ഓം ശം നോ॑ മി॒ത്രശ്ശം-വഁരു॑ണഃ । ശം നോ॑ ഭവത്വര്യ॒മാ । ശം ന॒ ഇന്ദ്രോ॒ ബൃഹ॒സ്പതിഃ॑ । ശം നോ॒ വിഷ്ണു॑രുരുക്ര॒മഃ । നമോ॒ ബ്രഹ്മ॑ണേ । നമ॑സ്തേ വായോ । ത്വമേ॒വ പ്ര॒ത്യക്ഷം॒ ബ്രഹ്മാ॑സി । ത്വമേ॒വ പ്ര॒ത്യക്ഷം॒ ബ്രഹ്മ॑ വദിഷ്യാമി । ഋ॒തം-വഁ॑ദിഷ്യാമി । സ॒ത്യം-വഁ॑ദിഷ്യാമി । തന്മാമ॑വതു । തദ്വ॒ക്താര॑മവതു । അവ॑തു॒ മാം । അവ॑തു വ॒ക്താരം᳚ । ഓം ശാന്തിഃ॒ ശാന്തിഃ॒ ശാന്തിഃ॑ ॥ 1 ॥ ശം നോ॑ മി॒ത്രശ്ശം-വഁരു॑ണഃ । ശം നോ॑ ഭവത്വര്യ॒മാ । ശം ന॒ ഇന്ദ്രോ॒ ബൃഹ॒സ്പതിഃ॑ । ശം നോ॒ വിഷ്ണു॑രുരുക്ര॒മഃ । നമോ॒ ബ്രഹ്മ॑ണേ । നമ॑സ്തേ വായോ । ത്വമേ॒വ പ്ര॒ത്യക്ഷം॒ ബ്രഹ്മാ॑സി । ത്വാമേ॒വ പ്ര॒ത്യക്ഷം॒ ബ്രഹ്മാവാ॑ദിഷം । ഋ॒തമ॑വാദിഷം । സ॒ത്യമ॑വാദിഷം । തന്മാമാ॑വീത് । തദ്വ॒ക്താര॑മാവീത് । ആവീ॒ന്മാം । ആവീ᳚ദ്വ॒ക്താരം᳚ । ഓം ശാന്തിഃ॒ ശാന്തിഃ॒ ശാന്തിഃ॑ ॥ 2 ॥ ഓം സ॒ഹ നാ॑വവതു । സ॒ഹ നൗ॑ ഭുനക്തു । സ॒ഹ വീ॒ര്യം॑ കരവാവഹൈ । തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ । ഓം ശാന്തിഃ॒ ശാന്തിഃ॒ ശാന്തിഃ॑ ॥ 3 ॥ നമോ॑ വാ॒ചേ യാ ചോ॑ദി॒താ യാ ചാനു॑ദിതാ॒ തസ്യൈ॑ വാ॒ചേ നമോ॒ നമോ॑ വാ॒ചേ നമോ॑ വാ॒ചസ്പത॑യേ॒ നമ॒ ഋഷി॑ഭ്യോ മന്ത്ര॒കൃദ്ഭ്യോ॒ മന്ത്ര॑പതിഭ്യോ॒ മാ മാമൃഷ॑യോ മന്ത്ര॒കൃതോ॑ മന്ത്ര॒പത॑യഃ॒ പരാ॑ദു॒ർമാ-ഽഹമൃഷീ᳚ൻ മന്ത്ര॒കൃതോ॑ മന്ത്ര॒പതീ॒ൻ പരാ॑ദാം-വൈഁശ്വദേ॒വീം-വാഁച॑മുദ്യാസഗ്ം ശി॒വാ മദ॑സ്താം॒ജുഷ്ടാം᳚ ദേ॒വേഭ്യഃ॒ ശർമ॑ മേ॒ ദ്യൗഃ ശർമ॑ പൃഥി॒വീ ശർമ॒ വിശ്വ॑മി॒ദം ജഗ॑ത് । ശർമ॑ ചം॒ദ്രശ്ച॒ സൂര്യ॑ശ്ച॒ ശർമ॑ ബ്രഹ്മ പ്രജാപ॒തീ । ഭൂ॒തം-വഁ॑ദിഷ്യേ॒ ഭുവ॑നം-വഁദിഷ്യേ॒ തേജോ॑ വദിഷ്യേ॒ യശോ॑ വദിഷ്യേ॒ തപോ॑ വദിഷ്യേ॒ ബ്രഹ്മ॑ വദിഷ്യേ സ॒ത്യം-വഁ॑ദിഷ്യേ॒ തസ്മാ॑ അ॒ഹമി॒ദ-മു॑പ॒സ്തര॑ണ॒-മുപ॑സ്തൃണ ഉപ॒സ്തര॑ണം മേ പ്ര॒ജായൈ॑ പശൂ॒നാം ഭൂ॑യാദുപ॒സ്തര॑ണമ॒ഹം പ്ര॒ജായൈ॑ പശൂ॒നാം ഭൂ॑യാസം॒ പ്രാണാ॑പാനൗ മൃ॒ത്യോർമാ॑പാതം॒ പ്രാണാ॑പാനൗ॒ മാ മാ॑ ഹാസിഷ്ടം॒ മധു॑ മനിഷ്യേ॒ മധു॑ ജനിഷ്യേ॒ മധു॑ വക്ഷ്യാമി॒ മധു॑ വദിഷ്യാമി॒ മധു॑മതീം ദേ॒വേഭ്യോ॒ വാച॑മുദ്യാസഗ്ം ശുശ്രൂ॒ഷേണ്യാം᳚ മനു॒ഷ്യേ᳚ഭ്യ॒സ്തം മാ॑ ദേ॒വാ അ॑വന്തു ശോ॒ഭായൈ॑ പി॒തരോഽനു॑മദന്തു ॥ ഓം ശാന്തിഃ॒ ശാന്തിഃ॒ ശാന്തിഃ॑ ॥ 4 ॥ ശന്നോ॒ വാതഃ॑ പവതാം മാത॒രിശ്വാ॒ ശന്ന॑ സ്തപതു॒ സൂര്യഃ॑ । അഹാ॑നി॒ ശം ഭ॑വന്തു ന॒ ശ്ശഗ്ം രാത്രിഃ॒ പ്രതി॑ധീയതാം ॥ ശമു॒ഷാ നോ॒ വ്യു॑ച്ഛതു॒ ശമാ॑ദി॒ത്യ ഉദേ॑തു നഃ । ശി॒വാ ന॒ ശ്ശന്ത॑മാഭവ സുമൃഡീ॒കാ സര॑സ്വതി । മാതേ॒ വ്യോ॑മ സം॒ദൃശി॑ ॥ 1 ഇഡാ॑യൈ॒ വാസ്ത്വ॑സി വാസ്തു॒മദ്വാ᳚സ്തു॒മന്തോ॑ ഭൂയാസ്മ॒ മാ വാസ്തോ᳚ശ്ഛിഥ്സ് മഹ്യവാ॒സ്തു സ്സ ഭൂ॑യാ॒ദ് യോ᳚ഽസ്മാൻ ദ്വേഷ്ടി॒ യം ച॑ വ॒യം ദ്വി॒ഷ്മഃ ॥ പ്ര॒തി॒ഷ്ഠാഽസി॑ പ്രതി॒ഷ്ഠാവം॑തോ ഭൂയാസ്മ॒ മാ പ്ര॑തി॒ഷ്ഠായാ᳚ഛിഥ്സ് മഹ്യ പ്രതി॒ഷ്ഠസ്സ ഭൂ॑യാ॒ദ് യോ᳚ഽസ്മാൻ ദ്വേഷ്ടി॒ യം ച॑ വ॒യം ദ്വി॒ഷ്മഃ ॥ 2 ആവാ॑ത വാഹി ഭേഷ॒ജം-വിഁവാ॑ത-വാഹി॒ യദ്രപഃ॑ । ത്വഗ്ംഹി വി॒ശ്വഭേ॑ഷജോ ദേ॒വാനാം᳚ ദൂ॒ത ഈയ॑സേ ॥ ദ്വാവി॒മൗ വാതൗ॑ വാത॒ ആസിന്ധോ॒രാ പ॑രാ॒വതഃ॑ । ദക്ഷം॑ മേ അ॒ന്യ ആ॒വാതു॒ പരാ॒ഽന്യോ വാ॑തു॒ യദ്രപഃ॑ ॥ യദ॒ദോ വാ॑ത തേ ഗൃ॒ഹേ॑ഽമൃത॑സ്യ നി॒ധിർ​ഹി॒തഃ । തതോ॑ നോ ദേഹി ജീ॒വസേ॒ തതോ॑ നോ ധേഹി ഭേഷ॒ജം । തതോ॑ നോ॒ മഹ॒ ആവ॑ഹ॒ വാത॒ ആവാ॑തു ഭേഷ॒ജം ॥ ശം॒ഭൂർ-മ॑യോ॒ഭൂർ-നോ॑ ഹൃ॒ദേ പ്രണ॒ ആയുഗ്ം॑ഷി താരിഷത് । ഇന്ദ്ര॑സ്യ ഗൃ॒ഹോ॑ഽസി॒ തം ത്വാ॒ പ്ര॑പദ്യേ॒ സഗു॒സ്സാശ്വഃ॑ । സ॒ഹ യന്മേ॒ അസ്തി॒ തേന॑ ॥ 3 ഭൂഃ പ്രപ॑ദ്യേ॒ ഭുവഃ॒ പ്രപ॑ദ്യേ॒ സുവഃ॒ പ്രപ॑ദ്യേ॒ ഭൂർഭുവ॒സ്സുവഃ॒ പ്രപ॑ദ്യേ വാ॒യും പ്രപ॒ദ്യേഽനാ᳚ർതാം ദേ॒വതാം॒ പ്രപ॒ദ്യേ-ഽശ്മാ॑നമാഖ॒ണം പ്രപ॑ദ്യേ പ്ര॒ജാപ॑തേർ ബ്രഹ്മകോ॒ശം ബ്രഹ്മ॒ പ്രപ॑ദ്യ॒ ഓം പ്രപ॑ദ്യേ ॥ അം॒തരി॑ക്ഷം മ ഉ॒ർവം॑തരം॑ ബൃ॒ഹദ॒ഗ്നയഃ॒ പർവ॑താശ്ച॒ യയാ॒ വാതഃ॑ സ്വ॒സ്ത്യാ സ്വ॑സ്തി॒മാന്തയാ᳚ സ്വ॒സ്ത്യാ സ്വ॑സ്തി॒ മാന॑സാനി ॥ പ്രാണാ॑പാനൗ മൃ॒ത്യോർ മാ॑ പാതം॒ പ്രാണാ॑പാനൗ॒ മാ മാ॑ ഹാസിഷ്ടം॒ മയി॑ മേ॒ധാം മയി॑ പ്ര॒ജാം മയ്യ॒ഗ്നി സ്തേജോ॑ ദധാതു॒ മയി॑ മേ॒ധാം മയി॑ പ്ര॒ജാം മയീന്ദ്ര॑ ഇന്ദ്രി॒യം ദ॑ധാതു॒ മയി॑ മേ॒ധാം മയി॑ പ്ര॒ജാം മയി॒ സൂര്യോ॒ ഭ്രാജോ॑ ദധാതു ॥ 4 ദ്യു॒ഭിര॒ക്തുഭിഃ॒ പരി॑പാത-മ॒സ്മാ-നരി॑ഷ്ടേഭിരശ്വിനാ॒ സൗഭ॑ഗേഭിഃ । തന്നോ॑ മി॒ത്രോ വരു॑ണോ മാമഹന്താ॒-മദി॑തിഃ॒-സിന്ധുഃ॑ പൃഥി॒വീ ഉ॒തദ്യൗഃ ॥ കയാ॑നശ്ചി॒ത്ര ആഭു॑വ ദൂ॒തീ സ॒ദാവൃ॑ധ॒ സ്സഖാ᳚ । കയാ॒ശചി॑ഷ്ഠയാ വൃ॒താ ॥ കസ്ത്വാ॑ സ॒ത്യോ മദാ॑നാം॒ മഗ്ംഹി॑ഷ്ഠോ മഥ്സ॒ദന്ധ॑സഃ । ദൃ॒ഢാ-ചി॑ദാ॒-രുജേ॒-വസു॑ ॥ അ॒ഭീഷുണ॒ സ്സഖീ॑നാ-മവി॒താ-ജ॑രിത്-ൠ॒ണാം । ശ॒തം ഭ॑വാസ്യൂ॒തിഭിഃ॑ ॥ വയ॑സ്സുപ॒ർണാ ഉപ॑സേദു॒രിന്ദ്രം॑ പ്രി॒യമേ॑ധാ॒ ഋഷ॑യോ॒ നാധ॑മാനാഃ । അപ॑ദ്ധ്വാം॒തമൂ᳚ർണു॒ഹി പൂ॒ർധിചക്ഷു॑ർ മുമു॒ഗ്ധ്യ॑സ്മാ-ന്നി॒ധയേ॑വ ബ॒ദ്ധാൻ ॥ ശന്നോ॑ ദേ॒വീര॒ഭിഷ്ട॑യ॒ ആപോ॑ ഭവന്തു പീ॒തയേ᳚ । ശം​യോഁ-ര॒ഭിസ്ര॑വന്തുനഃ ॥ ഈശാ॑നാ॒ വാര്യാ॑ണാം॒ ക്ഷയം॑തീ ശ്ചർ​ഷണീ॒നാം । അ॒പോ യാ॑ചാമി ഭേഷ॒ജം ॥ സു॒മി॒ത്രാന॒ ആപ॒ ഓഷ॑ധയ സ്സന്തു ദുർമി॒ത്രാസ്തസ്മൈ॑ ഭൂയാ-സു॒ര്യോ᳚ഽസ്മാൻ ദ്വേഷ്ടി॒ യം ച॑ വ॒യം ദ്വി॒ഷ്മഃ ॥ 5 ആപോ॒ഹിഷ്ഠാ മ॑യോ॒ഭുവ॒-സ്താന॑ ഊ॒ർജേ ദ॑ധാതന । മ॒ഹേ രണാ॑യ॒ ചക്ഷ॑സേ । യോ വഃ॑ ശി॒വത॑മോ॒ രസ॒സ്തസ്യ॑ ഭാജയതേ॒ഹ നഃ॑ । ഉ॒ശ॒തീരി॑വ മാ॒തരഃ॑ । തസ്മാ॒ അരം॑ ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ചനഃ ॥ പൃ॒ഥി॒വീ ശാം॒താ സാഽഗ്നിനാ॑ ശാം॒താ സാ മേ॑ ശാം॒താ ശുചഗ്ം॑ ശമയതു । അം॒തരി॑ക്ഷഗ്ം ശാം॒തം തദ് വാ॒യുനാ॑ ശാം॒തം തന്മേ॑ ശാം॒തഗ്ം ശുചഗ്ം॑ ശമയതു । ദ്യൗഃ ശാം॒താ സാഽഽദി॒ത്യേന॑ ശാം॒താ സാ മേ॑ ശാം॒താ ശുചഗ്ം॑ ശമയതു ॥ 6 പൃ॒ഥി॒വീ ശാന്തി॑രം॒തരി॑ക്ഷ॒ഗ്ം॒ ശാന്തി॒ർ ദ്യൗ ശ്ശാന്തി॒ർ ദിശഃ॒ ശാന്തി॑-രവാന്തരദി॒ശാഃ-ശാന്തി॑-ര॒ഗ്നിശ്ശാന്തി॑ർ-വാ॒യുശ്ശാന്തി॑-രാദി॒ത്യ ശ്ശാന്തി॑- ശ്ചം॒ദ്രമാ॒ ശ്ശാന്തി॒ർ-നക്ഷ॑ത്രാണി॒ ശാന്തി॒-രാപ॒ശ്ശാന്തി॒-രോഷ॑ധയ॒ ശ്ശാന്തി॒ർ- വന॒സ്പത॑യ॒ ശ്ശാന്തി॒ർ-ഗൗ ശ്ശാന്തി॑-ര॒ജാ ശാന്തി॒-രശ്വ॒ ശ്ശാന്തിഃ॒ പുരു॑ഷ॒ ശ്ശാന്തി॒ർ ബ്രഹ്മ॒ ശാന്തി॑ർ ബ്രാഹ്മ॒ണ ശ്ശാന്തി॒-ശ്ശാന്തി॑-രേ॒വ ശാന്തി॒ ശ്ശാന്തി॑ർ മേ അസ്തു ശാന്തിഃ॑ ॥ തയാ॒ഽഹഗ്ം ശാം॒ത്യാ സ॑ർവ ശാം॒ത്യാ മഹ്യം॑ ദ്വി॒പദേ॒ ചതു॑ഷ്പദേ ച॒ ശാന്തിം॑ കരോമി॒ ശാന്തി॑ർ മേ അസ്തു॒ ശാന്തിഃ॑ ॥ 7 ഏഹ॒ ശ്രീശ്ച॒ ഹ്രീശ്ച॒ ധൃതി॑ശ്ച॒ തപോ॑ മേ॒ധാ പ്ര॑തി॒ഷ്ഠാ ശ്ര॒ദ്ധാ സ॒ത്യം ധർമ॑ശ്ചൈ॒താനി॒ മോത്തി॑ഷ്ഠന്ത॒-മനൂത്തി॑ഷ്ഠന്തു॒ മാമാ॒ഗ്ഗ്॒​ ശ്രീശ്ച॒ ഹ്രീശ്ച॒ ധൃതി॑ശ്ച॒ തപോ॑ മേ॒ധാ പ്ര॑തി॒ഷ്ഠാ ശ്ര॒ദ്ധാ സ॒ത്യം ധർമ॑ശ്ചൈ॒താനി॑ മാ॒ മാ ഹാ॑സിഷുഃ ॥ ഉദായു॑ഷാ സ്വാ॒യുഷോ-ദോഷ॑ധീനാ॒ഗ്ം॒ രസേ॒നോത് പ॒ർജന്യ॑സ്യ॒ ശുഷ്മേ॒ണോദ॑സ്ഥാ- മ॒മൃതാ॒ഗ്ം॒ അനു॑ ॥ തച്ചക്ഷു॑ർ ദേ॒വഹി॑തം പു॒രസ്താ᳚-ച്ഛു॒ക്രമു॒ച്ചര॑ത് ॥ 8 പശ്യേ॑മ ശ॒രദ॑ശ്ശ॒തം ജീവേ॑മ ശ॒രദ॑ശ്ശ॒തം നന്ദാ॑മ ശ॒രദ॑ശ്ശ॒തം മോദാ॑മ ശ॒രദ॑ശ്ശ॒തം ഭവാ॑മ ശ॒രദ॑ശ്ശ॒തഗ്ം ശൃ॒ണവാ॑മ ശ॒രദ॑ശ്ശ॒തം പ്രബ്ര॑വാമ ശ॒രദ॑ശ്ശ॒ത-മജീ॑താസ്യാമ ശ॒രദ॑ശ്ശ॒തം ജോക്ച॒ സൂര്യം॑ ദൃ॒ശേ ॥ യ ഉദ॑ഗാൻ മഹ॒തോഽർണവാ᳚ൻ വി॒ബ്രാജ॑മാന-സ്സരി॒രസ്യ॒ മദ്ധ്യാ॒ഥ്സ മാ॑ വൃഷ॒ഭോ ലോ॑ഹിതാ॒ക്ഷ സ്സൂര്യോ॑ വിപ॒ശ്ചിൻ മന॑സാ പുനാതു ॥ 9 ബ്രഹ്മ॑ണ॒ശ്ചോത॑ന്യസി॒ ബ്രഹ്മ॑ണ ആ॒ണീസ്ഥോ॒ ബ്രഹ്മ॑ണ ആ॒വപ॑നമസി ധാരി॒തേയം പൃ॑ഥി॒വീ ബ്രഹ്മ॑ണാ മ॒ഹീ ധാ॑രി॒ത-മേ॑നേന മ॒ഹദം॒തരി॑ക്ഷം॒ ദിവം॑ ദാധാര പൃഥി॒വീഗ്ം സദേ॑വാം॒​യഁദ॒ഹം​വേഁദ॒ തദ॒ഹം ധാ॑രയാണി॒ മാമദ്വേദോഽധി॒ വിസ്ര॑സത് । മേ॒ധാ॒മ॒നീ॒ഷേ മാവി॑ശതാഗ്ം സ॒മീചീ॑ ഭൂ॒തസ്യ॒ ഭവ്യ॒സ്യാവ॑രുദ്ധ്യൈ॒ സർവ॒മായു॑രയാണി॒ സർവ॒മായു॑രയാണി ॥ 10 ആ॒ഭിർ ഗീ॒ർഭിർ യദതോ॑ന ഊ॒നമാപ്യാ॑യയ ഹരിവോ॒ വർധ॑മാനഃ । യ॒ദാ സ്തോ॒തൃഭ്യോ॒ മഹി॑ ഗോ॒ത്രാ രു॒ജാസി॑ ഭൂയിഷ്ഠ॒ഭാജോ॒ അധ॑തേ ശ്യാമ । ബ്രഹ്മ॒ പ്രാവാ॑ദിഷ്മ॒ തന്നോ॒ മാഹാ॑സീത് ॥ ഓം ശാന്തിഃ॒ ശാന്തിഃ॒ ശാന്തിഃ॑ ॥ 5 ॥