ಓಂ ಪ್ರಾ॒ತರ॒ಗ್ನಿಂ ಪ್ರಾ॒ತರಿಂದ್ರಗ್ಂ॑ ಹವಾಮಹೇ ಪ್ರಾ॒ತರ್ಮಿ॒ತ್ರಾ ವರು॑ಣಾ ಪ್ರಾ॒ತರ॒ಶ್ವಿನಾ᳚ । ಪ್ರಾ॒ತರ್ಭಗಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ॑ ಪ್ರಾ॒ತಃ ಸೋಮ॑ಮು॒ತ ರು॒ದ್ರಗ್ಂ ಹು॑ವೇಮ ॥ 1 ॥ ಪ್ರಾ॒ತ॒ರ್ಜಿತಂ॒ ಭ॑ಗಮು॒ಗ್ರಗ್ಂ ಹು॑ವೇಮ ವ॒ಯಂ ಪು॒ತ್ರಮದಿ॑ತೇ॒ರ್ಯೋ ವಿ॑ಧ॒ರ್ತಾ । ಆ॒ದ್ಧ್ರಶ್ಚಿ॒ದ್ಯಂ ಮನ್ಯ॑ಮಾನಸ್ತು॒ರಶ್ಚಿ॒ದ್ರಾಜಾ॑ ಚಿ॒ದ್ಯಂ ಭಗಂ॑ ಭ॒ಕ್ಷೀತ್ಯಾಹ॑ ॥ 2 ॥ ಭಗ॒ ಪ್ರಣೇ॑ತ॒ರ್ಭಗ॒ ಸತ್ಯ॑ರಾಧೋ॒ ಭಗೇ॒ಮಾಂ ಧಿಯ॒ಮುದ॑ವ॒ದದ॑ನ್ನಃ । ಭಗ॒ಪ್ರಣೋ॑ ಜನಯ॒ ಗೋಭಿ॒ರಶ್ವೈ॒ರ್ಭಗ॒ಪ್ರನೃಭಿ॑ರ್ನೃ॒ವಂತ॑ಸ್ಸ್ಯಾಮ ॥ 3 ॥ ಉ॒ತೇದಾನೀಂ॒ ಭಗ॑ವಂತಸ್ಸ್ಯಾಮೋ॒ತ ಪ್ರಪಿ॒ತ್ವ ಉ॒ತ ಮಧ್ಯೇ॒ ಅಹ್ನಾಂ᳚ । ಉ॒ತೋದಿ॑ತಾ ಮಘವಂ॒ಥ್​ಸೂರ್ಯ॑ಸ್ಯ ವ॒ಯಂ ದೇ॒ವಾನಾಗ್ಂ॑ ಸುಮ॒ತೌ ಸ್ಯಾ॑ಮ ॥ 4 ॥ ಭಗ॑ ಏ॒ವ ಭಗ॑ವಾಗ್ಂ ಅಸ್ತು ದೇವಾ॒ಸ್ತೇನ॑ ವ॒ಯಂ ಭಗ॑ವಂತಸ್ಸ್ಯಾಮ । ತಂ ತ್ವಾ॑ ಭಗ॒ ಸರ್ವ॒ ಇಜ್ಜೋ॑ಹವೀಮಿ॒ ಸನೋ॑ ಭಗ ಪುರ ಏ॒ತಾ ಭ॑ವೇಹ ॥ 5 ॥ ಸಮ॑ಧ್ವ॒ರಾಯೋ॒ಷಸೋ॑ಽನಮಂತ ದಧಿ॒ಕ್ರಾವೇ॑ವ॒ ಶುಚಯೇ॑ ಪ॒ದಾಯ॑ । ಅ॒ರ್ವಾ॒ಚೀ॒ನಂ-ವಁ॑ಸು॒ವಿದಂ॒ ಭಗ॑ನ್ನೋ॒ ರಥ॑ಮಿ॒ವಾಽಶ್ವಾ॑ವಾ॒ಜಿನ॒ ಆವ॑ಹಂತು ॥ 6 ॥ ಅಶ್ವಾ॑ವತೀ॒ರ್ಗೋಮ॑ತೀರ್ನ ಉ॒ಷಾಸೋ॑ ವೀ॒ರವ॑ತೀ॒ಸ್ಸದ॑ಮುಚ್ಛಂತು ಭ॒ದ್ರಾಃ । ಘೃ॒ತಂ ದುಹಾ॑ನಾ ವಿ॒ಶ್ವತಃ॒ ಪ್ರಪೀ॑ನಾ ಯೂ॒ಯಂ ಪಾ॑ತ ಸ್ವ॒ಸ್ತಿಭಿ॒ಸ್ಸದಾ॑ ನಃ ॥ 7 ॥ ಯೋ ಮಾ᳚ಽಗ್ನೇ ಭಾ॒ಗಿನಗ್ಂ॑ ಸಂ॒ತಮಥಾ॑ಭಾ॒ಗಂ॑ ಚಿಕೀ॑ಋಷತಿ । ಅಭಾ॒ಗಮ॑ಗ್ನೇ॒ ತಂ ಕು॑ರು॒ ಮಾಮ॑ಗ್ನೇ ಭಾ॒ಗಿನಂ॑ ಕುರು ॥ 8 ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥