Haindavam

📍

Font Size:

Sandhya Vandanam - Rig Veda

śrī gurubhyo namaḥ । hariḥ om । śarīraśuddhiḥ ॥ apavitraḥ pavitro vā sarvāvasthāṃ gato'pi vā । yaḥ smaretpuṃḍarīkākṣaṃ sa bāhyābhyaṃtaraḥ śuciḥ ॥ puṃḍarīkākṣa puṃḍarīkākṣa puṃḍarīkākṣāya namaḥ । ācamya ॥ bhūtoccāṭanam ॥ uttiṣṭhaṃtu bhūtapiśācāḥ ya ete bhūmibhārakāḥ । eteṣāmavirodhena brahmakarma samārabhe ॥ āsana saṃskāram ॥ oṃ pṛthvīti maṃtrasya । merupṛṣṭha ṛṣiḥ । kūrmo devatā । sutalaṃ chaṃdaḥ । āsane viniyogaḥ । anaṃtāsanāya namaḥ । oṃ pṛthvi tvayā dhṛtā lokā devi tvaṃ-vim̐ṣṇunā dhṛtā । tvaṃ ca dhāraya māṃ devi pavitraṃ kuru cāsanam ॥ prāṇāyāmam ॥ praṇavasya parabrahma ṛṣiḥ । paramātmā devatā । daivī gāyatrī chaṃdaḥ । prāṇāyāme viniyogaḥ ॥ oṃ bhūḥ । oṃ bhuvaḥ । oṃ svaḥ । oṃ mahaḥ । oṃ janaḥ । oṃ tapaḥ । oṃ sa̱tyam । oṃ tatsa̍vi̱turvare̎ṇya̱ṃ bhargo̍ de̱vasya̍ dhīmahi dhīyo̱ yo na̍ḥ praco̱dayā̎t । oṃ āpo̱ jyotī̱ raso̱'mṛta̱ṃ brahma̱ bhurbhuva̱ssva̱rom ॥ saṃkalpam ॥ śrī śubhe śobhane muhūrte viṣṇorājñayā atra pṛthivyāṃ jaṃbūdvīpe bharatavarṣe bharatakhaṃḍe meroḥ dakṣiṇa digbhāge śrīśailasya …….. pradeśe, …….. nadyoḥ madhyadeśe lakṣmīnivāsa gṛhe, samasta devatā brāhmaṇa hariharasannidhau, ādya brahmaṇaḥ dvitīye parārthe śrī śvetavarāhakalpe vaivasvata manvaṃtare kaliyuge prathamapāde asmin vartamāna vyāvahārika cāṃdramānena śrī …… saṃvam̐tsare …… ayane …… ṛtau …… māse …… pakṣe …… tithau …… vāsare śubhanakṣatre śubhayoge śubhakaraṇa evaṃ guṇa viśeṣaṇa viśiṣṭāyāṃ śubhatithau śrīparameśvara prītyarthaṃ prātaḥ/mādhyāhnika/sāyaṃ saṃdhyāmupāśiṣye । mārjanam॥ āpohiṣṭheti tṛcasya aṃbarīṣaḥ siṃdhudvīpa ṛṣiḥ । āpo devatā । gāyatrī chaṃdaḥ । mārjane viniyogaḥ ॥ oṃ āpo̱ hiṣṭhā ma̍yo̱bhuva̍ḥ । tā na̍ ū̱rje da̍dhātana । ma̱heraṇā̍ya̱ cakṣa̍se । yo va̍ḥ śi̱vata̍mo̱ rasa̍ḥ । tasya̍ bhājayate̱ ha na̍ḥ । u̱śa̱tīri̍va mā̱ta̍raḥ । tasmā̱ ara̍ṃgamāmavaḥ । yasya̱ kṣayā̍ya̱ jinva̍tha । āpo̍ ja̱naya̍thā ca naḥ । maṃtrācamanam ॥ (prātaḥ kāle) sūryaścetyasya maṃtrasya । nārāyaṇa ṛṣiḥ । sūryamāmanyu manyupatayo rātrirdevatā । prakṛtiśchaṃdaḥ । maṃtrācamane viniyogaḥ ॥ oṃ sūryaśca mā manyuśca manyupatayaśca manyu̍ kṛte̱bhyaḥ । pāpebhyo̍ rakṣa̱ṃtām । yadrātriyā pāpa̍makā̱rṣam । manasā vācā̍ hastā̱bhyām । padbhyāmudare̍ṇa śi̱śnā । rātri̱stada̍valu̱ṃpatu । yatkiṃca̍ duri̱taṃ mayi̍ । idamahaṃ māmamṛ̍ta yo̱nau । sūrye jyotiṣi juho̍mi svā̱hā । (madhyāhna kāle) āpaḥ punaṃtvityasya maṃtrasya । pūta ṛṣiḥ । āpo devatā । aṣṭhī chaṃdaḥ । apāṃ prāśane viniyogaḥ । oṃ āpa̍ḥ punaṃtu pṛthi̱vīṃ pṛ̍thi̱vī pū̱tā pu̍nātu̱ mām । pu̱naṃtu̱ brahma̍ṇa̱spati̱rbrahma̍pū̱tā pu̍nātu̱ mām ॥ yaducchi̍ṣṭa̱mabho̎jya̱ṃ-yam̐dvā̍ du̱ścari̍ta̱ṃ mama̍ । sarva̍ṃ punaṃtu̱ māmāpo̍'sa̱tāṃ ca̍ prati̱graha̱ṃ svāhā̎ ॥ (sāyaṃ kāle) agniścetyasya maṃtrasya । nārāyaṇa ṛṣiḥ । agnimāmanyu manyupatayo ahardevatā । prakṛtiśchaṃdaḥ । maṃtrācamane viniyogaḥ ॥ oṃ agniśca mā manyuśca manyupatayaśca manyu̍ kṛte̱bhyaḥ । pāpebhyo̍ rakṣa̱ṃtām । yadahnā pāpa̍makā̱rṣam । manasā vācā̍ hastā̱bhyām । padbhyāmudare̍ṇa śi̱śnā । aha̱stada̍valu̱ṃpatu । yatkiṃca̍ duri̱taṃ mayi̍ । i̱dama̱haṃ māmamṛ̍ta yo̱nau । satye jyotiṣi juho̍mi svā̱hā । ācamya ॥ punarmārjanam ॥ āpohiṣṭheti navarcasya sūktasya । aṃbarīṣa siṃdhudvīpa ṛṣiḥ । āpo devatā । gāyatrī chaṃdaḥ । paṃcamī vardhamānā । saptamī pratiṣṭhā । aṃtye dve anuṣṭubhau । punarmārjane viniyogaḥ ॥ oṃ āpo̱ hiṣṭhā ma̍yo̱bhuva̍ḥ । tā na̍ ū̱rje da̍dhātana । ma̱heraṇā̍ya̱ cakṣa̍se । yo va̍ḥ śi̱vata̍mo̱ rasa̍ḥ । tasya̍ bhājayate̱ ha na̍ḥ । u̱śa̱tīri̍va mā̱ta̍raḥ । tasmā̱ ara̍ṃgamāmavaḥ । yasya̱ kṣayā̍ya̱ jinva̍tha । āpo̍ ja̱naya̍thā ca naḥ । oṃ śaṃ no̍ de̱vīra̱bhiṣṭa̍ya̱ āpo̍ bhavaṃtu pī̱taye̍ । śaṃ-yom̐ra̱bhi sra̍vaṃtu naḥ ॥ īśā̍nā̱ vāryā̍ṇā̱ṃ kṣaya̍ṃtīścarṣaṇī̱nām । a̱po yā̍cāmi bheṣa̱jam ॥ a̱psu me̱ somo̍ abravīda̱ṃtarviśvā̍ni bheṣa̱jā । a̱gniṃ ca̍ vi̱śvaśa̍ṃbhuvam ॥ āpa̍ḥ pṛṇī̱ta bhe̍ṣa̱jaṃ-vam̐rū̍thaṃ ta̱nve̱ 3̱ mama̍ । jyokca̱ sūrya̍ṃ dṛ̱śe ॥ i̱damā̍pa̱ḥ prava̍hata̱ yatkiṃ ca̍ duri̱taṃ mayi̍ । yadvā̱hama̍bhidu̱droha̱ yadvā̍ śe̱pa u̱tānṛ̍tam ॥ āpo̍ a̱dyānva̍cāriṣa̱ṃ rase̍na̱ sama̍gasmahi । paya̍svānagna̱ ā ga̍hi̱ taṃ mā̱ saṃ sṛ̍ja̱ varca̍sā ॥ sa̱sṛṣī̱stada̍paso̱ divā̱nakta̍ṃca sa̱sṛṣī̎ḥ । vare̍ṇya kra̱tūraha̍mā de̱vī̱ rava̍se huve ॥ pāpapuruṣa visarjanam ॥ ṛtaṃ cetyasya maṃtrasya । aghamarṣaṇa ṛṣiḥ । bhāvavṛtto devatā । anuṣṭup chaṃdaḥ । mama pāpapuruṣa jala visarjane viniyogaḥ ॥ oṃ ṛ̱taṃ ca̍ sa̱tyaṃ cā̱bhī̍ddhā̱ttapa̱so'dhya̍jāyata । tato̱ rātrya̍jāyata̱ tata̍ḥ samu̱dro a̍rṇa̱vaḥ । sa̱mu̱drāda̍rṇa̱vādadhi̍ saṃvam̐thsa̱ro a̍jāyata ॥ a̱ho̱rā̱trāṇi̍ vi̱dadha̱dviśva̍sya miṣa̱to va̱śī । sū̱ryā̱ca̱ṃdra̱masau̍ dhā̱tā ya̍thāpū̱rvama̍kalpayat । diva̍ṃ ca pṛthi̱vīṃ cā̱ṃtari̍kṣa̱matho̱ sva̍ḥ ॥ ācamya ॥ prāṇāyāmam ॥ arghyapradānam ॥ pūrvokta evaṃ guṇa viśeṣaṇa viśiṣṭāyāṃ śubhatithau śrīlakṣmīnārāyaṇa prītyarthaṃ prātaḥ/mādhyāhnika/sāyaṃ saṃdhyārghya pradānaṃ kariṣye ॥ (prātaḥ kāle) tatsaviturityasya maṃtrasya । viśvāmitra ṛṣiḥ । savitā devatā । gāyatrī chaṃdaḥ । prātaḥ saṃdhyārghyapradāne viniyogaḥ ॥ oṃ bhūrbhuva̱ḥ sva̍ḥ । tatsa̍vi̱turvare̍ṇya̱ṃ bhargo̍ de̱vasya̍ dhīmahi । dhiyo̱ yo na̍ḥ praco̱dayā̍t ॥ [ prātaḥ saṃdhyāṃga mukhyakālātikramaṇa doṣaparihārārthaṃ prāyaścittarghya pradānaṃ kariṣye । yadadyakaccetyasya maṃtrasya । kutsa ṛṣiḥ । savitā devatā । gāyatrī chaṃdaḥ । prātaḥ saṃdhyāṃga prāyaścittārghyapradāne viniyogaḥ । yada̱dya kacca̍ vṛtrahannu̱dagā̍ a̱bhisū̍rya । sarva̱ṃ tadi̍ṃdra te̱ vaśe̍ । ] (madhyāhna kāle) haṃsaśśuciṣadityasya maṃtrasya । gautamaputro vāmadeva ṛṣiḥ । sūryo devatā । jagatī chaṃdaḥ । mādhyāhnika saṃdhyārghya pradāne viniyogaḥ ॥ oṃ ha̱ṃsaśśu̍ci̱ṣadvasu̍raṃtarikṣa̱ saddho̍ tāvedi̱ṣadati̍thirduroṇa̱ sat । nṛ̱ṣadva̍ra̱ sadṛ̍ta̱ sadvyo̍ma̱ sada̱bjā go̱jā ṛ̍ta̱jā a̍dri̱jā ṛ̱taṃ bṛ̱hat । iti prathamārghyam ॥ ākṛṣṇenetyasya maṃtrasya । hiraṇya stūpa ṛṣiḥ । savitā devatā । triṣṭupchaṃdaḥ । mādhyāhnika saṃdhyārghya pradāne viniyogaḥ ॥ oṃ ākṛ̱ṣṇena̱ raja̍sā̱ varta̍māno nive̱śaya̍nna̱mṛta̱ṃ martya̍ṃca । hi̱ra̱ṇya ye̍na savi̱tā rathe̱nā''de̱vo yā̍ti̱bhuva̍nāni̱ paśyan̍ । iti dvitīyārghyam ॥ tatsaviturityasya maṃtrasya । viśvāmitra ṛṣiḥ । savitā devatā । gāyatrī chaṃdaḥ । mādhyāhnika saṃdhyārghyapradāne viniyogaḥ ॥ oṃ bhūrbhuva̱ḥ sva̍ḥ । tatsa̍vi̱turvare̍ṇya̱ṃ bhargo̍ de̱vasya̍ dhīmahi । dhiyo̱ yo na̍ḥ praco̱dayā̍t । iti tṛtīyārghyam ॥ [ mādhyāhnika saṃdhyāṃga mukhyakālātikramaṇa doṣaparihārārthaṃ prāyaścittarghya pradānaṃ kariṣye । prātardevītyasya maṃtrasya । abhitapa ṛṣiḥ । sūryo devatā । triṣṭup chaṃdaḥ । mādhyāhnika saṃdhyāṃga prāyaścittārghya pradāne viniyogaḥ । oṃ prā̱tarde̱vīmadi̍tiṃ johavīmi ma̱dhyaṃdi̍na̱ udi̍tā̱ sūrya̍sya । rā̱ye mi̍trā varuṇā sa̱rvatā̱te̍le to̱kāya̱ tana̍yāya̱ śaṃ-yoḥ m̐। ] (sāyaṃ kāle) tatsaviturityasya maṃtrasya । viśvāmitra ṛṣiḥ । savitā devatā । gāyatrī chaṃdaḥ । sāyaṃ saṃdhyārghyapradāne viniyogaḥ ॥ oṃ bhūrbhuva̱ḥ sva̍ḥ । tatsa̍vi̱turvare̍ṇya̱ṃ bhargo̍ de̱vasya̍ dhīmahi । dhiyo̱ yo na̍ḥ praco̱dayā̍t ॥ [ sāyaṃ saṃdhyāṃga mukhyakālātikramaṇa doṣaparihārārthaṃ prāyaścittarghya pradānaṃ kariṣye । udghedabhītyasya maṃtrasya । kutsa ṛṣiḥ । savitā devatā । gāyatrī chaṃdaḥ । sāyaṃ saṃdhyāṃga prāyaścittārghya pradāne viniyogaḥ । oṃ udgheda̱bhiśru̱tā ma̍ghaṃ-vṛm̐ṣa̱bhaṃ naryā̎pasam । astā̎ra meṣi sūrya । ] ātmapradakṣiṇa ॥ brahmaiva satyaṃ brahmaivāham । yosāvādityo hiraṇmayaḥ puruṣaḥ sa evāhamasmi । a̱sāvā̍di̱tyo bra̱hma ॥ ācamya ॥ prāṇāyāmam ॥ tarpaṇaṃ ॥ pūrvokta evaṃ guṇa viśeṣaṇa viśiṣṭāyāṃ śubhatithau śrīlakṣmīnārāyaṇa prītyarthaṃ prātaḥ/mādhyāhnika/sāyaṃ saṃdhyāṃga tarpaṇaṃ kariṣye । (prātaḥ kāle) saṃdhyāṃ tarpayāmi । gāyatrīṃ tarpayāmi । brāhmīṃ tarpayāmi । nimṛjīṃ tarpayāmi । (madhyāhna kāle) saṃdhyāṃ tarpayāmi । sāvitrīṃ tarpayāmi । raudrīṃ tarpayāmi । nimṛjīṃ tarpayāmi । (sāyaṃ kāle) saṃdhyāṃ tarpayāmi । sarasvatīṃ tarpayāmi । vaiṣṇavīṃ tarpayāmi । nimṛjīṃ tarpayāmi । gāyatrī āvāhanam ॥ omityekākṣa̍raṃ bra̱hma । agnirdevatā । brahma̍ ityā̱rṣam । gāyatrī chaṃdaḥ । paramātma̍ṃ sarū̱pam । sāyujyaṃ-vi̍m̐niyo̱gam । āyā̍tu̱ vara̍dā de̱vī̱ a̱kṣara̍ṃ brahma̱ sammi̍tam । gā̱ya̱trī̎ṃ chaṃda̍sāṃ mā̱tedaṃ bra̍hma ju̱ṣasva̍ me । yadahnā̎tkuru̍te pā̱pa̱ṃ tadahnā̎tprati̱ mucya̍te । yadrātriyā̎tkuru̍te pā̱pa̱ṃ tadrātriyā̎tprati̱ mucya̍te । sarva̍va̱rṇe ma̍hāde̱vi̱ sa̱ṃdhyā vi̍dye sa̱rasva̍ti । ojo̍'si̱ saho̍'si̱ balama̍si̱ bhrājo̍'si de̱vānā̱ṃ dhāma̱nāmā̍si viśva̍masi vi̱śvāyu̱ḥ sarva̍masi sa̱rvāyurabhibhūrom । gāyatrīmāvā̍hayā̱mi̱ । sāvitrīmāvā̍hayā̱mi̱ । sarasvatīmāvā̍hayā̱mi̱ । chaṃdarṣīnāvā̍hayā̱mi̱ । śriyamāvā̍hayā̱mi̱ । balamāvā̍hayā̱mi̱ । gāyatryā gāyatrī chaṃdo viśvāmitra ṛṣiḥ savitā devatā agnirmukhaṃ brahmā śiro viṣṇur hṛdayaṃ rudraḥ śikhā pṛthivī yoniḥ prāṇāpānavyānodāna samānā sa prāṇā śvetavarṇā sāṃkhyāyana sagotrā gāyatrī caturviṃśatyakṣarā tripadā̍ ṣaṭku̱kṣi̱ḥ paṃcaśīrṣopanayane vi̍niyo̱gaḥ ॥ pūrvokta evaṃ guṇa viśeṣaṇa viśiṣṭāyāṃ śubhatithau śrīlakṣmīnārāyaṇa prītyarthaṃ prātaḥ/mādhyāhnika/sāyaṃ saṃdhyāṃga yathāśakti gāyatrī mahāmaṃtrajapaṃ kariṣye ॥ karanyāsam ॥ oṃ tatsa̍vitu̱ḥ brahmātmane aṃguṣṭhābhyāṃ namaḥ । vare̎ṇya̱ṃ-vim̐ṣṇvātmane tarjanībhyāṃ namaḥ । bhargo̍ deva̱sya̍ rudrātmane madhyamābhyāṃ namaḥ । dhī̱mahi satyātmane anāmikābhyāṃ namaḥ । dhiyo̱ yo na̍ḥ jñānātmane kaniṣṭhikābhyāṃ namaḥ । praco̱dayā̎t sarvātmane karatala karapṛṣṭhābhyāṃ namaḥ । aṃganyāsam ॥ oṃ tatsavitu̱ḥ brahmātmane hṛdayāya namaḥ । vare̎ṇya̱ṃ-vim̐ṣṇvātmane śirase svāhā । bhargo̍ deva̱sya̍ rudrātmane śikhāyai vaṣaṭ । dhī̱mahi satyātmane kavacāya hum । dhiyo̱ yo na̍ḥ jñānātmane netratrayāya vauṣaṭ । praco̱dayā̎t sarvātmane astrāya phaṭ । bhūrbhuva̱ssvaroṃ iti digbaṃdhaḥ ॥ dhyānam ॥ muktā vidruma hemanīla dhavalacchāyairmukhaistrīkṣaṇaiḥ yuktāmiṃdu nibaddha ratnamakuṭāṃ tattvārtha varṇātmikām । gāyatrīṃ-vam̐radābhayāṃkuśa kaśāśśubhraṃkapālaṃ gadāṃ śaṃkhaṃ cakramathāraviṃdayugalaṃ hastairvahaṃtīṃ bhaje ॥ dhyeyassadā savitṛmaṃḍalamadhyavartī nārāyaṇassarasijāsana sanniviṣṭaḥ । keyūravān makarakuṃḍalavān kirīṭī hārī hiraṇmaya vapurdhṛtaśaṃkhacakraḥ ॥ mudrāpradarśanam ॥ sumukhaṃ saṃpuṭaṃ caiva vitataṃ-vim̐stṛtaṃ tathā । dvimukhaṃ trimukhaṃ caiva catuḥ paṃcamukhaṃ tathā । ṣaṇmukho'dhomukhaṃ caiva vyāpikāṃjalikaṃ tathā । śakaṭaṃ-yam̐mapāśaṃ ca grathitaṃ sammukhonmukham । pralaṃbaṃ muṣṭikaṃ caiva matsyaḥ kūrmo varāhakam । siṃhākrāṃtaṃ mahākrāṃtaṃ mudgaraṃ pallavaṃ tathā । caturviṃśati mudrā vai gāyatryāṃ supratiṣṭhitāḥ । iti mudrā na jānāti gāyatrī niṣphalābhavet ।] gāyatrī maṃtram ॥ oṃ bhūrbhuva̱ḥ sva̍ḥ । tatsa̍vitu̱rvare̎ṇya̱m । bha̱rgo̍ de̱vasya̍ dhī̱mahi । dhiyo̱ yo na̍ḥ praco̱dayā̎t ॥ karanyāsam ॥ oṃ tatsa̍vitu̱ḥ brahmātmane aṃguṣṭhābhyāṃ namaḥ । vare̎ṇya̱ṃ-vim̐ṣṇvātmane tarjanībhyāṃ namaḥ । bhargo̍ deva̱sya̍ rudrātmane madhyamābhyāṃ namaḥ । dhī̱mahi satyātmane anāmikābhyāṃ namaḥ । dhiyo̱ yo na̍ḥ jñānātmane kaniṣṭhikābhyāṃ namaḥ । praco̱dayā̎t sarvātmane karatala karapṛṣṭhābhyāṃ namaḥ । aṃganyāsam ॥ oṃ tatsavitu̱ḥ brahmātmane hṛdayāya namaḥ । vare̎ṇya̱ṃ-vim̐ṣṇvātmane śirase svāhā । bhargo̍ deva̱sya̍ rudrātmane śikhāyai vaṣaṭ । dhī̱mahi satyātmane kavacāya hum । dhiyo̱ yo na̍ḥ jñānātmane netratrayāya vauṣaṭ । praco̱dayā̎t sarvātmane astrāya phaṭ । bhūrbhuva̱ssvaroṃ iti digvimokaḥ ॥ uttaramudrā pradarśanam ॥ surabhiḥ jñāna cakraṃ ca yoniḥ kūrmo'tha paṃkajam । liṃgaṃ niryāṇa mudrā cetyaṣṭamudrāḥ prakīrtitāḥ ।] sūryopasthānam ॥ jātavedasetyasya maṃtrasya kaśyapa ṛṣiḥ । durgājātavedāgnirdevatā । triṣṭup chaṃdaḥ । sūryopasthāne viniyogaḥ । oṃ jā̱tave̎dase sunavāma̱ soma̍marātīya̱to nida̍hāti̱ veda̍ḥ । sa na̍ḥ parṣa̱dati̍ du̱rgāṇi̱ viśvā̎ nā̱veva̱ siṃdhu̎ṃ duri̱tā'tya̱gniḥ ॥ tryaṃbakamiti maṃtrasya । maitrā varuṇirvasiṣṭha ṛṣiḥ । rudro devatā । anuṣṭup chaṃdaḥ । upasthāne viniyogaḥ । oṃ trya̍ṃbakaṃ-yam̐jāmahe su̱gaṃdhi̍ṃ puṣṭi̱vardha̍nam । u̱rvā̱ru̱kami̍va̱ baṃdha̍nānmṛ̱tyormṛ̍kṣīya̱ mā'mṛtā̍t । [tacchaṃyom̐rityasya maṃtrasya । śamyura ṛṣiḥ । viśvedevāḥ devatā । śakvarī chaṃdaḥ । śāṃtyarthe upasthāne viniyogaḥ । oṃ taccha̱ṃ-yom̐rāvṛ̍ṇīmahe । gā̱tuṃ-ya̱m̐jñāya̍ । gā̱tuṃ-ya̱m̐jña̍pataye । daivī̎ḥ sva̱stira̍stu naḥ । sva̱stirmānu̍ṣebhyaḥ । ū̱rdhvaṃ ji̍gātu bheṣa̱jam । śaṃ no̎ astu dvi̱pade̱ । śaṃ catu̍ṣpade ।] namo brahmaṇe ityasya maṃtrasya prajāpati ṛṣiḥ viśvedevāḥ devatā । jagatīḥ chaṃdaḥ pradakṣiṇe viniyogaḥ । oṃ namo̎ bra̱hmaṇe̱ namo̎'stva̱gnaye̱ nama̍ḥ pṛthi̱vyai nama̱ oṣa̍dhībhyaḥ । namo̎ vā̱ce namo̎ vā̱caspa̍taye̱ namo̱ viṣṇa̍ve maha̱te ka̍romi ॥ digdevatā namaskāraḥ ॥ oṃ nama̱ḥ prācyai̍ di̱śe yāśca̍ de̱vatā̍ e̱tasyā̱ṃ prati̍vasaṃtye̱ tābhya̍śca̱ namaḥ । oṃ namo̱ dakṣi̍ṇāyai di̱śe yāśca̍ de̱vatā̍ e̱tasyā̱ṃ prati̍vasaṃtye̱ tābhya̍śca̱ namaḥ । oṃ nama̱ḥ pratī̎cyai di̱śe yāśca̍ de̱vatā̍ e̱tasyā̱ṃ prati̍vasaṃtye̱ tābhya̍śca̱ namaḥ । oṃ nama̱ udī̎cyai di̱śe yāśca̍ de̱vatā̍ e̱tasyā̱ṃ prati̍vasaṃtye̱ tābhya̍śca̱ namaḥ । oṃ nama̍ ū̱rdhvā̍yai di̱śe yāśca̍ de̱vatā̍ e̱tasyā̱ṃ prati̍vasaṃtye̱ tābhya̍śca̱ namaḥ । oṃ namo'dha̍rāyai di̱śe yāśca̍ de̱vatā̍ e̱tasyā̱ṃ prati̍vasaṃtye̱ tābhya̍śca̱ namaḥ । oṃ namo̍'vāṃta̱rāyai̍ di̱śe yāśca̍ de̱vatā̍ e̱tasyā̱ṃ prati̍vasaṃtye̱ tābhya̍śca̱ namaḥ ॥ ṛṣi devatādi namaskāraḥ ॥ namo gaṃgāyamunayormadhye ye̍ va̱saṃti̱ te me prasannātmānaściraṃ jīvitaṃ-va̍m̐rdhaya̱ṃti̱ namo gaṃgāyamunayormuni̍bhyaśca̱ namo̱ namo gaṃgāyamunayormuni̍bhyaśca namaḥ । oṃ saṃdhyā̍yai namaḥ । sāvi̍tryai namaḥ । gāya̍tryai namaḥ । sara̍svatyai namaḥ । sarvā̎bhyo de̱vatā̎bhyo̱ namaḥ । de̱vebhyo̱ namaḥ । ṛṣi̍bhyo̱ namaḥ । muni̍bhyo̱ namaḥ । guru̍bhyo̱ namaḥ । mātṛ̍bhyo̱ namaḥ । pitṛ̍bhyo̱ namaḥ । kāmo'kāriṣī̎nnamo̱ namaḥ । manyurakāriṣī̎nnamo̱ namaḥ । yā̱ṃ sadā̍ sarva̍bhūtā̱ni̱ ca̱rā̍ṇi sthā̱varā̍ṇi ca । sāya̍ṃ prā̱tarna̍masya̱ṃti sā̱mā̱ saṃdhyā̍'bhira̍kṣatu ॥ devatā smaraṇam ॥ brahmaṇyo devakīputro brahmaṇyo madhusūdanaḥ । brahmaṇyaḥ puṃḍarīkākṣo brahmaṇyo viṣṇuracyutaḥ ॥ namo brahmaṇyadevāya gobrāhmaṇahitāya ca । jagaddhitāya kṛṣṇāya goviṃdāya namo namaḥ ॥ kṣīreṇa snāpite devī caṃdanena vilepite । bilvapatrārcite devī durge'haṃ śaraṇaṃ gataḥ ॥ gāyatrī prasthāna prārthanā ॥ u̱ttame̍ śikha̍re jā̱te̱ bhū̱myāṃ pa̍rvata̱ mūrdha̍ni । brā̱hmaṇe̍bhyo'bhya̍nujñā̱tā̱ ga̱cchade̍vi ya̱thā su̍kham ॥ stuto mayā varadā ve̍damā̱tā̱ pracodayaṃtī pavane̎ dvijā̱tā । āyuḥ pṛthivyāṃ draviṇaṃ bra̍hmava̱rcasaṃ mahyaṃ datvā prayātuṃ bra̍hmalo̱kam ॥ nārāyaṇa namaskṛti ॥ namo'stvanaṃtāya sahasra mūrtaye sahasra pādākṣi śiroru bāhave । sahasranāmne puruṣāya śāśvate sahasra koṭī yugadhāriṇe namaḥ ॥ bhūmyākāśābhivaṃdanam ॥ i̱daṃ dyā̍vā pṛthi̱vī sa̱tyama̍stu । pita̱rmāta̱ryadi̱hopa̍bruve vā̍m । bhū̱taṃ de̱vānā̍mava̱me avo̍bhiḥ । vidyāme̱ṣaṃ-vṛ̱m̐ji̍naṃ jī̱radā̍num । ākāśātpatitaṃ toyaṃ-yam̐thā gacchati sāgaram । sarvadeva namaskāraḥ keśavaṃ pratigacchati ॥ sarvavedeṣu yatpuṇyaṃ sarvatīrtheṣu yatphalam । tatphalaṃ samavāpnoti stutvā devaṃ janārdanam ॥ vāsanādvāsudevasya vāsitaṃ te jagattrayam । sarvabhūta nivāso'si vāsudeva namo'stu te ॥ abhivādanam ॥ catussāgara paryaṃtaṃ gobrāhmaṇebhyaḥ śubhaṃ bhavatu ॥ …… pravarānvita …… sa gotraḥ āśvalāyanasūtraḥ ṛk śākhādhyāyī …….. śarmā'haṃ bho abhivādaye ॥ ācamya ॥ samarpaṇam ॥ yasya smṛtyāca nāmoktyā tapaḥ saṃdhyā kriyādiṣu । nyūnaṃ saṃpūrṇatāṃ-yām̐ti sadyovaṃde tamacyutam ॥ maṃtrahīnaṃ kriyāhīnaṃ bhaktihīnaṃ ramāpate । yatkṛtaṃ tu mayādeva paripūrṇaṃ tadastu te ॥ anena prātaḥ/mādhyāhnika/sāyaṃ saṃdhyāvaṃdanena bhagavān sarvātmakaḥ śrī lakṣmīnārāyaṇaḥ prīyatām । suprīto varado bhavatu । ābrahmalokādāśeṣādālokāloka parvatāt । ye saṃti brāhaṇā devāstebhyo nityaṃ namo namaḥ ॥ kāyena vācā manaseṃdriyairvā buddhyātmanā vā prakṛteḥ svabhāvāt । karomi yadyatsakalaṃ parasmai nārāyaṇāyeti samarpayāmi ॥ sarvaṃ śrīmannārāyaṇārpaṇamastu ॥