हैंహైHaindavamஹிહિં
📍
Font Size:
ಬಾಲಾ ತ್ರಿಪುರ ಸುಂದರೀ ಸಹಸ್ರನಾಮ ಸ್ತೋತ್ರಂ
ಶ್ರೀದೇವ್ಯುವಾಚ –
ಭಗವನ್ ಭಾಷಿತಾಶೇಷಸಿದ್ಧಾಂತ ಕರುಣಾನಿಧೇ ।
ಬಾಲಾತ್ರಿಪುರಸುಂದರ್ಯಾಃ ಮಂತ್ರನಾಮಸಹಸ್ರಕಂ ॥ 1 ॥
ಶ್ರುತ್ವಾ ಧಾರಯಿತುಂ ದೇವ ಮಮೇಚ್ಛಾವರ್ತತೇಽಧುನಾ ।
ಕೃಪಯಾ ಕೇವಲಂ ನಾಥ ತನ್ಮಮಾಖ್ಯಾತುಮರ್ಹಸಿ ॥ 2 ॥
ಈಶ್ವರ ಉವಾಚ –
ಮಂತ್ರನಾಮಸಹಸ್ರಂ ತೇ ಕಥಯಾಮಿ ವರಾನನೇ ।
ಗೋಪನೀಯಂ ಪ್ರಯತ್ನೇನ ಶೃಣು ತತ್ತ್ವಂ ಮಹೇಶ್ವರಿ ॥ 3 ॥
ಅಸ್ಯ ಶ್ರೀಬಾಲಾತ್ರಿಪುರಸುಂದರೀ ದಿವ್ಯಸಹಸ್ರನಾಮ ಸ್ತೋತ್ರಮಹಾಮಂತ್ರಸ್ಯ ಈಶ್ವರ ಋಷಿಃ, ಅನುಷ್ಟುಪ್ಛಂದಃ, ಶ್ರೀಬಾಲಾತ್ರಿಪುರಸುಂದರೀ ದೇವತಾ, ಐಂ ಬೀಜಂ, ಸೌಃ ಶಕ್ತಿಃ, ಕ್ಲೀಂ ಕೀಲಕಂ, ಮಮ ಶ್ರೀಬಾಲಾತ್ರಿಪುರಸುಂದರೀ ಪ್ರಸಾದಸಿದ್ಧ್ಯರ್ಥೇ ಸಹಸ್ರನಾಮಸ್ತೋತ್ರ ಪಾರಾಯಣೇ ವಿನಿಯೋಗಃ ॥
ಕರನ್ಯಾಸಃ –
ಐಂ ಅಂಗುಷ್ಠಾಭ್ಯಾಂ ನಮಃ ।
ಕ್ಲೀಂ ತರ್ಜನೀಭ್ಯಾಂ ನಮಃ ।
ಸೌಃ ಮಧ್ಯಮಾಭ್ಯಾಂ ನಮಃ ।
ಐಂ ಅನಾಮಿಕಾಭ್ಯಾಂ ನಮಃ ।
ಕ್ಲೀಂ ಕನಿಷ್ಠಿಕಾಭ್ಯಾಂ ನಮಃ ।
ಸೌಃ ಕರತಲಕರಪೃಷ್ಠಾಭ್ಯಾಂ ನಮಃ ।
ಹೃದಯಾದಿನ್ಯಾಸಃ –
ಐಂ ಹೃದಯಾಯ ನಮಃ ।
ಕ್ಲೀಂ ಶಿರಸೇ ಸ್ವಾಹಾ ।
ಸೌಃ ಶಿಖಾಯೈ ವಷಟ್ ।
ಐಂ ಕವಚಾಯ ಹುಂ ।
ಕ್ಲೀಂ ನೇತ್ರತ್ರಯಾಯ ವೌಷಟ್ ।
ಸೌಃ ಅಸ್ತ್ರಾಯ ಫಟ್ ।
ಧ್ಯಾನಂ –
ಐಂಕಾರಾಸನಗರ್ಭಿತಾನಲಶಿಖಾಂ ಸೌಃ ಕ್ಲೀಂ ಕಲಾಂ ಬಿಭ್ರತೀಂ
ಸೌವರ್ಣಾಂಬರಧಾರಿಣೀಂ ವರಸುಧಾಧೌತಾಂತರಂಗೋಜ್ಜ್ವಲಾಂ ।
ವಂದೇ ಪುಸ್ತಕಪಾಶಸಾಂಕುಶಜಪಸ್ರಗ್ಭಾಸುರೋದ್ಯತ್ಕರಾಂ
ತಾಂ ಬಾಲಾಂ ತ್ರಿಪುರಾಂ ಭಜೇ ತ್ರಿನಯನಾಂ ಷಟ್ಚಕ್ರಸಂಚಾರಿಣೀಂ ॥
ಲಮಿತ್ಯಾದಿ ಪಂಚಪೂಜಾಂ ಕುರ್ಯಾತ್ ॥
ಅಥ ಸ್ತೋತ್ರಂ –
ಓಂ ಸುಭಗಾ ಸುಂದರೀ ಸೌಮ್ಯಾ ಸುಷುಮ್ಣಾ ಸುಖದಾಯಿನೀ ।
ಮನೋಜ್ಞಾ ಸುಮನಾ ರಮ್ಯಾ ಶೋಭನಾ ಲಲಿತಾ ಶಿವಾ ॥ 1 ॥
ಕಾಂತಾ ಕಾಂತಿಮತೀ ಕಾಂತಿಃ ಕಾಮದಾ ಕಮಲಾಲಯಾ ।
ಕಲ್ಯಾಣೀ ಕಮಲಾ ಹೃದ್ಯಾ ಪೇಶಲಾ ಹೃದಯಂಗಮಾ ॥ 2 ॥
ಸುಭದ್ರಾಖ್ಯಾತಿರಮಣೀ ಸರ್ವಾ ಸಾಧ್ವೀ ಸುಮಂಗಲಾ ।
ರಾಮಾ ಭವ್ಯವತೀ ಭವ್ಯಾ ಕಮನೀಯಾಽತಿಕೋಮಲಾ ॥ 3 ॥
ಶೋಭಾಭಿರಾಮಾ ರಮಣೀ ರಮಣೀಯಾ ರತಿಪ್ರಿಯಾ ।
ಮನೋನ್ಮನೀ ಮಹಾಮಾಯಾ ಮಾತಂಗೀ ಮದಿರಾಪ್ರಿಯಾ ॥ 4 ॥
ಮಹಾಲಕ್ಷ್ಮೀರ್ಮಹಾಶಕ್ತಿರ್ಮಹಾವಿದ್ಯಾಸ್ವರೂಪಿಣೀ ।
ಮಹೇಶ್ವರೀ ಮಹಾನಂದಾ ಮಹಾನಂದವಿಧಾಯಿನೀ ॥ 5 ॥
ಮಾನಿನೀ ಮಾಧವೀ ಮಾಧ್ವೀ ಮದರೂಪಾ ಮದೋತ್ಕಟಾ ।
ಆನಂದಕಂದಾ ವಿಜಯಾ ವಿಶ್ವೇಶೀ ವಿಶ್ವರೂಪಿಣೀ ॥ 6 ॥
ಸುಪ್ರಭಾ ಕೌಮುದೀ ಶಾಂತಾ ಬಿಂದುನಾದಸ್ವರೂಪಿಣೀ ।
ಕಾಮೇಶ್ವರೀ ಕಾಮಕಲಾ ಕಾಮಿನೀ ಕಾಮವರ್ಧಿನೀ ॥ 7 ॥
ಭೇರುಂಡಾ ಚಂಡಿಕಾ ಚಂಡೀ ಚಾಮುಂಡಾ ಮುಂಡಮಾಲಿನೀ ।
ಅಣುರೂಪಾ ಮಹಾರೂಪಾ ಭೂತೇಶೀ ಭುವನೇಶ್ವರೀ ॥ 8 ॥
ಚಿತ್ರಾ ವಿಚಿತ್ರಾ ಚಿತ್ರಾಂಗೀ ಹೇಮಗರ್ಭಸ್ವರೂಪಿಣೀ ।
ಚೈತನ್ಯರೂಪಿಣೀ ನಿತ್ಯಾ ನಿತ್ಯಾನಿತ್ಯಸ್ವರೂಪಿಣೀ ॥ 9 ॥
ಹ್ರೀಂಕಾರಕುಂಡಲೀ ಧಾತ್ರೀ ವಿಧಾತ್ರೀ ಭೂತಸಂಪ್ಲವಾ ।
ಉನ್ಮಾದಿನೀ ಮಹಾಮಾರೀ ಸುಪ್ರಸನ್ನಾ ಸುರಾರ್ಚಿತಾ ॥ 10 ॥
ಪರಮಾನಂದನಿಷ್ಯಂದಾ ಪರಮಾರ್ಥಸ್ವರೂಪಿಣೀ ।
ಯೋಗೀಶ್ವರೀ ಯೋಗಮಾತಾ ಹಂಸಿನೀ ಕಲಹಂಸಿನೀ ॥ 11 ॥
ಕಲಾ ಕಲಾವತೀ ರಕ್ತಾ ಸುಷುಮ್ನಾವರ್ತ್ಮಶಾಲಿನೀ ।
ವಿಂಧ್ಯಾದ್ರಿನಿಲಯಾ ಸೂಕ್ಷ್ಮಾ ಹೇಮಪದ್ಮನಿವಾಸಿನೀ ॥ 12 ॥
ಬಾಲಾ ಸುರೂಪಿಣೀ ಮಾಯಾ ವರೇಣ್ಯಾ ವರದಾಯಿನೀ ।
ವಿದ್ರುಮಾಭಾ ವಿಶಾಲಾಕ್ಷೀ ವಿಶಿಷ್ಟಾ ವಿಶ್ವನಾಯಿಕಾ ॥ 13 ॥
ವೀರೇಂದ್ರವಂದ್ಯಾ ವಿಶ್ವಾತ್ಮಾ ವಿಶ್ವಾ ವಿಶ್ವಾದಿವರ್ಧಿನೀ ।
ವಿಶ್ವೋತ್ಪತ್ತಿರ್ವಿಶ್ವಮಾಯಾ ವಿಶ್ವಾರಾಧ್ಯಾ ವಿಕಸ್ವರಾ ॥ 14 ॥
ಮದಸ್ವಿನ್ನಾ ಮದೋದ್ಭಿನ್ನಾ ಮಾನಿನೀ ಮಾನವರ್ಧಿನೀ ।
ಮಾಲಿನೀ ಮೋದಿನೀ ಮಾನ್ಯಾ ಮದಹಸ್ತಾ ಮದಾಲಯಾ ॥ 15 ॥
ಮದನಿಷ್ಯಂದಿನೀ ಮಾತಾ ಮದಿರಾಕ್ಷೀ ಮದಾಲಸಾ ।
ಮದಾತ್ಮಿಕಾ ಮದಾವಾಸಾ ಮಧುಬಿಂದುಕೃತಾಧರಾ ॥ 16 ॥
ಮೂಲಭೂತಾ ಮಹಾಮೂಲಾ ಮೂಲಾಧಾರಸ್ವರೂಪಿಣೀ ।
ಸಿಂದೂರರಕ್ತಾ ರಕ್ತಾಕ್ಷೀ ತ್ರಿನೇತ್ರಾ ತ್ರಿಗುಣಾತ್ಮಿಕಾ ॥ 17 ॥
ವಶಿನೀ ವಾಶಿನೀ ವಾಣೀ ವಾರುಣೀ ವಾರುಣೀಪ್ರಿಯಾ ।
ಅರುಣಾ ತರುಣಾರ್ಕಾಭಾ ಭಾಮಿನೀ ವಹ್ನಿವಾಸಿನೀ ॥ 18 ॥
ಸಿದ್ಧಾ ಸಿದ್ಧೇಶ್ವರೀ ಸಿದ್ಧಿಃ ಸಿದ್ಧಾಂಬಾ ಸಿದ್ಧಮಾತೃಕಾ ।
ಸಿದ್ಧಾರ್ಥದಾಯಿನೀ ವಿದ್ಯಾ ಸಿದ್ಧಾಢ್ಯಾ ಸಿದ್ಧಸಮ್ಮತಾ ॥ 19 ॥
ವಾಗ್ಭವಾ ವಾಕ್ಪ್ರದಾ ವಂದ್ಯಾ ವಾಙ್ಮಯೀ ವಾದಿನೀ ಪರಾ ।
ತ್ವರಿತಾ ಸತ್ವರಾ ತುರ್ಯಾ ತ್ವರಯಿತ್ರೀ ತ್ವರಾತ್ಮಿಕಾ ॥ 20 ॥
ಕಮಲಾ ಕಮಲಾವಾಸಾ ಸಕಲಾ ಸರ್ವಮಂಗಲಾ ।
ಭಗೋದರೀ ಭಗಕ್ಲಿನ್ನಾ ಭಗಿನೀ ಭಗಮಾಲಿನೀ ॥ 21 ॥
ಭಗಪ್ರದಾ ಭಗಾನಂದಾ ಭಗೇಶೀ ಭಗನಾಯಿಕಾ ।
ಭಗಾತ್ಮಿಕಾ ಭಗಾವಾಸಾ ಭಗಾ ಭಗನಿಪಾತಿನೀ ॥ 22 ॥
ಭಗಾವಹಾ ಭಗಾರಾಧ್ಯಾ ಭಗಾಢ್ಯಾ ಭಗವಾಹಿನೀ ।
ಭಗನಿಷ್ಯಂದಿನೀ ಭರ್ಗಾ ಭಗಾಭಾ ಭಗಗರ್ಭಿಣೀ ॥ 23 ॥
ಭಗಾದಿರ್ಭಗಭೋಗಾದಿಃ ಭಗವೇದ್ಯಾ ಭಗೋದ್ಭವಾ ।
ಭಗಮಾತಾ ಭಗಕೃತಾ ಭಗಗುಹ್ಯಾ ಭಗೇಶ್ವರೀ ॥ 24 ॥
ಭಗದೇಹಾ ಭಗಾವಾಸಾ ಭಗೋದ್ಭೇದಾ ಭಗಾಲಸಾ ।
ಭಗವಿದ್ಯಾ ಭಗಕ್ಲಿನ್ನಾ ಭಗಲಿಂಗಾ ಭಗದ್ರವಾ ॥ 25 ॥
ಸಕಲಾ ನಿಷ್ಕಲಾ ಕಾಲೀ ಕರಾಲೀ ಕಲಭಾಷಿಣೀ ।
ಕಮಲಾ ಹಂಸಿನೀ ಕಾಲಾ ಕರುಣಾ ಕರುಣಾವತೀ ॥ 26 ॥
ಭಾಸ್ವರಾ ಭೈರವೀ ಭಾಸಾ ಭದ್ರಕಾಲೀ ಕುಲಾಂಗನಾ ।
ರಸಾತ್ಮಿಕಾ ರಸಾವಾಸಾ ರಸಸ್ಯಂದಾ ರಸಾವಹಾ ॥ 27 ॥
ಕಾಮನಿಷ್ಯಂದಿನೀ ಕಾಮ್ಯಾ ಕಾಮಿನೀ ಕಾಮದಾಯಿನೀ ।
ವಿದ್ಯಾ ವಿಧಾತ್ರೀ ವಿವಿಧಾ ವಿಶ್ವದಾ ತ್ರಿವಿಧಾ ವಿಧಾ ॥ 28 ॥
ಸರ್ವಾಂಗಾ ಸುಂದರೀ ಸೌಮ್ಯಾ ಲಾವಣ್ಯಾ ಸರಿದಂಬುಧಿಃ ।
ಚತುರಾಂಗೀ ಚತುರ್ಬಾಹುಶ್ಚತುರಾ ಚಾರುಹಾಸಿನೀ ॥ 29 ॥
ಮಂತ್ರಾ ಮಂತ್ರಮಯೀ ಮಾತಾ ಮಣಿಪೂರಸಮಾಶ್ರಯಾ ।
ಮಂತ್ರಾತ್ಮಿಕಾ ಮಂತ್ರಮಾತಾ ಮಂತ್ರಗಮ್ಯಾ ಸುಮಂತ್ರಕಾ ॥ 30 ॥
ಪುಷ್ಪಬಾಣಾ ಪುಷ್ಪಜೈತ್ರೀ ಪುಷ್ಪಿಣೀ ಪುಷ್ಪವರ್ಧಿನೀ ।
ವಜ್ರೇಶ್ವರೀ ವಜ್ರಹಸ್ತಾ ಪುರಾಣೀ ಪುರವಾಸಿನೀ ॥ 31 ॥
ತಾರಾ ಚ ತರುಣಾಕಾರಾ ತರುಣೀ ತಾರರೂಪಿಣೀ ।
ಇಕ್ಷುಚಾಪಾ ಮಹಾಪಾಶಾ ಶುಭದಾ ಪ್ರಿಯವಾದಿನೀ ॥ 32 ॥
ಸರ್ವಗಾ ಸರ್ವಜನನೀ ಸರ್ವಾರ್ಥಾ ಸರ್ವಪಾವನೀ ।
ಆತ್ಮವಿದ್ಯಾ ಮಹಾವಿದ್ಯಾ ಬ್ರಹ್ಮವಿದ್ಯಾ ವಿವಸ್ವತೀ ॥ 33 ॥
ಶಿವೇಶ್ವರೀ ಶಿವಾರಾಧ್ಯಾ ಶಿವನಾಥಾ ಶಿವಾತ್ಮಿಕಾ ।
ಆತ್ಮಿಕಾ ಜ್ಞಾನನಿಲಯಾ ನಿರ್ಭೇದಾ ನಿರ್ವೃತಿಪ್ರದಾ ॥ 34 ॥
ನಿರ್ವಾಣರೂಪಿಣೀ ಪೂರ್ಣಾ ನಿಯಮಾ ನಿಷ್ಕಲಾ ಪ್ರಭಾ ।
ಶ್ರೀಫಲಾ ಶ್ರೀಪ್ರದಾ ಶಿಷ್ಯಾ ಶ್ರೀಮಯೀ ಶಿವರೂಪಿಣೀ ॥ 35 ॥
ಕ್ರೂರಾ ಕುಂಡಲಿನೀ ಕುಬ್ಜಾ ಕುಟಿಲಾ ಕುಟಿಲಾಲಕಾ ।
ಮಹೋದಯಾ ಮಹಾರೂಪಾ ಮಹೀ ಮಾಹೀ ಕಲಾಮಯೀ ॥ 36 ॥
ವಶಿನೀ ಸರ್ವಜನನೀ ಚಿತ್ರವಾಸಾ ವಿಚಿತ್ರಿಕಾ ।
ಸೂರ್ಯಮಂಡಲಮಧ್ಯಸ್ಥಾ ಸ್ಥಿರಾ ಶಂಕರವಲ್ಲಭಾ ॥ 37 ॥
ಸುರಭಿಃ ಸುಮಹಃ ಸೂರ್ಯಾ ಸುಷುಮ್ಣಾ ಸೋಮಭೂಷಣಾ ।
ಸುಧಾಪ್ರದಾ ಸುಧಾಧಾರಾ ಸುಶ್ರೀಃ ಸಂಪತ್ತಿರೂಪಿಣೀ ॥ 38 ॥
ಅಮೃತಾ ಸತ್ಯಸಂಕಲ್ಪಾ ಸತ್ಯಾ ಷಡ್ಗ್ರಂಥಿಭೇದಿನೀ ।
ಇಚ್ಛಾಶಕ್ತಿರ್ಮಹಾಶಕ್ತಿಃ ಕ್ರಿಯಾಶಕ್ತಿಃ ಪ್ರಿಯಂಕರೀ ॥ 39 ॥
ಲೀಲಾ ಲೀಲಾಲಯಾಽಽನಂದಾ ಸೂಕ್ಷ್ಮಬೋಧಸ್ವರೂಪಿಣೀ ।
ಸಕಲಾ ರಸನಾ ಸಾರಾ ಸಾರಗಮ್ಯಾ ಸರಸ್ವತೀ ॥ 40 ॥
ಪರಾ ಪರಾಯಣೀ ಪದ್ಮಾ ಪರನಿಷ್ಠಾ ಪರಾಪರಾ ।
ಶ್ರೀಮತೀ ಶ್ರೀಕರೀ ವ್ಯೋಮ್ನೀ ಶಿವಯೋನಿಃ ಶಿವೇಕ್ಷಣಾ ॥ 41 ॥
ನಿರಾನಂದಾ ನಿರಾಖ್ಯೇಯಾ ನಿರ್ದ್ವಂದ್ವಾ ನಿರ್ಗುಣಾತ್ಮಿಕಾ ।
ಬೃಹತೀ ಬ್ರಾಹ್ಮಣೀ ಬ್ರಾಹ್ಮೀ ಬ್ರಹ್ಮಾಣೀ ಬ್ರಹ್ಮರೂಪಿಣೀ ॥ 42 ॥
ಧೃತಿಃ ಸ್ಮೃತಿಃ ಶ್ರುತಿರ್ಮೇಧಾ ಶ್ರದ್ಧಾ ಪುಷ್ಟಿಃ ಸ್ತುತಿರ್ಮತಿಃ ।
ಅದ್ವಯಾಽಽನಂದಸಂಬೋಧಾ ವರಾ ಸೌಭಾಗ್ಯರೂಪಿಣೀ ॥ 43 ॥
ನಿರಾಮಯಾ ನಿರಾಕಾರಾ ಜೃಂಭಿಣೀ ಸ್ತಂಭಿನೀ ರತಿಃ ।
ಬೋಧಿಕಾ ಕಮಲಾ ರೌದ್ರೀ ದ್ರಾವಿಣೀ ಕ್ಷೋಭಿಣೀ ಮತಿಃ ॥ 44 ॥
ಕುಚೇಲೀ ಕುಚಮಧ್ಯಸ್ಥಾ ಮಧ್ಯಕೂಟ ಗತಿ ಪ್ರಿಯಾ ।
ಕುಲೋತ್ತೀರ್ಣಾ ಕುಲವತೀ ಬೋಧಾ ವಾಗ್ವಾದಿನೀ ಸತೀ ॥ 45 ॥
ಉಮಾ ಪ್ರಿಯವ್ರತಾ ಲಕ್ಷ್ಮೀರ್ವಕುಲಾ ಕುಲರೂಪಿಣೀ ।
ವಿಶ್ವಾತ್ಮಿಕಾ ವಿಶ್ವಯೋನಿಃ ವಿಶ್ವಾಸಕ್ತಾ ವಿನಾಯಕಾ ॥ 46 ॥
ಧ್ಯಾಯಿನೀ ನಾದಿನೀ ತೀರ್ಥಾ ಶಾಂಕರೀ ಮಂತ್ರಸಾಕ್ಷಿಣೀ ।
ಸನ್ಮಂತ್ರರೂಪಿಣೀ ಹೃಷ್ಟಾ ಶಾಂಕರೀ ಸುರಶಂಕರೀ ॥ 47 ॥
ಸುಂದರಾಂಗೀ ಸುರಾವಾಸಾ ಸುರವಂದ್ಯಾ ಸುರೇಶ್ವರೀ ।
ಸುವರ್ಣಾ ವರ್ಣಸತ್ಕೀರ್ತಿಃ ಸವರ್ಣಾ ವರ್ಣರೂಪಿಣೀ ॥ 48 ॥
ಲಲಿತಾಂಗೀ ವರಿಷ್ಠಾ ಶ್ರೀರಸ್ಪಂದಾ ಸ್ಪಂದರೂಪಿಣೀ ।
ಶಾಂಭವೀ ಸಚ್ಚಿದಾನಂದಾ ಸಚ್ಚಿದಾನಂದರೂಪಿಣೀ ॥ 49 ॥
ಜಯಿನೀ ವಿಶ್ವಜನನೀ ವಿಶ್ವನಿಷ್ಠಾ ವಿಲಾಸಿನೀ ।
ಭ್ರೂಮಧ್ಯಾಽಖಿಲನಿಷ್ಠಾದ್ಯಾ ನಿರ್ಗುಣಾ ಗುಣವರ್ಧಿನೀ ॥ 50 ॥
ಹೃಲ್ಲೇಖಾ ಭುವನೇಶಾನೀ ಭವನಾ ಭವನಾತ್ಮಿಕಾ ।
ವಿಭೂತಿರ್ಭುತಿದಾ ಭೂತಿಃ ಸಂಭೂತಿರ್ಭೂತಿಕಾರಿಣೀ ॥ 51 ॥
ಈಶಾನೀ ಶಾಶ್ವತೀ ಶೈವೀ ಶರ್ವಾಣೀ ಶರ್ಮದಾಯಿನೀ ।
ಭವಾನೀ ಭಾವಗಾ ಭಾವಾ ಭಾವನಾ ಭಾವನಾತ್ಮಿಕಾ ॥ 52 ॥
ಹೃತ್ಪದ್ಮನಿಲಯಾ ಶೂರಾ ಸ್ವರಾವೃತ್ತಿಃ ಸ್ವರಾತ್ಮಿಕಾ ।
ಸೂಕ್ಷ್ಮರೂಪಾ ಪರಾನಂದಾ ಸ್ವಾತ್ಮಸ್ಥಾ ವಿಶ್ವದಾ ಶಿವಾ ॥ 53 ॥
ಪರಿಪೂರ್ಣಾ ದಯಾಪೂರ್ಣಾ ಮದಘೂರ್ಣಿತಲೋಚನಾ ।
ಶರಣ್ಯಾ ತರುಣಾರ್ಕಾಭಾ ಮದಾ ರಕ್ತಾ ಮನಸ್ವಿನೀ ॥ 54 ॥
ಅನಂತಾಽನಂತಮಹಿಮಾ ನಿತ್ಯತೃಪ್ತಾ ನಿರಂಜನಾ ।
ಅಚಿಂತ್ಯಾ ಶಕ್ತಿಶ್ಚಿಂತ್ಯಾರ್ಥಾ ಚಿಂತ್ಯಾಽಚಿಂತ್ಯಸ್ವರೂಪಿಣೀ ॥ 55 ॥
ಜಗನ್ಮಯೀ ಜಗನ್ಮಾತಾ ಜಗತ್ಸಾರಾ ಜಗದ್ಭವಾ ।
ಆಪ್ಯಾಯಿನೀ ಪರಾನಂದಾ ಕೂಟಸ್ಥಾಽಽವಾಸರೂಪಿಣೀ ॥ 56 ॥
ಜ್ಞಾನಗಮ್ಯಾ ಜ್ಞಾನಮೂರ್ತಿಃ ಜ್ಞಾಪಿನೀ ಜ್ಞಾನರೂಪಿಣೀ ।
ಖೇಚರೀ ಖೇಚರೀಮುದ್ರಾ ಖೇಚರೀಯೋಗರೂಪಿಣೀ ॥ 57 ॥
ಅನಾಥನಾಥಾ ನಿರ್ನಾಥಾ ಘೋರಾಽಘೋರಸ್ವರೂಪಿಣೀ ।
ಸುಧಾಪ್ರದಾ ಸುಧಾಧಾರಾ ಸುಧಾರೂಪಾ ಸುಧಾಮಯೀ ॥ 58 ॥
ದಹರಾ ದಹರಾಕಾಶಾ ದಹರಾಕಾಶಮಧ್ಯಗಾ ।
ಮಾಂಗಲ್ಯಾ ಮಂಗಲಕರೀ ಮಹಾಮಾಂಗಲ್ಯದೇವತಾ ॥ 59 ॥
ಮಾಂಗಲ್ಯದಾಯಿನೀ ಮಾನ್ಯಾ ಸರ್ವಮಂಗಲದಾಯಿನೀ ।
ಸ್ವಪ್ರಕಾಶಾ ಮಹಾಭೂಷಾ ಭಾಮಿನೀ ಭವರೂಪಿಣೀ ॥ 60 ॥
ಕಾತ್ಯಾಯನೀ ಕಲಾವಾಸಾ ಪೂರ್ಣಾ ಕಾಮಾ ಯಶಸ್ವಿನೀ ।
ಅರ್ಥಾಽವಸಾನನಿಲಯಾ ನಾರಾಯಣಮನೋಹರಾ ॥ 61 ॥
ಮೋಕ್ಷಮಾರ್ಗವಿಧಾನಜ್ಞಾ ವಿರಿಂಚೋತ್ಪತ್ತಿಭೂಮಿಕಾ ।
ಅನುತ್ತರಾ ಮಹಾರಾಧ್ಯಾ ದುಷ್ಪ್ರಾಪಾ ದುರತಿಕ್ರಮಾ ॥ 62 ॥
ಶುದ್ಧಿದಾ ಕಾಮದಾ ಸೌಮ್ಯಾ ಜ್ಞಾನದಾ ಮಾನದಾಯಿನೀ ।
ಸ್ವಧಾ ಸ್ವಾಹಾ ಸುಧಾ ಮೇಧಾ ಮಧುರಾ ಮಧುಮಂದಿರಾ ॥ 63 ॥
ನಿರ್ವಾಣದಾಯಿನೀ ಶ್ರೇಷ್ಠಾ ಶರ್ಮಿಷ್ಠಾ ಶಾರದಾರ್ಚಿತಾ ।
ಸುವರ್ಚಲಾ ಸುರಾರಾಧ್ಯಾ ಶುದ್ಧಸತ್ತ್ವಾ ಸುರಾರ್ಚಿತಾ ॥ 64 ॥
ಸ್ತುತಿಃ ಸ್ತುತಿಮಯೀ ಸ್ತುತ್ಯಾ ಸ್ತುತಿರೂಪಾ ಸ್ತುತಿಪ್ರಿಯಾ ।
ಕಾಮೇಶ್ವರೀ ಕಾಮವತೀ ಕಾಮಿನೀ ಕಾಮರೂಪಿಣೀ ॥ 65 ॥
ಆಕಾಶಗರ್ಭಾ ಹ್ರೀಂಕಾರೀ ಕಂಕಾಲೀ ಕಾಲರೂಪಿಣೀ ।
ವಿಷ್ಣುಪತ್ನೀ ವಿಶುದ್ಧಾರ್ಥಾ ವಿಶ್ವರೂಪೇಶವಂದಿತಾ ॥ 66 ॥
ವಿಶ್ವವೇದ್ಯಾ ಮಹಾವೀರಾ ವಿಶ್ವಘ್ನೀ ವಿಶ್ವರೂಪಿಣೀ ।
ಸುಶೀಲಾಢ್ಯಾ ಶೈಲವತೀ ಶೈಲಸ್ಥಾ ಶೈಲರೂಪಿಣೀ ॥ 67 ॥
ರುದ್ರಾಣೀ ಚಂಡಖಟ್ವಾಂಗೀ ಡಾಕಿನೀ ಸಾಕಿನೀ ಪ್ರಭಾ ।
ನಿತ್ಯಾ ನಿರ್ವೇದಖಟ್ವಾಂಗೀ ಜನನೀ ಜನರೂಪಿಣೀ ॥ 68 ॥
ತಲೋದರೀ ಜಗತ್ಸೂತ್ರೀ ಜಗತೀ ಜ್ವಲಿನೀ ಜ್ವಲೀ ।
ಸಾಕಿನೀ ಸಾರಸಂಹೃದ್ಯಾ ಸರ್ವೋತ್ತೀರ್ಣಾ ಸದಾಶಿವಾ ॥ 69 ॥
ಸ್ಫುರಂತೀ ಸ್ಫುರಿತಾಕಾರಾ ಸ್ಫೂರ್ತಿಃ ಸ್ಫುರಣರೂಪಿಣೀ ।
ಶಿವದೂತೀ ಶಿವಾ ಶಿಷ್ಟಾ ಶಿವಜ್ಞಾ ಶಿವರೂಪಿಣೀ ॥ 70 ॥
ರಾಗಿಣೀ ರಂಜನೀ ರಮ್ಯಾ ರಜನೀ ರಜನೀಕರಾ ।
ವಿಶ್ವಂಭರಾ ವಿನೀತೇಷ್ಟಾ ವಿಧಾತ್ರೀ ವಿಧಿವಲ್ಲಭಾ ॥ 71 ॥
ವಿದ್ಯೋತಿನೀ ವಿಚಿತ್ರಾರ್ಥಾ ವಿಶ್ವಾದ್ಯಾ ವಿವಿಧಾಭಿಧಾ ।
ವಿಶ್ವಾಕ್ಷರಾ ಸರಸಿಕಾ ವಿಶ್ವಸ್ಥಾಽತಿವಿಚಕ್ಷಣಾ ॥ 72 ॥
ಬ್ರಹ್ಮಯೋನಿರ್ಮಹಾಯೋನಿಃ ಕರ್ಮಯೋನಿಸ್ತ್ರಯೀತನುಃ ।
ಹಾಕಿನೀ ಹಾರಿಣೀ ಸೌಮ್ಯಾ ರೋಹಿಣೀ ರೋಗನಾಶನೀ ॥ 73 ॥
ಶ್ರೀಪ್ರದಾ ಶ್ರೀರ್ಶ್ರೀಧರಾ ಚ ಶ್ರೀಕರಾ ಶ್ರೀಮತಿಃ ಶ್ರಿಯಾ ।
ಶ್ರೀಮಾತಾ ಶ್ರೀಕರೀ ಶ್ರೇಯಃ ಶ್ರೇಯಸೀ ಚ ಸುರೇಶ್ವರೀ ॥ 74 ॥
ಕಾಮೇಶ್ವರೀ ಕಾಮವತೀ ಕಾಮಗಿರ್ಯಾಲಯಸ್ಥಿತಾ ।
ರುದ್ರಾತ್ಮಿಕಾ ರುದ್ರಮಾತಾ ರುದ್ರಗಮ್ಯಾ ರಜಸ್ವಲಾ ॥ 75 ॥
ಅಕಾರಷೋಡಶಾಂತಃಸ್ಥಾ ಭೈರವಾಽಽಹ್ಲಾದಿನೀ ಪರಾ ।
ಕೃಪಾದೇಹಾಽರುಣಾ ನಾಥಾ ಸುಧಾಬಿಂದುಸಮಾಶ್ರಿತಾ ॥ 76 ॥
ಕಾಲೀ ಕಾಮಕಲಾ ಕನ್ಯಾ ಪಾರ್ವತೀ ಪರರೂಪಿಣೀ ।
ಮಾಯಾವತೀ ಘೋರಮುಖೀ ವಾದಿನೀ ದೀಪಿನೀ ಶಿವಾ ॥ 77 ॥
ಮಕಾರಾ ಮಾತೃಚಕ್ರೇಶೀ ಮಹಾಸೇನಾ ವಿಮೋಹಿನೀ ।
ಉತ್ಸುಕಾಽನುತ್ಸುಕಾ ಹೃಷ್ಟಾ ಹ್ರೀಂಕಾರೀ ಚಕ್ರನಾಯಿಕಾ ॥ 78 ॥
ರುದ್ರಾ ಭವಾನೀ ಚಾಮುಂಡೀ ಹ್ರೀಂಕಾರೀ ಸೌಖ್ಯದಾಯಿನೀ ।
ಗರುಡಾ ಗಾರುಡೀ ಜ್ಯೇಷ್ಠಾ ಸಕಲಾ ಬ್ರಹ್ಮಚಾರಿಣೀ ॥ 79 ॥
ಕೃಷ್ಣಾಂಗಾ ವಾಹಿನೀ ಕೃಷ್ಣಾ ಖೇಚರೀ ಕಮಲಾಪ್ರಿಯಾ ।
ಭದ್ರಿಣೀ ರುದ್ರಚಾಮುಂಡಾ ಹ್ರೀಂಕಾರೀ ಸೌಭಗಾ ಧ್ರುವಾ ॥ 80 ॥
ಗರುಡೀ ಗಾರುಡೀ ಜ್ಯೇಷ್ಠಾ ಸ್ವರ್ಗದಾ ಬ್ರಹ್ಮವಾದಿನೀ ।
ಪಾನಾನುರಕ್ತಾ ಪಾನಸ್ಥಾ ಭೀಮರೂಪಾ ಭಯಾಪಹಾ ॥ 81 ॥
ರಕ್ತಾ ಚಂಡಾ ಸುರಾನಂದಾ ತ್ರಿಕೋಣಾ ಪಾನದರ್ಪಿತಾ ।
ಮಹೋತ್ಸುಕಾ ಕ್ರತುಪ್ರೀತಾ ಕಂಕಾಲೀ ಕಾಲದರ್ಪಿತಾ ॥ 82 ॥
ಸರ್ವವರ್ಣಾ ಸುವರ್ಣಾಭಾ ಪರಾಮೃತಮಹಾರ್ಣವಾ ।
ಯೋಗ್ಯಾರ್ಣವಾ ನಾಗಬುದ್ಧಿರ್ವೀರಪಾನಾ ನವಾತ್ಮಿಕಾ ॥ 83 ॥
ದ್ವಾದಶಾಂತಸರೋಜಸ್ಥಾ ನಿರ್ವಾಣಸುಖದಾಯಿನೀ ।
ಆದಿಸತ್ತ್ವಾ ಧ್ಯಾನಸತ್ತ್ವಾ ಶ್ರೀಕಂಠಸ್ವಾಂತಮೋಹಿನೀ ॥ 84 ॥
ಪರಾ ಘೋರಾ ಕರಾಲಾಕ್ಷೀ ಸ್ವಮೂರ್ತಿರ್ಮೇರುನಾಯಿಕಾ ।
ಆಕಾಶಲಿಂಗಸಂಭೂತಾ ಪರಾಮೃತರಸಾತ್ಮಿಕಾ ॥ 85 ॥
ಶಾಂಕರೀ ಶಾಶ್ವತೀ ರುದ್ರಾ ಕಪಾಲಾ ಕುಲದೀಪಿಕಾ ।
ವಿದ್ಯಾತನುರ್ಮಂತ್ರತನುಶ್ಚಂಡಾ ಮುಂಡಾ ಸುದರ್ಪಿತಾ ॥ 86 ॥
ವಾಗೀಶ್ವರೀ ಯೋಗಮುದ್ರಾ ತ್ರಿಖಂಡಾ ಸಿದ್ಧಮಂಡಿತಾ ।
ಶೃಂಗಾರಪೀಠನಿಲಯಾ ಕಾಲೀ ಮಾತಂಗಕನ್ಯಕಾ ॥ 87 ॥
ಸಂವರ್ತಮಂಡಲಾಂತಃಸ್ಥಾ ಭುವನೋದ್ಯಾನವಾಸಿನೀ ।
ಪಾದುಕಾಕ್ರಮಸಂತೃಪ್ತಾ ಭೈರವಸ್ಥಾಽಪರಾಜಿತಾ ॥ 88 ॥
ನಿರ್ವಾಣಾ ಸೌರಭಾ ದುರ್ಗಾ ಮಹಿಷಾಸುರಮರ್ದಿನೀ ।
ಭ್ರಮರಾಂಬಾ ಶಿಖರಿಕಾ ಬ್ರಹ್ಮವಿಷ್ಣ್ವೀಶತರ್ಪಿತಾ ॥ 89 ॥
ಉನ್ಮತ್ತಹೇಲಾ ರಸಿಕಾ ಯೋಗಿನೀ ಯೋಗದರ್ಪಿತಾ ।
ಸಂತಾನಾನಂದಿನೀ ಬೀಜಚಕ್ರಾ ಪರಮಕಾರುಣೀ ॥ 90 ॥
ಖೇಚರೀ ನಾಯಿಕಾ ಯೋಗ್ಯಾ ಪರಿವೃತ್ತಾಽತಿಮೋಹಿನೀ ।
ಶಾಕಂಭರೀ ಸಂಭವಿತ್ರೀ ಸ್ಕಂದಾಽಽನಂದೀ ಮದಾರ್ಪಿತಾ ॥ 91 ॥
ಕ್ಷೇಮಂಕರೀ ಸುಮಾ ಶ್ವಾಸಾ ಸ್ವರ್ಗದಾ ಬಿಂದುಕಾರಿಣೀ ।
ಚರ್ಚಿತಾ ಚರ್ಚಿತಪದಾ ಚಾರುಖಟ್ವಾಂಗಧಾರಿಣೀ ॥ 92 ॥
ಅಘೋರಾ ಮಂತ್ರಿತಪದಾ ಭಾಮಿನೀ ಭವರೂಪಿಣೀ ।
ಉಷಾ ಸಂಕರ್ಷಿಣೀ ಧಾತ್ರೀ ಚೋಮಾ ಕಾತ್ಯಾಯನೀ ಶಿವಾ ॥ 93 ॥
ಸುಲಭಾ ದುರ್ಲಭಾ ಶಾಸ್ತ್ರೀ ಮಹಾಶಾಸ್ತ್ರೀ ಶಿಖಂಡಿನೀ ।
ಯೋಗಲಕ್ಷ್ಮೀರ್ಭೋಗಲಕ್ಷ್ಮೀಃ ರಾಜ್ಯಲಕ್ಷ್ಮೀಃ ಕಪಾಲಿನೀ ॥ 94 ॥
ದೇವಯೋನಿರ್ಭಗವತೀ ಧನ್ವಿನೀ ನಾದಿನೀಶ್ವರೀ ।
ಕ್ಷೇತ್ರಾತ್ಮಿಕಾ ಮಹಾಧಾತ್ರೀ ಬಲಿನೀ ಕೇತುಮಾಲಿನೀ ॥ 95 ॥
ಸದಾನಂದಾ ಸದಾಭದ್ರಾ ಫಲ್ಗುನೀ ರಕ್ತವರ್ಷಿಣೀ ।
ಮಂದಾರಮಂದಿರಾ ತೀವ್ರಾ ಗ್ರಾಹಿಣೀ ಸರ್ವಭಕ್ಷಿಣೀ ॥ 96 ॥
ಅಗ್ನಿಜಿಹ್ವಾ ಮಹಾಜಿಹ್ವಾ ಶೂಲಿನೀ ಶುದ್ಧಿದಾ ಪರಾ ।
ಸುವರ್ಣಿಕಾ ಕಾಲದೂತೀ ದೇವೀ ಕಾಲಸ್ವರೂಪಿಣೀ ॥ 97 ॥
ಕುಂಭಿನೀ ಶಯನೀ ಗುರ್ವೀ ವಾರಾಹೀ ಹುಂಫಡಾತ್ಮಿಕಾ ।
ಉಗ್ರಾತ್ಮಿಕಾ ಪದ್ಮವತೀ ಧೂರ್ಜಟೀ ಚಕ್ರಧಾರಿಣೀ ॥ 98 ॥
ದೇವೀ ತತ್ಪುರುಷಾ ಶಿಕ್ಷಾ ಮಾಧ್ವೀ ಸ್ತ್ರೀರೂಪಧಾರಿಣೀ ।
ದಕ್ಷಾ ದಾಕ್ಷಾಯಣೀ ದೀಕ್ಷಾ ಮದನಾ ಮದನಾತುರಾ ॥ 99 ॥
ಧಿಷ್ಣ್ಯಾ ಹಿರಣ್ಯಾ ಸರಣಿಃ ಧರಿತ್ರೀ ಧರರೂಪಿಣೀ ।
ವಸುಧಾ ವಸುಧಾಛಾಯಾ ವಸುಧಾಮಾ ಸುಧಾಮಯೀ ॥ 100 ॥
ಶೃಂಗಿಣೀ ಭೀಷಣಾ ಸಾಂದ್ರೀ ಪ್ರೇತಸ್ಥಾನಾ ಮತಂಗಿನೀ ।
ಖಂಡಿನೀ ಯೋಗಿನೀ ತುಷ್ಟಿಃ ನಾದಿನೀ ಭೇದಿನೀ ನಟೀ ॥ 101 ॥
ಖಟ್ವಾಂಗಿನೀ ಕಾಲರಾತ್ರಿಃ ಮೇಘಮಾಲಾ ಧರಾತ್ಮಿಕಾ ।
ಭಾಪೀಠಸ್ಥಾ ಭವದ್ರೂಪಾ ಮಹಾಶ್ರೀರ್ಧೂಮ್ರಲೋಚನಾ ॥ 102 ॥
ಸುಖದಾ ಗಂಧಿನೀ ಬಂಧುರ್ಬಂಧಿನೀ ಬಂಧಮೋಚಿನೀ ।
ಸಾವಿತ್ರೀ ಸತ್ಕೃತಿಃ ಕರ್ತ್ರೀ ಕ್ಷಮಾ ಮಾಯಾ ಮಹೋದಯಾ ॥ 103 ॥
ಗಣೇಶ್ವರೀ ಗಣಾಕಾರಾ ಸದ್ಗುಣಾ ಗಣಪೂಜಿತಾ ।
ನಿರ್ಮಲಾ ಗಿರಿಜಾ ಶಬ್ದಾ ಶರ್ವಾಣೀ ಶರ್ಮದಾಯಿನೀ ॥ 104 ॥
ಏಕಾಕಿನೀ ಸಿಂಧುಕನ್ಯಾ ಕಾವ್ಯಸೂತ್ರಸ್ವರೂಪಿಣೀ ।
ಅವ್ಯಕ್ತರೂಪಿಣೀ ವ್ಯಕ್ತಾ ಯೋಗಿನೀ ಪೀಠರೂಪಿಣೀ ॥ 105 ॥
ನಿರ್ಮದಾ ಧಾಮದಾಽಽದಿತ್ಯಾ ನಿತ್ಯಾ ಸೇವ್ಯಾಽಕ್ಷರಾತ್ಮಿಕಾ ।
ತಪಿನೀ ತಾಪಿನೀ ದೀಕ್ಷಾ ಶೋಧಿನೀ ಶಿವದಾಯಿನೀ ॥ 106 ॥
ಸ್ವಸ್ತಿ ಸ್ವಸ್ತಿಮತೀ ಬಾಲಾ ಕಪಿಲಾ ವಿಸ್ಫುಲಿಂಗಿನೀ ।
ಅರ್ಚಿಷ್ಮತೀ ದ್ಯುತಿಮತೀ ಕೌಲಿನೀ ಕವ್ಯವಾಹಿನೀ ॥ 107 ॥
ಜನಾಶ್ರಿತಾ ವಿಷ್ಣುವಿದ್ಯಾ ಮಾನಸೀ ವಿಂಧ್ಯವಾಸಿನೀ ।
ವಿದ್ಯಾಧರೀ ಲೋಕಧಾತ್ರೀ ಸರ್ವಾ ಸಾರಸ್ವರೂಪಿಣೀ ॥ 108 ॥
ಪಾಪಘ್ನೀ ಸರ್ವತೋಭದ್ರಾ ತ್ರಿಸ್ಥಾ ಶಕ್ತಿತ್ರಯಾತ್ಮಿಕಾ ।
ತ್ರಿಕೋಣನಿಲಯಾ ತ್ರಿಸ್ಥಾ ತ್ರಯೀಮಾತಾ ತ್ರಯೀತನುಃ ॥ 109 ॥
ತ್ರಯೀವಿದ್ಯಾ ತ್ರಯೀಸಾರಾ ತ್ರಯೀರೂಪಾ ತ್ರಿಪುಷ್ಕರಾ ।
ತ್ರಿವರ್ಣಾ ತ್ರಿಪುರಾ ತ್ರಿಶ್ರೀಃ ತ್ರಿಮೂರ್ತಿಸ್ತ್ರಿದಶೇಶ್ವರೀ ॥ 110 ॥
ತ್ರಿಕೋಣಸಂಸ್ಥಾ ತ್ರಿವಿಧಾ ತ್ರಿಸ್ವರಾ ತ್ರಿಪುರಾಂಬಿಕಾ ।
ತ್ರಿದಿವಾ ತ್ರಿದಿವೇಶಾನೀ ತ್ರಿಸ್ಥಾ ತ್ರಿಪುರದಾಹಿನೀ ॥ 111 ॥
ಜಂಘಿನೀ ಸ್ಫೋಟಿನೀ ಸ್ಫೂರ್ತಿಃ ಸ್ತಂಭಿನೀ ಶೋಷಿಣೀ ಪ್ಲುತಾ ।
ಐಂಕಾರಾಖ್ಯಾ ವಾಮದೇವೀ ಖಂಡಿನೀ ಚಂಡದಂಡಿನೀ ॥ 112 ॥
ಕ್ಲೀಂಕಾರೀ ವತ್ಸಲಾ ಹೃಷ್ಟಾ ಸೌಃಕಾರೀ ಮದಹಂಸಿಕಾ ।
ವಜ್ರಿಣೀ ದ್ರಾವಿಣೀ ಜೈತ್ರೀ ಶ್ರೀಮತೀ ಗೋಮತೀ ಧ್ರುವಾ ॥ 113 ॥
ಪರತೇಜೋಮಯೀ ಸಂವಿತ್ಪೂರ್ಣಪೀಠನಿವಾಸಿನೀ ।
ತ್ರಿಧಾತ್ಮಾ ತ್ರಿದಶಾ ತ್ರ್ಯಕ್ಷಾ ತ್ರಿಘ್ನೀ ತ್ರಿಪುರಮಾಲಿನೀ ॥ 114 ॥
ತ್ರಿಪುರಾಶ್ರೀಸ್ತ್ರಿಜನನೀ ತ್ರಿಭೂಸ್ತ್ರೈಲೋಕ್ಯಸುಂದರೀ ।
ಕುಮಾರೀ ಕುಂಡಲೀ ಧಾತ್ರೀ ಬಾಲಾ ಭಕ್ತೇಷ್ಟದಾಯಿನೀ ॥ 115 ॥
ಕಲಾವತೀ ಭಗವತೀ ಭಕ್ತಿದಾ ಭವನಾಶಿನೀ ।
ಸೌಗಂಧಿನೀ ಸರಿದ್ವೇಣೀ ಪದ್ಮರಾಗಕಿರೀಟಿನೀ ॥ 116 ॥
ತತ್ತ್ವತ್ರಯೀ ತತ್ತ್ವಮಯೀ ಮಂತ್ರಿಣೀ ಮಂತ್ರರೂಪಿಣೀ ।
ಸಿದ್ಧಾ ಶ್ರೀತ್ರಿಪುರಾವಾಸಾ ಬಾಲಾತ್ರಿಪುರಸುಂದರೀ ॥ 117 ॥
ಬಾಲಾತ್ರಿಪುರಸುಂದರ್ಯಾ ಮಂತ್ರನಾಮಸಹಸ್ರಕಂ ।
ಕಥಿತಂ ದೇವದೇವೇಶಿ ಸರ್ವಮಂಗಲದಾಯಕಂ ॥ 118 ॥
ಸರ್ವರಕ್ಷಾಕರಂ ದೇವಿ ಸರ್ವಸೌಭಾಗ್ಯದಾಯಕಂ ।
ಸರ್ವಾಶ್ರಯಕರಂ ದೇವಿ ಸರ್ವಾನಂದಕರಂ ವರಂ ॥ 119 ॥
ಸರ್ವಪಾಪಕ್ಷಯಕರಂ ಸದಾ ವಿಜಯವರ್ಧನಂ ।
ಸರ್ವದಾ ಶ್ರೀಕರಂ ದೇವಿ ಸರ್ವಯೋಗೀಶ್ವರೀಮಯಂ ॥ 120 ॥
ಸರ್ವಪೀಠಮಯಂ ದೇವಿ ಸರ್ವಾನಂದಕರಂ ಪರಂ ।
ಸರ್ವದೌರ್ಭಾಗ್ಯಶಮನಂ ಸರ್ವದುಃಖನಿವಾರಣಂ ॥ 121 ॥
ಸರ್ವಾಭಿಚಾರದೋಷಘ್ನಂ ಪರಮಂತ್ರವಿನಾಶನಂ ।
ಪರಸೈನ್ಯಸ್ತಂಭಕರಂ ಶತ್ರುಸ್ತಂಭನಕಾರಣಂ ॥ 122 ॥
ಮಹಾಚಮತ್ಕಾರಕರಂ ಮಹಾಬುದ್ಧಿಪ್ರವರ್ಧನಂ ।
ಮಹೋತ್ಪಾತಪ್ರಶಮನಂ ಮಹಾಜ್ವರನಿವಾರಣಂ ॥ 123 ॥
ಮಹಾವಶ್ಯಕರಂ ದೇವಿ ಮಹಾಸುಖಫಲಪ್ರದಂ ।
ಏವಮೇತಸ್ಯ ಮಂತ್ರಸ್ಯ ಪ್ರಭಾವೋ ವರ್ಣಿತುಂ ಮಯಾ ॥ 124 ॥
ನ ಶಕ್ಯತೇ ವರಾರೋಹೇ ಕಲ್ಪಕೋಟಿ ಶತೈರಪಿ ।
ಯಃ ಪಠೇತ್ಸಂಗಮೇ ನಿತ್ಯಂ ಸರ್ವದಾ ಮಂತ್ರಸಿದ್ಧಿದಂ ॥ 125 ॥
ಇತಿ ಶ್ರೀ ಬಾಲಾ ತ್ರಿಪುರ ಸುಂದರೀ ಸಹಸ್ರನಾಮ ಸ್ತೋತ್ರಂ ।
Recite with devotion and pure heart
Regular practice brings spiritual benefits