हैंహైHaindavamஹிહિં
📍
Font Size:
ശ്രീ ഗായത്രീ ഭുജംഗ സ്തോത്രം
ഉഷഃകാലഗമ്യാമുദാത്ത സ്വരൂപാം
അകാരപ്രവിഷ്ടാമുദാരാംഗഭൂഷാം ।
അജേശാദി വന്ദ്യാമജാർചാംഗഭാജാം
അനൗപമ്യരൂപാം ഭജാമ്യാദിസന്ധ്യാം ॥ 1 ॥
സദാ ഹംസയാനാം സ്ഫുരദ്രത്നവസ്ത്രാം
വരാഭീതിഹസ്താം ഖഗാമ്നായരൂപാം ।
സ്ഫുരത്സ്വാധികാമക്ഷമാലാം ച കുംഭം
ദധനാമഹം ഭാവയേ പൂർവസന്ധ്യാം ॥ 2 ॥
പ്രവാല പ്രകൃഷ്ടാംഗ ഭൂഷോജ്ജ്വലന്തീം
കിരീടോല്ലസദ്രത്നരാജപ്രഭാതാം ।
വിശാലോരുഭാസാം കുചാശ്ലേഷഹാരാം
ഭജേ ബാലകാം ബ്രഹ്മവിദ്യാം വിനോദാം ॥ 3 ॥
സ്ഫുരച്ചന്ദ്രകാന്താം ശരച്ചന്ദ്രവക്ത്രാം
മഹാചന്ദ്രകാന്താദ്രി പീനസ്തനാഢ്യാം ।
ത്രിശൂലാക്ഷഹസ്താം ത്രിനേത്രസ്യ പത്നീം
വൃഷാരൂഢപാദാം ഭജേ മധ്യസന്ധ്യാം ॥ 4 ॥
ഷഡാധാരരൂപാം ഷഡാധാരഗമ്യാം
ഷഡധ്വാതിശുദ്ധാം യജുർവേദരൂപാം ।
ഹിമാദ്രേഃ സുതാം കുന്ദദന്താവഭാസാം
മഹേശാർധദേഹാം ഭജേ മധ്യസന്ധ്യാം ॥ 5 ॥
സുഷുമ്നാന്തരസ്ഥാം സുധാസേവ്യമാനാ-
-മുകാരാന്തരസ്ഥാം ദ്വിതീയസ്വരൂപാം ।
സഹസ്രാർകരശ്മി പ്രഭാസത്രിനേത്രാം
സദാ യൗവനാഢ്യാം ഭജേ മധ്യസന്ധ്യാം ॥ 6 ॥
സദാസാമഗാനാം പ്രിയാം ശ്യാമലാംഗീം
അകാരാന്തരസ്ഥാം കരോല്ലാസിചക്രാം ।
ഗദാപദ്മഹസ്താം ധ്വനത്പാഞ്ചജന്യാം
ഖഗേശോപവിഷ്ടാം ഭജേമാസ്തസന്ധ്യാം ॥ 7 ॥
പ്രഗൽഭസ്വരൂപാം സ്ഫുരത്കങ്കണാഢ്യാം
അഹംലംബമാനസ്തനപ്രാന്തഹാരം ।
മഹാനീലരത്നപ്രഭാകുണ്ഡലാഭ്യാം
സ്ഫുരത്സ്മേരവക്ത്രാം ഭജേ തുര്യസന്ധ്യാം ॥ 8 ॥
സദാതത്ത്വമസ്യാദി വാക്യൈകഗമ്യാം
മഹാമോക്ഷമാർഗൈക പാഥേയരൂപാം ।
മഹാസിദ്ധവിദ്യാധരൈഃ സേവ്യമാനാം
ഭജേഽഹം ഭവോത്താരണീം തുര്യസന്ധ്യാം ॥ 9 ॥
ഹൃദംഭോജമധ്യേ പരാമ്നായമീഡേ
സുഖാസീനസദ്രാജഹംസാം മനോജ്ഞാം ।
സദാ ഹേമഭാസാം ത്രയീവിദ്യമധ്യാം
ഭജാമ സ്തുവാമോ വദാമ സ്മരാമഃ ॥ 10 ॥
സദാ തത്പദൈസ്തൂയമാനാം സവിത്രീം
വരേണ്യാം മഹാഭർഗരൂപാം ത്രിനേത്രാം ।
സദാ ദേവദേവാദി ദേവസ്യ പത്നീം
അഹം ധീമഹീത്യാദി പാദൈക ജുഷ്ടാം ॥ 11 ॥
അനാഥം ദരിദ്രം ദുരാചാരയുക്തം
ശഠം സ്ഥൂലബുദ്ധിം പരം ധർമഹീനം ।
ത്രിസന്ധ്യാം ജപധ്യാനഹീനം മഹേശീം
പരം ചിന്തയാമി പ്രസീദ ത്വമേവ ॥ 12 ॥
ഇതീദം ഭുജംഗം പഠേദ്യസ്തു ഭക്ത്യാ
സമാധായ ചിത്തേ സദാ ശ്രീഭവാനീം ।
ത്രിസന്ധ്യസ്വരൂപാം ത്രിലോകൈകവന്ദ്യാം
സ മുക്തോ ഭവേത്സർവപാപൈരജസ്രം ॥ 13 ॥
ഇതി ശ്രീ ഗായത്രീ ഭുജംഗ സ്തോത്രം ।
Recite with devotion and pure heart
Regular practice brings spiritual benefits