ಶ್ರೀ ಗುರುಭ್ಯೋ ನಮಃ । ಹರಿಃ ಓಂ ॥ ॥ ಶುಚಿಃ ॥ ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ । ಯಃ ಸ್ಮರೇತ್ಪುಂಡರೀಕಾಕ್ಷಂ ಸ ಬಾಹ್ಯಾಭ್ಯಂತರಶ್ಶುಚಿಃ ॥ ಪುಂಡರೀಕಾಕ್ಷ ಪುಂಡರೀಕಾಕ್ಷ ಪುಂಡರೀಕಾಕ್ಷಾಯ ನಮಃ ॥ ಆಚಮ್ಯ ॥ ॥ ಭೂತೋಚ್ಛಾಟನ ॥ ಉತ್ತಿಷ್ಠಂತು ಭೂತ ಪಿಶಾಚಾಃ ಯೇತೇ ಭೂಮಿ ಭಾರಕಾಃ । ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥ ॥ ಪ್ರಾಣಾನಾಯಮ್ಯ ॥ ಓಂ ಭೂಃ । ಓಂ ಭುವ॑: । ಓಗ್ಂ ಸುವ॑: । ಓಂ ಮಹ॑: । ಓಂ ಜನ॑: । ಓಂ ತಪ॑: । ಓಗ್ಂ ಸತ್ಯಂ । ಓಂ ತತ್ಸ॑ವಿತು॒ರ್ವರೇ”ಣ್ಯಂ॒ । ಭ॒ರ್ಗೋ॑ ದೇ॒ವಸ್ಯ॑ ಧೀ॒ಮಹಿ । ಧಿಯೋ॒ ಯೋನ॑: ಪ್ರಚೋ॒ದಯಾ”ತ್ ॥ ಓಮಾಪೋ॒ ಜ್ಯೋತೀ॒ ರಸೋ॒ಽಮೃತ॒o ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಂ ॥ ॥ ಸಂಕಲ್ಪಃ ॥ ಮಮ ಉಪಾತ್ತ ಸಮಸ್ತ ದುರಿತಕ್ಷಯ ದ್ವಾರಾ ಶ್ರೀಪರಮೇಶ್ವರಮುದ್ದಿಶ್ಯ ಶ್ರೀಪರಮೇಶ್ವರ ಪ್ರೀತ್ಯರ್ಥಂ ಶುಭಾಭ್ಯಾಂ ಶುಭೇ ಶೋಭನೇ ಮುಹೂರ್ತೇ ಶ್ರೀ ಮಹಾವಿಷ್ಣೋರಾಜ್ಞಯಾ ಪ್ರವರ್ತಮಾನಸ್ಯ ಅದ್ಯ ಬ್ರಹ್ಮಣಃ ದ್ವಿತೀಯ ಪರಾರ್ಥೇ ಶ್ವೇತವರಾಹಕಲ್ಪೇ ವೈವಸ್ವತ ಮನ್ವಂತರೇ ಕಲಿಯುಗೇ ಪ್ರಥಮಪಾದೇ ಜಂಬೂದ್ವೀಪೇ ಭರತವರ್ಷೇ ಭರತಖಂಡೇ ಮೇರೋಃ ದಕ್ಷಿಣ ದಿಗ್ಭಾಗೇ ಶ್ರೀಶೈಲಸ್ಯ …… ಪ್ರದೇಶೇ ……, …… ನದ್ಯೋಃ ಮಧ್ಯ ಪ್ರದೇಶೇ ಶೋಭನ ಗೃಹೇ ಸಮಸ್ತ ದೇವತಾ ಬ್ರಾಹ್ಮಣ ಆಚಾರ್ಯ ಹರಿಹರ ಗುರು ಚರಣ ಸನ್ನಿಧೌ ಅಸ್ಮಿನ್ ವರ್ತಮನ ವ್ಯಾವಹರಿಕ ಚಾಂದ್ರಮಾನೇನ ಶ್ರೀ ……॥ (*1) ನಾಮ ಸಂವತ್ಸರೇ …… ಅಯನೇ(*2) …… ಋತೌ (*3) …… ಮಾಸೇ(*4) …… ಪಕ್ಷೇ (*5) …… ತಿಥೌ (*6) …… ವಾಸರೇ (*7) …… ನಕ್ಷತ್ರೇ (*8) …… ಯೋಗೇ (*9) …… ಕರಣ (*10) ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭಾಯಾಂ ಶುಭತಿಥೌ ಶ್ರೀಮಾನ್ …… ಗೋತ್ರಃ …… ನಾಮಧೇಯಃ (ಶ್ರೀಮತಃ …… ಗೋತ್ರಸ್ಯ …… ನಾಮಧೇಯಸ್ಯ ಧರ್ಮಪತ್ನೀಸಮೇತಸ್ಯ) ಶ್ರೀ ಪರಮೇಶ್ವರ ಪ್ರೀತ್ಯರ್ಥಂ ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸಂಧ್ಯಾಂ ಉಪಾಸಿಷ್ಯೇ ॥ ॥ ಮಾರ್ಜನಃ ॥ ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಕ್ಷ॑ಸೇ । ಯೋ ವ॑: ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ ಹ ನ॑: । ಉ॒ಶ॒ತೀರಿ॑ವ ಮಾ॒ತ॑ರಃ । ತಸ್ಮಾ॒ ಅರಂ॑ಗಮಾಮವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ । ಮಂತ್ರಾಚಮನಂ ॥ (ಪ್ರಾತಃ ಕಾಲ) ಸೂರ್ಯಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯು॑ಕೃತೇ॒ಭ್ಯಃ । ಪಾಪೇಭ್ಯೋ॑ ರಕ್ಷಂ॒ತಾಂ । ಯದ್ರಾತ್ರಿಯಾ ಪಾಪ॑ಮಕಾ॒ರ್ಷಂ । ಮನಸಾ ವಾಚಾ॑ ಹಸ್ತಾ॒ಭ್ಯಾಂ । ಪದ್ಭ್ಯಾಮುದರೇ॑ಣ ಶಿ॒ಶ್ನಾ । ರಾತ್ರಿ॒ಸ್ತದ॑ವಲುಂ॒ಪತು । ಯತ್ಕಿಂಚ॑ ದುರಿ॒ತಂ ಮಯಿ॑ । ಇ॒ದಮ॒ಹಂ ಮಾಮಮೃತ॑ಯೋ॒ನೌ । ಸೂರ್ಯೇ ಜ್ಯೋತಿಷಿ ಜುಹೋ॑ಮಿ ಸ್ವಾ॒ಹಾ । (ಮಧ್ಯಾಹ್ನ ಕಾಲ) ಆಪ॑: ಪುನಂತು ಪೃಥಿ॒ವೀಂ ಪೃಥಿ॒ವೀ ಪೂ॒ತಾ ಪು॑ನಾತು॒ ಮಾಂ । ಪು॒ನಂತು॒ ಬ್ರಹ್ಮ॑ಣ॒ಸ್ಪತಿ॒ರ್ಬ್ರಹ್ಮ॑ಪೂ॒ತಾ ಪು॑ನಾತು ಮಾಂ ॥ ಯದುಚ್ಛಿ॑ಷ್ಟಮಭೋ”ಜ್ಯ॒o ಯದ್ವಾ॑ ದು॒ಶ್ಚರಿ॑ತ॒o ಮಮ॑ । ಸರ್ವ॑o ಪುನಂತು॒ ಮಾಮಾಪೋ॑ಽಸ॒ತಾಂ ಚ॑ ಪ್ರತಿ॒ಗ್ರಹ॒ಗ್ಂ ಸ್ವಾಹಾ” ॥ (ಸಾಯಂ ಕಾಲ) ಅಗ್ನಿಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯು॑ಕೃತೇ॒ಭ್ಯಃ । ಪಾಪೇಭ್ಯೋ॑ ರಕ್ಷಂ॒ತಾಂ । ಯದಹ್ನಾ ಪಾಪ॑ಮಕಾ॒ರ್ಷಂ । ಮನಸಾ ವಾಚಾ॑ ಹಸ್ತಾ॒ಭ್ಯಾಂ । ಪದ್ಭ್ಯಾಮುದರೇ॑ಣ ಶಿ॒ಶ್ನಾ । ಅಹ॒ಸ್ತದ॑ವಲುಂ॒ಪತು । ಯತ್ಕಿಂಚ॑ ದುರಿ॒ತಂ ಮಯಿ॑ । ಇ॒ದಮ॒ಹಂ ಮಾಮಮೃತ॑ಯೋ॒ನೌ । ಸತ್ಯೇ ಜ್ಯೋತಿಷಿ ಜುಹೋ॑ಮಿ ಸ್ವಾ॒ಹಾ । ಆಚಮ್ಯ ॥ ॥ ಪುನಃ ಮಾರ್ಜನಃ ॥ ದ॒ಧಿ॒ಕ್ರಾವ್ಣೋ॑ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನ॑: । ಸು॒ರ॒ಭಿ ನೋ॒ ಮುಖಾ॑ ಕರ॒ತ್ಪ್ರಾಣ॒ ಆಯೂಗ್॑oಷಿ ತಾರಿಷತ್ ॥ ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಕ್ಷ॑ಸೇ । ಯೋ ವ॑: ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ ಹ ನ॑: । ಉ॒ಶ॒ತೀರಿ॑ವ ಮಾ॒ತ॑ರಃ । ತಸ್ಮಾ॒ ಅರಂ॑ಗಮಾಮವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ । ಹಿರ॑ಣ್ಯವರ್ಣಾ॒: ಶುಚ॑ಯಃ ಪಾವ॒ಕಾ ಯಾಸು॑ ಜಾ॒ತಃ ಕ॒ಶ್ಯಪೋ॒ ಯಾಸ್ವಿಂದ್ರ॑: । ಅ॒ಗ್ನಿಂ ಯಾ ಗರ್ಭ॑o ದಧಿ॒ರೇ ವಿರೂ॑ಪಾ॒ಸ್ತಾ ನ॒ ಆಪ॒ಶ್ಶಗ್ಗ್ ಸ್ಯೋ॒ನಾ ಭ॑ವಂತು ॥ ಯಾಸಾ॒ಗ್ಂ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯಂ॒ಜನಾ॑ನಾಂ । ಮ॒ಧು॒ಶ್ಚುತ॒ಶ್ಶುಚ॑ಯೋ॒ ಯಾಃ ಪಾ॑ವ॒ಕಾಸ್ತಾ ನ॒ ಆಪ॒ಶ್ಶಗ್ಗ್ ಸ್ಯೋ॒ನಾ ಭ॑ವಂತು ॥ ಯಾಸಾ”o ದೇ॒ವಾ ದಿ॒ವಿ ಕೃ॒ಣ್ವಂತಿ॑ ಭ॒ಕ್ಷಂ ಯಾ ಅಂ॒ತರಿ॑ಕ್ಷೇ ಬಹು॒ಧಾ ಭವಂ॑ತಿ । ಯಾಃ ಪೃ॑ಥಿ॒ವೀಂ ಪಯ॑ಸೋಂ॒ದಂತಿ॑ ಶು॒ಕ್ರಾಸ್ತಾ ನ॒ ಆಪ॒ಶ್ಶಗ್ಗ್ ಸ್ಯೋ॒ನಾ ಭ॑ವಂತು ॥ ಶಿ॒ವೇನ॑ ಮಾ॒ ಚಕ್ಷು॑ಷಾ ಪಶ್ಯತಾಪಶ್ಶಿ॒ವಯಾ॑ ತ॒ನುವೋಪ॑ ಸ್ಪೃಶತ॒ ತ್ವಚ॑o ಮೇ । ಸರ್ವಾಗ್ಂ॑ ಅ॒ಗ್ನೀಗ್ಂ ರ॑ಪ್ಸು॒ಷದೋ॑ ಹು॒ವೇ ವೋ॒ ಮಯಿ॒ ವರ್ಚೋ॒ ಬಲ॒ಮೋಜೋ॒ ನಿಧ॑ತ್ತ ॥ ॥ ಪಾಪವಿಮೋಚನ ಮಂತ್ರಂ ॥ ದ್ರು॒ಪ॒ದಾ ದಿ॑ವ ಮುಂಚತು । ದ್ರು॒ಪ॒ದಾ ದಿ॒ವೇನ್ಮು॑ಮುಚಾ॒ನಃ । ಸ್ವಿ॒ನ್ನಃ ಸ್ನಾ॒ತ್ವೀ ಮಲಾ॑ದಿವ । ಪೂ॒ತಂ ಪ॒ವಿತ್ರೇ॑ಣೇ॒ವಾಜ್ಯ”ಮ್ । ಆಪ॑: ಶುಂಧಂತು॒ ಮೈನ॑ಸಃ । ॥ ಅರ್ಘ್ಯಪ್ರದಾನಂ ॥ ಆಚಮ್ಯ ॥ ಪ್ರಾಣಾನಾಯಮ್ಯ ॥ ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ (ಮುಖ್ಯ ಕಾಲಾತಿಕ್ರಮಣ ದೋಷ ನಿವೃತ್ತ್ಯರ್ಥಂ ಪ್ರಾಯಶ್ಚಿತ್ತ ಅರ್ಘ್ಯ ಪ್ರದಾನ ಪೂರ್ವಕ) ಪ್ರಾತಃ / ಮಾಧ್ಯಾಹ್ನಿಕ / ಸಾಯಂ ಸಂಧ್ಯಾಂಗ ಅರ್ಘ್ಯಪ್ರದಾನಂ ಕರಿಷ್ಯೇ ॥ (ಪ್ರಾತಃ ಕಾಲ) ಓಂ ಭೂಃ । ಓಂ ಭುವ॑: । ಓಗ್ಂ ಸುವ॑: । ಓಂ ತತ್ಸ॑ವಿತು॒ರ್ವರೇ”ಣ್ಯಂ॒ । ಭ॒ರ್ಗೋ॑ ದೇ॒ವಸ್ಯ॑ ಧೀ॒ಮಹಿ । ಧಿಯೋ॒ ಯೋನ॑: ಪ್ರಚೋ॒ದಯಾ”ತ್ ॥ [3 (+1)] (ಮಧ್ಯಾಹ್ನ ಕಾಲ) ಹ॒ಗ್ಂಸಶ್ಶು॑ಚಿ॒ಷದ್ವಸು॑ರಂತರಿಕ್ಷ॒ ಸದ್ಧೋತಾ॑ ವೇದಿ॒ಷ ದತಿ॑ಥಿರ್ದುರೋಣ॒ ಸತ್ । ನೃ॒ಷದ್ವ॑ರ॒ಸ ದೃ॑ತ॒ ಸ ದ್ವ್ಯೋ॑ಮ॒ ಸ ದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ಬೃ॒ಹತ್ ॥ [1] ಓಂ ಭೂಃ । ಓಂ ಭುವ॑: । ಓಗ್ಂ ಸುವ॑: । ಓಂ ತತ್ಸ॑ವಿತು॒ರ್ವರೇ”ಣ್ಯಂ॒ । ಭ॒ರ್ಗೋ॑ ದೇ॒ವಸ್ಯ॑ ಧೀ॒ಮಹಿ । ಧಿಯೋ॒ ಯೋನ॑: ಪ್ರಚೋ॒ದಯಾ”ತ್ ॥ [2] (ಸಾಯಂ ಕಾಲ) ಓಂ ಭೂಃ । ಓಂ ಭುವ॑: । ಓಗ್ಂ ಸುವ॑: । ಓಂ ತತ್ಸ॑ವಿತು॒ರ್ವರೇ”ಣ್ಯಂ॒ । ಭ॒ರ್ಗೋ॑ ದೇ॒ವಸ್ಯ॑ ಧೀ॒ಮಹಿ । ಧಿಯೋ॒ ಯೋನ॑: ಪ್ರಚೋ॒ದಯಾ”ತ್ ॥ [3 (+1)] ಪ್ರದಕ್ಷಿಣ ॥ ಉ॒ದ್ಯಂತ॑ಮಸ್ತ॒o ಯಂತ॑ಮಾದಿ॒ತ್ಯಮ॑ಭಿಧ್ಯಾ॒ಯನ್ಕು॒ರ್ವನ್ಬ್ರಾ”ಹ್ಮ॒ಣೋ ವಿ॒ದ್ವಾಂತ್ಸಕಲ॑o ಭ॒ದ್ರಮ॑ಶ್ನುತೇ॒ಽಸಾವಾ॑ದಿ॒ತ್ಯೋ ಬ್ರ॒ಹ್ಮೇತಿ॒ ಬ್ರಹ್ಮೈ॒ವಸನ್ಬ್ರಹ್ಮಾ॒ಪ್ಯೇತಿ॒ ಯ ಏ॒ವಂ ವೇದ॑ ॥ ಅ॒ಸಾವಾ॑ದಿ॒ತ್ಯೋ ಬ್ರ॒ಹ್ಮ ॥ ॥ ತರ್ಪಣಂ ॥ ಆಚಮ್ಯ ॥ ಪ್ರಾಣಾನಾಯಮ್ಯ ॥ ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಪ್ರಾತಃ / ಮಾಧ್ಯಾಹ್ನಿಕ / ಸಾಯಂ ಸಂಧ್ಯಾಂಗ ತರ್ಪಣಂ ಕರಿಷ್ಯೇ ॥ (ಪ್ರಾತಃ ಕಾಲ) ಸಂಧ್ಯಾಂ ತರ್ಪಯಾಮಿ । ಗಾಯತ್ರೀಂ ತರ್ಪಯಾಮಿ । ಬ್ರಾಹ್ಮೀಂ ತರ್ಪಯಾಮಿ । ನಿಮೃಜೀಂ ತರ್ಪಯಾಮಿ । (ಮಧ್ಯಾಹ್ನ ಕಾಲಮುನ) ಸಂಧ್ಯಾಂ ತರ್ಪಯಾಮಿ । ಸಾವಿತ್ರೀಂ ತರ್ಪಯಾಮಿ । ರೌದ್ರೀಂ ತರ್ಪಯಾಮಿ । ನಿಮೃಜೀಂ ತರ್ಪಯಾಮಿ । (ಸಾಯಂ ಕಾಲಮುನ) ಸಂಧ್ಯಾಂ ತರ್ಪಯಾಮಿ । ಸರಸ್ವತೀಂ ತರ್ಪಯಾಮಿ । ವೈಷ್ಣವೀಂ ತರ್ಪಯಾಮಿ । ನಿಮೃಜೀಂ ತರ್ಪಯಾಮಿ । ॥ ಗಾಯತ್ರೀ ॥ ಆಚಮ್ಯ ॥ ಓಮಿತ್ಯೇಕಾಕ್ಷ॑ರಂ ಬ್ರ॒ಹ್ಮ । ಅಗ್ನಿರ್ದೇವತಾ ಬ್ರಹ್ಮ॑ ಇತ್ಯಾ॒ರ್ಷಂ । ಗಾಯತ್ರಂ ಛಂದಂ । ಪರಮಾತ್ಮ॑o ಸರೂ॒ಪಂ । ಸಾಯುಜ್ಯಂ ವಿ॑ನಿಯೋ॒ಗಂ । ಆಯಾ॑ತು॒ ವರ॑ದಾ ದೇ॒ವೀ॒ ಅ॒ಕ್ಷರ॑o ಬ್ರಹ್ಮ॒ ಸಂಮಿ॑ತಂ । ಗಾ॒ಯ॒ತ್ರೀ”o ಛಂದ॑ಸಾಂ ಮಾ॒ತೇ॒ದಂ ಬ್ರ॑ಹ್ಮ ಜು॒ಷಸ್ವ॑ ನಃ । ಯದಹ್ನಾ”ತ್ಕುರು॑ತೇ ಪಾ॒ಪ॒o ತದಹ್ನಾ”ತ್ಪ್ರತಿ॒ಮುಚ್ಯ॑ತೇ । ಯದ್ರಾತ್ರಿಯಾ”ತ್ಕುರು॑ತೇ ಪಾ॒ಪ॒o ತದ್ರಾತ್ರಿಯಾ”ತ್ಪ್ರತಿ॒ಮುಚ್ಯ॑ತೇ । ಸರ್ವ॑ವ॒ರ್ಣೇ ಮ॑ಹಾದೇ॒ವಿ॒ ಸಂ॒ಧ್ಯಾವಿ॑ದ್ಯೇ ಸ॒ರಸ್ವ॑ತಿ । ಓಜೋ॑ಽಸಿ॒ ಸಹೋ॑ಽಸಿ॒ ಬಲಮ॑ಸಿ॒ ಭ್ರಾಜೋ॑ಽಸಿ ದೇ॒ವಾನಾ॒o ಧಾಮ॒ನಾಮಾ॑ಸಿ ವಿಶ್ವ॑ಮಸಿ ವಿ॒ಶ್ವಾಯು॒: ಸರ್ವ॑ಮಸಿ ಸ॒ರ್ವಾಯುರಭಿಭೂರೋಂ । ಗಾಯತ್ರೀಮಾವಾ॑ಹಯಾ॒ಮಿ॒ । ಸಾವಿತ್ರೀಮಾವಾ॑ಹಯಾ॒ಮಿ॒ । ಸರಸ್ವತೀಮಾವಾ॑ಹಯಾ॒ಮಿ॒ । ಛಂದರ್ಷೀನಾವಾ॑ಹಯಾ॒ಮಿ॒ । ಶ್ರಿಯಮಾವಾ॑ಹಯಾ॒ಮಿ॒ ॥ ಗಾ॒ಯತ್ರಿಯಾ ಗಾಯತ್ರೀ ಛಂದೋ ವಿಶ್ವಾಮಿತ್ರ ಋಷಿಃ ಸವಿತಾ ದೇವತಾ ಅಗ್ನಿರ್ಮುಖಂ ಬ್ರಹ್ಮಾಶಿರೋ ವಿಷ್ಣುರ್ಹೃದಯಗ್ಂ ರುದ್ರಃ ಶಿಖಾ ಪೃಥಿವೀ ಯೋನಿಃ ಪ್ರಾಣಾಪಾನವ್ಯಾನೋದಾನ ಸಮಾನಾ ಸಪ್ರಾಣಾ ಶ್ವೇತವರ್ಣಾ ಸಾಂಖ್ಯಾಯನ ಸಗೋತ್ರಾ ಗಾಯತ್ರೀ ಚತುರ್ವಿಂಶತ್ಯಕ್ಷರಾ ತ್ರಿಪದಾ॑ ಷಟ್ಕು॒ಕ್ಷಿ॒: ಪಂಚಶೀರ್ಷೋಪನಯನೇ ವಿ॑ನಿಯೋ॒ಗ॒: ॥ ॥ ಮಂತ್ರ ಜಪಂ ॥ ಆಚಮ್ಯ ॥ ಪ್ರಾಣಾನಾಯಮ್ಯ ॥ ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಪರಮೇಶ್ವರ ಪ್ರೀತ್ಯರ್ಥಂ ಯಥಾ ಶಕ್ತಿ ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸಂಧ್ಯಾಂಗ ಗಾಯತ್ರೀ ಮಹಾಮಂತ್ರ ಜಪಂ ಕರಿಷ್ಯೇ ॥ ಕರನ್ಯಾಸಃ ॥ ಓಂ ತತ್ಸವಿತು॒: ಬ್ರಹ್ಮಾತ್ಮನೇ ಅಂಗುಷ್ಠಾಭ್ಯಾಂ ನಮಃ । ವರೇ”ಣ್ಯಂ॒ ವಿಷ್ಣ್ವಾತ್ಮನೇ ತರ್ಜನೀಭ್ಯಾಂ ನಮಃ । ಭ॒ರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಮಧ್ಯಮಾಭ್ಯಾಂ ನಮಃ । ಧೀ॒ಮಹಿ ಸತ್ಯಾತ್ಮನೇ ಅನಾಮಿಕಾಭ್ಯಾಂ ನಮಃ । ಧಿಯೋ॒ ಯೋನ॑: ಜ್ಞಾನಾತ್ಮನೇ ಕನಿಷ್ಠಿಕಾಭ್ಯಾಂ ನಮಃ । ಪ್ರಚೋ॒ದಯಾ”ತ್ ಸರ್ವಾತ್ಮನೇ ಕರತಲ ಕರಪೃಷ್ಠಾಭ್ಯಾಂ ನಮಃ । ಅಂಗನ್ಯಾಸಃ ॥ ಓಂ ತತ್ಸವಿತು॒: ಬ್ರಹ್ಮಾತ್ಮನೇ ಹೃದಯಾಯ ನಮಃ । ವರೇ”ಣ್ಯಂ॒ ವಿಷ್ಣ್ವಾತ್ಮನೇ ಶಿರಸೇ ಸ್ವಾಹಾ । ಭ॒ರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಶಿಖಾಯೈ ವಷಟ್ । ಧೀ॒ಮಹಿ ಸತ್ಯಾತ್ಮನೇ ಕವಚಾಯ ಹುಂ । ಧಿಯೋ॒ ಯೋನ॑: ಜ್ಞಾನಾತ್ಮನೇ ನೇತ್ರತ್ರಯಾಯ ವೌಷಟ್ । ಪ್ರಚೋ॒ದಯಾ”ತ್ ಸರ್ವಾತ್ಮನೇ ಅಸ್ತ್ರಾಯ ಫಟ್ । ಓಂ ಭೂರ್ಭುವ॒ಸ್ಸುವ॒ರೋಂ ಇತಿ ದಿಗ್ಬಂಧಃ ॥ ಗಾಯತ್ರೀ ಧ್ಯಾನಮು ॥ ಮುಕ್ತಾ ವಿದ್ರುಮ ಹೇಮನೀಲ ಧವಳಚ್ಛಾಯೈರ್ಮುಖೈಸ್ತ್ರೀಕ್ಷಣೈಃ ಯುಕ್ತಾಮಿಂದು ನಿಬದ್ಧ ರತ್ನಮಕುಟಾಂ ತತ್ತ್ವಾರ್ಥ ವರ್ಣಾತ್ಮಿಕಾಂ । ಗಾಯತ್ರೀಂ ವರದಾಭಯಾಂಕುಶ ಕಶಾಶ್ಶುಭ್ರಂಕಪಾಲಂ ಗದಾಂ ಶಂಖಂ ಚಕ್ರಮಥಾರವಿಂದಯುಗಳಂ ಹಸ್ತೈರ್ವಹಂತೀಂ ಭಜೇ ॥ ಯೋ ದೇವಸ್ಸವಿತಾಽಸ್ಮಾಕಂ ಧಿಯೋ ಧರ್ಮಾದಿಗೋಚರಾಃ ಪ್ರೇರಯೇತ್ತಸ್ಯ ಯದ್ಭರ್ಗಸ್ತದ್ವರೇಣ್ಯಮುಪಾಸ್ಮಹೇ ॥ ॥ ಚತುರ್ವಿಂಶತಿ ಮುದ್ರಾ ಪ್ರದರ್​ಶನಂ ॥ ಸುಮುಖಂ ಸಂಪುಟಂ ಚೈವ ವಿತತಂ ವಿಸ್ತೃತಂ ತಥಾ । ದ್ವಿಮುಖಂ ತ್ರಿಮುಖಂ ಚೈವ ಚತುಃ ಪಂಚಮುಖಂ ತಥಾ ॥ ಷಣ್ಮುಖೋಽಧೋಮುಖಂ ಚೈವ ವ್ಯಾಪಿಕಾಂಜಲಿಕಂ ತಥಾ । ಶಕಟಂ ಯಮಪಾಶಂ ಚ ಗ್ರಥಿತಂ ಸಮ್ಮುಖೋನ್ಮುಖಂ ॥ ಪ್ರಲಂಬಂ ಮುಷ್ಟಿಕಂ ಚೈವ ಮತ್ಸ್ಯಃ ಕೂರ್ಮೋ ವರಾಹಕಂ । ಸಿಂಹಾಕ್ರಾಂತಂ ಮಹಾಕ್ರಾಂತಂ ಮುದ್ಗರಂ ಪಲ್ಲವಂ ತಥಾ ॥ ಚತುರ್ವಿಂಶತಿ ಮುದ್ರಾ ವೈ ಗಾಯತ್ರ್ಯಾಂ ಸುಪ್ರತಿಷ್ಠಿತಾಃ । ಇತಿ ಮುದ್ರಾ ನ ಜಾನಾತಿ ಗಾಯತ್ರೀ ನಿಷ್ಫಲಾಭವೇತ್ ॥ ಪರಬ್ರಹ್ಮ ಪ್ರಕಾಶಂ ಚ ಸತ್ಯ ಬ್ರಹ್ಮ ಪ್ರಕೀರ್ತಿತಾಃ । ಆಗಚ್ಛ ವರದಾ ದೇವಿ ಜಪೇಮೇ ಸನ್ನಿಧಿಂ ಕುರು ॥ ಗುರುರ್ಬ್ರಹ್ಮಾ ಗುರುರ್ವಿಷ್ಣುರ್ಗುರುದೇವೋ ಮಹೇಶ್ವರಃ । ಗುರುಸ್ಸಾಕ್ಷಾತ್ಪರಂ ಬ್ರಹ್ಮಾ ತಸ್ಮೈ ಶ್ರೀ ಗುರವೇ ನಮಃ । ಗಾಯತ್ರೀ ಮಂತ್ರಂ ॥ ಓಂ ಭೂಃ । ಓಂ ಭುವಃ । ಓಗ್ಂ ಸುವಃ । ಓಂ ಮಹಃ । ಓಂ ಜನಃ । ಓಂ ತಪಃ । ಓಗ್ಂ ಸತ್ಯಂ । ಓಂ ತತ್ಸ॑ವಿ॒ತುರ್ವರೇ”ಣ್ಯ॒o । ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನ॑: ಪ್ರಚೋ॒ದಯಾ”ತ್ । [ಓಮಾಪೋ॒ ಜ್ಯೋತೀ॒ ರಸೋ॒ಽಮೃತ॒o ಬ್ರಹ್ಮ॒ ಭೂರ್ಭುವ॒: ಸುವ॒ರೋಂ ॥] ॥ ಮಂತ್ರ ಜಪಾವಸಾನಂ ॥ ಆಚಮ್ಯ ॥ ಪ್ರಾಣಾನಾಯಮ್ಯ ॥ ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಪರಮೇಶ್ವರ ಪ್ರೀತ್ಯರ್ಥಂ ಪ್ರಾತಃ / ಮಾಧ್ಯಾಹ್ನಿಕ / ಸಾಯಂ ಸಂಧ್ಯಾಂಗ ಗಾಯತ್ರೀ ಮಹಾಮಂತ್ರ ಜಪಾವಸಾನಂ ಕರಿಷ್ಯೇ ॥ ಕರನ್ಯಾಸಃ ॥ ಓಂ ತತ್ಸವಿತು॒: ಬ್ರಹ್ಮಾತ್ಮನೇ ಅಂಗುಷ್ಠಾಭ್ಯಾಂ ನಮಃ । ವರೇ”ಣ್ಯಂ॒ ವಿಷ್ಣ್ವಾತ್ಮನೇ ತರ್ಜನೀಭ್ಯಾಂ ನಮಃ । ಭ॒ರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಮಧ್ಯಮಾಭ್ಯಾಂ ನಮಃ । ಧೀ॒ಮಹಿ ಸತ್ಯಾತ್ಮನೇ ಅನಾಮಿಕಾಭ್ಯಾಂ ನಮಃ । ಧಿಯೋ॒ ಯೋನ॑: ಜ್ಞಾನಾತ್ಮನೇ ಕನಿಷ್ಠಿಕಾಭ್ಯಾಂ ನಮಃ । ಪ್ರಚೋ॒ದಯಾ”ತ್ ಸರ್ವಾತ್ಮನೇ ಕರತಲ ಕರಪೃಷ್ಠಾಭ್ಯಾಂ ನಮಃ । ಅಂಗನ್ಯಾಸಃ ॥ ಓಂ ತತ್ಸವಿತು॒: ಬ್ರಹ್ಮಾತ್ಮನೇ ಹೃದಯಾಯ ನಮಃ । ವರೇ”ಣ್ಯಂ॒ ವಿಷ್ಣ್ವಾತ್ಮನೇ ಶಿರಸೇ ಸ್ವಾಹಾ । ಭ॒ರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಶಿಖಾಯೈ ವಷಟ್ । ಧೀ॒ಮಹಿ ಸತ್ಯಾತ್ಮನೇ ಕವಚಾಯ ಹುಂ । ಧಿಯೋ॒ ಯೋನ॑: ಜ್ಞಾನಾತ್ಮನೇ ನೇತ್ರತ್ರಯಾಯ ವೌಷಟ್ । ಪ್ರಚೋ॒ದಯಾ”ತ್ ಸರ್ವಾತ್ಮನೇ ಅಸ್ತ್ರಾಯ ಫಟ್ । ಸುವರ್ಭುವರ್ಭೂರೋಂ ಇತಿ ದಿಗ್ವಿಮೋಕಃ ॥ ಧ್ಯಾನಂ – ಮುಕ್ತಾ ವಿದ್ರುಮ ಹೇಮನೀಲ ಧವಳಚ್ಛಾಯೈರ್ಮುಖೈಸ್ತ್ರೀಕ್ಷಣೈಃ ಯುಕ್ತಾಮಿಂದು ನಿಬದ್ಧ ರತ್ನಮಕುಟಾಂ ತತ್ತ್ವಾರ್ಥ ವರ್ಣಾತ್ಮಿಕಾಂ । ಗಾಯತ್ರೀಂ ವರದಾಭಯಾಂಕುಶ ಕಶಾಶ್ಶುಭ್ರಂಕಪಾಲಂ ಗದಾಂ ಶಂಖಂ ಚಕ್ರಮಥಾರವಿಂದಯುಗಳಂ ಹಸ್ತೈರ್ವಹಂತೀಂ ಭಜೇ ॥ ಯೋ ದೇವಸ್ಸವಿತಾಽಸ್ಮಾಕಂ ಧಿಯೋ ಧರ್ಮಾದಿಗೋಚರಾಃ ಪ್ರೇರಯೇತ್ತಸ್ಯ ಯದ್ಭರ್ಗಸ್ತದ್ವರೇಣ್ಯಮುಪಾಸ್ಮಹೇ ॥ ॥ ಅಷ್ಟಮುದ್ರಾ ಪ್ರದರ್​ಶನಂ ॥ ಸುರಭಿಃ ಜ್ಞಾನ ಚಕ್ರೇ ಚ ಯೋನಿಃ ಕೂರ್ಮೋಽಥ ಪಂಕಜಂ । ಲಿಂಗಂ ನಿರ್ಯಾಣ ಮುದ್ರಾ ಚೇತ್ಯಷ್ಟ ಮುದ್ರಾಃ ಪ್ರಕೀರ್ತಿತಾಃ । ತತ್ಸದ್ ಬ್ರಹ್ಮಾರ್ಪಣಮಸ್ತು ॥ ॥ ಸೂರ್ಯೋಪಸ್ಥಾನಂ ॥ (ಪ್ರಾತಃ ಕಾಲ) ಮಿ॒ತ್ರಸ್ಯ॑ ಚರ್ಷಣೀ॒ ಧೃತ॒ಶ್ಶ್ರವೋ॑ದೇ॒ವಸ್ಯ॑ ಸಾನ॒ಸಿಂ । ಸ॒ತ್ಯಂ ಚಿ॒ತ್ರಶ್ರ॑ವಸ್ತಮಂ ॥ ಮಿ॒ತ್ರೋ ಜನಾ॑ನ್ಯಾತಯತಿ ಪ್ರಜಾ॒ನನ್ಮಿತ್ರೋ ದಾ॑ಧಾರ ಪೃಥಿ॒ವೀ ಮು॒ತದ್ಯಾಂ । ಮಿ॒ತ್ರಃ ಕೃ॒ಷ್ಟೀರನಿ॑ಮಿಷಾ॒ಽಭಿಚ॑ಷ್ಟೇ ಸ॒ತ್ಯಾಯ॑ ಹ॒ವ್ಯಂ ಘೃ॒ತವ॑ದ್ವಿಧೇಮ । ಪ್ರ ಸ ಮಿ॑ತ್ರ॒ಮರ್ತೋ॑ ಅಸ್ತು॒ ಪ್ರಯ॑ಸ್ವಾ॒ನ್ಯಸ್ತ॑ ಆದಿತ್ಯ॒ಶ್ಶಿಕ್ಷ॑ತಿ ವ್ರ॒ತೇನ॑ । ನ ಹ॑ನ್ಯತೇ॒ ನ ಜೀ॑ಯತೇ॒ತ್ವೋತೋ॒ನೈನ॒ಮಗ್ಂಹೋ॑ ಅಶ್ನೋ॒ತ್ಯಂತಿ॑ತೋ॒ ನ ದೂ॒ರಾತ್ ॥ (ಮಧ್ಯಾಹ್ನ ಕಾಲ) ಆ ಸ॒ತ್ಯೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ॑ನ್ನ॒ಮೃತ॒o ಮರ್ತ್ಯ॑o ಚ । ಹಿ॒ರ॒ಣ್ಯಯೇ॑ನ ಸವಿ॒ತಾ ರಥೇ॒ನಾಽಽದೇ॒ವೋಯಾ॑ತಿ॒ ಭುವ॑ನಾವಿ॒ ಪಶ್ಯನ್॑ ॥ ಉದ್ವ॒ಯಂ ತಮ॑ಸ॒ಸ್ಪರಿ॒ ಪಶ್ಯಂ॑ತೋ ಜ್ಯೋತಿ॒ರುತ್ತ॑ರಂ । ದೇ॒ವಂ ದೇ॑ವ॒ತ್ರಾ ಸೂರ್ಯ॒ ಮಗ॑ನ್ಮ॒ ಜ್ಯೋತಿ॑ರುತ್ತ॒ಮಂ । ಉದು॒ ತ್ಯಂ ಜಾ॒ತ ವೇ॑ದಸಂ ದೇ॒ವಂ ವ॑ಹಂತಿ ಕೇ॒ತವ॑: ದೃ॒ಶೇ ವಿಶ್ವಾ॑ಯ॒ ಸೂರ್ಯಂ । ಚಿ॒ತ್ರಂ ದೇ॒ವಾನಾ॒ ಮುದ॑ಗಾ॒ ದನೀ॑ಕ॒o ಚಕ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ । ಆ ಪ್ರಾ॒ ದ್ಯಾವಾ॑ಪೃಥಿ॒ವೀ ಅಂ॒ತರಿ॑ಕ್ಷ॒ಗ್ಂ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ । ತಚ್ಚಕ್ಷು॑ರ್ದೇವ॒ಹಿ॑ತಂ ಪು॒ರಸ್ತಾ”ಚ್ಛು॒ಕ್ರಮು॒ಚ್ಚರ॑ತ್ । ಪಶ್ಯೇ॑ಮ ಶ॒ರದ॑ಶ್ಶ॒ತಂ ಜೀವೇ॑ಮ ಶ॒ರದ॑ಶ್ಶ॒ತಂ । ನಂದಾ॑ಮ ಶ॒ರದ॑ಶ್ಶ॒ತಂ ಮೋದಾ॑ಮ ಶ॒ರದ॑ಶ್ಶ॒ತಂ ಭವಾ॑ಮ ಶ॒ರದ॑ಶ್ಶ॒ತಗ್ಂ ಶೃ॒ಣವಾ॑ಮ ಶ॒ರದ॑ಶ್ಶ॒ತಂ ಪ್ರಬ್ರ॑ವಾಮ ಶ॒ರದ॑ಶ್ಶ॒ತಮಜೀ॑ತಾಸ್ಸ್ಯಾಮ ಶ॒ರದ॑ಶ್ಶ॒ತಂ ಜೋಕ್ಚ॒ ಸೂರ್ಯ॑o ದೃ॒ಶೇ । ಯ ಉದ॑ಗಾನ್ಮಹ॒ತೋಽರ್ಣವಾ”ದ್ವಿ॒ಭ್ರಾಜ॑ಮಾನಸ್ಸರಿ॒ರಸ್ಯ॒ ಮಧ್ಯಾ॒ಥ್ಸ ಮಾ॑ ವೃಷ॒ಭೋ ಲೋ॑ಹಿತಾ॒ಕ್ಷಸ್ಸೂರ್ಯೋ॑ ವಿಪ॒ಶ್ಚಿನ್ಮನ॑ಸಾ ಪುನಾತು ॥ (ಸಾಯಂ ಕಾಲ) ಇ॒ಮಂ ಮೇ॑ ವರುಣ ಶ್ರುಧೀ॒ ಹವ॑ ಮ॒ದ್ಯಾ ಚ॑ ಮೃಡಯ । ತ್ವಾಮ॑ವ॒ಸ್ಯು ರಾಚ॑ಕೇ । ತತ್ತ್ವಾ॑ ಯಾಮಿ॒ ಬ್ರಹ್ಮ॑ಣಾ॒ ವಂದ॑ಮಾನ॒ಸ್ತದಾ ಶಾ॑ಸ್ತೇ॒ ಯಜ॑ಮಾನೋ ಹ॒ವಿರ್ಭಿ॑: । ಆಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶಂಸ॒ ಮಾ ನ॒ ಆಯು॒: ಪ್ರಮೋ॑ಷೀಃ ॥ ಯಚ್ಚಿ॒ದ್ಧಿ ತೇ॒ ವಿಶೋ॑ ಯಥಾ॒ ಪ್ರ ದೇ॑ವ ವರುಣ ವ್ರ॒ತಂ । ಮಿ॒ನೀ॒ಮಸಿ॒ದ್ಯವಿ॑ದ್ಯವಿ । ಯತ್ಕಿಂಚೇ॒ದಂ ವ॒ರುಣ ದೈವ್ಯೇ॒ ಜನೇ॑ಽಭಿ ದ್ರೋ॒ಹಂ ಮ॑ನುಷ್ಯಾ”ಶ್ಚರಾ॑ಮಸಿ । ಅಚಿ॑ತ್ತೀ ಯ ತ್ತವ॒ ಧರ್ಮಾ॑ ಯುಯೋಪಿ॒ಮ ಮಾನ॒ಸ್ತಸ್ಮಾ॒ ದೇನ॑ಸೋ ದೇವ ರೀರಿಷಃ । ಕಿ॒ತ॒ವಾಸೋ॒ ಯದ್ರಿರಿ॑ಪುರ್ನದೀ॒ವಿ ಯದ್ವಾ॑ಽಘಾ ಸ॒ತ್ಯಮು॒ತ ಯನ್ನ ವಿ॒ದ್ಮ । ಸರ್ವಾ॒ ತಾ ವಿಷ್ಯ॑ ಶಿಥಿ॒ರೇವ ದೇ॒ವಾಥಾ॑ ತೇ ಸ್ಯಾಮ ವರುಣ ಪ್ರಿ॒ಯಾಸ॑: ॥ ॥ ದಿಙ್ನಮಸ್ಕಾರಃ ॥ ಓಂ ನಮ॒: ಪ್ರಾಚ್ಯೈ॑ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾ॒o ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮೋ॒ ನಮೋ॒ ದಕ್ಷಿ॑ಣಾಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾ॒o ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮೋ॒ । ನಮ॒: ಪ್ರತೀ”ಚ್ಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾ॒o ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮೋ॒ ನಮ॒ ಉದೀ”ಚ್ಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾ॒o ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮೋ॒ ನಮ॑ ಊ॒ರ್ಧ್ವಾಯೈ॑ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾ॒o ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮೋ॒ ನಮೋಽಧ॑ರಾಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾ॒o ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮೋ॒ ನಮೋ॑ಽವಾಂತ॒ರಾಯೈ॑ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾ॒o ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮಃ ॥ ॥ ಮುನಿ ನಮಸ್ಕಾರಃ ॥ ನಮೋ ಗಂಗಾಯಮುನಯೋರ್ಮಧ್ಯೇ ಯೇ॑ ವ॒ಸಂ॒ತಿ॒ ತೇ ಮೇ ಪ್ರಸನ್ನಾತ್ಮಾನಶ್ಚಿರಂಜೀವಿತಂ ವ॑ರ್ಧಯಂ॒ತಿ॒ ನಮೋ ಗಂಗಾಯಮುನಯೋರ್ಮುನಿ॑ಭ್ಯಶ್ಚ॒ ನಮೋ॒ ನಮೋ ಗಂಗಾಯಮುನಯೋರ್ಮುನಿ॑ಭ್ಯಶ್ಚ ನಮಃ । ॥ ದೇವತಾ ನಮಸ್ಕಾರಃ ॥ ಸಂಧ್ಯಾಯೈ ನಮಃ । ಸಾವಿತ್ರ್ಯೈ ನಮಃ । ಗಾಯತ್ರ್ಯೈ ನಮಃ । ಸರಸ್ವತ್ಯೈ ನಮಃ । ಸರ್ವಾಭ್ಯೋ ದೇವತಾ”ಭ್ಯೋ ನಮಃ । ದೇವೇಭ್ಯೋ ನಮಃ । ಋಷಿಭ್ಯೋ ನಮಃ । ಮುನಿಭ್ಯೋ ನಮಃ । ಗುರುಭ್ಯೋ ನಮಃ । ಪಿತೃಭ್ಯೋ ನಮಃ । ಮಾತೃಭ್ಯೋ ನಮಃ । ಕಾಮೋಽಕಾರಿಷೀ”ನ್ನಮೋ॒ ನಮಃ । ಮನ್ಯುರಕಾರಿಷೀ”ನ್ನಮೋ॒ ನಮಃ । ಪೃಥಿವ್ಯಾಪಸ್ತೇಜೋ ವಾಯುರಾಕಾಶಾತ್ । ಓಂ ನಮೋ ಭಗವತೇ ವಾಸುದೇವಾಯ । ಯಾಗ್ಂ ಸದಾ ಸರ್ವ ಭೂತಾನಿ ಚರಾಣಿ ಸ್ಥಾವರಾಣಿ ಚ ಸಾಯಂ ಪ್ರಾತರ್ನಮಸ್ತ್ಯಂತಿ ಸಾಮಾ ಸಂಧ್ಯಾಽಭಿರಕ್ಷತು ॥ ಶಿವಾಯ ವಿಷ್ಣುರೂಪಾಯ ಶಿವರೂಪಾಯ ವಿಷ್ಣವೇ । ಶಿವಸ್ಯ ಹೃದಯಂ ವಿಷ್ಣುರ್ವಿಷ್ಣೋಶ್ಚ ಹೃದಯಗ್ಂ ಶಿವಃ ॥ ಯಥಾ ಶಿವಮಯೋ ವಿಷ್ಣುರೇವಂ ವಿಷ್ಣುಮಯಶ್ಶಿವಃ । ಯಥಾಽನ್ತರಂ ನ ಪಶ್ಯಾಮಿ ತಥಾ ಮೇ” ಸ್ವಸ್ತಿರಾಯುಷಿ ॥ ನಮೋ ಬ್ರಹ್ಮಣ್ಯ ದೇವಾಯ ಗೋಬ್ರಾಹ್ಮಣ ಹಿತಾಯ ಚ । ಜಗದ್ಧಿತಾಯ ಕೃಷ್ಣಾಯ ಗೋವಿಂದಾಯ ನಮೋ ನಮಃ ॥ ॥ ಗಾಯತ್ರೀ ಪ್ರಸ್ಥಾನ ಪ್ರಾರ್ಥನಾ ॥ ಉ॒ತ್ತಮೇ॑ ಶಿಖ॑ರೇ ಜಾ॒ತೇ॒ ಭೂ॒ಮ್ಯಾಂ ಪ॑ರ್ವತ॒ಮೂರ್ಧ॑ನಿ ಬ್ರಾಹ್ಮಣೇ”ಭ್ಯೋಽಭ್ಯ॑ನುಜ್ಞಾ॒ತಾ॒ ಗ॒ಚ್ಛ ದೇ॑ವಿ ಯ॒ಥಾಸು॑ಖಂ ॥ ಸ್ತುತೋ ಮಯಾ ವರದಾ ವೇ॑ದಮಾ॒ತಾ॒ ಪ್ರಚೋದಯಂತೀ ಪವನೇ” ದ್ವಿಜಾ॒ತಾ । ಆಯುಃ ಪೃಥಿವ್ಯಾಂ ದ್ರವಿಣಂ ಬ್ರ॑ಹ್ಮವ॒ರ್ಚ॒ಸ॒o ಮಹ್ಯಂ ದತ್ವಾ ಪ್ರಜಾತುಂ ಬ್ರ॑ಹ್ಮಲೋ॒ಕಂ ॥ ನಮೋಽಸ್ತ್ವನಂತಾಯ ಸಹಸ್ರ ಮೂರ್ತಯೇ ಸಹಸ್ರ ಪಾದಾಕ್ಷಿ ಶಿರೋರು ಬಾಹವೇ । ಸಹಸ್ರನಾಮ್ನೇ ಪುರುಷಾಯ ಶಾಶ್ವತೇ ಸಹಸ್ರ ಕೋಟೀ ಯುಗಧಾರಿಣೇ ನಮಃ ॥ ಇದಂ ದ್ಯಾ॑ವಾ ಪೃಥಿವೀ ಸ॒ತ್ಯಮ॑ಸ್ತು । ಪಿತ॒ರ್ಮಾತ॒ರ್ಯದಿ॒ಹೋಪ॑ಬ್ರುವೇ ವಾಂ॑ । ಭೂ॒ತಂ ದೇ॒ವಾನಾ॑ ಮವ॒ಮೇ ಅವೋ॑ಭಿಃ । ವಿ॒ದ್ಯಾಮೇ॒ಷಂ ವೃ॒ಜಿ॑ನಂ ಜೀ॒ರದಾ॑ನುಂ । ಆಕಾಶಾತ್ಪತಿತಂ ತೋಯಂ ಯಥಾ ಗಚ್ಛತಿ ಸಾಗರಂ । ಸರ್ವದೇವ ನಮಸ್ಕಾರಃ ಕೇಶವಂ ಪ್ರತಿಗಚ್ಛತಿ ॥ ಸರ್ವವೇದೇಷು ಯತ್ಪುಣ್ಯಂ ಸರ್ವತೀರ್ಥೇಷು ಯತ್ಫಲಂ । ತತ್ಫಲಂ ಪುರುಷ ಆಪ್ನೋತಿ ಸ್ತುತ್ವಾ ದೇವಂ ಜನಾರ್ದನಂ ॥ ವಾಸನಾದ್ವಾಸುದೇವಸ್ಯ ವಾಸಿತಂ ತೇ ಜಗತ್ತ್ರಯಂ । ಸರ್ವಭೂತ ನಿವಾಸೋಽಸಿ ವಾಸುದೇವ ನಮೋಽಸ್ತುತೇ ॥ ॥ ಪ್ರವರ ॥ ಚತುಸ್ಸಾಗರ ಪರ್ಯಂತಂ ಗೋಬ್ರಾಹ್ಮಣೇಭ್ಯಃ ಶುಭಂ ಭವತು ॥ ………। ಪ್ರವರಾನ್ವಿತ …… ಗೋತ್ರಃ ಆಪಸ್ತಂಬ ಸೂತ್ರಃ …… ಶಾಖಾಧ್ಯಾಯೀ ……॥ ಶರ್ಮಾಽಹಂ ಭೋ ಅಭಿವಾದಯೇ ॥ ಆಚಮ್ಯ ॥ ಕಾಯೇನ ವಾಚಾ ಮನಸೇಂದ್ರಿಯೈರ್ವಾ ಬುದ್ಧ್ಯಾಽಽತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ ಕರೋಮಿ ಯದ್ಯತ್ಸಕಲಂ ಪರಸ್ಮೈ ನಾರಾಯಣಾಯೇತಿ ಸಮರ್ಪಯಾಮಿ ॥ ಶ್ರೀಮನ್ನಾರಾಯಣಾಯೇತಿ ಸಮರ್ಪಯಾಮಿ ॥ ಆಬ್ರಹ್ಮಲೋಕಾದಾಶೇಷಾದಾಲೋಕಾಲೋಕ ಪರ್ವತಾತ್ । ಯೇ ಸಂತಿ ಬ್ರಾಹಣಾ ದೇವಾಸ್ತೇಭ್ಯೋ ನಿತ್ಯಂ ನಮೋ ನಮಃ ॥ ಓಂ ಶಾಂತಿಃ ಶಾಂತಿಃ ಶಾಂತಿಃ ।