हैंహైHaindavamஹிહિં
📍
Font Size:
ശ്രീ ഗായത്രീ സ്തവരാജഃ
അസ്യ ശ്രീഗായത്രീസ്തവരാജസ്തോത്രമന്ത്രസ്യ വിശ്വാമിത്ര ഋഷിഃ, സകലജനനീ ചതുഷ്പദാ ശ്രീഗായത്രീ പരമാത്മാ ദേവതാ, സർവോത്കൃഷ്ടം പരം ധാമ പ്രഥമപാദോ ബീജം, ദ്വിതീയഃ ശക്തിഃ, തൃതീയഃ കീലകം, ദശപ്രണവസമ്യുക്താ സവ്യാഹൃതികാ തുരീയപാദോ വ്യാപകം, മമ ധർമാർഥകാമമോക്ഷാർഥേ ജപേ വിനിയോഗഃ । ന്യാസം കൃത്വാ ധ്യായേത് ।
അഥ ധ്യാനം ।
ഗായത്രീം വേദധാത്രീം ശതമഖഫലദാം വേദശാസ്ത്രൈകവേദ്യാം
ചിച്ഛക്തിം ബ്രഹ്മവിദ്യാം പരമശിവപദാം ശ്രീപദം വൈ കരോതി ।
സർവോത്കൃഷ്ടം പദം തത്സവിതുരനുപദാന്തേ വരേണ്യം ശരണ്യം
ഭർഗോ ദേവസ്യ ധീമഹ്യഭിദധതി ധിയോ യോ നഃ പ്രചോദയാത് ॥ 1 ॥
ഇത്യൗർവതേജഃ ।
സാമ്രാജ്യബീജം പ്രണവം ത്രിപാദം
സവ്യാപസവ്യം പ്രജപേത്സഹസ്രകം ।
സമ്പൂർണകാമം പ്രണവം വിഭൂതിം
തഥാ ഭവേദ്വാക്യവിചിത്രവാണീ ॥ 2 ॥
ശുഭം ശിവം ശോഭനമസ്തു മഹ്യം
സൗഭാഗ്യഭോഗോത്സവമസ്തു നിത്യം ।
പ്രകാശവിദ്യാത്രയശാസ്ത്രസർവം
ഭജേന്മഹാമന്ത്രഫലം പ്രിയേ വൈ ॥ 3 ॥
ബ്രഹ്മാസ്ത്രം ബ്രഹ്മദണ്ഡം ശിരസി ശിഖിമഹദ്ബ്രഹ്മശീർഷം നമോഽന്തം
സൂക്തം പാരായണോക്തം പ്രണവമഥ മഹാവാക്യസിദ്ധാന്തമൂലം ।
തുര്യം ത്രീണി ദ്വിതീയം പ്രഥമമനുമഹാവേദവേദാന്തസൂക്തം
നിത്യം സ്മൃത്യാനുസാരം നിയമിതചരിതം മൂലമന്ത്രം നമോഽന്തം ॥ 4 ॥
അസ്ത്രം ശസ്ത്രഹതം ത്വഘോരസഹിതം ദണ്ഡേന വാജീഹതം
ചാദിത്യാദിഹതം ശിരോഽന്തസഹിതം പാപക്ഷയാർഥം പരം ।
തുര്യാന്ത്യാദിവിലോമമന്ത്രപഠനം ബീജം ശിഖാന്തോർധ്വകം
നിത്യം കാലനിയമ്യവിപ്രവിദുഷാം കിം ദുഷ്കൃതം ഭൂസുരാൻ ॥ 5 ॥
നിത്യം മുക്തിപ്രദം നിയമ്യ പവനം നിർഘോഷശക്തിത്രയം
സമ്യഗ്ജ്ഞാനഗുരൂപദേശവിധിവദ്ദേവീം ശിഖാം താമപി ।
ഷഷ്ട്യൈകോത്തരസംഖ്യയാനുഗതസൗഷുമ്നാദിമാർഗത്രയീം
ധ്യായേന്നിത്യസമസ്തവേദജനനീം ദേവീം ത്രിസന്ധ്യാമയീം ॥ 6 ॥
ഗായത്രീം സകലാഗമാർഥവിദുഷാം സൗരസ്യ ബീജേശ്വരീം
സർവാമ്നായസമസ്തമന്ത്രജനനീം സർവജ്ഞധാമേശ്വരീം ।
ബ്രഹ്മാദിത്രയസമ്പുടാർഥകരണീം സംസാരപാരായണീം
സന്ധ്യാം സർവസമാനതന്ത്ര പരയാ ബ്രഹ്മാനുസന്ധായിനീം ॥ 7 ॥
ഏകദ്വിത്രിചതുഃസമാനഗണനാവർണാഷ്ടകം പാദയോഃ
പാദാദൗ പ്രണവാദിമന്ത്രപഠനേ മന്ത്രത്രയീ സമ്പുടാം ।
സന്ധ്യായാം ദ്വിപദം പഠേത്പരതരം സായം തുരീയം യുതം
നിത്യാനിത്യമനന്തകോടിഫലദം പ്രാപ്തം നമസ്കുർമഹേ ॥ 8 ॥
ഓജോഽസീതി സഹോഽസ്യഹോ ബലമസി ഭ്രാജോഽസി തേജസ്വിനീ
വർചസ്വീ സവിതാഗ്നിസോമമമൃതം രൂപം പരം ധീമഹി ।
ദേവാനാം ദ്വിജവര്യതാം മുനിഗണേ മുക്ത്യർഥിനാം ശാന്തിനാ-
-മോമിത്യേകമൃചം പഠന്തി യമിനോ യം യം സ്മരേത്പ്രാപ്നുയാത് ॥ 9 ॥
ഓമിത്യേകമജസ്വരൂപമമലം തത്സപ്തധാ ഭാജിതം
താരം തന്ത്രസമന്വിതം പരതരേ പാദത്രയം ഗർഭിതം ।
ആപോ ജ്യോതി രസോഽമൃതം ജനമഹഃ സത്യം തപഃ സ്വർഭുവ-
-ര്ഭൂയോ ഭൂയ നമാമി ഭൂർഭുവഃസ്വരോമേതൈർമഹാമന്ത്രകം ॥ 10 ॥
ആദൗ ബിന്ദുമനുസ്മരൻ പരതരേ ബാലാ ത്രിവർണോച്ചരൻ
വ്യാഹൃത്യാദിസബിന്ദുയുക്തത്രിപദാതാരത്രയം തുര്യകം ।
ആരോഹാദവരോഹതഃ ക്രമഗതാ ശ്രീകുണ്ഡലീത്ഥം സ്ഥിതാ
ദേവീ മാനസപങ്കജേ ത്രിനയനാ പഞ്ചാനനാ പാതു മാം ॥ 11 ॥
സർവേ സർവവശേ സമസ്തസമയേ സത്യാത്മികേ സാത്ത്വികേ
സാവിത്രീസവിതാത്മികേ ശശിയുതേ സാംഖ്യായനീ ഗോത്രജേ ।
സന്ധ്യാത്രീണ്യുപകല്പ്യ സംഗ്രഹവിധിഃ സന്ധ്യാഭിധാനാമകേ
ഗായത്രീപ്രണവാദിമന്ത്രഗുരുണാ സമ്പ്രാപ്യ തസ്മൈ നമഃ ॥ 12 ॥
ക്ഷേമം ദിവ്യമനോരഥാഃ പരതരേ ചേതഃ സമാധീയിതാം
ജ്ഞാനം നിത്യവരേണ്യമേതദമലം ദേവസ്യ ഭർഗോ ധിയൻ ।
മോക്ഷശ്രീർവിജയാർഥിനോഽഥ സവിതുഃ ശ്രേഷ്ഠം വിധിസ്തത്പദം
പ്രജ്ഞാ മേധ പ്രചോദയാത്പ്രതിദിനം യോ നഃ പദം പാതു മാം ॥ 13 ॥
സത്യം തത്സവിതുർവരേണ്യവിരലം വിശ്വാദിമായാത്മകം
സർവാദ്യം പ്രതിപാദപാദരമയാ താരം തഥാ മന്മഥം ।
തുര്യാന്യത്രിതയം ദ്വിതീയമപരം സമ്യോഗസവ്യാഹൃതിം
സർവാമ്നായമനോന്മനീം മനസിജാം ധ്യായാമി ദേവീം പരാം ॥ 14 ॥
ആദൗ ഗായത്രിമന്ത്രം ഗുരുകൃതനിയമം ധർമകർമാനുകൂലം
സർവാദ്യം സാരഭൂതം സകലമനുമയം ദേവതാനാമഗമ്യം ।
ദേവാനാം പൂർവദേവം ദ്വിജകുലമുനിഭിഃ സിദ്ധവിദ്യാധരാദ്യൈഃ
കോ വാ വക്തും സമർഥസ്തവ മനുമഹിമാബീജരാജാദിമൂലം ॥ 15 ॥
ഗായത്രീം ത്രിപദാം ത്രിബീജസഹിതാം ത്രിവ്യാഹൃതിം ത്രിപദാം
ത്രിബ്രഹ്മാ ത്രിഗുണാം ത്രികാലനിയമാം വേദത്രയീം താം പരാം ।
സാംഖ്യാദിത്രയരൂപിണീം ത്രിനയനാം മാതൃത്രയീം തത്പരാം
ത്രൈലോക്യ ത്രിദശത്രികോടിസഹിതാം സന്ധ്യാം ത്രയീം താം നുമഃ ॥ 16 ॥
ഓമിത്യേതത്ത്രിമാത്രാ ത്രിഭുവനകരണം ത്രിസ്വരം വഹ്നിരൂപം
ത്രീണി ത്രീണി ത്രിപാദം ത്രിഗുണഗുണമയം ത്രൈപുരാന്തം ത്രിസൂക്തം ।
തത്ത്വാനാം പൂർവശക്തിം ദ്വിതയഗുരുപദം പീഠയന്ത്രാത്മകം തം
തസ്മാദേതത്ത്രിപാദം ത്രിപദമനുസരം ത്രാഹി മാം ഭോ നമസ്തേ ॥ 17 ॥
സ്വസ്തി ശ്രദ്ധാഽതിമേധാ മധുമതിമധുരഃ സംശയഃ പ്രജ്ഞകാന്തി-
-ര്വിദ്യാബുദ്ധിർബലം ശ്രീരതുലധനപതിഃ സൗമ്യവാക്യാനുവൃത്തിഃ ।
മേധാ പ്രജ്ഞാ പ്രതിഷ്ഠാ മൃദുപതിമധുരാപൂർണവിദ്യാ പ്രപൂർണം
പ്രാപ്തം പ്രത്യൂഷചിന്ത്യം പ്രണവപരവശാത്പ്രാണിനാം നിത്യകർമ ॥ 18 ॥
പഞ്ചാശദ്വർണമധ്യേ പ്രണവപരയുതേ മന്ത്രമാദ്യം നമോന്തം
സർവം സവ്യാപസവ്യം ശതഗുണമഭിതോ വർണമഷ്ടോത്തരം തേ ।
ഏവം നിത്യം പ്രജപ്തം ത്രിഭുവനസഹിതം തുര്യമന്ത്രം ത്രിപാദം
ജ്ഞാനം വിജ്ഞാനഗമ്യം ഗഗനസുസദൃശം ധ്യായതേ യഃ സ മുക്തഃ ॥ 19 ॥
ആദിക്ഷാന്തസബിന്ദുയുക്തസഹിതം മേരും ക്ഷകാരാത്മകം
വ്യസ്താവ്യസ്തസമസ്തവർഗസഹിതം പൂർണം ശതാഷ്ടോത്തരം ।
ഗായത്രീം ജപതാം ത്രികാലസഹിതാം നിത്യം സനൈമിത്തികം
ഏവം ജാപ്യഫലം ശിവേന കഥിതം സദ്ഭോഗമോക്ഷപ്രദം ॥ 20 ॥
സപ്തവ്യാഹൃതിസപ്തതാരവികൃതിഃ സത്യം വരേണ്യം ധൃതിഃ
സർവം തത്സവിതുശ്ച ധീമഹി മഹാഭർഗസ്യ ദേവം ഭജേ ।
ധാമ്നോ ധാമ സമാധിധാരണമഹാൻ ധീമത്പദം ധ്യായതേ
ഓം തത്സർവമനുപ്രപൂർണദശകം പാദത്രയം കേവലം ॥ 21 ॥
വിജ്ഞാനം വിലസദ്വിവേകവചസഃ പ്രജ്ഞാനുസന്ധാരിണീം
ശ്രദ്ധാമേധ്യയശഃ ശിരഃ സുമനസഃ സ്വസ്തി ശ്രിയം ത്വാം സദാ ।
ആയുഷ്യം ധനധാന്യലക്ഷ്മിമതുലം ദേവീം കടാക്ഷം പരം
തത്കാലേ സകലാർഥസാധനമഹാന്മുക്തിർമഹത്വം പദം ॥ 22 ॥
പൃഥ്വീ ഗന്ധോഽർചനായാം നഭസി കുസുമതാ വായുധൂപപ്രകർഷോ
വഹ്നിർദീപപ്രകാശോ ജലമമൃതമയം നിത്യസങ്കല്പപൂജാ ।
ഏതത്സർവം നിവേദ്യം സുഖവസതി ഹൃദി സർവദാ ദമ്പതീനാം
ത്വം സർവജ്ഞ ശിവം കുരുഷ്വ മമതാ നാഹം ത്വയാ ജ്ഞേയസി ॥ 23 ॥
സൗമ്യം സൗഭാഗ്യഹേതും സകലസുഖകരം സർവസൗഖ്യം സമസ്തം
സത്യം സദ്ഭോഗനിത്യം സുഖജനസുഹൃദം സുന്ദരം ശ്രീസമസ്തം ।
സൗമംഗല്യം സമഗ്രം സകലശുഭകരം സ്വസ്തിവാചം സമസ്തം
സർവാദ്യം സദ്വിവേകം ത്രിപദപദയുഗം പ്രാപ്തുമധ്യാസമസ്തം ॥ 24 ॥
ഗായത്രീപദപഞ്ചപഞ്ചപ്രണവദ്വന്ദ്വം ത്രിധാ സമ്പുടം
സൃഷ്ട്യാദിക്രമമന്ത്രജാപ്യദശകം ദേവീപദം ക്ഷുത്ത്രയം ।
മന്ത്രാദിസ്ഥിതികേഷു സമ്പുടമിദം ശ്രീമാതൃകാവേഷ്ടിതം
വർണാന്ത്യാദിവിലോമമന്ത്രജപനം സംഹാരസമ്മോഹനം ॥ 25 ॥
ഭൂരാദ്യം ഭൂർഭുവസ്വസ്ത്രിപദപദയുതം ത്ര്യക്ഷമാദ്യന്തയോജ്യം
സൃഷ്ടിസ്ഥിത്യന്തകാര്യം ക്രമശിഖിസകലം സർവമന്ത്രം പ്രശസ്തം ।
സർവാംഗം മാതൃകാണാം മനുമയവപുഷം മന്ത്രയോഗം പ്രയുക്തം
സംഹാരം ക്ഷാദിവർണം വസുശതഗണനം മന്ത്രരാജം നമാമി ॥ 26 ॥
വിശ്വാമിത്രമുദാഹൃതം ഹിതകരം സർവാർഥസിദ്ധിപ്രദം
സ്തോത്രാണാം പരമം പ്രഭാതസമയേ പാരായണം നിത്യശഃ ।
വേദാനാം വിധിവാദമന്ത്രസകലം സിദ്ധിപ്രദം സമ്പദാം
സമ്പ്രാപ്നോതി പരത്ര സർവസുഖദം ചായുഷ്യമാരോഗ്യതാം ॥ 27 ॥
ഇതി ശ്രീ ഗായത്രീ സ്തവരാജഃ ।
Recite with devotion and pure heart
Regular practice brings spiritual benefits