हैंహైHaindavamஹிહિં
📍
Font Size:
ಬಾಲಾ ತ್ರಿಪುರ ಸುಂದರೀ ಭುಜಂಗ ಸ್ತೋತ್ರಂ
ಶ್ರೀನೀಲಲೋಹಿತ ಉವಾಚ ।
ಜಗದ್ಯೋನಿರೂಪಾಂ ಸುವೇಶೀಂ ಚ ರಕ್ತಾಂ
ಗುಣಾತೀತಸಂಜ್ಞಾಂ ಮಹಾಗುಹ್ಯಗುಹ್ಯಾಂ ।
ಮಹಾಸರ್ಪಭೂಷಾಂ ಭವೇಶಾದಿಪೂಜ್ಯಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಂ ॥ 1 ॥
ಮಹಾಸ್ವರ್ಣವರ್ಣಾಂ ಶಿವಪೃಷ್ಠಸಂಸ್ಥಾಂ
ಮಹಾಮುಂಡಮಾಲಾಂ ಗಲೇ ಶೋಭಮಾನಾಂ ।
ಮಹಾಚರ್ಮವಸ್ತ್ರಾಂ ಮಹಾಶಂಖಹಸ್ತಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಂ ॥ 2 ॥
ಸದಾ ಸುಪ್ರಸನ್ನಾಂ ಭೃತಾಸೂಕ್ಷ್ಮಸೂಕ್ಷ್ಮಾಂ
ವರಾಭೀತಿಹಸ್ತಾಂ ಧೃತಾವಾಕ್ಷಪುಸ್ತಾಂ ।
ಮಹಾಕಿನ್ನರೇಶೀಂ ಭಗಾಕಾರವಿದ್ಯಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಂ ॥ 3 ॥
ತಿನೀಂ ತೀಕಿನೀನಾಂ ರವಾಂ ಕಿಂಕಿಣೀನಾಂ
ಹಹಾಹಾ ಹಹಾಹಾ ಮಹಾಲಾಪಶಬ್ದಾಂ ।
ತಥೈಥೈ ತಥೈಥೈ ಮಹಾನೃತ್ಯನೃತ್ಯಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಂ ॥ 4 ॥
ನನಾನಾ ರಿರೀರೀ ಮಹಾಗೀಶ ಶಂಬೂ
ಹುಹೂವೂ ಹುಹೂವೂ ಪಶೋ ರಕ್ತಪಾನಾಂ ।
ಧಿಮಿಂಧೀಂ ಧಿಮಿಂಧೀಂ ಮೃದಂಗಸ್ಯ ಶಬ್ದಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಂ ॥ 5 ॥
ಮಹಾಚಕ್ರಸಂಸ್ಥಾಂ ತ್ರಿಮಾತ್ರಾಸ್ವರೂಪಾಂ
ಶಿವಾರ್ಧಾಂಗಭೂತಾಂ ಮಹಾಪುಷ್ಪಮಾಲಾಂ ।
ಮಹಾದುಃಖಹರ್ತ್ರೀಂ ಮಹಾಪ್ರೇತಸಂಸ್ಥಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಂ ॥ 6 ॥
ಸ್ಫುರತ್ಪದ್ಮವಕ್ತ್ರಾಂ ಹಿಮಾಂಶೋಃ ಕಲಾಪಾಂ
ಮಹಾಕೋಮಲಾಂಗೀಂ ಸುರೇಶೇನ ಮಾನ್ಯಾಂ ।
ಜಗತ್ಪಾಲನೈಕಾಗ್ರಚಿತ್ತಾಂ ಸುಪುಷ್ಟಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಂ ॥ 7 ॥
ಮಹಾದೈತ್ಯನಾಶೀಂ ಸುರಾನಿತ್ಯಪಾಲೀಂ
ಮಹಾಬುದ್ಧಿರಾಶಿಂ ಕವೀನಾಂ ಮುಖಸ್ಥಾಂ ।
ಜಟೀನಾಂ ಹೃದಿಸ್ಥಾಂ ಮನೂನಾಂ ಶಿರಃಸ್ಥಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಂ ॥ 8 ॥
ಭುಜಂಗಾಖ್ಯಂ ಮಹಾಸ್ತೋತ್ರಂ ತ್ರಿಷು ಲೋಕೇಷು ದುರ್ಲಭಂ ।
ಮಹಾಸಿದ್ಧಿಪ್ರದಂ ದಿವ್ಯಂ ಚತುರ್ವರ್ಗಫಲಪ್ರದಂ ॥ 9 ॥
ಸರ್ವಕ್ರತುಫಲಂ ಭದ್ರೇ ಸರ್ವವ್ರತಫಲಂ ತಥಾ ।
ಸರ್ವದಾನೋದ್ಭವಂ ಪುಣ್ಯಂ ಲಭತೇ ನಾತ್ರ ಸಂಶಯಃ ॥ 10 ॥
ವಿವಾದೇ ಕಲಹೇ ಘೋರೇ ಮಹಾದುಃಖೇ ಪರಾಜಯೇ ।
ಗ್ರಹದೋಷೇ ಮಹಾರೋಗೇ ಪಠೇತ್ ಸ್ತೋತ್ರಂ ವಿಚಕ್ಷಣಃ ॥ 11 ॥
ಸರ್ವದೋಷಾಃ ವಿನಶ್ಯಂತಿ ಲಭತೇ ವಾಂಛಿತಂ ಫಲಂ ।
ದೂತೀಯಾಗೇ ಪಠೇದ್ದೇವಿ ಸರ್ವಶತ್ರುಕ್ಷಯೋ ಭವೇತ್ ॥ 12 ॥
ಮಹಾಚಕ್ರೇ ಪಠೇದ್ದೇವಿ ಲಭತೇ ಪರಮಂ ಪದಂ ।
ಪೂಜಾಂತೇ ಪಠತೇ ಭಕ್ತ್ಯಾ ಮಹಾಬಲಿಫಲಪ್ರದಂ ॥ 13 ॥
ಪಿತೃಗೇಹೇ ತುರ್ಯಪಥೇ ಶೂನ್ಯಾಗಾರೇ ಶಿವಾಲಯೇ ।
ಬಿಲ್ವಮೂಲೇ ಚೈಕವೃಕ್ಷೇ ರತೌ ಮಧುಸಮಾಗಮೇ ॥ 14 ॥
ಪಠೇತ್ ಸ್ತೋತ್ರಂ ಮಹೇಶಾನಿ ಜೀವನ್ಮುಕ್ತಃ ಸ ಉಚ್ಯತೇ ।
ತ್ರಿಕಾಲಂ ಪಠತೇ ನಿತ್ಯಂ ದೇವೀಪುತ್ರತ್ವಮಾಪ್ನುಯಾತ್ ॥ 15 ॥
ಇತಿ ಶ್ರೀ ಬಾಲಾ ತ್ರಿಪುರ ಸುಂದರೀ ಭುಜಂಗ ಸ್ತೋತ್ರಂ ।
Recite with devotion and pure heart
Regular practice brings spiritual benefits