యది మన్యసే సువేదేతి దహరమేవాపి నూనం త్వం-వేఀత్థ బ్రహ్మణో రూపం । యదస్య త్వం-యఀదస్య దేవేష్వథ ను మీమామ్స్యమేవ తే మన్యే విదితం ॥ 1॥ నాహం మన్యే సువేదేతి నో న వేదేతి వేద చ । యో నస్తద్వేద తద్వేద నో న వేదేతి వేద చ ॥ 2॥ యస్యామతం తస్య మతం మతం-యఀస్య న వేద సః । అవిజ్ఞాతం-విఀజానతాం-విఀజ్ఞాతమవిజానతాం ॥ 3॥ ప్రతిబోధవిదితం మతమమృతత్వం హి విందతే । ఆత్మనా విందతే వీర్యం-విఀద్యయా విందతేఽమృతం ॥ 4॥ ఇహ చేదవేదీదథ సత్యమస్తి న చేదిహావేదీన్మహతీ వినష్టిః । భూతేషు భూతేషు విచిత్య ధీరాః ప్రేత్యాస్మాల్లోకాదమృతా భవంతి ॥ 5॥ ॥ ఇతి కేనోపనిషది ద్వితీయః ఖండః ॥