oṃ asya śrībagalāmukhīstotrasya-nāradaṛṣiḥ śrī bagalāmukhī devatā- mama sannihitānāṃ virodhināṃ vāṅmukha-padabuddhīnāṃ stambhanārthe stotrapāṭhe viniyogaḥ madhyesudhābdhi maṇimaṇṭapa ratnavedi siṃhāsanoparigatāṃ paripītavarṇāṃ । pītāmbarābharaṇa mālyavibhūṣitāṅgīṃ devīṃ bhajāmi dhṛtamudgaravairi jihvām ॥ 1 ॥ jihvāgramādāya kareṇa devīṃ vāmena śatrūn paripīḍayantīṃ । gadābhighātena ca dakṣiṇena pītāmbarāḍhyāṃ dvibhujāṃ bhajāmi ॥ 2 ॥ calatkanakakuṇḍalollasitacārugaṇḍasthalāṃ lasatkanakacampaka dyutimadindubimbānanāṃ । gadāhata vipakṣakāṃ kalitalolajihvāñcalāṃ smarāmi bagalāmukhīṃ vimukhavāṅmanasstambhinīm ॥ 3 ॥ pīyūṣo dadhimadhyacāru vilasa draktotpale maṇṭape satsiṃhāsana maulipātitaripuṃ pretāsanādhyāsinīṃ । svarṇābhāṃ karapīḍitārirasanāṃ bhrāmyadgadāṃ vibhramāṃ itthaṃ dhyāyati yānti tasya vilayaṃ sadyotha sarvāpadaḥ ॥ 4 ॥ devittvaccaraṇāmbujārcanakṛte yaḥ pīta puṣpāñjalīn bhaktyā vāmakare nidhāya ca manuṃ mantrī manojñākṣaraṃ । pīṭhadhyānaparo'tha kumbhakavaśādbījaṃ smaretpārthiva- stasyāmitramukhasya vāci hṛdaye jāḍyaṃ bhavettatkṣaṇāt ॥ 5 ॥ vādī mūkati kaṅkati kṣitipatirvaiśvānaraśśītiti krodhīśāmyati durjanassujanati kṣiprānugaḥ khañjati । garvī kharvati sarvavicca jaḍati tvadyantraṇā yantritaḥ śrīnitye bagalāmukhi pratidinaṃ kalyāṇi tubhyaṃ namaḥ ॥ 6 ॥ mantrastāvadayaṃ vipakṣadalane stotraṃ pavitraṃ ca te yantraṃ vādiniyantraṇaṃ trijagatāṃ jaitraṃ ca citraṃ ca te । mātaḥ śrībagaleti nāma lalitaṃ yasyāsti jantormukhe tvannāmagrahaṇena saṃsadi mukha stambho bhavedvādinām ॥ 7 ॥ duṣṭastambhanamugravighnaśamanaṃ dāridryavidrāvaṇaṃ bhūbhṛdbhīśamanaṃ calanmṛgadṛśāṃ cetassamākarṣaṇaṃ । saubhāgyaikaniketanaṃ samadṛśaḥ kāruṇyapūrṇāmṛtaṃ mṛtyormāraṇamāvirastu purato mātastvadīyaṃ vapuḥ ॥ 8 ॥ mātarbhañjaya me vipakṣavadanāṃ jihvāṃ ca saṅkīlaya brāhmīṃ mudraya nāśayāśudhiṣaṇāmugrāṃ gatiṃ stambhaya । śatrūmścūrṇaya devi tīkṣṇagadayā gaurāṅgi pītāmbare vighnaughaṃ bagale hara praṇamatāṃ kāruṇyapūrṇekṣaṇe ॥ 9 ॥ mātarbhairavi bhadrakāli vijaye vārāhi viśvāśraye śrīvidye samaye maheśi bagale kāmeśi rāme rame । mātaṅgi tripure parātparatare svargāpavargaprade dāso'haṃ śaraṇāgataḥ karuṇayā viśveśvari trāhimām ॥ 10 ॥ saṃrambhe saurasaṅghe praharaṇasamaye bandhanevārimadhye vidyāvādevivāde pratikṛtinṛpatau divyakāle niśāyām । vaśye vā stambhane vā ripuvadhasamaye nirjane vā vane vā gacchaṃstiṣṭhaṃstrikālaṃ yadi paṭhati śivaṃ prāpnuyādāśu dhīraḥ ॥ 11 ॥ tvaṃ vidyā paramā trilokajananī vighnaughasañchedinī yoṣākarṣaṇakāriṇī trijagatāmānandasaṃvardhinī । dusphoṭoccāṭanakāriṇī janamanassaṃmohasandāyinī jihvākīlanabhairavī vijayate brahmāstramantro yathā ॥ 12 ॥ vidyālakṣmīssarvasaubhāgyamāyuḥ putraiḥ pautraiḥ sarvasāmrājyasiddhiḥ । māno bhogo vaśyamārogyasaukhyaṃ prāptaṃ tattadbhūtale'sminnareṇa ॥ 13 ॥ yatkṛtaṃ ca japaṃ homaṃ gaditaṃ parameśvarī । duṣṭānāṃ nigrahārthāya tadgṛhāṇa namo'stu te ॥ 14 ॥ pītāmbarāṃ tāṃ dvibhujāṃ trinetrāṃ gātragojjvalāṃ । śilāmudgarahastāṃ ca smarettāṃ bagalāmukhīm ॥ 15 ॥ brahmāstramiti vikhyātaṃ triṣu lokeṣu viśrutaṃ । gurubhaktāya dātavyaṃ nadeyaṃ yasya kasyacit ॥ 16 ॥ nityaṃ stotramidaṃ pavitramiha yo devyāḥ paṭhatyādarāt dhṛtvāyantramidaṃ tathaiva samare bāhau kare vā gale । rājāno'pyarayo madāndhakariṇassarpā mṛgendrādikāḥ te vai yānti vimohitā ripugaṇā lakṣmīḥ sthirāssiddhayaḥ ॥ 17 ॥ iti śrī rudrayāmale tantre śrī bagalāmukhī stotram ॥