ಓಂ ಶಂ ನೋ॑ ಮಿ॒ತ್ರಶ್ಶಂ-ವಁರು॑ಣಃ । ಶಂ ನೋ॑ ಭವತ್ವರ್ಯ॒ಮಾ । ಶಂ ನ॒ ಇಂದ್ರೋ॒ ಬೃಹ॒ಸ್ಪತಿಃ॑ । ಶಂ ನೋ॒ ವಿಷ್ಣು॑ರುರುಕ್ರ॒ಮಃ । ನಮೋ॒ ಬ್ರಹ್ಮ॑ಣೇ । ನಮ॑ಸ್ತೇ ವಾಯೋ । ತ್ವಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮಾ॑ಸಿ । ತ್ವಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮ॑ ವದಿಷ್ಯಾಮಿ । ಋ॒ತಂ-ವಁ॑ದಿಷ್ಯಾಮಿ । ಸ॒ತ್ಯಂ-ವಁ॑ದಿಷ್ಯಾಮಿ । ತನ್ಮಾಮ॑ವತು । ತದ್ವ॒ಕ್ತಾರ॑ಮವತು । ಅವ॑ತು॒ ಮಾಂ । ಅವ॑ತು ವ॒ಕ್ತಾರಂ᳚ । ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥ 1 ॥ ಶಂ ನೋ॑ ಮಿ॒ತ್ರಶ್ಶಂ-ವಁರು॑ಣಃ । ಶಂ ನೋ॑ ಭವತ್ವರ್ಯ॒ಮಾ । ಶಂ ನ॒ ಇಂದ್ರೋ॒ ಬೃಹ॒ಸ್ಪತಿಃ॑ । ಶಂ ನೋ॒ ವಿಷ್ಣು॑ರುರುಕ್ರ॒ಮಃ । ನಮೋ॒ ಬ್ರಹ್ಮ॑ಣೇ । ನಮ॑ಸ್ತೇ ವಾಯೋ । ತ್ವಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮಾ॑ಸಿ । ತ್ವಾಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮಾವಾ॑ದಿಷಂ । ಋ॒ತಮ॑ವಾದಿಷಂ । ಸ॒ತ್ಯಮ॑ವಾದಿಷಂ । ತನ್ಮಾಮಾ॑ವೀತ್ । ತದ್ವ॒ಕ್ತಾರ॑ಮಾವೀತ್ । ಆವೀ॒ನ್ಮಾಂ । ಆವೀ᳚ದ್ವ॒ಕ್ತಾರಂ᳚ । ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥ 2 ॥ ಓಂ ಸ॒ಹ ನಾ॑ವವತು । ಸ॒ಹ ನೌ॑ ಭುನಕ್ತು । ಸ॒ಹ ವೀ॒ರ್ಯಂ॑ ಕರವಾವಹೈ । ತೇ॒ಜ॒ಸ್ವಿನಾ॒ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ । ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥ 3 ॥ ನಮೋ॑ ವಾ॒ಚೇ ಯಾ ಚೋ॑ದಿ॒ತಾ ಯಾ ಚಾನು॑ದಿತಾ॒ ತಸ್ಯೈ॑ ವಾ॒ಚೇ ನಮೋ॒ ನಮೋ॑ ವಾ॒ಚೇ ನಮೋ॑ ವಾ॒ಚಸ್ಪತ॑ಯೇ॒ ನಮ॒ ಋಷಿ॑ಭ್ಯೋ ಮಂತ್ರ॒ಕೃದ್ಭ್ಯೋ॒ ಮಂತ್ರ॑ಪತಿಭ್ಯೋ॒ ಮಾ ಮಾಮೃಷ॑ಯೋ ಮಂತ್ರ॒ಕೃತೋ॑ ಮಂತ್ರ॒ಪತ॑ಯಃ॒ ಪರಾ॑ದು॒ರ್ಮಾ-ಽಹಮೃಷೀ᳚ನ್ ಮಂತ್ರ॒ಕೃತೋ॑ ಮಂತ್ರ॒ಪತೀ॒ನ್ ಪರಾ॑ದಾಂ-ವೈಁಶ್ವದೇ॒ವೀಂ-ವಾಁಚ॑ಮುದ್ಯಾಸಗ್ಂ ಶಿ॒ವಾ ಮದ॑ಸ್ತಾಂ॒ಜುಷ್ಟಾಂ᳚ ದೇ॒ವೇಭ್ಯಃ॒ ಶರ್ಮ॑ ಮೇ॒ ದ್ಯೌಃ ಶರ್ಮ॑ ಪೃಥಿ॒ವೀ ಶರ್ಮ॒ ವಿಶ್ವ॑ಮಿ॒ದಂ ಜಗ॑ತ್ । ಶರ್ಮ॑ ಚಂ॒ದ್ರಶ್ಚ॒ ಸೂರ್ಯ॑ಶ್ಚ॒ ಶರ್ಮ॑ ಬ್ರಹ್ಮ ಪ್ರಜಾಪ॒ತೀ । ಭೂ॒ತಂ-ವಁ॑ದಿಷ್ಯೇ॒ ಭುವ॑ನಂ-ವಁದಿಷ್ಯೇ॒ ತೇಜೋ॑ ವದಿಷ್ಯೇ॒ ಯಶೋ॑ ವದಿಷ್ಯೇ॒ ತಪೋ॑ ವದಿಷ್ಯೇ॒ ಬ್ರಹ್ಮ॑ ವದಿಷ್ಯೇ ಸ॒ತ್ಯಂ-ವಁ॑ದಿಷ್ಯೇ॒ ತಸ್ಮಾ॑ ಅ॒ಹಮಿ॒ದ-ಮು॑ಪ॒ಸ್ತರ॑ಣ॒-ಮುಪ॑ಸ್ತೃಣ ಉಪ॒ಸ್ತರ॑ಣಂ ಮೇ ಪ್ರ॒ಜಾಯೈ॑ ಪಶೂ॒ನಾಂ ಭೂ॑ಯಾದುಪ॒ಸ್ತರ॑ಣಮ॒ಹಂ ಪ್ರ॒ಜಾಯೈ॑ ಪಶೂ॒ನಾಂ ಭೂ॑ಯಾಸಂ॒ ಪ್ರಾಣಾ॑ಪಾನೌ ಮೃ॒ತ್ಯೋರ್ಮಾ॑ಪಾತಂ॒ ಪ್ರಾಣಾ॑ಪಾನೌ॒ ಮಾ ಮಾ॑ ಹಾಸಿಷ್ಟಂ॒ ಮಧು॑ ಮನಿಷ್ಯೇ॒ ಮಧು॑ ಜನಿಷ್ಯೇ॒ ಮಧು॑ ವಕ್ಷ್ಯಾಮಿ॒ ಮಧು॑ ವದಿಷ್ಯಾಮಿ॒ ಮಧು॑ಮತೀಂ ದೇ॒ವೇಭ್ಯೋ॒ ವಾಚ॑ಮುದ್ಯಾಸಗ್ಂ ಶುಶ್ರೂ॒ಷೇಣ್ಯಾಂ᳚ ಮನು॒ಷ್ಯೇ᳚ಭ್ಯ॒ಸ್ತಂ ಮಾ॑ ದೇ॒ವಾ ಅ॑ವಂತು ಶೋ॒ಭಾಯೈ॑ ಪಿ॒ತರೋಽನು॑ಮದಂತು ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥ 4 ॥ ಶನ್ನೋ॒ ವಾತಃ॑ ಪವತಾಂ ಮಾತ॒ರಿಶ್ವಾ॒ ಶನ್ನ॑ ಸ್ತಪತು॒ ಸೂರ್ಯಃ॑ । ಅಹಾ॑ನಿ॒ ಶಂ ಭ॑ವಂತು ನ॒ ಶ್ಶಗ್ಂ ರಾತ್ರಿಃ॒ ಪ್ರತಿ॑ಧೀಯತಾಂ ॥ ಶಮು॒ಷಾ ನೋ॒ ವ್ಯು॑ಚ್ಛತು॒ ಶಮಾ॑ದಿ॒ತ್ಯ ಉದೇ॑ತು ನಃ । ಶಿ॒ವಾ ನ॒ ಶ್ಶಂತ॑ಮಾಭವ ಸುಮೃಡೀ॒ಕಾ ಸರ॑ಸ್ವತಿ । ಮಾತೇ॒ ವ್ಯೋ॑ಮ ಸಂ॒ದೃಶಿ॑ ॥ 1 ಇಡಾ॑ಯೈ॒ ವಾಸ್ತ್ವ॑ಸಿ ವಾಸ್ತು॒ಮದ್ವಾ᳚ಸ್ತು॒ಮಂತೋ॑ ಭೂಯಾಸ್ಮ॒ ಮಾ ವಾಸ್ತೋ᳚ಶ್ಛಿಥ್ಸ್ ಮಹ್ಯವಾ॒ಸ್ತು ಸ್ಸ ಭೂ॑ಯಾ॒ದ್ ಯೋ᳚ಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ ॥ ಪ್ರ॒ತಿ॒ಷ್ಠಾಽಸಿ॑ ಪ್ರತಿ॒ಷ್ಠಾವಂ॑ತೋ ಭೂಯಾಸ್ಮ॒ ಮಾ ಪ್ರ॑ತಿ॒ಷ್ಠಾಯಾ᳚ಛಿಥ್ಸ್ ಮಹ್ಯ ಪ್ರತಿ॒ಷ್ಠಸ್ಸ ಭೂ॑ಯಾ॒ದ್ ಯೋ᳚ಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ ॥ 2 ಆವಾ॑ತ ವಾಹಿ ಭೇಷ॒ಜಂ-ವಿಁವಾ॑ತ-ವಾಹಿ॒ ಯದ್ರಪಃ॑ । ತ್ವಗ್ಂಹಿ ವಿ॒ಶ್ವಭೇ॑ಷಜೋ ದೇ॒ವಾನಾಂ᳚ ದೂ॒ತ ಈಯ॑ಸೇ ॥ ದ್ವಾವಿ॒ಮೌ ವಾತೌ॑ ವಾತ॒ ಆಸಿಂಧೋ॒ರಾ ಪ॑ರಾ॒ವತಃ॑ । ದಕ್ಷಂ॑ ಮೇ ಅ॒ನ್ಯ ಆ॒ವಾತು॒ ಪರಾ॒ಽನ್ಯೋ ವಾ॑ತು॒ ಯದ್ರಪಃ॑ ॥ ಯದ॒ದೋ ವಾ॑ತ ತೇ ಗೃ॒ಹೇ॑ಽಮೃತ॑ಸ್ಯ ನಿ॒ಧಿರ್​ಹಿ॒ತಃ । ತತೋ॑ ನೋ ದೇಹಿ ಜೀ॒ವಸೇ॒ ತತೋ॑ ನೋ ಧೇಹಿ ಭೇಷ॒ಜಂ । ತತೋ॑ ನೋ॒ ಮಹ॒ ಆವ॑ಹ॒ ವಾತ॒ ಆವಾ॑ತು ಭೇಷ॒ಜಂ ॥ ಶಂ॒ಭೂರ್-ಮ॑ಯೋ॒ಭೂರ್-ನೋ॑ ಹೃ॒ದೇ ಪ್ರಣ॒ ಆಯುಗ್ಂ॑ಷಿ ತಾರಿಷತ್ । ಇಂದ್ರ॑ಸ್ಯ ಗೃ॒ಹೋ॑ಽಸಿ॒ ತಂ ತ್ವಾ॒ ಪ್ರ॑ಪದ್ಯೇ॒ ಸಗು॒ಸ್ಸಾಶ್ವಃ॑ । ಸ॒ಹ ಯನ್ಮೇ॒ ಅಸ್ತಿ॒ ತೇನ॑ ॥ 3 ಭೂಃ ಪ್ರಪ॑ದ್ಯೇ॒ ಭುವಃ॒ ಪ್ರಪ॑ದ್ಯೇ॒ ಸುವಃ॒ ಪ್ರಪ॑ದ್ಯೇ॒ ಭೂರ್ಭುವ॒ಸ್ಸುವಃ॒ ಪ್ರಪ॑ದ್ಯೇ ವಾ॒ಯುಂ ಪ್ರಪ॒ದ್ಯೇಽನಾ᳚ರ್ತಾಂ ದೇ॒ವತಾಂ॒ ಪ್ರಪ॒ದ್ಯೇ-ಽಶ್ಮಾ॑ನಮಾಖ॒ಣಂ ಪ್ರಪ॑ದ್ಯೇ ಪ್ರ॒ಜಾಪ॑ತೇರ್ ಬ್ರಹ್ಮಕೋ॒ಶಂ ಬ್ರಹ್ಮ॒ ಪ್ರಪ॑ದ್ಯ॒ ಓಂ ಪ್ರಪ॑ದ್ಯೇ ॥ ಅಂ॒ತರಿ॑ಕ್ಷಂ ಮ ಉ॒ರ್ವಂ॑ತರಂ॑ ಬೃ॒ಹದ॒ಗ್ನಯಃ॒ ಪರ್ವ॑ತಾಶ್ಚ॒ ಯಯಾ॒ ವಾತಃ॑ ಸ್ವ॒ಸ್ತ್ಯಾ ಸ್ವ॑ಸ್ತಿ॒ಮಾಂತಯಾ᳚ ಸ್ವ॒ಸ್ತ್ಯಾ ಸ್ವ॑ಸ್ತಿ॒ ಮಾನ॑ಸಾನಿ ॥ ಪ್ರಾಣಾ॑ಪಾನೌ ಮೃ॒ತ್ಯೋರ್ ಮಾ॑ ಪಾತಂ॒ ಪ್ರಾಣಾ॑ಪಾನೌ॒ ಮಾ ಮಾ॑ ಹಾಸಿಷ್ಟಂ॒ ಮಯಿ॑ ಮೇ॒ಧಾಂ ಮಯಿ॑ ಪ್ರ॒ಜಾಂ ಮಯ್ಯ॒ಗ್ನಿ ಸ್ತೇಜೋ॑ ದಧಾತು॒ ಮಯಿ॑ ಮೇ॒ಧಾಂ ಮಯಿ॑ ಪ್ರ॒ಜಾಂ ಮಯೀಂದ್ರ॑ ಇಂದ್ರಿ॒ಯಂ ದ॑ಧಾತು॒ ಮಯಿ॑ ಮೇ॒ಧಾಂ ಮಯಿ॑ ಪ್ರ॒ಜಾಂ ಮಯಿ॒ ಸೂರ್ಯೋ॒ ಭ್ರಾಜೋ॑ ದಧಾತು ॥ 4 ದ್ಯು॒ಭಿರ॒ಕ್ತುಭಿಃ॒ ಪರಿ॑ಪಾತ-ಮ॒ಸ್ಮಾ-ನರಿ॑ಷ್ಟೇಭಿರಶ್ವಿನಾ॒ ಸೌಭ॑ಗೇಭಿಃ । ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹಂತಾ॒-ಮದಿ॑ತಿಃ॒-ಸಿಂಧುಃ॑ ಪೃಥಿ॒ವೀ ಉ॒ತದ್ಯೌಃ ॥ ಕಯಾ॑ನಶ್ಚಿ॒ತ್ರ ಆಭು॑ವ ದೂ॒ತೀ ಸ॒ದಾವೃ॑ಧ॒ ಸ್ಸಖಾ᳚ । ಕಯಾ॒ಶಚಿ॑ಷ್ಠಯಾ ವೃ॒ತಾ ॥ ಕಸ್ತ್ವಾ॑ ಸ॒ತ್ಯೋ ಮದಾ॑ನಾಂ॒ ಮಗ್ಂಹಿ॑ಷ್ಠೋ ಮಥ್ಸ॒ದಂಧ॑ಸಃ । ದೃ॒ಢಾ-ಚಿ॑ದಾ॒-ರುಜೇ॒-ವಸು॑ ॥ ಅ॒ಭೀಷುಣ॒ ಸ್ಸಖೀ॑ನಾ-ಮವಿ॒ತಾ-ಜ॑ರಿತ್-ೠ॒ಣಾಂ । ಶ॒ತಂ ಭ॑ವಾಸ್ಯೂ॒ತಿಭಿಃ॑ ॥ ವಯ॑ಸ್ಸುಪ॒ರ್ಣಾ ಉಪ॑ಸೇದು॒ರಿಂದ್ರಂ॑ ಪ್ರಿ॒ಯಮೇ॑ಧಾ॒ ಋಷ॑ಯೋ॒ ನಾಧ॑ಮಾನಾಃ । ಅಪ॑ದ್ಧ್ವಾಂ॒ತಮೂ᳚ರ್ಣು॒ಹಿ ಪೂ॒ರ್ಧಿಚಕ್ಷು॑ರ್ ಮುಮು॒ಗ್ಧ್ಯ॑ಸ್ಮಾ-ನ್ನಿ॒ಧಯೇ॑ವ ಬ॒ದ್ಧಾನ್ ॥ ಶನ್ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವಂತು ಪೀ॒ತಯೇ᳚ । ಶಂ​ಯೋಁ-ರ॒ಭಿಸ್ರ॑ವಂತುನಃ ॥ ಈಶಾ॑ನಾ॒ ವಾರ್ಯಾ॑ಣಾಂ॒ ಕ್ಷಯಂ॑ತೀ ಶ್ಚರ್​ಷಣೀ॒ನಾಂ । ಅ॒ಪೋ ಯಾ॑ಚಾಮಿ ಭೇಷ॒ಜಂ ॥ ಸು॒ಮಿ॒ತ್ರಾನ॒ ಆಪ॒ ಓಷ॑ಧಯ ಸ್ಸಂತು ದುರ್ಮಿ॒ತ್ರಾಸ್ತಸ್ಮೈ॑ ಭೂಯಾ-ಸು॒ರ್ಯೋ᳚ಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ ॥ 5 ಆಪೋ॒ಹಿಷ್ಠಾ ಮ॑ಯೋ॒ಭುವ॒-ಸ್ತಾನ॑ ಊ॒ರ್ಜೇ ದ॑ಧಾತನ । ಮ॒ಹೇ ರಣಾ॑ಯ॒ ಚಕ್ಷ॑ಸೇ । ಯೋ ವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ । ಉ॒ಶ॒ತೀರಿ॑ವ ಮಾ॒ತರಃ॑ । ತಸ್ಮಾ॒ ಅರಂ॑ ಗಮಾಮವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚನಃ ॥ ಪೃ॒ಥಿ॒ವೀ ಶಾಂ॒ತಾ ಸಾಽಗ್ನಿನಾ॑ ಶಾಂ॒ತಾ ಸಾ ಮೇ॑ ಶಾಂ॒ತಾ ಶುಚಗ್ಂ॑ ಶಮಯತು । ಅಂ॒ತರಿ॑ಕ್ಷಗ್ಂ ಶಾಂ॒ತಂ ತದ್ ವಾ॒ಯುನಾ॑ ಶಾಂ॒ತಂ ತನ್ಮೇ॑ ಶಾಂ॒ತಗ್ಂ ಶುಚಗ್ಂ॑ ಶಮಯತು । ದ್ಯೌಃ ಶಾಂ॒ತಾ ಸಾಽಽದಿ॒ತ್ಯೇನ॑ ಶಾಂ॒ತಾ ಸಾ ಮೇ॑ ಶಾಂ॒ತಾ ಶುಚಗ್ಂ॑ ಶಮಯತು ॥ 6 ಪೃ॒ಥಿ॒ವೀ ಶಾಂತಿ॑ರಂ॒ತರಿ॑ಕ್ಷ॒ಗ್ಂ॒ ಶಾಂತಿ॒ರ್ ದ್ಯೌ ಶ್ಶಾಂತಿ॒ರ್ ದಿಶಃ॒ ಶಾಂತಿ॑-ರವಾಂತರದಿ॒ಶಾಃ-ಶಾಂತಿ॑-ರ॒ಗ್ನಿಶ್ಶಾಂತಿ॑ರ್-ವಾ॒ಯುಶ್ಶಾಂತಿ॑-ರಾದಿ॒ತ್ಯ ಶ್ಶಾಂತಿ॑- ಶ್ಚಂ॒ದ್ರಮಾ॒ ಶ್ಶಾಂತಿ॒ರ್-ನಕ್ಷ॑ತ್ರಾಣಿ॒ ಶಾಂತಿ॒-ರಾಪ॒ಶ್ಶಾಂತಿ॒-ರೋಷ॑ಧಯ॒ ಶ್ಶಾಂತಿ॒ರ್- ವನ॒ಸ್ಪತ॑ಯ॒ ಶ್ಶಾಂತಿ॒ರ್-ಗೌ ಶ್ಶಾಂತಿ॑-ರ॒ಜಾ ಶಾಂತಿ॒-ರಶ್ವ॒ ಶ್ಶಾಂತಿಃ॒ ಪುರು॑ಷ॒ ಶ್ಶಾಂತಿ॒ರ್ ಬ್ರಹ್ಮ॒ ಶಾಂತಿ॑ರ್ ಬ್ರಾಹ್ಮ॒ಣ ಶ್ಶಾಂತಿ॒-ಶ್ಶಾಂತಿ॑-ರೇ॒ವ ಶಾಂತಿ॒ ಶ್ಶಾಂತಿ॑ರ್ ಮೇ ಅಸ್ತು ಶಾಂತಿಃ॑ ॥ ತಯಾ॒ಽಹಗ್ಂ ಶಾಂ॒ತ್ಯಾ ಸ॑ರ್ವ ಶಾಂ॒ತ್ಯಾ ಮಹ್ಯಂ॑ ದ್ವಿ॒ಪದೇ॒ ಚತು॑ಷ್ಪದೇ ಚ॒ ಶಾಂತಿಂ॑ ಕರೋಮಿ॒ ಶಾಂತಿ॑ರ್ ಮೇ ಅಸ್ತು॒ ಶಾಂತಿಃ॑ ॥ 7 ಏಹ॒ ಶ್ರೀಶ್ಚ॒ ಹ್ರೀಶ್ಚ॒ ಧೃತಿ॑ಶ್ಚ॒ ತಪೋ॑ ಮೇ॒ಧಾ ಪ್ರ॑ತಿ॒ಷ್ಠಾ ಶ್ರ॒ದ್ಧಾ ಸ॒ತ್ಯಂ ಧರ್ಮ॑ಶ್ಚೈ॒ತಾನಿ॒ ಮೋತ್ತಿ॑ಷ್ಠಂತ॒-ಮನೂತ್ತಿ॑ಷ್ಠಂತು॒ ಮಾಮಾ॒ಗ್ಗ್॒​ ಶ್ರೀಶ್ಚ॒ ಹ್ರೀಶ್ಚ॒ ಧೃತಿ॑ಶ್ಚ॒ ತಪೋ॑ ಮೇ॒ಧಾ ಪ್ರ॑ತಿ॒ಷ್ಠಾ ಶ್ರ॒ದ್ಧಾ ಸ॒ತ್ಯಂ ಧರ್ಮ॑ಶ್ಚೈ॒ತಾನಿ॑ ಮಾ॒ ಮಾ ಹಾ॑ಸಿಷುಃ ॥ ಉದಾಯು॑ಷಾ ಸ್ವಾ॒ಯುಷೋ-ದೋಷ॑ಧೀನಾ॒ಗ್ಂ॒ ರಸೇ॒ನೋತ್ ಪ॒ರ್ಜನ್ಯ॑ಸ್ಯ॒ ಶುಷ್ಮೇ॒ಣೋದ॑ಸ್ಥಾ- ಮ॒ಮೃತಾ॒ಗ್ಂ॒ ಅನು॑ ॥ ತಚ್ಚಕ್ಷು॑ರ್ ದೇ॒ವಹಿ॑ತಂ ಪು॒ರಸ್ತಾ᳚-ಚ್ಛು॒ಕ್ರಮು॒ಚ್ಚರ॑ತ್ ॥ 8 ಪಶ್ಯೇ॑ಮ ಶ॒ರದ॑ಶ್ಶ॒ತಂ ಜೀವೇ॑ಮ ಶ॒ರದ॑ಶ್ಶ॒ತಂ ನಂದಾ॑ಮ ಶ॒ರದ॑ಶ್ಶ॒ತಂ ಮೋದಾ॑ಮ ಶ॒ರದ॑ಶ್ಶ॒ತಂ ಭವಾ॑ಮ ಶ॒ರದ॑ಶ್ಶ॒ತಗ್ಂ ಶೃ॒ಣವಾ॑ಮ ಶ॒ರದ॑ಶ್ಶ॒ತಂ ಪ್ರಬ್ರ॑ವಾಮ ಶ॒ರದ॑ಶ್ಶ॒ತ-ಮಜೀ॑ತಾಸ್ಯಾಮ ಶ॒ರದ॑ಶ್ಶ॒ತಂ ಜೋಕ್ಚ॒ ಸೂರ್ಯಂ॑ ದೃ॒ಶೇ ॥ ಯ ಉದ॑ಗಾನ್ ಮಹ॒ತೋಽರ್ಣವಾ᳚ನ್ ವಿ॒ಬ್ರಾಜ॑ಮಾನ-ಸ್ಸರಿ॒ರಸ್ಯ॒ ಮದ್ಧ್ಯಾ॒ಥ್ಸ ಮಾ॑ ವೃಷ॒ಭೋ ಲೋ॑ಹಿತಾ॒ಕ್ಷ ಸ್ಸೂರ್ಯೋ॑ ವಿಪ॒ಶ್ಚಿನ್ ಮನ॑ಸಾ ಪುನಾತು ॥ 9 ಬ್ರಹ್ಮ॑ಣ॒ಶ್ಚೋತ॑ನ್ಯಸಿ॒ ಬ್ರಹ್ಮ॑ಣ ಆ॒ಣೀಸ್ಥೋ॒ ಬ್ರಹ್ಮ॑ಣ ಆ॒ವಪ॑ನಮಸಿ ಧಾರಿ॒ತೇಯಂ ಪೃ॑ಥಿ॒ವೀ ಬ್ರಹ್ಮ॑ಣಾ ಮ॒ಹೀ ಧಾ॑ರಿ॒ತ-ಮೇ॑ನೇನ ಮ॒ಹದಂ॒ತರಿ॑ಕ್ಷಂ॒ ದಿವಂ॑ ದಾಧಾರ ಪೃಥಿ॒ವೀಗ್ಂ ಸದೇ॑ವಾಂ॒​ಯಁದ॒ಹಂ​ವೇಁದ॒ ತದ॒ಹಂ ಧಾ॑ರಯಾಣಿ॒ ಮಾಮದ್ವೇದೋಽಧಿ॒ ವಿಸ್ರ॑ಸತ್ । ಮೇ॒ಧಾ॒ಮ॒ನೀ॒ಷೇ ಮಾವಿ॑ಶತಾಗ್ಂ ಸ॒ಮೀಚೀ॑ ಭೂ॒ತಸ್ಯ॒ ಭವ್ಯ॒ಸ್ಯಾವ॑ರುದ್ಧ್ಯೈ॒ ಸರ್ವ॒ಮಾಯು॑ರಯಾಣಿ॒ ಸರ್ವ॒ಮಾಯು॑ರಯಾಣಿ ॥ 10 ಆ॒ಭಿರ್ ಗೀ॒ರ್ಭಿರ್ ಯದತೋ॑ನ ಊ॒ನಮಾಪ್ಯಾ॑ಯಯ ಹರಿವೋ॒ ವರ್ಧ॑ಮಾನಃ । ಯ॒ದಾ ಸ್ತೋ॒ತೃಭ್ಯೋ॒ ಮಹಿ॑ ಗೋ॒ತ್ರಾ ರು॒ಜಾಸಿ॑ ಭೂಯಿಷ್ಠ॒ಭಾಜೋ॒ ಅಧ॑ತೇ ಶ್ಯಾಮ । ಬ್ರಹ್ಮ॒ ಪ್ರಾವಾ॑ದಿಷ್ಮ॒ ತನ್ನೋ॒ ಮಾಹಾ॑ಸೀತ್ ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥ 5 ॥