हैंహైHaindavamஹிહિં
📍
Font Size:
മാണ്ഡൂക്യ ഉപനിഷദ്
ഓം ഭ॒ദ്രം കർണേ॑ഭിഃ ശൃണു॒യാമ॑ ദേവാഃ । ഭ॒ദ്രം പ॑ശ്യേമാ॒ക്ഷഭി॒-ര്യജ॑ത്രാഃ । സ്ഥി॒രൈരംഗൈ᳚സ്തുഷ്ടു॒വാഗ്ം സ॑സ്ത॒നൂഭിഃ॑ । വ്യശേ॑മ ദേ॒വഹി॑തം॒-യഁദായുഃ॑ । സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑-ര്ദധാതു ॥
ഓം ശാന്തിഃ॒ ശാന്തിഃ॒ ശാന്തിഃ॑ ॥
॥ അഥ മാണ്ഡൂക്യോപനിഷത് ॥
ഹരിഃ ഓം ।
ഓമിത്യേതദക്ഷരമിദഗ്ം സർവം തസ്യോപവ്യാഖ്യാനം
ഭൂതം ഭവദ് ഭവിഷ്യദിതി സർവമോങ്കാര ഏവ
യച്ചാന്യത് ത്രികാലാതീതം തദപ്യോങ്കാര ഏവ ॥ 1 ॥
സർവഗ്ം ഹ്യേതദ് ബ്രഹ്മായമാത്മാ ബ്രഹ്മ സോഽയമാത്മാ ചതുഷ്പാത് ॥ 2 ॥
ജാഗരിതസ്ഥാനോ ബഹിഷ്പ്രജ്ഞഃ സപ്താംഗ ഏകോനവിംശതിമുഖഃ
സ്ഥൂലഭുഗ്വൈശ്വാനരഃ പ്രഥമഃ പാദഃ ॥ 3 ॥
സ്വപ്നസ്ഥാനോഽന്തഃപ്രജ്ഞഃ സപ്താംഗ ഏകോനവിംശതിമുഖഃ
പ്രവിവിക്തഭുക്തൈജസോ ദ്വിതീയഃ പാദഃ ॥ 4 ॥
യത്ര സുപ്തോ ന കഞ്ചന കാമം കാമയതേ ന കഞ്ചന സ്വപ്നം
പശ്യതി തത് സുഷുപ്തം । സുഷുപ്തസ്ഥാന ഏകീഭൂതഃ പ്രജ്ഞാനഘന
ഏവാനന്ദമയോ ഹ്യാനന്ദഭുക് ചേതോമുഖഃ പ്രാജ്ഞസ്തൃതീയഃ പാദഃ ॥ 5 ॥
ഏഷ സർവേശ്വരഃ ഏഷ സർവജ്ഞ ഏഷോഽന്തര്യാമ്യേഷ യോനിഃ സർവസ്യ
പ്രഭവാപ്യയൗ ഹി ഭൂതാനാം ॥ 6 ॥
നാന്തഃപ്രജ്ഞം ന ബഹിഷ്പ്രജ്ഞം നോഭയതഃപ്രജ്ഞം ന പ്രജ്ഞാനഘനം
ന പ്രജ്ഞം നാപ്രജ്ഞം । അദൃഷ്ടമവ്യവഹാര്യമഗ്രാഹ്യമലക്ഷണം
അചിന്ത്യമവ്യപദേശ്യമേകാത്മപ്രത്യയസാരം പ്രപഞ്ചോപശമം
ശാന്തം ശിവമദ്വൈതം ചതുർഥം മന്യന്തേ സ ആത്മാ സ വിജ്ഞേയഃ ॥ 7 ॥
സോഽയമാത്മാധ്യക്ഷരമോങ്കാരോഽധിമാത്രം പാദാ മാത്രാ മാത്രാശ്ച പാദാ
അകാര ഉകാരോ മകാര ഇതി ॥ 8 ॥
ജാഗരിതസ്ഥാനോ വൈശ്വാനരോഽകാരഃ പ്രഥമാ മാത്രാഽഽപ്തേരാദിമത്ത്വാദ്
വാഽഽപ്നോതി ഹ വൈ സർവാൻ കാമാനാദിശ്ച ഭവതി യ ഏവം-വേഁദ ॥ 9 ॥
സ്വപ്നസ്ഥാനസ്തൈജസ ഉകാരോ ദ്വിതീയാ മാത്രോത്കർഷാത്
ഉഭയത്വാദ്വോത്കർഷതി ഹ വൈ ജ്ഞാനസന്തതിം സമാനശ്ച ഭവതി
നാസ്യാബ്രഹ്മവിത്കുലേ ഭവതി യ ഏവം-വേഁദ ॥ 10 ॥
സുഷുപ്തസ്ഥാനഃ പ്രാജ്ഞോ മകാരസ്തൃതീയാ മാത്രാ മിതേരപീതേർവാ
മിനോതി ഹ വാ ഇദം സർവമപീതിശ്ച ഭവതി യ ഏവം-വേഁദ ॥ 11 ॥
അമാത്രശ്ചതുർഥോഽവ്യവഹാര്യഃ പ്രപഞ്ചോപശമഃ ശിവോഽദ്വൈത
ഏവമോങ്കാര ആത്മൈവ സംവിഁശത്യാത്മനാഽഽത്മാനം-യഁ ഏവം-വേഁദ ॥ 12 ॥
॥ ഇതി മാണ്ഡൂക്യോപനിഷത് സമാപ്താ ॥
Recite with devotion and pure heart
Regular practice brings spiritual benefits