ശ്ര॒ദ്ധയാ॒ഗ്നിഃ സമി॑ധ്യതേ ശ്ര॒ദ്ധയാ॑ ഹൂയതേ ഹ॒വിഃ । ശ്ര॒ദ്ധാം ഭഗ॑സ്യ മൂ॒ർധനി॒ വച॒സാ വേ॑ദയാമസി ॥ 1 പ്രി॒യം ശ്ര॑ദ്ധേ॒ ദദ॑തഃ പ്രി॒യം ശ്ര॑ദ്ധേ॒ ദിദാ॑സതഃ । പ്രി॒യം ഭോ॒ജേഷു॒ യജ്വ॑സ്വി॒ദം മ॑ ഉദി॒തം കൃ॑ധി ॥ 2 യഥാ॑ ദേ॒വാ അസു॑രേഷു ശ്ര॒ദ്ധാമു॒ഗ്രേഷു॑ ചക്രി॒രേ । ഏ॒വം ഭോ॒ജേഷു॒ യജ്വ॑സ്വ॒സ്മാക॑മുദി॒തം കൃ॑ധി ॥ 3 ശ്ര॒ദ്ധാം ദേ॒വാ യജ॑മാനാ വാ॒യുഗോ॑പാ॒ ഉപാ॑സതേ । ശ്ര॒ദ്ധാം ഹൃ॑ദ॒യ്യ॑യാ॒ഽഽകൂ॑ത്യാ ശ്ര॒ദ്ധയാ॑ വിന്ദതേ॒ വസു॑ ॥ 4 ശ്ര॒ദ്ധാം പ്രാ॒തർഹ॑വാമഹേ ശ്ര॒ദ്ധാം മ॒ധ്യന്ദി॑നം॒ പരി॑ । ശ്ര॒ദ്ധാം സൂര്യ॑സ്യ നി॒മ്രുചി॒ ശ്രദ്ധേ॒ ശ്രദ്ധാ॑പയേ॒ഹ ന॑: ॥ 5