ఓం బ్రహ్మ॑మేతు॒ మాం । మధు॑మేతు॒ మాం । బ్రహ్మ॑మే॒వ మధు॑మేతు॒ మాం । యాస్తే॑ సోమ ప్ర॒జా వ॒థ్సోఽభి॒ సో అ॒హం । దుష్ష్వ॑ప్న॒హందు॑రుష్వ॒హ । యాస్తే॑ సోమ ప్రా॒ణాగ్ంస్తాంజు॑హోమి । త్రిసు॑పర్ణ॒మయా॑చితం బ్రాహ్మ॒ణాయ॑ దద్యాత్ । బ్ర॒హ్మ॒హ॒త్యాం-వాఀ ఏ॒తే ఘ్నం॑తి । యే బ్రా᳚హ్మ॒ణాస్త్రిసు॑పర్ణం॒ పఠం॑తి । తే సోమం॒ ప్రాప్ను॑వంతి । ఆ॒స॒హ॒స్రాత్పం॒క్తిం పునం॑తి । ఓం ॥ 1 బ్రహ్మ॑ మే॒ధయా᳚ । మధు॑ మే॒ధయా᳚ । బ్రహ్మ॑మే॒వ మధు॑ మే॒ధయా᳚ । అ॒ద్యా నో॑ దేవ సవితః ప్ర॒జావ॑త్సావీ॒స్సౌభ॑గం । పరా॑ దు॒ష్వప్ని॑యగ్ం సువ । విశ్వా॑ని దేవ సవితర్దురి॒తాని॒ పరా॑సువ । యద్భ॒ద్రం తన్మ॒ ఆసు॑వ । మధు॒ వాతా॑ ఋతాయ॒తే మధు॑ క్షరంతి॒ సింధ॑వః । మాధ్వీ᳚ర్నస్సం॒త్వోష॑ధీః । మధు॒ నక్త॑ము॒తోషసి॒ మధు॑మ॒త్పార్థి॑వ॒గ్ం॒ రజః॑ । మధు॒ ద్యౌర॑స్తు నః పి॒తా । మధు॑ మాన్నో॒ వన॒స్పతి॒ర్మధు॑మాగ్ం అస్తు॒ సూర్యః॑ । మాధ్వీ॒ర్గావో॑ భవంతు నః । య ఇ॒మం త్రిసు॑పర్ణ॒మయా॑చితం బ్రాహ్మ॒ణాయ॑ దద్యాత్ । భ్రూ॒ణ॒హ॒త్యాం-వాఀ ఏ॒తే ఘ్నం॑తి । యే బ్రా᳚హ్మ॒ణాస్త్రిసు॑పర్ణం॒ పఠం॑తి । తే సోమం॒ ప్రాప్ను॑వంతి । ఆ॒స॒హ॒స్రాత్పం॒క్తిం పునం॑తి । ఓం ॥ 2 బ్రహ్మ॑ మే॒ధవా᳚ । మధు॑ మే॒ధవా᳚ । బ్రహ్మ॑మే॒వ మధు॑ మే॒ధవా᳚ । బ్ర॒హ్మా దే॒వానాం᳚ పద॒వీః క॑వీ॒నామృషి॒ర్విప్రా॑ణాం మహి॒షో మృ॒గాణాం᳚ । శ్యే॒నో గృద్ధ్రా॑ణా॒గ్ం॒ స్వధి॑తి॒ర్వనా॑నా॒గ్ం॒ సోమః॑ ప॒విత్ర॒మత్యే॑తి॒ రేభన్న్॑ । హ॒గ్ం॒సశ్శు॑చి॒షద్వసు॑రంతరిక్ష॒సద్ధోతా॑ వేది॒షదతి॑థిర్దురోణ॒సత్ । నృ॒షద్వ॑ర॒సదృ॑త॒సద్వ్యో॑మ॒సద॒బ్జా గో॒జా ఋ॑త॒జా అ॑ద్రి॒జా ఋ॒తం బృ॒హత్ । ఋ॒చే త్వా॑ రు॒చే త్వా॒ సమిత్స్ర॑వంతి స॒రితో॒ న ధేనాః᳚ । అం॒తర్​హృ॒దా మన॑సా పూ॒యమా॑నాః । ఘృ॒తస్య॒ ధారా॑ అ॒భిచా॑కశీమి । హి॒ర॒ణ్యయో॑ వేత॒సో మద్ధ్య॑ ఆసాం । తస్మిం᳚థ్​సుప॒ర్ణో మ॑ధు॒కృత్ కు॑లా॒యీ భజ॑న్నాస్తే॒ మధు॑ దే॒వతా᳚భ్యః । తస్యా॑సతే॒ హర॑యస్స॒ప్త తీరే᳚ స్వ॒ధాం దుహా॑నా అ॒మృత॑స్య॒ ధారాం᳚ । య ఇ॒దం త్రిసు॑పర్ణ॒మయా॑చితం బ్రాహ్మ॒ణాయ॑ దద్యాత్ । వీ॒ర॒హ॒త్యాం-వాఀ ఏ॒తే ఘ్నంతి । యే బ్రా᳚హ్మ॒ణాస్త్రిసు॑పర్ణం॒ పఠం॑తి । తే సోమం॒ ప్రాప్ను॑వంతి । ఆ॒స॒హ॒స్రాత్పం॒క్తిం పునం॑తి । ఓం ॥ 3 ఓం శాంతిః॒ శాంతిః॒ శాంతిః॑ ॥