हैंహైHaindavamஹிહિં
📍
Font Size:
ശ്രീ ഗായത്രീ കവചം
യാജ്ഞവൽക്യ ഉവാച –
സ്വാമിൻ സർവജഗന്നാഥ സംശയോഽസ്തി മഹാന്മമ ।
ചതുഃഷഷ്ടികലാനാം ച പാതകാനാം ച തദ്വദ ॥ 1 ॥
മുച്യതേ കേന പുണ്യേന ബ്രഹ്മരൂപം കഥം ഭവേത് ।
ദേഹശ്ച ദേവതാരൂപോ മന്ത്രരൂപോ വിശേഷതഃ ।
ക്രമതഃ ശ്രോതുമിച്ഛാമി കവചം വിധിപൂർവകം ॥ 2 ॥
ബ്രഹ്മോവാച –
അസ്യ ശ്രീഗായത്രീകവചസ്യ ബ്രഹ്മവിഷ്ണുരുദ്രാ ഋഷയഃ, ഋഗ്യജുഃസാമാഥർവാണി ഛന്ദാംസി, പരബ്രഹ്മസ്വരൂപിണീ ഗായത്രീ ദേവതാ, ഭൂർബീജം, ഭുവഃ ശക്തിഃ, സ്വഃ കീലകം, ശ്രീഗായത്രീപ്രീത്യർഥേ ജപേ വിനിയോഗഃ ॥
ഋഷ്യാദിന്യാസഃ –
ഓം ബ്രഹ്മവിഷ്ണുരുദ്ര ഋഷിഭ്യോ നമഃ ശിരസി ।
ഋഗ്യജുഃസാമാഥർവച്ഛന്ദോഭ്യോ നമഃ മുഖേ ।
പരബ്രഹ്മസ്വരൂപിണീ ഗായത്രീദേവതായൈ നമഃ ഹൃദി ।
ഭൂഃ ബീജായ നമഃ ഗുഹ്യേ ।
ഭുവഃ ശക്തയേ നമഃ പാദയോഃ ।
സ്വഃ കീലകായ നമഃ നാഭൗ ।
വിനിയോഗായ നമഃ സർവാംഗേ ।
കരന്യാസഃ –
ഓം ഭൂർഭുവഃ സ്വഃ തത്സവിതുരിതി അംഗുഷ്ഠാഭ്യാം നമഃ ।
ഓം ഭൂർഭുവഃ സ്വഃ വരേണ്യമിതി തർജനീഭ്യാം നമഃ ।
ഓം ഭൂർഭുവഃ സ്വഃ ഭർഗോ ദേവസ്യേതി മധ്യമാഭ്യാം നമഃ ।
ഓം ഭൂർഭുവഃ സ്വഃ ധീമഹീതി അനാമികാഭ്യാം നമഃ ।
ഓം ഭൂർഭുവഃ സ്വഃ ധിയോ യോ നഃ ഇതി കനിഷ്ഠികാഭ്യാം നമഃ ।
ഓം ഭൂർഭുവഃ സ്വഃ പ്രചോദയാദിതി കരതല കരപൃഷ്ഠാഭ്യാം നമഃ ॥
അംഗന്യാസഃ –
ഓം ഭൂർഭുവഃ സ്വഃ തത്സവിതുരിതി ഹൃദയായ നമഃ ।
ഓം ഭൂർഭുവഃ സ്വഃ വരേണ്യമിതി ശിരസേ സ്വാഹാ ।
ഓം ഭൂർഭുവഃ സ്വഃ ഭർഗോ ദേവസ്യേതി ശിഖായൈ വഷട് ।
ഓം ഭൂർഭുവഃ സ്വഃ ധീമഹീതി കവചായ ഹും ।
ഓം ഭൂർഭുവഃ സ്വഃ ധിയോ യോ നഃ ഇതി നേത്രത്രയായ വൗഷട് ।
ഓം ഭൂർഭുവഃ സ്വഃ പ്രചോദയാദിതി അസ്ത്രായ ഫട് ॥
പ്രാർഥനാ –
വർണാസ്ത്രാം കുണ്ഡികാഹസ്താം ശുദ്ധനിർമലജ്യോതിഷീം ।
സർവതത്ത്വമയീം വന്ദേ ഗായത്രീം വേദമാതരം ॥
അഥ ധ്യാനം –
മുക്താവിദ്രുമഹേമനീലധവലച്ഛായൈർമുഖൈസ്ത്രീക്ഷണൈ-
-ര്യുക്താമിന്ദുനിബദ്ധരത്നമുകുടാം തത്ത്വാർഥവർണാത്മികാം ।
ഗായത്രീം വരദാഭയാങ്കുശകശാം ശൂലം കപാലം ഗുണം
ശംഖം ചക്രമഥാരവിന്ദയുഗലം ഹസ്തൈർവഹന്തീം ഭജേ ॥
അഥ കവചം –
ഓം ഗായത്രീ പൂർവതഃ പാതു സാവിത്രീ പാതു ദക്ഷിണേ ।
ബ്രഹ്മവിദ്യാ ച മേ പശ്ചാദുത്തരേ മാം സരസ്വതീ ॥ 1 ॥
പാവകീം മേ ദിശം രക്ഷേത്പാവകോജ്ജ്വലശാലിനീ ।
യാതുധാനീം ദിശം രക്ഷേദ്യാതുധാനഗണാർദിനീ ॥ 2 ॥
പാവമാനീം ദിശം രക്ഷേത്പവമാനവിലാസിനീ ।
ദിശം രൗദ്രീമവതു മേ രുദ്രാണീ രുദ്രരൂപിണീ ॥ 3 ॥
ഊർധ്വം ബ്രഹ്മാണീ മേ രക്ഷേദധസ്താദ്വൈഷ്ണവീ തഥാ ।
ഏവം ദശ ദിശോ രക്ഷേത് സർവതോ ഭുവനേശ്വരീ ॥ 4 ॥
ബ്രഹ്മാസ്ത്രസ്മരണാദേവ വാചാം സിദ്ധിഃ പ്രജായതേ ।
ബ്രഹ്മദണ്ഡശ്ച മേ പാതു സർവശസ്ത്രാസ്ത്രഭക്ഷകഃ ॥ 5 ॥
ബ്രഹ്മശീർഷസ്തഥാ പാതു ശത്രൂണാം വധകാരകഃ ।
സപ്ത വ്യാഹൃതയഃ പാന്തു സർവദാ ബിന്ദുസമ്യുതഃ ॥ 6 ॥
വേദമാതാ ച മാം പാതു സരഹസ്യാ സദൈവതാ ।
ദേവീസൂക്തം സദാ പാതു സഹസ്രാക്ഷരദേവതാ ॥ 7 ॥
ചതുഃഷഷ്ടികലാ വിദ്യാ ദിവ്യാദ്യാ പാതു ദേവതാ ।
ബീജശക്തിശ്ച മേ പാതു പാതു വിക്രമദേവതാ ॥ 8 ॥
തത്പദം പാതു മേ പാദൗ ജംഘേ മേ സവിതുഃ പദം ।
വരേണ്യം കടിദേശം തു നാഭിം ഭർഗസ്തഥൈവ ച ॥ 9 ॥
ദേവസ്യ മേ തു ഹൃദയം ധീമഹീതി ഗലം തഥാ ।
ധിയോ മേ പാതു ജിഹ്വായാം യഃ പദം പാതു ലോചനേ ॥ 10 ॥
ലലാടേ നഃ പദം പാതു മൂർധാനം മേ പ്രചോദയാത് ।
തദ്വർണഃ പാതു മൂർധാനം സകാരഃ പാതു ഫാലകം ॥ 11 ॥
ചക്ഷുഷീ മേ വികാരസ്തു ശ്രോത്രം രക്ഷേത്തു കാരകഃ ।
നാസാപുടേ വകാരോ മേ രേകാരസ്തു കപോലയോഃ ॥ 12 ॥
ണികാരസ്ത്വധരോഷ്ഠേ ച യകാരസ്തൂർധ്വ ഓഷ്ഠകേ ।
ആസ്യമധ്യേ ഭകാരസ്തു ര്ഗോകാരസ്തു കപോലയോഃ ॥ 13 ॥
ദേകാരഃ കണ്ഠദേശേ ച വകാരഃ സ്കന്ധദേശയോഃ ।
സ്യകാരോ ദക്ഷിണം ഹസ്തം ധീകാരോ വാമഹസ്തകം ॥ 14 ॥
മകാരോ ഹൃദയം രക്ഷേദ്ധികാരോ ജഠരം തഥാ ।
ധികാരോ നാഭിദേശം തു യോകാരസ്തു കടിദ്വയം ॥ 15 ॥
ഗുഹ്യം രക്ഷതു യോകാര ഊരൂ മേ നഃ പദാക്ഷരം ।
പ്രകാരോ ജാനുനീ രക്ഷേച്ചോകാരോ ജംഘദേശയോഃ ॥ 16 ॥
ദകാരോ ഗുൽഫദേശം തു യാത്കാരഃ പാദയുഗ്മകം ।
ജാതവേദേതി ഗായത്രീ ത്ര്യംബകേതി ദശാക്ഷരാ ॥ 17 ॥
സർവതഃ സർവദാ പാതു ആപോജ്യോതീതി ഷോഡശീ ।
ഇദം തു കവചം ദിവ്യം ബാധാശതവിനാശകം ॥ 18 ॥
ചതുഃഷഷ്ടികലാവിദ്യാസകലൈശ്വര്യസിദ്ധിദം ।
ജപാരംഭേ ച ഹൃദയം ജപാന്തേ കവചം പഠേത് ॥ 19 ॥
സ്ത്രീഗോബ്രാഹ്മണമിത്രാദിദ്രോഹാദ്യഖിലപാതകൈഃ ।
മുച്യതേ സർവപാപേഭ്യഃ പരം ബ്രഹ്മാധിഗച്ഛതി ॥ 20 ॥
പുഷ്പാഞ്ജലിം ച ഗായത്ര്യാ മൂലേനൈവ പഠേത്സകൃത് ।
ശതസാഹസ്രവർഷാണാം പൂജായാഃ ഫലമാപ്നുയാത് ॥ 21 ॥
ഭൂർജപത്രേ ലിഖിത്വൈതത് സ്വകണ്ഠേ ധാരയേദ്യദി ।
ശിഖായാം ദക്ഷിണേ ബാഹൗ കണ്ഠേ വാ ധാരയേദ്ബുധഃ ॥ 22 ॥
ത്രൈലോക്യം ക്ഷോഭയേത്സർവം ത്രൈലോക്യം ദഹതി ക്ഷണാത് ।
പുത്രവാൻ ധനവാൻ ശ്രീമാൻ നാനാവിദ്യാനിധിർഭവേത് ॥ 23 ॥
ബ്രഹ്മാസ്ത്രാദീനി സർവാണി തദംഗസ്പർശനാത്തതഃ ।
ഭവന്തി തസ്യ തുല്യാനി കിമന്യത്കഥയാമി തേ ॥ 24 ॥
അഭിമന്ത്രിതഗായത്രീകവചം മാനസം പഠേത് ।
തജ്ജലം പിബതോ നിത്യം പുരശ്ചര്യാഫലം ഭവേത് ॥ 25 ॥
ലഘുസാമാന്യകം മന്ത്രം മഹാമന്ത്രം തഥൈവ ച ।
യോ വേത്തി ധാരണാം യുഞ്ജൻ ജീവന്മുക്തഃ സ ഉച്യതേ ॥ 26 ॥
സപ്തവ്യാഹൃതയോ വിപ്ര സപ്താവസ്ഥാഃ പ്രകീർതിതാഃ ।
സപ്തജീവശതാ നിത്യം വ്യാഹൃതീ അഗ്നിരൂപിണീ ॥ 27 ॥
പ്രണവേ നിത്യയുക്തസ്യ വ്യാഹൃതീഷു ച സപ്തസു ।
സർവേഷാമേവ പാപാനാം സങ്കരേ സമുപസ്ഥിതേ ॥ 28 ॥
ശതം സഹസ്രമഭ്യർച്യ ഗായത്രീ പാവനം മഹത് ।
ദശശതമഷ്ടോത്തരശതം ഗായത്രീ പാവനം മഹത് ॥ 29 ॥
ഭക്തിമാന്യോ ഭവേദ്വിപ്രഃ സന്ധ്യാകർമ സമാചരേത് ।
കാലേ കാലേ തു കർതവ്യം സിദ്ധിർഭവതി നാന്യഥാ ॥ 30 ॥
പ്രണവം പൂർവമുദ്ധൃത്യ ഭൂർഭുവഃസ്വസ്തഥൈവ ച ।
തുര്യം സഹൈവ ഗായത്രീജപ ഏവമുദാഹൃതം ॥ 31 ॥
തുരീയപാദമുത്സൃജ്യ ഗായത്രീം ച ജപേദ്ദ്വിജഃ ।
സ മൂഢോ നരകം യാതി കാലസൂത്രമധോഗതിഃ ॥ 32 ॥
മന്ത്രാദൗ ജനനം പ്രോക്തം മന്ത്രാന്തേ മൃതസൂതകം ।
ഉഭയോർദോഷനിർമുക്തം ഗായത്രീ സഫലാ ഭവേത് ॥ 33 ॥
മന്ത്രാദൗ പാശബീജം ച മന്ത്രാന്തേ കുശബീജകം ।
മന്ത്രമധ്യേ തു യാ മായാ ഗായത്രീ സഫലാ ഭവേത് ॥ 34 ॥
വാചികം ത്വേകമേവ സ്യാദുപാംശു ശതമുച്യതേ ।
സഹസ്രം മാനസം പ്രോക്തം ത്രിവിധം ജപലക്ഷണം ॥ 35 ॥
അക്ഷമാലാം ച മുദ്രാം ച ഗുരോരപി ന ദർശയേത് ।
ജപം ചാക്ഷസ്വരൂപേണാനാമികാമധ്യപർവണി ॥ 36 ॥
അനാമാ മധ്യയാ ഹീനാ കനിഷ്ഠാദിക്രമേണ തു ।
തർജനീമൂലപര്യന്തം ഗായത്രീജപലക്ഷണം ॥ 37 ॥
പർവഭിസ്തു ജപേദേവമന്യത്ര നിയമഃ സ്മൃതഃ ।
ഗായത്ര്യാ വേദമൂലത്വാദ്വേദഃ പർവസു ഗീയതേ ॥ 38 ॥
ദശഭിർജന്മജനിതം ശതേനൈവ പുരാ കൃതം ।
ത്രിയുഗം തു സഹസ്രാണി ഗായത്രീ ഹന്തി കിൽബിഷം ॥ 39 ॥
പ്രാതഃ കാലേഷു കർതവ്യം സിദ്ധിം വിപ്രോ യ ഇച്ഛതി ।
നാദാലയേ സമാധിശ്ച സന്ധ്യായാം സമുപാസതേ ॥ 40 ॥
അംഗുല്യഗ്രേണ യജ്ജപ്തം യജ്ജപ്തം മേരുലംഘനേ ।
അസംഖ്യയാ ച യജ്ജപ്തം തജ്ജപ്തം നിഷ്ഫലം ഭവേത് ॥ 41 ॥
വിനാ വസ്ത്രം പ്രകുർവീത ഗായത്രീ നിഷ്ഫലാ ഭവേത് ।
വസ്ത്രപുച്ഛം ന ജാനാതി വൃഥാ തസ്യ പരിശ്രമഃ ॥ 42 ॥
ഗായത്രീം തു പരിത്യജ്യ അന്യമന്ത്രമുപാസതേ ।
സിദ്ധാന്നം ച പരിത്യജ്യ ഭിക്ഷാമടതി ദുർമതിഃ ॥ 43 ॥
ഋഷിശ്ഛന്ദോ ദേവതാഖ്യാ ബീജശക്തിശ്ച കീലകം ।
വിനിയോഗം ന ജാനാതി ഗായത്രീ നിഷ്ഫലാ ഭവേത് ॥ 44 ॥
വർണമുദ്രാ ധ്യാനപദമാവാഹനവിസർജനം ।
ദീപം ചക്രം ന ജാനാതി ഗായത്രീ നിഷ്ഫലാ ഭവേത് ॥ 45 ॥
ശക്തിന്യാസസ്തഥാ സ്ഥാനം മന്ത്രസംബോധനം പരം ।
ത്രിവിധം യോ ന ജാനാതി ഗായത്രീ നിഷ്ഫലാ ഭവേത് ॥ 46 ॥
പഞ്ചോപചാരകാംശ്ചൈവ ഹോമദ്രവ്യം തഥൈവ ച ।
പഞ്ചാംഗം ച വിനാ നിത്യം ഗായത്രീ നിഷ്ഫലാ ഭവേത് ॥ 47 ॥
മന്ത്രസിദ്ധിർഭവേജ്ജാതു വിശ്വാമിത്രേണ ഭാഷിതം ।
വ്യാസോ വാചസ്പതിം ജീവസ്തുതാ ദേവീ തപഃ സ്മൃതൗ ॥ 48 ॥
ദേവീ ജപ്താ സഹസ്രം സാ ഹ്യുപപാതകനാശിനീ ।
ലക്ഷജാപ്യേ തഥാ തച്ച മഹാപാതകനാശിനീ ॥ 49 ॥
കോടിജാപ്യേന രാജേന്ദ്ര യദിച്ഛതി തദാപ്നുയാത് ।
ന ദേയം പരശിഷ്യേഭ്യോ ഹ്യഭക്തേഭ്യോ വിശേഷതഃ ।
ശിഷ്യേഭ്യോ ഭക്തിയുക്തേഭ്യോ ഹ്യന്യഥാ മൃത്യുമാപ്നുയാത് ॥ 50 ॥
ഇതി ശ്രീ ഗായത്രീ കവചം ।
Recite with devotion and pure heart
Regular practice brings spiritual benefits