हैंహైHaindavamஹிહિં
📍
Font Size:
ஶ்ரீ கா³யத்ரீ ஹ்ருʼத³யம்
நாரத³ உவாச ।
ப⁴க³வன் தே³வதே³வேஶ பூ⁴தப⁴வ்யஜக³த்ப்ரபோ⁴ ।
கவசம்ʼ ச ஶ்ருதம்ʼ தி³வ்யம்ʼ கா³யத்ரீமந்த்ரவிக்³ரஹம் ॥ 1 ॥
அது⁴னா ஶ்ரோதுமிச்சா²மி கா³யத்ரீஹ்ருʼத³யம்ʼ பரம் ।
யத்³தா⁴ரணாத்³ப⁴வேத்புண்யம்ʼ கா³யத்ரீஜபதோ(அ)கி²லம் ॥ 2 ॥
ஶ்ரீநாராயண உவாச ।
தே³வ்யாஶ்ச ஹ்ருʼத³யம்ʼ ப்ரோக்தம்ʼ நாரதா³த²ர்வணே ஸ்பு²டம் ।
ததே³வாஹம்ʼ ப்ரவக்ஷ்யாமி ரஹஸ்யாதிரஹஸ்யகம் ॥ 3 ॥
விராட்³ரூபாம்ʼ மஹாதே³வீம்ʼ கா³யத்ரீம்ʼ வேத³மாதரம் ।
த்⁴யாத்வா தஸ்யாஸ்த்வதா²ங்கே³ஷு த்⁴யாயேதே³தாஶ்ச தே³வதா꞉ ॥ 4 ॥
பிண்ட³ப்³ரஹ்மண்ட³யோரைக்யாத்³பா⁴வயேத்ஸ்வதனௌ ததா² ।
தே³வீரூபே நிஜே தே³ஹே தன்மயத்வாய ஸாத⁴க꞉ ॥ 5 ॥
நாதே³வோ(அ)ப்⁴யர்சயேத்³தே³வமிதி வேத³விதோ³ விது³꞉ ।
ததோ(அ)பே⁴தா³ய காயே ஸ்வே பா⁴வயேத்³தே³வதா இமா꞉ ॥ 6 ॥
அத² தத்ஸம்ப்ரவக்ஷ்யாமி தன்மயத்வமதோ² ப⁴வேத் ।
கா³யத்ரீஹ்ருʼத³யஸ்யா(அ)ஸ்யா(அ)ப்யஹமேவ ருʼஷி꞉ ஸ்ம்ருʼத꞉ ॥ 7 ॥
கா³யத்ரீச²ந்த³ உத்³தி³ஷ்டம்ʼ தே³வதா பரமேஶ்வரீ ।
பூர்வோக்தேன ப்ரகாரேண குர்யாத³ங்கா³னி ஷட்க்ரமாத் ।
ஆஸனே விஜனே தே³ஶே த்⁴யாயேதே³காக்³ரமானஸ꞉ ॥ 8 ॥
அதா²ர்த²ந்யாஸ꞉ । த்³யௌமூர்த்⁴னி தை³வதம் । த³ந்தபங்க்தாவஶ்வினௌ । உபே⁴ ஸந்த்⁴யே சௌஷ்டௌ² । முக²மக்³னி꞉ । ஜிஹ்வா ஸரஸ்வதீ । க்³ரீவாயாம்ʼ து ப்³ருʼஹஸ்பதி꞉ । ஸ்தனயோர்வஸவோ(அ)ஷ்டௌ । பா³ஹ்வோர்மருத꞉ । ஹ்ருʼத³யே பர்ஜன்ய꞉ । ஆகாஶமுத³ரம் । நாபா⁴வந்தரிக்ஷம் । கட்யோரிந்த்³ராக்³னீ । ஜக⁴னே விஜ்ஞானக⁴ன꞉ ப்ரஜாபதி꞉ । கைலாஸமலயே ஊரூ । விஶ்வேதே³வா ஜான்வோ꞉ । ஜங்கா⁴யாம்ʼ கௌஶிக꞉ । கு³ஹ்யமயனே । ஊரூ பிதர꞉ । பாதௌ³ ப்ருʼதி²வீ । வனஸ்பதயோ(அ)ங்கு³லீஷு । ருʼஷயோ ரோமாணி । நகா²னி முஹூர்தானி । அஸ்தி²ஷு க்³ரஹா꞉ । அஸ்ருʼங்மாம்ʼஸம்ருʼதவ꞉ ॥ ஸம்ʼவத்ஸரா வை நிமிஷம் । அஹோராத்ராவாதி³த்யஶ்சந்த்³ரமா꞉ । ப்ரவராம்ʼ தி³வ்யாம்ʼ கா³யத்ரீம்ʼ ஸஹஸ்ரநேத்ராம்ʼ ஶரணமஹம்ʼ ப்ரபத்³யே ॥
ஓம்ʼ தத்ஸவிதுர்வரேண்யாய நம꞉ । ஓம்ʼ தத்பூர்வாஜயாய நம꞉ । தத்ப்ராதராதி³த்யாய நம꞉ । தத்ப்ராதராதி³த்யப்ரதிஷ்டா²யை நம꞉ ॥
ப்ராதரதீ⁴யானோ ராத்ரிக்ருʼதம்ʼ பாபம்ʼ நாஶயதி । ஸாயமதீ⁴யானோ தி³வஸக்ருʼதம்ʼ பாபம்ʼ நாஶயதி । ஸாயம்ʼ ப்ராதரதீ⁴யானோ அபாபோ ப⁴வதி । ஸர்வதீர்தே²ஷு ஸ்னாதோ ப⁴வதி । ஸர்வைர்தே³வைர்ஜ்ஞாதோ ப⁴வதி । அவாச்யவசனாத்பூதோ ப⁴வதி । அப⁴க்ஷ்யப⁴க்ஷணாத்பூதோ ப⁴வதி । அபோ⁴ஜ்யபோ⁴ஜனாத்பூதோ ப⁴வதி । அசோஷ்யசோஷணாத்பூதோ ப⁴வதி । அஸாத்⁴யஸாத⁴னாத்பூதோ ப⁴வதி । து³ஷ்ப்ரதிக்³ரஹஶதஸஹஸ்ராத்பூதோ ப⁴வதி । ஸர்வப்ரதிக்³ரஹாத்பூதோ ப⁴வதி । பங்க்திதூ³ஷணாத்பூதோ ப⁴வதி । அந்ருʼதவசனாத்பூதோ ப⁴வதி । அதா²(அ)ப்³ரஹ்மசாரீ ப்³ரஹ்மசாரீ ப⁴வதீ । அனேன ஹ்ருʼத³யேனாதீ⁴தேன க்ரதுஸஹஸ்ரேணேஷ்டம்ʼ ப⁴வதி । ஷஷ்டிஶதஸஹஸ்ரகா³யத்ர்யா ஜப்யானி ப²லானி ப⁴வந்தி । அஷ்டௌ ப்³ராஹ்மணான் ஸம்யக்³க்³ராஹயேத் । தஸ்ய ஸித்³தி⁴ர்ப⁴வதி । ய இத³ம்ʼ நித்யமதீ⁴யானோ ப்³ராஹ்மண꞉ ப்ராத꞉ ஶுசி꞉ ஸர்வபாபை꞉ ப்ரமுச்யத இதி । ப்³ரஹ்மலோகே மஹீயதே ॥
இத்யாஹ ப⁴க³வான் ஶ்ரீநாராயண꞉ ॥
இதி ஶ்ரீதே³வீபா⁴க³வதே மஹாபுராணே த்³வாத³ஶஸ்கந்தே⁴ ஶ்ரீ கா³யத்ரீ ஹ்ருʼத³யம்ʼ நாம சதுர்தோ²(அ)த்⁴யாய꞉ ॥
Recite with devotion and pure heart
Regular practice brings spiritual benefits