ఆ నో᳚ భ॒ద్రాః క్రత॑వో యంతు వి॒శ్వతోఽద॑బ్ధాసో॒ అప॑రీతాస ఉ॒ద్భిదః॑ । దే॒వా నో॒ యథా॒ సద॒మిద్ వృ॒ధే అస॒న్నప్రా᳚యువో రక్షి॒తారో᳚ ది॒వేది॑వే ॥ దే॒వానాం᳚ భ॒ద్రా సు॑మ॒తిరృ॑జూయ॒తాం దే॒వానాం᳚ రా॒తిర॒భి నో॒ ని వ॑ర్తతాం । దే॒వానాం᳚ స॒ఖ్యముప॑ సేదిమా వ॒యం దే॒వా న॒ ఆయుః॒ ప్రతి॑రంతు జీ॒వసే॑ ॥ తాన్పూర్వ॑యా ని॒విదా᳚ హూమహే వ॒యం భగం᳚ మి॒త్రమది॑తిం॒ దక్ష॑మ॒స్రిధం᳚ । అ॒ర్య॒మణం॒ వరు॑ణం॒ సోమ॑మ॒శ్వినా॒ సర॑స్వతీ నః సు॒భగా॒ మయ॑స్కరత్ ॥ తన్నో॒ వాతో᳚ మయో॒భువా᳚తు భేష॒జం తన్మా॒తా పృ॑థి॒వీ తత్పి॒తా ద్యౌః । తద్ గ్రావా᳚ణః సోమ॒సుతో᳚ మయో॒భువ॒స్తద॑శ్వినా శృణుతం ధిష్ణ్యా యు॒వం ॥ తమీశా᳚నం॒ జగ॑తస్త॒స్థుష॒స్పతిం᳚ ధియంజి॒న్వమవ॑సే హూమహే వ॒యం । పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధః స్వ॒స్తయే᳚ ॥ స్వ॒స్తి న॒ ఇంద్రో᳚ వృ॒ద్ధశ్ర॑వాః స్వ॒స్తి నః॑ పూ॒షా వి॒శ్వవే᳚దాః । స్వ॒స్తి న॒స్తార్క్ష్యో॒ అరి॑ష్టనేమిః స్వ॒స్తి నో॒ బృహ॒స్పతి॑ర్దధాతు ॥ పృష॑దశ్వా మ॒రుతః॒ పృశ్ని॑మాతరః శుభం॒యావా᳚నో వి॒దథే᳚షు॒ జగ్మ॑యః । అ॒గ్ని॒జి॒హ్వా మన॑వః॒ సూర॑చక్షసో॒ విశ్వే᳚ నో దే॒వా అవ॒సా గ॑మన్ని॒హ ॥ భ॒ద్రం కర్ణే᳚భిః శృణుయామ దేవా భ॒ద్రం ప॑శ్యేమా॒క్షభి॑ర్యజత్రాః । స్థి॒రైరంగై᳚స్తుష్టు॒వాంస॑స్త॒నూభి॒ర్వ్య॑శేమ దే॒వహి॑తం॒ యదాయుః॑ ॥ శ॒తమిన్ను శ॒రదో॒ అంతి॑ దేవా॒ యత్రా᳚ నశ్చ॒క్రా జ॒రసం᳚ త॒నూనాం᳚ । పు॒త్రాసో॒ యత్ర॑ పి॒తరో॒ భవం᳚తి॒ మా నో᳚ మ॒ధ్యా రీ᳚రిష॒తాయు॒ర్గంతోః᳚ ॥ అది॑తి॒ర్ద్యౌరది॑తిరం॒తరి॑క్ష॒మది॑తిర్మా॒తా స పి॒తా స పు॒త్రః । విశ్వే᳚ దే॒వా అది॑తిః॒ పంచ॒ జనా॒ అది॑తిర్జా॒తమది॑తి॒ర్జని॑త్వం ॥ (శుక్ల యజుర్వేద 25 । 14-23) ద్యౌః శాంతి॑రం॒తరి॑క్ష॒ꣳ శాంతిః॑ పృథి॒వీ శాంతి॒రాపః॒ శాంతి॒రోష॑ధయః॒ శాంతిః॑ । వన॒స్పత॑యః॒ శాంతి॒ర్విశ్వే᳚దే॒వాః శాంతి॒ర్బ్రహ్మ॒ శాంతిః॒ సర్వ॒ꣳ శాంతిః॒ శాంతి॑రే॒వ శాంతిః॒ సా మా॒ శాంతి॑రేధి ॥ (శుక్ల యజుర్వేద 36 । 17) యతో᳚యతః స॒మీహ॑సే॒ తతో᳚ నో॒ఽభ॑యంకురు । శన్నః॑ కురుప్ర॒జాభ్యోఽభ॑యన్నః ప॒శుభ్యః॑ ॥ సుశాంతిర్భవతు ॥ (శుక్ల యజుర్వేద 36 । 22) గణానాం᳚ త్వా గ॒ణప॑తిꣳ హవామహే ప్రి॒యాణాం᳚ త్వా ప్రి॒యప॑తిꣳ హవామహే నిధి॒నాంతవా᳚నిధి॒పతి॑ꣳ హవామహే వసోమమ । ఆహమ॑జానిగర్భ॒ధమాత్వమ॑జాసిగర్భ॒ధం ॥ అంబే॒ఽమ్బి॒కేఽమ్బా᳚లికే॒నమా᳚నయతి॒కశ్చ॒న । సస॑స్త్యశ్వ॒కః సుభ॑ద్రికాంకాంపీలవా॒సినీం᳚ ॥