हैंహైHaindavamஹிહિં
📍
Font Size:
Bala Tripura Sundari Bhujanga Stotram
śrīnīlalohita uvāca ।
jagadyonirūpāṃ suveśīṃ ca raktāṃ
guṇātītasañjñāṃ mahāguhyaguhyām ।
mahāsarpabhūṣāṃ bhaveśādipūjyāṃ
mahātyugrabālāṃ bhaje'haṃ hi nityām ॥ 1 ॥
mahāsvarṇavarṇāṃ śivapṛṣṭhasaṃsthāṃ
mahāmuṇḍamālāṃ gale śobhamānām ।
mahācarmavastrāṃ mahāśaṅkhahastāṃ
mahātyugrabālāṃ bhaje'haṃ hi nityām ॥ 2 ॥
sadā suprasannāṃ bhṛtāsūkṣmasūkṣmāṃ
varābhītihastāṃ dhṛtāvākṣapustām ।
mahākinnareśīṃ bhagākāravidyāṃ
mahātyugrabālāṃ bhaje'haṃ hi nityām ॥ 3 ॥
tinīṃ tīkinīnāṃ ravāṃ kiṅkiṇīnāṃ
hahāhā hahāhā mahālāpaśabdām ।
tathaithai tathaithai mahānṛtyanṛtyāṃ
mahātyugrabālāṃ bhaje'haṃ hi nityām ॥ 4 ॥
nanānā rirīrī mahāgīśa śambū
huhūvū huhūvū paśo raktapānām ।
dhimindhīṃ dhimindhīṃ mṛdaṅgasya śabdāṃ
mahātyugrabālāṃ bhaje'haṃ hi nityām ॥ 5 ॥
mahācakrasaṃsthāṃ trimātrāsvarūpāṃ
śivārdhāṅgabhūtāṃ mahāpuṣpamālām ।
mahāduḥkhahartrīṃ mahāpretasaṃsthāṃ
mahātyugrabālāṃ bhaje'haṃ hi nityām ॥ 6 ॥
sphuratpadmavaktrāṃ himāṃśoḥ kalāpāṃ
mahākomalāṅgīṃ sureśena mānyām ।
jagatpālanaikāgracittāṃ supuṣṭāṃ
mahātyugrabālāṃ bhaje'haṃ hi nityām ॥ 7 ॥
mahādaityanāśīṃ surānityapālīṃ
mahābuddhirāśiṃ kavīnāṃ mukhasthām ।
jaṭīnāṃ hṛdisthāṃ manūnāṃ śiraḥsthāṃ
mahātyugrabālāṃ bhaje'haṃ hi nityām ॥ 8 ॥
bhujaṅgākhyaṃ mahāstotraṃ triṣu lokeṣu durlabham ।
mahāsiddhipradaṃ divyaṃ caturvargaphalapradam ॥ 9 ॥
sarvakratuphalaṃ bhadre sarvavrataphalaṃ tathā ।
sarvadānodbhavaṃ puṇyaṃ labhate nātra saṃśayaḥ ॥ 10 ॥
vivāde kalahe ghore mahāduḥkhe parājaye ।
grahadoṣe mahāroge paṭhet stotraṃ vicakṣaṇaḥ ॥ 11 ॥
sarvadoṣāḥ vinaśyanti labhate vāñchitaṃ phalam ।
dūtīyāge paṭheddevi sarvaśatrukṣayo bhavet ॥ 12 ॥
mahācakre paṭheddevi labhate paramaṃ padam ।
pūjānte paṭhate bhaktyā mahābaliphalapradam ॥ 13 ॥
pitṛgehe turyapathe śūnyāgāre śivālaye ।
bilvamūle caikavṛkṣe ratau madhusamāgame ॥ 14 ॥
paṭhet stotraṃ maheśāni jīvanmuktaḥ sa ucyate ।
trikālaṃ paṭhate nityaṃ devīputratvamāpnuyāt ॥ 15 ॥
iti śrī bālā tripura sundarī bhujaṅga stotram ।
Recite with devotion and pure heart
Regular practice brings spiritual benefits