हैंహైHaindavamஹிહિં
📍
Font Size:
ஶ்ரீ கா³யத்ரீ லஹரீ
அமந்தா³னந்தே³நாமரவரக்³ருʼஹே வாஸநிரதாம்ʼ
நரம்ʼ கா³யந்தம்ʼ யா பு⁴வி ப⁴வப⁴யாத்த்ராயத இஹ ।
ஸுரேஶை꞉ ஸம்பூஜ்யாம்ʼ முனிக³ணனுதாம்ʼ தாம்ʼ ஸுக²கரீம்ʼ
நமாமோ கா³யத்ரீம்ʼ நிகி²லமனுஜாகௌ⁴க⁴ஶமனீம் ॥ 1 ॥
அவாமா ஸம்யுக்தம்ʼ ஸகலமனுஜைர்ஜாப்யமபி⁴தீ
ஹ்யபாயாத்பாயாத்³பூ⁴ரத² பு⁴வி பு⁴வ꞉ ஸ்வ꞉ பத³மிதி ।
பத³ம்ʼ தன்மே பாதா³வவது ஸவிதுஶ்சைவ ஜக⁴னே
வரேண்யம்ʼ ஶ்ரோணிம்ʼ மே ஸததமவதாந்நாபி⁴மபி ச ॥ 2 ॥
பத³ம்ʼ ப⁴ர்கோ³ தே³வஸ்ய மம ஹ்ருʼத³யம்ʼ தீ⁴மஹி ததா²
க³லம்ʼ பாயாந்நித்யம்ʼ தி⁴ய இஹ பத³ம்ʼ சைவ ரஸனாம் ।
ததா² நேத்ரே யோ(அ)வ்யாத³லகமவதான்ன꞉ பத³மிதி
ஶிரோதே³ஶம்ʼ பாயான்மம து பரிதஶ்சாந்திமபத³ம் ॥ 3 ॥
அயே தி³வ்யே தே³வி த்ரித³ஶனிவஹைர்வந்தி³தபதே³
ந ஶேகுஸ்த்வாம்ʼ ஸ்தோதும்ʼ ப⁴க³வதி மஹாந்தோ(அ)பி முனய꞉ ।
கத²ங்காரம்ʼ தர்ஹிஸ்துதிததிரியம்ʼ மே ஶுப⁴தரா
ததா² பூர்ணா பூ⁴யாத் த்ருடிபரியுதா பா⁴வரஹிதா ॥ 4 ॥
ப⁴ஜந்தம்ʼ நிர்வ்யாஜம்ʼ தவ ஸுக²த³மந்த்ரம்ʼ விஜயினம்ʼ
ஜனம்ʼ யாவஜ்ஜீவம்ʼ ஜபதி ஜனனி த்வம்ʼ ஸுக²யஸி ।
ந வா காமம்ʼ காசித் கலுஷகணிகா(அ)பி ஸ்ப்ருʼஶதி தம்ʼ
ஸம்ʼஸாரம்ʼ ஸம்ʼஸாரம்ʼ ஸரதி ஸஹஸா தஸ்ய ஸததம் ॥ 5 ॥
த³தா⁴னாம்ʼ ஹ்யாதா⁴னம்ʼ ஸிதகுவலயாஸ்பா²லனருசாம்ʼ
ஸ்வயம்ʼ விப்⁴ராஜந்தீம்ʼ த்ரிபு⁴வனஜனாஹ்லாத³னகரீம் ।
அலம்ʼ சாலம்ʼ சாலம்ʼ மம சகிதசித்தம்ʼ ஸுசபலம்ʼ
சலச்சந்த்³ராஸ்யே த்வத்³வத³னருசமாசாமய சிரம் ॥ 6 ॥
லலாமே பா⁴லே தே ப³ஹுதர விஶாலே(அ)தி விமலே
கலா சஞ்சச்சாந்த்³ரீ ருசிரதிலகாவேந்து³கலயா ।
நிதாந்தம்ʼ கோ³மாயா நிவிட³ தமஸோ நாஶ வ்யஸனா
தமோ மே கா³ட⁴ம்ʼ ஹி ஹ்ருʼத³யஸத³னஸ்த²ம்ʼ க்³லபயது ॥ 7 ॥
அயே மாத꞉ கிம்ʼ தே சரண ஶரணம்ʼ ஸம்ʼஶ்ரயவதாம்ʼ
ஜனாநாமந்தஸ்தோ² வ்ருʼஜின ஹுதபு⁴க் ப்ரஜ்வலதி ய꞉ ।
தத³ஸ்யாஶு ஸம்யக் ப்ரஶமனஹிதாயைவ வித்⁴ருʼதம்ʼ
கரே பாத்ரம்ʼ புண்யம்ʼ ஸலிலப⁴ரிதம்ʼ காஷ்ட²ரசிதம் ॥ 8 ॥
அதா²ஹோஸ்வின்மாத꞉ ஸரித³தி⁴பதே꞉ ஸாரமகி²லம்ʼ
ஸுதா⁴ரூபம்ʼ கூபம்ʼ லகு⁴தரமனூபம்ʼ கலயதி ।
ஸ்வப⁴க்தேப்⁴யோ நித்யம்ʼ விதரஸி ஜனோத்³தா⁴ரிணி ஶுபே⁴
விஹீனே தீ³னே(அ)ஸ்மின் மய்யபி ஸகருணாம்ʼ குரு க்ருʼபாம் ॥ 9 ॥
ஸதை³வ த்வத்பாணௌ வித்⁴ருʼதமரவிந்த³ம்ʼ த்³யுதிகரம்ʼ
த்வித³ம்ʼ த³ர்ஶம்ʼ த³ர்ஶம்ʼ ரவிஶஶிஸமம்ʼ நேத்ரயுக³லம் ।
விசிந்த்ய ஸ்வாம்ʼ வ்ருʼத்திம்ʼ ப்⁴ரமவிஷமஜாலே(அ)ஸ்தி பதிதம்ʼ
இத³ம்ʼ மன்யே நோ சேத் கத²மிதி ப⁴வேத³ர்த⁴விகசம் ॥ 10 ॥
ஸ்வயம்ʼ மாத꞉ கிம்ʼ வா த்வமஸி ஜலஜாநாமபி க²னி-
-ர்யதஸ்தே ஸர்வாங்க³ம்ʼ கமலமயமேவாஸ்தி கிமு நோ ।
ததா² பீ⁴த்யா தஸ்மாச்ச²ரணமுபயாத꞉ கமலராட்
ப்ரயுஞ்ஜானோ(அ)ஶ்ராந்தம்ʼ ப⁴வதி ததி³ஹைவாஸனவிதௌ⁴ ॥ 11 ॥
தி³வௌகோபி⁴ர்வந்த்³யே விகஸித ஸரோஜாக்ஷி ஸுக²தே³
க்ருʼபாத்³ருʼஷ்டேர்வ்ருʼஷ்டி꞉ ஸுனிபததி யஸ்யோபரி தவ ।
ததீ³யாம்ʼ வாஞ்சா²ம்ʼ ஹி த்³ருதமனு வித³தா⁴ஸி ஸப²லாம்ʼ
அதோமந்தோஸ்தந்தூன் மம ஸபதி³ சி²த்வா(அ)ம்ப³ ஸுக²ய ॥ 12 ॥
கரே(அ)க்ஷாணாம்ʼ மாலா ப்ரவிலஸதி யா தே(அ)திவிமலே
கிமர்த²ம்ʼ ஸா கான் வா க³ணயஸி ஜனான் ப⁴க்தி நிரதான் ।
ஜபந்தீ கம்ʼ மந்த்ரம்ʼ ப்ரஶமயஸி து³꞉க²ம்ʼ ஜநிஜுஷா
மயே கா வா வாஞ்சா² ப⁴வதி தவ த்வத்ர ஸுவரதே³ ॥ 13 ॥
ந மன்யே த⁴ன்யே(அ)ஹம்ʼ த்வவிதத²மித³ம்ʼ லோகக³தி³தம்ʼ
மமாத்ரோக்திர்மத்வா கமலபதி பு²ல்லம்ʼ தவ கரம் ।
விஜ்ருʼம்பா⁴ ஸம்யுக்த த்³யுதிமித³மபி⁴ கோகனத³மி-
-த்யரம்ʼ ஜானானேயம்ʼ மது⁴கரததி ஸம்ʼவிலஸதி ॥ 14 ॥
மஹாமோஹாம்போ⁴தௌ⁴ மம நிபதிதா ஜீவனதரி-
-ர்நிராலம்பா³ தோ³லா சலதி து³ரவஸ்தா²மதி⁴க³தா ।
ஜலாவர்த வ்யாலோ க்³ரஸிதுமபி⁴தோ வாஞ்ச²தி ச தாம்ʼ
கராலம்ப³ம்ʼ த³த்வா ப⁴க³வதி த்³ருதம்ʼ தாரய ஶிவே ॥ 15 ॥
த³தா⁴னாஸித்வம்ʼ யத் ஸ்வவபுஷி பயோதா⁴ர யுக³ல-
-மிதி ஶ்ருத்வா லோகைர்மம மனஸி சிந்தா ஸமப⁴வத் ।
கத²ம்ʼ ஸ்யாத் ஸா தஸ்மாத³லக லதிகா மஸ்தக பு⁴வி
ஶிரோத்³யௌ ஹ்ருʼத்³யேயம்ʼ ஜலத³படலீ கே²லதி கில ॥ 16 ॥
ததா² தத்ரைவோபஸ்தி²தமபி நிஶீதி²ன்யதி⁴பதே꞉
ப்ரபஶ்யாமி ஶ்யாமே ஸஹ ஸஹசரைஸ்தாரக க³ணை꞉ ।
அஹோராத்ர க்ரீடா³ பரவஶமிதாஸ்தே(அ)பி சகிதா-
-ஶ்சிரம்ʼ சிக்ரீட³ந்தே தத³பி மஹதா³ஶ்சர்யசரிதம் ॥ 17 ॥
யதா³ஹுஸ்தம்ʼ முக்தா படல ஜடிதம்ʼ ரத்னமுகுடம்ʼ
ந த⁴த்தே தேஷாம்ʼ ஸா வசனரசனா ஸாது⁴பத³வீம் ।
நிஶைஷா கேஶாஸ்து நஹி விக³த வேஶா த்⁴ருவமிதி
ப்ரஸன்னா(அ)த்⁴யாஸன்னா விது⁴பரிஷதே³ஷா விலஸதி ॥ 18 ॥
த்ரிபீ³ஜே ஹே தே³வி த்ரிப்ரணவஸஹிதே த்ர்யக்ஷரயுதே
த்ரிமாத்ரா ராஜந்தே பு⁴வனவிப⁴வே ஹ்யோமிதிபதே³ ।
த்ரிகாலம்ʼ ஸம்ʼஸேவ்யே த்ரிகு³ணவதி ச த்ரிஸ்வரமயி
த்ரிலோகேஶை꞉ பூஜ்யே த்ரிபு⁴வனப⁴யாத்த்ராஹி ஸததம் ॥ 19 ॥
ந சந்த்³ரோ நைவேமே நப⁴ஸி விததா தாரகக³ணா꞉
த்விஷாம்ʼ ராஶீ ரம்யா தவ சரணயோரம்பு³னிசயே ।
பதித்வா கல்லோலை꞉ ஸஹ பரிசயாத்³விஸ்த்ருʼதிமிதா
ப்ரபா⁴ ஸைவா(அ)னந்தா க³க³னமுகுரே தீ³வ்யதி ஸதா³ ॥ 20 ॥
த்வமேவ ப்³ரஹ்மாணீ த்வமஸி கமலா த்வம்ʼ நக³ஸுதா
த்ரிஸந்த்⁴யம்ʼ ஸேவந்தே சரணயுக³லம்ʼ யே தவ ஜனா꞉ ।
ஜக³ஜ்ஜாலே தேஷாம்ʼ நிபதித ஜனாநாமிஹ ஶுபே⁴
ஸமுத்³தா⁴ரார்த²ம்ʼ கிம்ʼ மதிமதி மதிஸ்தே ந ப⁴வதி ॥ 21 ॥
அனேகை꞉ பாபௌகை⁴ர்லுலித வபுஷம்ʼ ஶோக ஸஹிதம்ʼ
லுட²ந்தம்ʼ தீ³னம்ʼ மாம்ʼ விமல பத³யோ ரேணுஷு தவ ।
க³லத்³பா³ஷ்பம்ʼ ஶஶ்வத்³ ஜனனி ஸஹஸாஶ்வாஸனவசோ
ப்³ருவாணோத்திஷ்ட² த்வம்ʼ அம்ருʼதகணிகாம்ʼ பாஸ்யஸி கதா³ ॥ 22 ॥
ந வா மாத்³ருʼக் பாபீ ந ஹி தவ ஸமா பாபஹரணீ
ந து³ர்பு³த்³தி⁴ர்மாத்³ருʼக் ந ச தவ ஸமா தீ⁴ விதரிணீ ।
ந மாத்³ருʼக்³ க³ர்விஷ்டோ² ந ஹி தவ ஸமா க³ர்வஹரணீ
ஹ்ருʼதி³ ஸ்ம்ருʼத்வா ஹ்யேவம்ʼ மயி குரு யதே²ச்சா² தவ யதா² ॥ 23 ॥
த³ரீத⁴ர்தி ஸ்வாந்தே(அ)க்ஷர வர சதுர்விம்ʼஶதிமிதம்ʼ
த்வத³ந்தர்மந்த்ரம்ʼ யத்த்வயி நிஹித சேதோ ஹி மனுஜ꞉ ।
ஸமந்தாத்³பா⁴ஸ்வந்தம்ʼ ப⁴வதி பு⁴வி ஸஞ்ஜீவனவனம்ʼ
ப⁴வாம்போ⁴தே⁴꞉ பாரம்ʼ வ்ரஜதி ஸ நிதராம்ʼ ஸுக²யுத꞉ ॥ 24 ॥
ப⁴க³வதி லஹரீயம்ʼ ருத்³ரதே³வ ப்ரணீதா
தவ சரணஸரோஜே ஸ்தா²ப்யதே ப⁴க்திபா⁴வை꞉ ।
குமதிதிமிரபங்கஸ்யாங்கமக்³னம்ʼ ஸஶங்கம்ʼ
அயி க²லு குரு த³த்வா வீதஶங்கம்ʼ ஸ்வமங்கம் ॥ 25 ॥
இதி ஶ்ரீ ருத்³ரதே³வ விரசித ஶ்ரீ கா³யத்ரீ லஹரீ ॥
Recite with devotion and pure heart
Regular practice brings spiritual benefits