ஶ்ரீ விஷ்ணு கவச ஸ்தோத்ரம்

த்⁴யானம் –

ஶாந்தாகாரம்ʼ பு⁴ஜக³ஶயனம்ʼ பத்³மநாப⁴ம்ʼ ஸுரேஶம்ʼ

விஶ்வாகாரம்ʼ க³க³னஸத்³ருʼஶம்ʼ மேக⁴வர்ணம்ʼ ஶுபா⁴ங்க³ம் ।

லக்ஷ்மீகாந்தம்ʼ கமலநயனம்ʼ யோகி³ஹ்ருʼத்³த்⁴யானக³ம்யம்ʼ

வந்தே³ விஷ்ணும்ʼ ப⁴வப⁴யஹரம்ʼ ஸர்வலோகைகநாத²ம் ॥

கவசம் –

ஓம் । பூர்வதோ மாம்ʼ ஹரி꞉ பாது பஶ்சாச்சக்ரீ ச த³க்ஷிணே ।

க்ருʼஷ்ண உத்தரத꞉ பாது ஶ்ரீஶோ விஷ்ணுஶ்ச ஸர்வத꞉ ॥ 1 ॥

ஊர்த்⁴வமானந்த³க்ருʼத் பாது அத⁴ஸ்தாச்சா²ர்ங்க³ப்⁴ருʼத் ஸதா³ ।

பாதௌ³ பாது ஸரோஜாங்க்⁴ரி꞉ ஜங்கே⁴ பாது ஜனார்த³ன꞉ ॥ 2 ॥

ஜானுனீ மே ஜக³ந்நாத²꞉ ஊரூ பாது த்ரிவிக்ரம꞉ ।

கு³ஹ்யம்ʼ பாது ஹ்ருʼஷீகேஶ꞉ ப்ருʼஷ்ட²ம்ʼ பாது மமாவ்யய꞉ ॥ 3 ॥

பாது நாபி⁴ம்ʼ மமானந்த꞉ குக்ஷிம்ʼ ராக்ஷஸமர்த³ன꞉ ।

தா³மோத³ரோ மே ஹ்ருʼத³யம்ʼ வக்ஷ꞉ பாது ந்ருʼகேஸரீ ॥ 4 ॥

கரௌ மே காலியாராதி꞉ பு⁴ஜௌ ப⁴க்தார்திப⁴ஞ்ஜன꞉ ।

கண்ட²ம்ʼ காலாம்பு³த³ஶ்யாம꞉ ஸ்கந்தௌ⁴ மே கம்ʼஸமர்த³ன꞉ ॥ 5 ॥

நாராயணோ(அ)வ்யான்னாஸாம்ʼ மே கர்ணௌ கேஶிப்ரப⁴ஞ்ஜன꞉ ।

கபோலே பாது வைகுண்டோ² ஜிஹ்வாம்ʼ பாது த³யாநிதி⁴꞉ ॥ 6 ॥

ஆஸ்யம்ʼ த³ஶாஸ்யஹந்தா(அ)வ்யாந்நேத்ரே மே ஹரிலோசன꞉ ।

ப்⁴ருவௌ மே பாது பூ⁴மீஶோ லலாடம்ʼ மே ஸதா³(அ)ச்யுத꞉ ॥ 7 ॥

முக²ம்ʼ மே பாது கோ³விந்த³꞉ ஶிரோ க³ருட³வாஹன꞉ ।

மாம்ʼ ஶேஷஶாயீ ஸர்வேப்⁴யோ வ்யாதி⁴ப்⁴யோ ப⁴க்தவத்ஸல꞉ ॥ 8 ॥

பிஶாசாக்³னி ஜலேப்⁴யோ மாமாபத்³ப்⁴யோ பாது வாமன꞉ ।

ஸர்வேப்⁴யோ து³ரிதேப்⁴யஶ்ச பாது மாம்ʼ புருஷோத்தம꞉ ॥ 9 ॥

இத³ம்ʼ ஶ்ரீவிஷ்ணுகவசம்ʼ ஸர்வமங்க³லதா³யகம் ।

ஸர்வரோக³ப்ரஶமனம்ʼ ஸர்வஶத்ருவிநாஶனம் ॥ 10 ॥

இதி ஶ்ரீ விஷ்ணு கவசம் ।

Recite with devotion and pure heart

Regular practice brings spiritual benefits