Neela Saraswati Stotram

ghorarūpe mahārāve sarvaśatrubhayaṅkari । bhaktebhyo varade devi trāhi māṃ śaraṇāgatam ॥ 1 ॥ surā'surārcite devi siddhagandharvasevite । jāḍyapāpahare devi trāhi māṃ śaraṇāgatam ॥ 2 ॥ jaṭājūṭasamāyukte lolajihvāntakāriṇī । drutabuddhikare devi trāhi māṃ śaraṇāgatam ॥ 3 ॥ saumyakrodhadhare rūpe caṇḍarūpe namo'stu te । sṛṣṭirūpe namastubhyaṃ trāhi māṃ śaraṇāgatam ॥ 4 ॥ jaḍānāṃ jaḍatāṃ hanti bhaktānāṃ bhaktavatsalā । mūḍhatāṃ hara me devi trāhi māṃ śaraṇāgatam ॥ 5 ॥ hrūṃ hrūṅkaramaye devi balihomapriye namaḥ । ugratāre namo nityaṃ trāhi māṃ śaraṇāgatam ॥ 6 ॥ buddhiṃ dehi yaśo dehi kavitvaṃ dehi devi me । mūḍhatvaṃ ca harerdevi trāhi māṃ śaraṇāgatam ॥ 7 ॥ indrādivilasadvandvavandite karuṇāmayi । tāre tāradhināthāsye trāhi māṃ śaraṇāgatam ॥ 8 ॥ aṣṭamyāṃ ca caturdaśyāṃ navamyāṃ yaḥ paṭhennaraḥ । ṣaṇmāsaiḥ siddhimāpnoti nā'tra kāryā vicāraṇā ॥ 9 ॥ mokṣārthī labhate mokṣaṃ dhanārthī labhate dhanam । vidyārthī labhate vidyāṃ tarkavyākaraṇādikam ॥ 10 ॥ idaṃ stotram paṭhedyastu satataṃ śraddhayānvitaḥ । tasya śatruḥ kṣayaṃ yāti mahāprajñā prajāyate ॥ 11 ॥ pīḍāyāṃ vāpi saṅgrāme jāḍye dāne tathā bhaye । ya idaṃ paṭhati stotram śubhaṃ tasya na saṃśayaḥ ॥ 12 ॥ iti praṇamya stutvā ca yonimudrāṃ pradarśayet ॥ iti śrī nīlasarasvatī stotram ॥

Recite with devotion and pure heart

Regular practice brings spiritual benefits

More stotras of Devi: