అ॒గ్నిమీ॑లే పు॒రోహి॑తం-యఀ॒జ్ఞస్య॑ దే॒వమృ॒త్విజం॑ । హోతా॑రం రత్న॒ధాత॑మం ॥ 1 అ॒గ్నిః పూర్వే॑భి॒ర్​ఋషి॑భి॒రీడ్యో॒ నూత॑నైరు॒త । స దే॒వా।ణ్ ఏహ వ॑క్షతి ॥ 2 అ॒గ్నినా॑ ర॒యిమ॑శ్నవ॒త్పోష॑మే॒వ ది॒వేది॑వే । య॒శసం॑-వీఀ॒రవ॑త్తమం ॥ 3 అగ్నే॒ యం-యఀ॒జ్ఞమ॑ధ్వ॒రం-విఀ॒శ్వతః॑ పరి॒భూరసి॑ । స ఇద్దే॒వేషు॑ గచ్ఛతి ॥ 4 అ॒గ్నిర్​హోతా॑ క॒విక్ర॑తుః స॒త్యశ్చి॒త్రశ్ర॑వస్తమః । దే॒వో దే॒వేభి॒రా గ॑మత్ ॥ 5 యదం॒గ దా॒శుషే॒ త్వమగ్నే॑ భ॒ద్రం క॑రి॒ష్యసి॑ । తవేత్తత్స॒త్యమం॑గిరః ॥ 6 ఉప॑ త్వాగ్నే ది॒వేది॑వే॒ దోషా॑వస్తర్ధి॒యా వ॒యం । నమో॒ భరం॑త॒ ఏమ॑సి ॥ 7 రాజం॑తమధ్వ॒రాణాం॑ గో॒పామృ॒తస్య॒ దీది॑విం । వర్ధ॑మానం॒ స్వే దమే॑ ॥ 8 స నః॑ పి॒తేవ॑ సూ॒నవేఽగ్నే॑ సూపాయ॒నో భ॑వ । సచ॑స్వా నః స్వ॒స్తయే॑ ॥ 9