हैंహైHaindavamஹிહિં
📍
Font Size:
അന്ന സൂക്തം - കൃഷ്ണ യജുർവേദം
അ॒ഹമ॑സ്മി പ്രഥ॒മജാ ഋ॒തസ്യ॑ ।
പൂർവം॑ ദേ॒വേഭ്യോ॑ അ॒മൃത॑സ്യ॒ നാഭി॑: ।
യോ മാ॒ ദദാ॑തി॒ സ ഇദേ॒വ മാഽഽവാ᳚: ।
അ॒ഹമന്ന॒മന്ന॑മ॒ദന്ത॑മദ്മി ।
പൂർവ॑മ॒ഗ്നേരപി॑ ദഹ॒ത്യന്നം᳚ ।
യ॒ത്തൗ ഹാ॑ഽഽസാതേ അഹമുത്ത॒രേഷു॑ ।
വ്യാത്ത॑മസ്യ പ॒ശവ॑: സു॒ജംഭം᳚ ।
പശ്യ॑ന്തി॒ ധീരാ॒: പ്രച॑രന്തി॒ പാകാ᳚: ।
ജഹാ᳚മ്യ॒ന്യം ന ജ॑ഹാമ്യ॒ന്യം ।
അ॒ഹമന്നം॒ വശ॒മിച്ച॑രാമി ॥ 1
സ॒മാ॒നമർഥം॒ പര്യേ॑മി ഭു॒ഞ്ജത് ।
കോ മാമന്നം॑ മനു॒ഷ്യോ॑ ദയേത ।
പരാ॑കേ॒ അന്നം॒ നിഹി॑തം ലോ॒ക ഏ॒തത് ।
വിശ്വൈ᳚ർദേ॒വൈഃ പി॒തൃഭി॑ർഗു॒പ്തമന്നം᳚ ।
യദ॒ദ്യതേ॑ ലു॒പ്യതേ॒ യത്പ॑രോ॒പ്യതേ᳚ ।
ശ॒ത॒ത॒മീ സാ ത॒നൂർമേ॑ ബഭൂവ ।
മ॒ഹാന്തൗ॑ ച॒രൂ സ॑കൃദ്ദു॒ഗ്ധേന॑ പപ്രൗ ।
ദിവം॑ ച॒ പൃശ്നി॑ പൃഥി॒വീം ച॑ സാ॒കം ।
തത്സം॒പിബ॑ന്തോ॒ ന മി॑നന്തി വേ॒ധസ॑: ।
നൈതദ്ഭൂയോ॒ ഭവ॑തി॒ നോ കനീ॑യഃ ॥ 2
അന്നം॑ പ്രാ॒ണമന്ന॑മപാ॒നമാ॑ഹുഃ ।
അന്നം॑ മൃ॒ത്യും തമു॑ ജീ॒വാതു॑മാഹുഃ ।
അന്നം॑ ബ്ര॒ഹ്മാണോ॑ ജ॒രസം॑ വദന്തി ।
അന്ന॑മാഹുഃ പ്ര॒ജന॑നം പ്ര॒ജാനാം᳚ ।
മോഘ॒മന്നം॑ വിന്ദതേ॒ അപ്ര॑ചേതാഃ ।
സ॒ത്യം ബ്ര॑വീമി വ॒ധ ഇത്സ തസ്യ॑ ।
നാര്യ॒മണം॒ പുഷ്യ॑തി॒ നോ സഖാ॑യം ।
കേവ॑ലാഘോ ഭവതി കേവലാ॒ദീ ।
അ॒ഹം മേ॒ഘഃ സ്ത॒നയ॒ന്വർഷ॑ന്നസ്മി ।
മാമ॑ദന്ത്യ॒ഹമ॑ദ്മ്യ॒ന്യാൻ ॥ 3
[ അഹ॒ഗ്ം സദ॒മൃതോ॑ ഭവാമി ।
മദാ॑ദി॒ത്യാ അധി॒ സർവേ॑ തപന്തി । ]
Recite with devotion and pure heart
Regular practice brings spiritual benefits