हैंహైHaindavamஹிહિં
📍
Font Size:
ஶ்ரீ கா³யத்ரீ மந்த்ர கவசம்
நாரத³ உவாச ।
ஸ்வாமின் ஸர்வஜக³ந்நாத² ஸம்ʼஶயோ(அ)ஸ்தி மம ப்ரபோ⁴ ।
சது꞉ஷஷ்டிகலாபி⁴ஜ்ஞ பாதகாத்³யோக³வித்³வர ॥ 1 ॥
முச்யதே கேன புண்யேன ப்³ரஹ்மரூப꞉ கத²ம்ʼ ப⁴வேத் ।
தே³ஹஶ்ச தே³வதாரூபோ மந்த்ரரூபோ விஶேஷத꞉ ॥ 2 ॥
கர்ம தச்ச்²ரோதுமிச்சா²மி ந்யாஸம்ʼ ச விதி⁴பூர்வகம் ।
ருʼஷிஶ்ச²ந்தோ³(அ)தி⁴தை³வம்ʼ ச த்⁴யானம் ச விதி⁴வத்³விபோ⁴ ॥ 3 ॥
ஶ்ரீநாராயண உவாச ।
அஸ்த்யேகம்ʼ பரமம்ʼ கு³ஹ்யம்ʼ கா³யத்ரீகவசம்ʼ ததா² ।
பட²நாத்³தா⁴ரணான்மர்த்ய꞉ ஸர்வபாபை꞉ ப்ரமுச்யதே ॥ 4 ॥
ஸர்வான்காமானவாப்னோதி தே³வீரூபஶ்ச ஜாயதே ।
கா³யத்ரீகவசஸ்யாஸ்ய ப்³ரஹ்மவிஷ்ணுமஹேஶ்வரா꞉ ॥ 5 ॥
ருʼஷயோ ருʼக்³யஜு꞉ஸாமாத²ர்வஶ்ச²ந்தா³ம்ʼஸி நாரத³ ।
ப்³ரஹ்மரூபா தே³வதோக்தா கா³யத்ரீ பரமா கலா ॥ 6 ॥
தத்³பீ³ஜம்ʼ ப⁴ர்க³ இத்யேஷா ஶக்திருக்தா மனீஷிபி⁴꞉ ।
கீலகம்ʼ ச தி⁴ய꞉ ப்ரோக்தம்ʼ மோக்ஷார்தே² விநியோஜனம் ॥ 7 ॥
சதுர்பி⁴ர்ஹ்ருʼத³யம்ʼ ப்ரோக்தம்ʼ த்ரிபி⁴ர்வர்ணை꞉ ஶிர꞉ ஸ்ம்ருʼதம் ।
சதுர்பி⁴꞉ ஸ்யாச்சி²கா² பஶ்சாத் த்ரிபி⁴ஸ்து கவசம்ʼ ஸ்ம்ருʼதம் ॥ 8 ॥
சதுர்பி⁴ர்நேத்ரமுத்³தி³ஷ்டம்ʼ சதுர்பி⁴꞉ ஸ்யாத்தத³ஸ்த்ரகம் ।
அத² த்⁴யானம் ப்ரவக்ஷ்யாமி ஸாத⁴காபீ⁴ஷ்டதா³யகம் ॥ 9 ॥
முக்தாவித்³ருமஹேமநீலத⁴வலச்சா²யைர்முகை²ஸ்த்ரீக்ஷணை-
-ர்யுக்தாமிந்து³நிப³த்³த⁴ரத்னமுகுடாம்ʼ தத்த்வார்த²வர்ணாத்மிகாம் ।
கா³யத்ரீம்ʼ வரதா³(அ)ப⁴யாங்குஶகஶா꞉ ஶுப்⁴ரம்ʼ கபாலம்ʼ கு³ணம்ʼ
ஶங்க²ம்ʼ சக்ரமதா²ரவிந்த³யுக³லம்ʼ ஹஸ்தைர்வஹந்தீம்ʼ ப⁴ஜே ॥ 10 ॥
கா³யத்ரீ பூர்வத꞉ பாது ஸாவித்ரீ பாது த³க்ஷிணே ।
ப்³ரஹ்மஸந்த்⁴யா து மே பஶ்சாது³த்தராயாம்ʼ ஸரஸ்வதீ ॥ 11 ॥
பார்வதீ மே தி³ஶம்ʼ ரக்ஷேத்பாவகீம்ʼ ஜலஶாயினீ ।
யாதுதா⁴னீ தி³ஶம்ʼ ரக்ஷேத்³யாதுதா⁴னப⁴யங்கரீ ॥ 12 ॥
பாவமானீ தி³ஶம்ʼ ரக்ஷேத்பவமானவிலாஸினீ ।
தி³ஶம்ʼ ரௌத்³ரீம்ʼ ச மே பாது ருத்³ராணீ ருத்³ரரூபிணீ ॥ 13 ॥
ஊர்த்⁴வம்ʼ ப்³ரஹ்மாணி மே ரக்ஷேத³த⁴ஸ்தாத்³வைஷ்ணவீ ததா² ।
ஏவம்ʼ த³ஶ தி³ஶோ ரக்ஷேத்ஸர்வாங்க³ம்ʼ பு⁴வனேஶ்வரீ ॥ 14 ॥
தத்பத³ம்ʼ பாது மே பாதௌ³ ஜங்கே⁴ மே ஸவிது꞉ பத³ம் ।
வரேண்யம்ʼ கடிதே³ஶே து நாபி⁴ம்ʼ ப⁴ர்க³ஸ்ததை²வ ச ॥ 15 ॥
தே³வஸ்ய மே தத்³த்⁴ருʼத³யம்ʼ தீ⁴மஹீதி ச க³ல்லயோ꞉ ।
தி⁴ய꞉ பத³ம்ʼ ச மே நேத்ரே ய꞉ பத³ம்ʼ மே லலாடகம் ॥ 16 ॥
ந꞉ பாது மே பத³ம்ʼ மூர்த்⁴னி ஶிகா²யாம்ʼ மே ப்ரசோத³யாத் ।
தத்பத³ம்ʼ பாது மூர்தா⁴னம்ʼ ஸகார꞉ பாது பா⁴லகம் ॥ 17 ॥
சக்ஷுஷீ து விகாரார்ணஸ்துகாரஸ்து கபோலயோ꞉ ।
நாஸாபுடம்ʼ வகாரார்ணோ ரேகாரஸ்து முகே² ததா² ॥ 18 ॥
ணிகார ஊர்த்⁴வமோஷ்ட²ம்ʼ து யகாரஸ்த்வத⁴ரோஷ்ட²கம் ।
ஆஸ்யமத்⁴யே ப⁴காரார்ணோ ர்கோ³காரஶ்சுபு³கே ததா² ॥ 19 ॥
தே³கார꞉ கண்ட²தே³ஶே து வகார꞉ ஸ்கந்த⁴தே³ஶகம் ।
ஸ்யகாரோ த³க்ஷிணம்ʼ ஹஸ்தம்ʼ தீ⁴காரோ வாமஹஸ்தகம் ॥ 20 ॥
மகாரோ ஹ்ருʼத³யம்ʼ ரக்ஷேத்³தி⁴கார உத³ரே ததா² ।
தி⁴காரோ நாபி⁴தே³ஶே து யோகாரஸ்து கடிம்ʼ ததா² ॥ 21 ॥
கு³ஹ்யம்ʼ ரக்ஷது யோகார ஊரூ த்³வௌ ந꞉ பதா³க்ஷரம் ।
ப்ரகாரோ ஜானுனீ ரக்ஷேச்சோகாரோ ஜங்க⁴தே³ஶகம் ॥ 22 ॥
த³காரம்ʼ கு³ல்ப²தே³ஶே து யகார꞉ பத³யுக்³மகம் ।
தகாரவ்யஞ்ஜனம்ʼ சைவ ஸர்வாங்க³ம்ʼ மே ஸதா³(அ)வது ॥ 23 ॥
இத³ம்ʼ து கவசம்ʼ தி³வ்யம்ʼ பா³தா⁴ஶதவிநாஶனம் ।
சது꞉ஷஷ்டிகலாவித்³யாதா³யகம்ʼ மோக்ஷகாரகம் ॥ 24 ॥
முச்யதே ஸர்வபாபேப்⁴ய꞉ பரம்ʼ ப்³ரஹ்மாதி⁴க³ச்ச²தி ।
பட²னாச்ச்²ரவணாத்³வாபி கோ³ஸஹஸ்ரப²லம்ʼ லபே⁴த் ॥ 25 ॥
இதி ஶ்ரீதே³வீபா⁴க³வதே மஹாபுராணே த்³வாத³ஶஸ்கந்தே⁴ ஶ்ரீ கா³யத்ரீ மந்த்ரகவசம்ʼ நாம த்ருʼதீயோ(அ)த்⁴யாய꞉ ॥
Recite with devotion and pure heart
Regular practice brings spiritual benefits