁴த் ॥ 26 ॥
போ⁴கா³ன் பு⁴ங்க்த்வா சிரம்ʼ காலமந்தே மோக்ஷமவாப்னுயாத் ।
தபஸ்விபி⁴꞉ க்ருʼதம்ʼ ஸ்தோத்ரம்ʼ ஸ்னானகாலே து ய꞉ படே²த் ॥ 27 ॥
யத்ர குத்ர ஜலே மக்³ன꞉ ஸந்த்⁴யாமஜ்ஜனஜம்ʼ ப²லம் ।
லப⁴தே நாத்ர ஸந்தே³ஹ꞉ ஸத்யம்ʼ ஸத்யம்ʼ ச நாரத³ ॥ 28 ॥
ஶ்ருʼணுயாத்³யோ(அ)பி தத்³ப⁴க்த்யா ஸ து பாபாத்ப்ரமுச்யதே ।
பீயூஷஸத்³ருʼஶம்ʼ வாக்யம்ʼ ஸந்த்⁴யோக்தம்ʼ நாரதே³ரிதம் ॥ 29 ॥
இதி ஶ்ரீமத்³தே³வீபா⁴க³வதே மஹாபுராணே த்³வாத³ஶஸ்கந்தே⁴ ஶ்ரீ கா³யத்ரீ ஸ்தோத்ரம்ʼ நாம பஞ்சமோ(அ)த்⁴யாய꞉ ॥
Recite with devotion and pure heart
Regular practice brings spiritual benefits